澳門2A巴士

出自維基百科,自由嘅百科全書
(由澳門2A號巴士跳轉過嚟)
Jump to navigation Jump to search

管理資訊
監管者 DSAT.png 交通事務局
經營者 20px澳巴
所屬車廠 北安車廠
路線用車 五洲龍FDG6951G

路線資訊
路線圖

服務資訊
服務時間 東方明珠:06:36-23:21
亞馬喇前地:07:00-23:40
班次間隔 平時繁忙時間8-10分鐘
平時10-12分鐘
禮拜同公眾假期繁忙時間10-12分鐘
禮拜同公眾假期平時12-15分鐘
全程收費 六蚊葡幣
主要競爭交通 水坑尾 > 黑沙環:2

澳門2A巴士係一條由澳門公共汽車有限公司做緊,由東方明珠總站來回亞馬喇前地嘅巴士線。

背景[編輯]

1998年,2A巴士前身由新福利成立,當年澳門東北區快速發展,新福利響2號原線上,開咗2號短線。但係由於條線未經當時澳葡政府工務運輸司批准,響開咗幾個月之後就停駛。

2009年4月26號,交通事務局進行第二階段巴士線調整,2號短線改做2A,重改埋頭尾總站,由「東方明珠總站」來回「亞馬喇前地總站」。2號短線,原來由順景廣場總站來回南灣/羅保博士街,路程同2號一樣相同,只係唔經新馬路媽閣廟[1]。當時班次係19:30之前就15-22分鐘一班、19:30之後24-26分鐘一班,比2號疏咗一倍。

2011年8月1號,新巴士服務務式正式實行,呢條線判咗畀澳門公共汽車有限公司嚟做,重加強班次到8-12分鐘一班。

2015年6月12號,因為新雅馬路行車天橋開通,由「東方明珠總站」開到「東北大馬路/東華」之後,改經新雅馬路行車天橋,唔停「慕拉士/飛通大廈」[2]

2017年4月22號,去東方明珠方向:響停靠「電力公司」之後,取消咗「慕拉士/發電廠」。

2017年6月1號,調整禮拜同公眾假期班次,由而家8-12分鐘,改做繁忙時間10-12分鐘、平時12-15分鐘[3]

2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線受澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[4][5]

2018年4月21號,澳門巴士票價調整,呢條線嘅收費亦跟住調整:全程收費係六蚊葡幣,唔再分區收費。

用車[編輯]

受髮夾彎彎位影響,巴士公司好少派出10米或以上巴士嚟行。

新福利時代[編輯]

  • 蘇州金龍KLQ6930G(主力)
  • 三菱Rosa(主力)
  • 平治O814型中巴(特見)

澳巴時代[編輯]

2013年8月9號之前:

  • 五洲龍FDG6920G(主力)
  • 五州龍FDG6751G(特見)

2013年8月9號開始:

  • 五洲龍FDG6951G(主力)
  • 五洲龍FDG6920G(特見)

走線[編輯]

車費[編輯]

  • 全程車費:澳門幣三個二。
  • 用澳門通普通卡,只係扣兩蚊,其餘由政府畀。
  • 用澳門通學生卡,只係扣一蚊,其餘由政府畀。
  • 用澳門通長者卡,只係扣三毫子,其餘由政府畀。
  • 用澳門通殘疾卡,只係扣三毫子,其餘由政府畀。
  • 澳門通IC卡月票適用。

服務[編輯]

服務時間 平時(星期一至六) 禮拜同公眾假期
東方明珠 06:30-23:25
亞馬喇前地 06:55-23:45
班次 繁忙時間8-10分鐘,平時10-12分鐘 繁忙時間10-12分鐘,平時12-15分鐘

停站[編輯]

2A線走線圖
去亞馬喇前地方向 去東方明珠總站方向
  1. 東方明珠總站
  2. 勞動節大馬路
  3. 東北大馬路/廣華
  4. 東北大馬路/東華
  5. 新雅馬路/母親會
  6. 二龍喉公園
  7. 得勝花園
  8. 塔石體育館
  9. 水坑尾/公共行政大樓
  10. 八角亭
  11. 亞馬喇前地
  1. 亞馬喇前地
  2. 約翰四世大馬路/馬統領街
  3. 水坑尾街
  4. 盧廉若公園
  5. 荷蘭花園
  6. 荷蘭園/柏蕙
  7. 鮑思高球場
  8. 電力公司
  9. 東北大馬路/海濱
  10. 勞動節街/中葡職業技術學校
  11. 黑沙環中街/黑沙環衛生中心
  12. 東方明珠總站
  • 途經站數:23站。

客量[編輯]

呢條線都可以話黑沙環一帶冇噉多客嘅巴士線,雖然係輔助2號,但係班次非常疏(同2號或其他對手嚟比),而且對手班次都比呢條線要密,加埋12號比2A重更快同方便乘客,另外2A亦冇獨市路段,令搭客非常少,新福利時期重派出三菱Rosa嚟慳錢,平時大部份班次都係吉車遊街收場。部分乘客重會響平時情願等12號都唔肯搭2A。

[編輯]

  1. 交通事務局,第二階段巴士路線調整26號實施,2009年4月12號18:21:00
  2. "新雅馬路與慕拉士大馬路連接通道周五開通 新通道單向上行新雅馬路髮夾彎改單向下行". 交通事務局. 2015年6月10號.
  3. "73路線引入天然氣巴士行駛". 交通事務局. 2017-05-29.
  4. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  5. (繁體中文)有意見指巴士加價漠視民意,澳廣視,響2018年4月21號搵到。

睇埋[編輯]

[編輯]