周柏豪

周柏豪
出生日	1984年11月12號  （39歲）
出生地	香港
國籍	香港、中華人民共和國
識嘅語言	港澳粵語
母校	Tung Wah Group of Hospitals Lui Yun Choy Memorial College
職業	歌手、演員
風格	粵語流行曲
網站	www.chaupakho.com.hk
[改維基數據]

周柏豪

周柏豪（Pakho Chau Pak Ho；1984年11月12號—），係香港男歌手同演員，做過模特兒，2007年正式出道。佢喺香港出世，祖籍廣東開平。2016年周柏豪同朱敏君（Stephanie）結婚。2019年12月2號，佢老婆生咗個重6.7磅嘅B女周芯悅。

演出作品

電影

上映年份	電影	角色	性質	來源
2008	愛情萬歲	楊溢德（Joe）	三大男主角
2009	愛情故事	評判	客串
	金錢帝國	廉政專員	閒角
	關人7事	柏豪	第二男主角
	死神傻了	六寳	單元主角
2010	飛砂風中轉	唱歌少年	配角
2011	算吧啦，老豆！
	喜爱夜蒲
	猛鬼愛情故事	兆中
2014	販賣愛	Rex	第一男主角
2015	小姐誘心	雄
	12金鴨	Jamie	客串
	四非	杰	第一男主角
	沒女神探	成大志
	色模	Tiger
	吉祥酒店	黃立民
2016	Good Take		單元男主角
	我老婆係明星	賴毛	第一男主角
	妄想症	劉一豪
	愛情來的時候2	杜錦煇
2017	原諒他77次	張智思
	西謊極落之太爆太子太空艙	周子軒
2019	禁錮之地（網絡電影）	任志豪
2020	鬥戰勝佛之大聖之淚（網絡電影）	孫悟空
	無間行者之生死潛行	段一凡
2021	混世四猴：神猴歸來（網絡電影）	孫悟空
	感動她77次	張智思
2024	斗轉乾坤（網絡電影）	孫悟空

獎項

2007年度

• YAHOO!搜尋人氣大獎2007 - 樂壇新勢力（男歌手）
• 新城勁爆頒獎禮2007 - 新城勁爆新登場男歌手
• 2007年度叱吒樂壇流行榜頒獎典禮 - 叱吒樂壇生力軍男歌手 銀獎
• RoadShow至尊音樂頒獎禮2007 - RoadShow至尊男新人
• 第三十屆十大中文金曲頒獎音樂會 - 最有前途新人獎 銀獎
• SINA Music樂壇民意指數頒獎禮2007 - 我最喜愛男新人 金獎
• 第5屆「勁歌王」全球華人樂壇音樂盛典 - 最佳新人獎（香港）

2008年度

• 2008勁歌金曲優秀選第一回 - 得獎歌曲《六天》
• 2008年度兒歌金曲頒獎典禮 - 十大兒歌金曲《哦》
• 2008勁歌金曲優秀選第二回 - 得獎歌曲《一事無成》（同鄭融合唱）
• Yahoo!搜尋人氣大獎2008 - Yahoo!Music人氣合唱歌曲 2008《一事無成》（同鄭融合唱）
• 新城勁爆頒獎禮2008 - 新城勁爆歌曲《一事無成》（同鄭融合唱）
• 2008年度十大勁歌金曲頒獎典禮 - 最受歡迎合唱歌曲獎 金獎《一事無成》（同鄭融合唱）
• SINA Music樂壇民意指數頒獎禮2008 - SINA Music 新歌試聽 合唱歌曲大獎《一事無成》（同鄭融合唱）
• 第三十一屆十大中文金曲頒獎音樂會 - 十大中文金曲《一事無成》（同鄭融合唱）

2009年度

• 2009年度兒歌金曲頒獎典禮 - 十大兒歌金曲《數碼超能量》
• Yahoo!搜尋人氣大獎2009 - 人氣MV《Lovin' You》
• 新城勁爆頒獎禮2009 - 新城勁爆原創歌曲《Lovin' You》
• SINA Music樂壇民意指數頒獎禮2009 - SINA Music最高收聽率二十大歌曲《報告總司令》

