激進建制派
激進建制派，或激進親共派[1]，係對香港境內中國共產黨外圍組織一個統稱[2]，指自從2012年梁振英上任香港行政長官後，就出現一班比傳統建制派政黨立場更強硬而且極端激進主義組織，堅定支持香港特別行政區政府組織。但係激進支持者更主張用暴力等偏激急進方式去攻擊反政府同異見人士[3]。
由於主流建制派政黨如民建聯同商界等，同佢班激進友理念主張有分別，所以會保持距離，以區別出激進建制派[4][5][6]。
形成背景
[編輯]2012年12月18號即梁振英任香港特首期間，張曉明出任香港中聯辦主任。幾個禮拜後，張曉明公開表明「西環不治港，但是西環要盡責（中聯辦唔治港，但係要『盡責』）」，之後佢同前任高祀仁、彭清華作風唔同。張曉明多次就香港社會同政治議題發言，引起關注，因此受到民主派人士質疑。張曉明任內，一班被指係由中聯辦培植而成新興激進建制派，同立場一致擁護梁振英社團出現，例如：「愛護香港力量」、「愛港之聲」、「保衛香港運動」等相繼冒起，有關組織被媒體稱為「西環契仔契女」，以文革式手段攻擊泛民主派或其他非建制派[7]。另外，張曉明任期同梁振英個特首任期幾乎完全重疊，且任內一直認同梁振英表現[8][9]。
全國人大常委范徐麗泰公開指出，梁振英派別激起香港獨立運動[10]，香港政府同社會受到中華人民共和國「國家機器」左右[11]。
部份組織
[編輯]部份傳媒
[編輯]部份人士
[編輯]政治人物有獨立立法會議員何君堯（新論壇理事、新界大聯盟首席顧問）、前商務及經濟發展局局長蘇錦樑、愛港之聲高達斌、香港政研會嘅政研四子：關新偉、高志強、高志輝、鄧德成、正義聯盟李偲嫣、忠義民團石房有，及獨立人士陳玉娥、譚惠珠、李少光、任達榮、譚錦球、盧文端、王庭聰、劉炳章、施榮懷、高松傑及黃煒龍等。
有時，工聯會某啲成員都會發表一啲頗為激進、極端既言論，如陸頌雄、王國興、黃國健、吳秋北等。部份建制派議員亦會咁樣，例如馬逢國、梁美芬、何俊賢、陳克勤、葛珮帆、蔣麗芸、黃英豪等。
另外，亦有唔少政治界以外嘅人士就算冇公開表示支持特定政黨，但往往因為透過網絡、報章等表達對中華人民共和國（中國內地）嘅熱愛，以及針對泛民主派或港獨派發表詛咒、惡意中傷等極端言論，亦被視為極端建制派別嘅支持者，例如專欄作家屈穎妍、導演高志森、王晶、李力持、電台DJ鄧慧詩、藝人陳百祥、譚詠麟、梁家輝、鍾鎮濤、任達華、溫兆倫、曹永廉[13]、Youtube KOL劉馬車、林克霖等。
特性
[編輯]佢哋唔少人會將非政治議題政治化，甚至喺一啲同政治無關嘅議題入面，都會對政見唔同嘅人作出人身攻擊。佢地亦會喺一啲早有定論，主流意見唔認同中國共產黨做法嘅人道立場問題上，為中共保駕護航。
將非政治議題政治化
[編輯]有部份激進親中派嘅支持者，會將其他人對同屬激進親中派嘅人作出嘅批評，無論事情係咪同政治有關，都輕易就定義為黃絲，港獨或者同政府作對。例如，親中派藝人莊思明洩露國泰航空機組人員私隱事件嘅時候，有部份激進建制派網民將事件講成係「黃絲空姐玩針對」，但莊思明當時戴著口罩[14][15]。
恐嚇同人身攻擊傾向
[編輯]另外，佢哋有部份成員會有人身攻擊傾向，甚至恐嚇唔同意佢地嘅人。
- 喺2016年，親民主派藝人何韻詩喺社交媒體發表文章，提及自己喺芬蘭入住Airbnb，被人性騷擾嘅不愉快經歷。事件引起咗一啲網民對Airbnb安全問題嘅相關討論。不過，喺Discuss.com.hk，就有一啲激進親共派嘅網民，集中於人身攻擊佢嘅性取向同政治立場[16]。
