跳去內容

自然語言工具箱

出自維基百科，自由嘅百科全書
(由NLTK跳轉過嚟)
英文句子 A mouse eats a cat（一隻老鼠食一隻貓）用分析樹表達嘅樣；
A mouse 結合成一段名詞短語（NP），
a cat 又係結合成一段名詞短語（NP），
eats（現在式，第三身所以加 s）係動詞（V）。

自然語言工具箱（英文：Natural Language Toolkit），簡稱 NLTK，係 Python 一個專用嚟幫手做英文自然語言處理（NLP）嘅函式庫。NLTK 包含咗多種 NLP 成日要用嘅功能，例如係畀用家齋靠一句陳述式就產生到一樖分析樹，分析樹可以攞嚟分析句子嘅文法結構[1][2]。

喺廿一世紀初，NLTK 廣受 NLP 相關領域嘅工作者採用：語言學、認知科學、人工智能同埋資訊科學等領域嘅工作，都成日要教電腦處理文字數據；而經驗表明 NLTK 好方便好好使，於是就成為咗 NLP 上嘅一隻標準架生，呢啲咁多唔同領域嘅工作者都會用到 NLTK 寫程式[3]。

重要功能

[編輯]
睇埋：自然語言處理
  • 畀用家下載同引入語料庫嘅各種資源，包括出名嘅文學作品、字表、詞典同埋語義網絡呀噉，例： 
    import nltk.corpus # 引入 NLTK 嘅語料庫

emma = nltk.corpus.gutenberg.words('austen-emma.txt') # 將 emma 設做 nltk.corpus 入面嘅...
print(emma) # output 出 emma。
  • 畀用家用一句陳述式就搵出字之間嘅關係，例： 
    ...
moby = Text(nltk.corpus.gutenberg.words('melville-moby_dick.txt')) # 將 moby 設做一嚿 Text 物件，入面啲字嚟自 nltk.corpus 嘅 'melville-moby_dick.txt'...

print(moby.concordance("monstrous")) # Output 畀出所有 "monstrous" 呢隻字出現嘅 context。
print(moby.similar("monstrous")) # Output 畀出所有 context 上同 "monstrous" 相近嘅字。
  • 畀用家用一句陳述式畫圖顯示字詞嘅頻率，例[4]： 
    ...
moby.dispersion_plot(["citizens", "democracy", "freedom", "duties", "America"]) 
# 出幅圖顯示 "citizen", "democracy", "freedom", "duties", "America" 呢幾隻字喺 moby 唔同部份入面出現嘅頻率。
  • 畀用家引入語義網絡同搵字嘅同義字，仲可以做「搵兩隻字之間最低嘅共同上位詞」或者「計兩隻字之間嘅語義距離」等，例[1]:Ch. 2.5： 
    from nltk.corpus import wordnet as wn

print(wn.synsets('word'))
wn.synset('word.n.01').path_similarity(wn.synset('whale.n.01'))
# Output 畀出 "word" 呢隻字嘅同義字。
  • 畀玩家用一句陳述式做記號化、詞形還原、字幹提取同埋攞走停用詞等嘅事前處理，例如 word_tokenize(my_string) 噉。
  • 畀玩家用一句陳述式計啲字喺一段語料當中嘅頻率分佈（FreqDist(my_text) 同 ConditionalFreqDist(my_text_cond)）[1]:Ch. 2。
  • 畀玩家用一句陳述式做 regex 同相關嘅功能[1]:Ch. 3.4, p. 117，好似係 re.search('ed$', w)（搵 w 當中 -ed 尾嘅字）、re.search(^..j..t..$', w)（搵 w 當中 ..j..t.. 噉嘅字，當中 . 係乜字母都得）同 re.findall(r'[aeiou]', w)（由 w 當中搵出嗮所有 aeiou）... 呀噉。
  • 畀玩家用一句陳述式整 n-gram。

... 呀噉。

睇埋

[編輯]

文獻

[編輯]

  • Bird, S., Klein, E., & Loper, E. (2009). Natural language processing with Python: analyzing text with the natural language toolkit. O'Reilly Media, Inc.

引咗

[編輯]
  1. ↑ 1.0 1.1 1.2 1.3 1.4 Bird, S., Klein, E., & Loper, E. (2009). Natural language processing with Python: analyzing text with the natural language toolkit. O'Reilly Media, Inc.
  2. ↑ Perkins, Jacob (2010). Python Text Processing with NLTK 2.0 Cookbook. Packt Publishing.
  3. ↑ Bird, S., Klein, E., Loper, E., & Baldridge, J. (2008, June). Multidisciplinary instruction with the natural language toolkit (PDF). In Proceedings of the Third Workshop on Issues in Teaching Computational Linguistics (pp. 62-70).
  4. ↑ Language Processing and Python.

拎

[編輯]
由「https://zh-yue.wikipedia.org/w/index.php?title=自然語言工具箱&oldid=2169004」收