2010年度

• Yahoo!搜尋人氣大獎2010 - 人氣歌曲《我不要被你記住》
• 新城勁爆頒獎禮2010 - 新城勁爆原創歌曲《我不要被你記住》
• 新城勁爆頒獎禮2010 - 新城勁爆人氣歌手
• 2010年度叱吒樂壇流行榜頒獎典禮 - 專業推介叱咤十大 第六位《乞丐王子》
• 第三十三屆十大中文金曲頒獎音樂會 - 全年最佳進步獎 銅獎
• SINA Music樂壇民意指數頒獎禮2010 - SINA Music 最高收聽率二十大歌曲《乞丐王子》
• SINA Music樂壇民意指數頒獎禮2010 - 新浪微博發聲男歌手

2011年度

• Yahoo!搜尋人氣大獎2011 - 人氣歌曲《Smiley Face》
• Yahoo!搜尋人氣大獎2011 - 網上熱爆歌曲《Smiley Face》
• 新城勁爆頒獎禮2011 - 新城勁爆原創歌曲《Smiley Face》
• 新城勁爆頒獎禮2011 - 新城勁爆創作歌手
• 2011年度叱吒樂壇流行榜頒獎典禮 - 叱咤樂壇男歌手 銅獎
• SINA Music樂壇民意指數頒獎禮2011 - SINA Music 最高收聽率二十大歌曲《Smiley Face》
• SINA Music樂壇民意指數頒獎禮2011 - SINA Music 傑出表現男歌手大獎

2012年度

• 新城國語力頒獎禮2012 - 新城國語力原創歌曲《錯配》
• 新城國語力頒獎禮2012 - 新城國語力創作歌手
• YAHOO!搜尋人氣大獎2012 - 人氣歌曲《只有一事不成全你》
• YAHOO!搜尋人氣大獎2012 - 人氣MV《斬立決》
• YAHOO!搜尋人氣大獎2012 - 最熱門圖片搜尋歌手
• 新城勁爆頒獎禮2012 - 新城勁爆演繹大獎
• 新城勁爆頒獎禮2012 - 新城勁爆男歌手
• SINA Music樂壇民意指數頒獎禮2012 - SINA Music 最高收聽率二十大歌曲《無力挽回》
• SINA Music樂壇民意指數頒獎禮2012 - SINA Music 最高收視 MV 大獎《無力挽回》
• SINA Music樂壇民意指數頒獎禮2012 - SINA Music 傑出表現男歌手大獎
• 第三十五屆十大中文金曲頒獎音樂會 - 十大中文金曲《無力挽回》

2013年度

• 新城國語力頒獎禮2013 - 新城國語力歌曲《你還怕大雨嗎》
• 新城國語力頒獎禮2013 - 新城國語力創作歌手
• YAHOO!搜尋人氣大獎2013 - 人氣歌曲《我的宣言》
• YAHOO!搜尋人氣大獎2013 - 唱作歌曲《我的宣言》
• YAHOO!搜尋人氣大獎2013 - 本地男歌手
• 新城勁爆頒獎禮2013 - 新城勁爆歌曲《我的宣言》
• 新城勁爆頒獎禮2013 - 新城勁爆合唱歌曲《天窗》（同容祖兒合唱）
• 新城勁爆頒獎禮2013 - 新城勁爆男歌手
• 2013年度叱吒樂壇流行榜頒獎典禮 - 專業推介叱咤十大 第四位 《Imperfect》
• 2013年度叱吒樂壇流行榜頒獎典禮 - 叱咤樂壇唱作人 金獎
• 2013年度叱吒樂壇流行榜頒獎典禮 - 叱咤樂壇男歌手 銀獎
• 第三十六屆十大中文金曲頒獎音樂會 - 全年最佳進步獎 銅獎

