珠江大橋

珠江大橋（粵音：zyu¹ gong¹ daai⁶ kiu⁴）係喺中國廣東省廣州市嘅一棟跨江橋樑，分為東西兩條橋。東橋用咗舊陣時20世紀初開工建設嘅舊橋（嗰陣未起好）嘅舊橋墩，而西橋就冇用到舊橋墩（而家喺西橋南邊都重可以睇到廢棄嘅舊橋墩）。

連接位置

珠江大橋嘅全景圖（包括咗西橋同東橋）

呢條橋分東橋同西橋兩條，其中東橋由中山八路跨過珠江到大坦沙島，西橋由大坦沙島跨過珠江接廣佛公路同埋芳村大道。

長度

東橋長大概336.15米，通航淨高8.5米；西橋長大概415.54米，通航淨高6米；橋闊23米。其中兩條橋嘅距離有1.5公里，中間有廣三鐵路隔開咗，兩邊係單行線公路同埋人行路。

落成時間

呢條橋喺1958年10月19號開始喐手，到咗1960年6月15號起好嗮，1960年10月1號通車。

歷史

喺1993年12月28號珠江隧道通車之前，呢條橋係往返芳村嘅唯一一條大橋，但係到咗1993年12月28號珠江隧道通車同埋1998年7月23號鶴洞大橋通車之後，往返芳村啲車都唔再經常行呢條橋過去，而家啲市民重可以坐地鐵添，但係，由於呢條橋一直都係廣州往返佛山市嘅重要通道，所以到依家為止，呢條橋嘅交通都重係好繁忙下。到咗2005年，內環路嘅珠江大橋放射線開通咗之後，舊陣時嘅珠江大橋公路部分就唔再畀車行啦。