中西區海濱長廊上環段
中西區海濱長廊上環段，香港公園之一，遊樂場之一，中西區海濱長廊一截，喺上環西營盤，近中港道，港澳碼頭巴士總站側，英文叫Central and Western District Promenade–Sheung Wan Section。行政上歸中西區。設施有狗公園、寵物公園[1]，名為寵物角。歸康樂及文化事務署管。
園東起港澳碼頭，西止上環雨水泵房。泵房側，近中港道一邊，設為寵物角，內有草地。
其他兩截，一截中西區海濱長廊中環段，喺中環。另一截中西區海濱長廊西區副食品批發市場段，喺西區副食品批發市場，即西營盤到石塘嘴。
史
[編輯]公園位處港澳碼頭一帶新填地，做過大笪地。一九九二年廢大笪地，變成港澳碼頭巴士總站，以及沿岸停車場。今日公園笪地，就喺停車場嗰窟。
二〇〇一年到二〇〇六年，上環低地，大水浸過三次，故此有必要解決。故此，渠務署就有兩項土木工程，皇后大道中截流管道敷設工程同上環雨水泵房。泵房就起喺停車場一帶[2]。
渠務署咨詢過後，採納中西區區議會同共建維港委員會提議，改咗圖則，改善海景，多啲休憩用地。泵房矮咗，一啲設備埋入地底。留咗地方變成公園，泵房縮地，化成太極園。地底蓄洪池，化成寵物角。建海濱長廊、廣場，並種草種樹[2]。
二〇〇九年泵房落成[2]。同年十一月，公園開畀公眾用。二〇一〇年四月十六號，列入公眾衞生及市政條例公眾遊樂場地。同年六月，行人道通去中山紀念公園都開埋[3]。
攷
[編輯]出面網頁
[編輯]