2014年度

• 新城國語力頒獎禮2014 - 新城國語力歌曲《小孩》
• 新城國語力頒獎禮2014 - 新城國語力男歌手
• YAHOO!搜尋人氣大獎2014 - 人氣歌曲《傳聞》
• YAHOO!搜尋人氣大獎2014 - 本地男歌手
• 第十四屆全球華語歌曲排行榜 - 年度二十大金曲《同行》
• 新城勁爆頒獎禮2014 - 新城勁爆歌曲《傳聞》
• 新城勁爆頒獎禮2014 - 新城數碼音樂台最欣賞歌手（男歌手）
• 新城勁爆頒獎禮2014 - 新城勁爆播放指數（歌手）
• 2014年度叱咤樂壇流行榜頒獎典禮 - 叱咤樂壇男歌手 金獎
• 第三十七屆十大中文金曲頒獎音樂會 - 優秀流行歌手大獎
• 第三十七屆十大中文金曲頒獎音樂會 - 十大中文金曲《傳聞》
• 2014年度TVB8金曲獎頒獎典禮 - TVB8金曲榜金曲獎《小孩》
• 2014年度TVB8金曲獎頒獎典禮 - TVB8金曲榜最佳唱作歌手獎 金獎

2015年度

• 第10屆「勁歌王」全球華人樂壇音樂盛典 - 最受歡迎男歌手（香港區）
• 2015勁歌金曲優秀選第一回 - 得獎歌曲《百年不合》
• 新城國語力頒獎禮2015 - 新城國語力歌曲《犯同樣的錯》
• 新城國語力頒獎禮2015 - 新城國語力男歌手
• 新城國語力頒獎禮2015 - 新城國語力全國偶像
• 第十五屆全球華語歌曲排行榜頒獎典禮 - 年度二十大金曲《自由意志》
• 第十五屆全球華語歌曲排行榜頒獎典禮 - 最受歡迎創作歌手獎
• 2015勁歌金曲優秀選第二回 - 得獎歌曲《相安無事》
• YAHOO!搜尋人氣大獎2015 - 人氣歌曲《百年不合》
• YAHOO!搜尋人氣大獎2015 - 本地男歌手
• 2015年度叱咤樂壇流行榜頒獎典禮 - 叱咤樂壇唱作人 銅獎
• 2015年度叱咤樂壇流行榜頒獎典禮 - 叱咤樂壇男歌手 銅獎
• 第三十八屆十大中文金曲頒獎音樂會 - 優秀流行歌手大獎
• 第三十八屆十大中文金曲頒獎音樂會 - 十大中文金曲《百年不合》

2016年度

• 第十屆亞洲電影大獎 - 亞洲飛躍男演員
• 第三十九屆十大中文金曲頒獎音樂會 - 優秀流行歌手大獎

2017年度

• AEG Music Channel十大最受歡迎演唱會頒獎禮暨樂壇頒獎禮2017 - 最佳演唱會獎
• 2017勁歌金曲優秀選第二回 - 得獎歌曲《天網》
• 第四十屆十大中文金曲 - 優秀流行歌手大獎
• 第四十屆十大中文金曲 - 十大中文金曲《天網》
• 新城勁爆頒獎禮2017 - 勁爆歌曲《天網》
• 新城勁爆頒獎禮2017 - 勁爆男歌手
• 2017年度勁歌金曲頒獎典禮 - 勁歌金曲獎《天網》
• 2017年度勁歌金曲頒獎典禮 - 最高人氣歌星獎

2018年度

• 2018勁歌金曲優秀選第一回 - 得獎歌曲《男人背後》
• 2018勁歌金曲優秀選第二回 - 得獎歌曲《老少平安》
• 2018勁歌金曲優秀選第二回 - 得獎歌曲《烏托邦》
• 第四十一屆十大中文金曲 - 優秀流行歌手大獎
• 第四十一屆十大中文金曲 - 十大金曲獎 第三位《男人背後》
• 新城勁爆頒獎禮2018 - 勁爆歌曲《老少平安》
• 新城勁爆頒獎禮2018 - 勁爆男歌手
• 2018年度叱吒樂壇流行榜頒獎典禮 - 專業推介叱咤十大 第八位《老少平安》
• 2018年度勁歌金曲頒獎典禮 - 勁歌金曲獎《烏托邦》
• 2018年度勁歌金曲頒獎典禮 - 勁歌金曲獎《男人背後》
• 2018年度勁歌金曲頒獎典禮 - 最佳合唱歌曲金獎《背後女人》（同楊千嬅合唱）
• 2018年度勁歌金曲頒獎典禮 - 人氣王大獎