- 喺2019年伍淑怡抄牌案入面，受害人伍淑怡喺過程中被好多撐警人士恐嚇。當中包括疑有藍絲帶等激進建制派撐警支持者用正義聯盟、「正義」人士等匿名署名寄出帶血紅字「警告信」，而社交平台同樣受到洗版同埋粗口攻擊[17]。
- 喺2020年，莊思明洩露國泰航空機組人員私隱事件入面，事件發酵去到連香港航空都抽水，朱庭萱就指責香港航空以「黃絲角度揶揄撐警藝人」，「跟支持祖國的人作對」，又詛咒香港航空早日執笠[18][15]。
同假新聞散播嘅關係
[編輯]有唔少激進建制派傳媒，例如港人講地同HKG報都曾經被指散播假新聞，並且被中文維基百科列為唔可靠嘅資料來源[19][20]。而立場接近激進建制派嘅傳媒人屈穎妍，亦曾經被點名批評，話佢作為新聞工作者，甚至作為大學傳理學系嘅兼職講師，但就其身不正，發表假新聞同仇恨言論，令香港嘅政治兩極化加劇，而Twitter喺2019年8月移除咗唔少假帳戶同內容，當中唔少轉載咗屈穎妍嘅言論，亦正好證明呢啲對屈穎妍嘅批評[16]。
有啲組織亦會散播針對民主派嘅假新聞。例如，喺元朗襲擊事件入面，珍惜群組聲稱事件係因為林卓廷帶暴徒入元朗，話黃絲有人叫「光復元朗」在先，但後來調查發現，最早宣傳「光復元朗」行動嘅，係一名名為「風中微塵」由警嫂（男性警察嘅老婆）經營嘅微博帳號發佈，呢啲信息之後喺親中派群體（例如「保衛香港運動」）流傳；反而喺被視為偏民主派嘅連登等平台，就多次澄清話無呢個活動[21][22]。
另外，一項以香港為背景，針對政治兩極化嘅指出，激進親中派嘅支持者比起激進民主派嘅支持者分辨假新聞嘅能力差[23]。
騷擾民主派人士私人同政治活動
[編輯]佢哋對民主派人士，不論係政治活動定私人活動，有時都會作出騷擾。佢地刻意會令情況變得混亂，就算民主派採取和平手段，佢哋亦唔一定會放過。例如：
- 2015年9月15號，劉馬車喺於YouTube上載短片，話自己喺港鐵巧黃之鋒所以狙擊他，但當時黃之鋒並未進行任何公開活動，反而係劉馬車嘅行為滋擾到乘客，結果劉被兩名在場乘客批評[24]。
- 喺2020年香港立法會選舉民主派初選，林卓廷、黃之鋒、袁嘉蔚等民主派人士拉票期間，都曾經受到親中派人士騷擾[25][26][27]。
個人操守問題
[編輯]部分激進建制派人士往往被揭發個人有操守問題，例如：
- 陳淨心：2013年壹週刊第1215期封面故事就報道，聲稱督信佛教嘅佢曾經同愛港力其他成員通宵流連酒吧，自稱家庭主婦但就從未去過街市超市買餸[28]。
- 李偲嫣：佢曾經作為藝人經理人同埋政治組織領導人物，但就被指虧空公款[29]。
- 劉馬車：屢次因為刑事恐嚇、猥褻兒童、非禮、打鬥等罪行而被拘捕或監禁。
鼓吹種族主義
[編輯]有部分激進建制派會鼓吹種族主義。喺香港逃犯條例爭議期間，港台記者由於利君雅多次積極追問政府高官，因而成為親中派批評嘅目標。喺Facebook 上面，尤其係激進建制派媒體嘅專頁，唔少網民留言都有針對利君雅紀種族同膚色，包括形容佢係「差女」、「應該返去巴基斯坦」、「非我族類都是無禮貌嘅產物」等。去到2020年1月21號，平機會發表聲明，不點名提到有網民攻擊一位女記者嘅種族膚色，對事件表示關注，重申反對唔同形式嘅歧視。平機會亦指根據《種族歧視條例》規定，基於某人嘅種族而歧視、騷擾同中傷該人，即屬違法[30]。
對六四屠殺嘅否認同讚許
[編輯]喺1989年6月4號，中國共產黨派中國人民解放軍武力鎮壓北京天安門學生運動，造成無數傷亡同埋好多國家嘅譴責。不過由事件發生到而家，有唔少親中共人士(特別係激進建制派)都曾經發表對六四屠殺否認嘅言論，支持中共當時屠殺嘅決定，甚至騷擾和平悼念嘅人士。
