千島式表記法

請注意：呢篇文章使用咗以統一碼(Unicode)顯示嘅萬國音標(IPA)嚟表示語音內容，如果你睇唔到萬國音標嘅話，請你參考一下Wikipedia:用統一碼顯示萬國音標。

千島式表記法chin1 dou2 sik1 biu2 gei3 faat3（日文讀音：ちしましきひょうきほう，羅馬拼音：Chishima-shiki hyōkihō），簡稱千島式（日文讀音：ちしましき，羅馬拼音：Chishima-shiki），係粵語嘅一種拉丁拼音方案，由日本麗澤大學嘅千島英一教授制定，1983年開始着手設計^[1]^:19，1989年發表^[1]^:1。

千島式係爲咗方便學過英文同中文普通話嘅日本學習者容易上手而設計嘅，用喺多間日本出版社嘅粵語教材同其他書入面。

字母表

千島式嘅拼音字母由拉丁字母 a 至 z 組成，其中 j、q、r、v、x 唔用，母音 a 可以加日文羅馬字用開嘅長音符號，o 同 u 可以加德文用開嘅曲音符號，字調就以阿拉伯數字 1 至 6 標示。

總共19個，如下表所示^[2]^:128：

**千島式聲母表**
	雙脣音、脣齒音				舌尖音				軟顎音、聲門音				脣化軟顎音			噝音、硬顎音
千島式聲母	b	p	m	f	d	t	n	l	g	k	ng	h	gw	kw	w	zh	ch	s	y
國際音標	[p]	[pʰ]	[m]	[f]	[t]	[tʰ]	[n]	[l]	[k]	[kʰ]	[ŋ]	[h]	[kʷ]	[kʷʰ]	[w]	[ts]	[tsʰ]	[s]	[j]
漢字舉例	巴 bā	怕 pā	媽 mā	花 fā	打 dā	他 tā	那 nā	啦 lā	家 gā	卡 kā	牙 ngā	蝦 hā	瓜 gwā	誇 kwā	蛙 wā	渣 zhā	叉 chā	沙 sā	也 yā

總共8個，如下表所示^[2]^:129：

總共9個，如下表所示：

韻腹加韻尾組成千島式嘅韻母，除咗 ü 行之外全部分長短^[2]^:129：

（方括號內為國際音標，所有例字都淨係取其韻母）

總共兩個，有：m（唔）、ng（吳、五），係單獨存在嘅鼻音音節^[2]^:129。

聲調以阿拉伯數字 1 至 6 用上標標示^[2]^:129–130：

實際上高陰入、低陰入、陽入聲調嘅音高，同陰平(1)、陰去(3)、陽去(6)係一樣嘅，呢啲入聲調用韻尾 -p、-t、-k 嚟區分。傳統聲調嘅定義，包括抑揚性（即係實際音高）同頓挫性。而入聲韻尾 -p、-t、-k 正正係影響咗頓挫性。所以粵語有「九聲六調」，標調時可以淨係計實際音高，用1至6六個數字，入聲睇韻尾字母區分就得。

1 2 千島英一 (2017年10月5號)。《香港広東語の研究　―語彙と言語文化を中心に―》 (PDF) (論文) (日文)。金沢大学。喺2024年8月2號搵到。
1 2 3 4 5 池田巧 (1995年3月31日)。〈香港言語学会の≪粤語拼音方案≫について〉。《山梨県立女子短期大学紀要》 (日文)。28: 121–140。喺2024年8月2號搵到。