2019年度

• 2019勁歌金曲優秀選第一回 - 得獎歌曲《最後召集》
• 2019勁歌金曲優秀選第二回 - 得獎歌曲《讓愛高飛》
• 新城勁爆頒獎禮2019 - 勁爆歌曲《讓愛高飛》
• 新城勁爆頒獎禮2019 - 勁爆男歌手
• 萬千星輝頒獎典禮2019 - 最受歡迎電視歌曲《讓愛高飛》
• 萬千星輝頒獎典禮2019 - 最受歡迎電視男角色（多功能老婆 - 榮浩田）
• 2019年度勁歌金曲頒獎典禮 - 勁歌金曲唱片銷量大獎《All About Love 關於愛》
• 2019年度勁歌金曲頒獎典禮 - 勁歌金曲獎《讓愛高飛》
• 2019年度勁歌金曲頒獎典禮 - 勁歌金曲獎《最後召集》
• 2019年度勁歌金曲頒獎典禮 - 最受歡迎男歌星
• 2019年度勁歌金曲頒獎典禮 - 勁歌金曲金獎《讓愛高飛》
• 第四十二屆十大中文金曲 - 優秀流行歌手大獎
• 第四十二屆十大中文金曲 - 十大中文金曲《老少平安》

政治立場

佢嘅政治立場反覆。喺2014年佔領中環期間曾經同黃之鋒合照，2019年喺網上悼念因為反修例運動而喺金鐘太古廣場墮樓輕生嘅梁凌杰，同年又喺網上呼籲香港人登記做選民，但係畀中國網民形容為「港獨藝人」，群起杯葛；但係之後改變立場，喺微博發聲明稱自己「生為中國人，熱愛祖國、熱愛香港，從來未支持港獨，亦反對所有違法暴力行為」，又讚賞中國喺武漢肺炎疫情中成功抗疫。而中國網民對相關表態唔收貨，仍然認為佢「支持港獨」，加上一直以嚟中國同世界持續不斷嘅爭拗，佢從來都無表態支持，因此認為佢嘅愛國言論只係基於旁人壓力，而唔係真正改變立場。

另一方面，接受親建制媒體點新聞訪問嘅時候，向片中主持人、藝人陳百祥聲稱，自己一直以嚟反對暴力，又聲稱同黃之鋒合照嘅時候，唔認識亦唔清楚清楚人哋嘅政治立場，又反對黃之鋒「打國際線」以號召外國制裁中國同香港，並將中港矛盾比喻為「自己同媽媽吵架」，所以「無理由去找隔離屋大嬸打自己媽媽」。而相關言論引起唔少網民評擊，批評佢違背良心，指佢係雙面人。而立場親民主派藝人阮民安、杜汶澤、王宗堯等人亦都同佢割蓆。

負評

2021年5月29號，無綫電視翡翠台播映慈善節目《萬眾同心公益金》，佢同鄭融合唱《一事無成》，被指係向失業人士 「踩多兩腳」、「落井下石」。呢個環節原意係為失業家庭打氣，事後唔少網民批評佢哋嘲諷失業者一事無成，反問佢哋唱呢首歌係攞景定係贈興。亦有網民認為反嘲呢首歌係周柏豪嘅寫照。正因為呢次事件，周柏豪喺6月8號下晝2:30喺apm舉行嘅fans見面會因為網民喺apm Facebook專頁嘅貼文派過萬「嬲」。雖然apm未表明活動會取消或者繼續，但係為免引起公關災難而將相關貼文刪除。