對社會影響
[編輯]有啲學者認為，激進建制派有啲人指控民主派採取比較激烈手段破壞香港，但其實呢啲激進建制派，先至係令社會政治兩極化嘅元兇[29]。
睇埋
[編輯]參考
[編輯]- ↑ 叫佢哋「親共派」，唔好再講「建制派」 互聯網檔案館嘅歸檔，歸檔日期2018年9月16號，. 立場新聞
- ↑ 〈【網上論壇】不能讓激進建制派抬頭 （自由撰稿人羅沙里奧）〉。原先內容歸檔喺2018年9月16號。喺2018年11月21號搵到。
- ↑ 陳成斌 (2014年5月16日)。〈建制激進派 比泛民更激〉。香港經濟日報。原先內容歸檔喺2016年10月5日。喺2018年8月5日搵到。
- ↑ 4.0 4.1 〈立會選舉：激進建制派無市場 得票低賠按金〉。東方日報。2016年9月5日。原先內容歸檔喺2016年9月20日。喺2018年8月5日搵到。
- ↑ 文濤 (2016年4月22日)。〈《泛民、建制同樣激進化，中央香港皆輸 (3)》- 激進建制派已完成歷史任務〉。線報。原著喺2017年3月5日歸檔。喺2018年8月5日搵到。
- ↑ 6.0 6.1 陳凱文 (2015年8月14日)。〈李偲嫣組黨〉。立場新聞。原先內容歸檔喺2016年9月20日。喺2018年8月5日搵到。
- ↑ 7.0 7.1 〈廖暉愛將張曉明陳山玲 把持朝政操控輿論隱瞞真相〉。成報。2016-09-22。原先內容歸檔喺2018-09-03。喺2018-11-21搵到。
- ↑ 〈為何「西環契仔契女」都是法律界中人？〉。香港01。2016-09-19。原先內容歸檔喺2018-05-11。
- ↑ 〈數張曉明「三宗罪」惹火囂張 製造撕裂〉。成報。2017-09-23。原先內容歸檔喺2017-10-14。
- ↑ 〈【專訪】范徐麗泰：梁振英大光燈照港獨〉。原先內容歸檔喺2018年9月16號。喺2018年11月21號搵到。
- ↑ 〈范太踢爆港府靠中聯辦拉票 議員轟梁振英離譜〉。原先內容歸檔喺2018年9月3號。喺2018年11月21號搵到。
- ↑ 〈「遼寧號」訪港駐軍整蠱 傅振中獲邀被嘲嘉賓門檻低〉。成報。2017-07-08。原先內容歸檔喺2018-09-03。喺2018-11-21搵到。
- ↑ 〈【FB開火】黃之鋒入獄曹永廉揶揄「快啲香」 網民鬧爆：去大灣區啦你！〉。原先內容歸檔喺2019年6月12號。喺2019年7月1號搵到。
- ↑ 〈曝机上遭无理对待‧庄思明公开空服员个资挨轰〉。www.sinchew.com.my。原先內容歸檔喺2020-06-21。喺2020-01-09搵到。
- ↑ 15.0 15.1 Au, Cheuk Hang; Ho, Kevin K. W.; Law, Kris M. Y. (2021-07-03). "The bright and dark of consumers' online brand defending behaviors: exploring their enablers, realization, and impacts". Journal of Organizational Computing and Electronic Commerce (英文). 31 (3): 171–191. doi:10.1080/10919392.2021.1949192. ISSN 1091-9392.
- ↑ 16.0 16.1 Au, Cheuk Hang; Ho, Kevin K. W.; Chiu, Dickson K.W. (2021-04-19). "The Role of Online Misinformation and Fake News in Ideological Polarization: Barriers, Catalysts, and Implications". Information Systems Frontiers (英文). doi:10.1007/s10796-021-10133-9. ISSN 1572-9419. 原先內容歸檔喺2021-04-20. 喺2021-04-20搵到.
- ↑ YoYo收恐嚇信被迫搬屋 互聯網檔案館嘅歸檔，歸檔日期2019年11月11號，. AppleDaily 2019年04月04號
- ↑ 〈不忿港航抽莊思明水 楊明為女友開腔 - 娛樂〉。am730 (英文)。原著喺2020-03-27歸檔。喺2020-01-12搵到。
- ↑ 自由時報電子報 (2021-02-06)。〈立堅是你？美報告踢爆中國官員系統性轉發假訊息 - 國際〉。《自由時報電子報》 (中文)。原先內容歸檔喺2021-07-11。喺2021-07-11搵到。
- ↑ 徐緣 (2019-06-26)。〈由英華女生短片說起 — 德國校園政治中立源由〉。立場新聞。原著喺2019-06-28歸檔。喺2019-06-27搵到。
- ↑ 《立場調查報道長片｜7.21 尋源》 (英文)，原先內容歸檔喺2021-07-20，喺2021-07-20搵到
- ↑ 〈【7.21兩周年】前港台團隊發新偵查報道 揭「得元朗得天下」謠言來源〉。Radio Free Asia (英文)。原先內容歸檔喺2021-07-21。喺2021-07-20搵到。
- ↑ "Does political extremity harm the ability to identify online information validity? Testing the impact of polarisation through online experiments". Government Information Quarterly (英文): 101602. 2021-07-10. doi:10.1016/j.giq.2021.101602. ISSN 0740-624X. 原先內容歸檔喺2021-08-26. 喺2021-07-11搵到.
- ↑ 〈劉馬車港鐵車廂狙擊黃之鋒 反遭圍攻〉。《蘋果日報》。2015年9月15號。
{{cite news}}: CS1 maint: url-status (link) - ↑ 〈【立法會選舉】逾30藍絲有恃無恐 撕毁民主派候選人街站宣傳品 ｜ 蘋果日報〉。《Apple Daily 蘋果日報》 (香港中文)。原先內容歸檔喺2021-03-31。喺2021-03-30搵到。
- ↑ 〈【立會選舉】譚文豪初選街站義工遇襲 黃之鋒與「大波man」口角〉。《頭條日報》 (中文)。2020-07-11。原先內容歸檔喺2020-07-12。喺2021-03-07搵到。
- ↑ 〈【Kelly Online】傳二千萬購貝沙灣 黃之鋒：假新聞〉。《頭條日報》 (中文)。2019-10-07。原先內容歸檔喺2020-05-02。喺2021-03-07搵到。
- ↑ 〈愛港力 愛夜蒲 揭淨心BB真面目〉。原著喺2020-04-29歸檔。喺2020-04-26搵到。
- ↑ 29.0 29.1 Au, Cheuk Hang; Ho, Kevin K.W. (2021-01-01). "Online schadenfreude as an outcome of ideological polarization: a case in Hong Kong". Online Information Review. ahead-of-print (ahead-of-print). doi:10.1108/OIR-03-2021-0142. ISSN 1468-4527. 原先內容歸檔喺2021-12-12. 喺2021-10-09搵到.
- ↑ 〈網上留言屢辱利君雅種族膚色 平機會關注 促網絡營辦商杜絕仇恨信息 | 立場報道 | 立場新聞〉。《立場新聞 Stand News》 (英文)。原先內容歸檔喺2020-01-22。喺2020-01-22搵到。