廣州地鐵5號綫

廣州地鐵5號綫
概覽
營運地區	中華人民共和國，廣州
服務類	城市軌道交通
線路類	幹綫
線路長	41.6km
- 營運長	41.6km
車站總數	30
軌道標準	1435mm
列車偏組	6輛編組L型列車
營運資訊
營運時期	2009年12月28號～而家
營運單位	廣州市地鐵集團有限公司
乘客量	1,370,000（2016.9.30統計）

廣州地鐵5號綫，第個名係環市路綫，係廣州第五條通車嘅城市軌道交通綫路，連接荔灣區嘅滘口同黃埔區嘅黄埔新港。綫路代表色係■紅色。

歷史

規劃

首期

喺1997年嘅《廣州市城市快速軌道交通線網規劃研究（最終報告）》入邊，嗰陣嘅3號綫就係依家5號綫嘅樣，但重係有幾多唔同之處：

• 西邊：路線喺西村站之後繼續沿環市西路前進，去到南岸路嘅西郊煤場，跟住向西轉彎過珠江，經過大坦沙島上邊嘅河沙村，再繼續過江去到金沙洲嗰邊，終點喺沙貝站（依家係6號綫嘅車站）。
• 中間：路線喺淘金站後轉向東南，喺東山口站轉1號綫，之後沿寺右新馬路同花城大道敷設，經過五羊新城同埋珠江新城；
• 東邊：路線下穿茅崗立交之後沿黃埔東路敷設，到咗夏園之後分岔，一條去新塘嗰邊，另一條轉入夏港大道，去到黃埔客運港為止。

到咗2003年嘅方案入面，97版規劃中3號綫嘅編號改成咗5號綫，重作出咗幾多變動：

• 西邊：路線改成喺西村站後轉向西南偏南，下穿廣雅中學同廣三鐵路，到達中山八路，之後過珠江大橋（同廣三鐵路平行），到芳村滘口客運站做終點；
• 中間：路線喺淘金站後沿環市東路繼續行進，下穿區莊立交後轉向東南偏東，改咗喺楊箕站轉1號綫；
• 東邊：路線淨係保留去黃埔客運港嘅走向，而原先去新塘嘅支綫獨立成咗嗰時規劃嘅14號綫（槎頭⇄荔城，唔係依家嘅14號綫）。

之後2003年方案重改咗小小，5號綫東段嘅位置同嗰陣規劃嘅14號綫互換，改成喺茅崗立交東邊轉向東北進入大沙地路地底，沿大沙地路繼續西行，喺夏園立交向南轉入夏港大道，去到黃埔客運港。而14號綫合併咗黃埔東路去到新塘呢段，之後又變成咗家陣13號綫嘅其中一橛。

初期規劃時，原先區莊站到楊箕站之間嘅位冇站，但地鐵方爲咗照顧市民強烈嘅出行需求喺動物園南門嘅環市東路搞動物園站，喺站後行嗰206米細半徑曲綫過去楊箕站。為咗適應呢個曲綫，車站入邊嘅上下行月台重疊埋起身。

東延段

2017年初，廣州將5號綫東延段同其他9條綫路打包成為第三期建設規劃，上報俾國家發改委。到咗3月20號，廣州地鐵第三期建設規劃獲得國家發改委批復，5號綫東延段喺埋入邊。3月23號，5號綫東延段進行咗第一次環評公示。

建設歷程

首期（滘口～文沖）時期

• 2004年5月28號，五號綫首期工程（滘口⇄文沖）正式開工，珠江新城站係第一個開建嘅車站。
• 2006年6月26號，三部盾構機分別喺大坦沙到西場、西場到草暖公園同埋草暖公園到淘金呢三個盾構區間同時始發。
• 2007年8月26號，坦尾-中山八區間盾構雙綫貫通。該區間承接入地段，下穿260米珠江同廣茂鐵路。
• 2007年9月5號，草淘區間雙綫貫通。呢個區間長約2600米，穿過大量溶洞、硬岩同斷裂帶。
• 2007年10月13號，西草區間盾構工地突發湧水引發大規模沉降，內環路部分路段被迫進行封閉排查。
• 2008年1月17號，坦尾-中山八區間聯絡通道施工突發湧水，導致雙橋路發生大規模地陷，珠江大橋封閉。經過及時搶險，事件冇影響到5號綫嘅區間隧道。13日之後，同一個地方再次發生咗地陷，原因係水土流失。
• 2008年1月18號，獵德軌排基地開始鋪軌。
• 2008年3月15號，文沖折返綫暗挖部分貫通，呢段由於釘子戶問題而改為暗挖嘅區間曾經係5號綫嘅控制性工程之一。
• 2008年10月1號，文沖站封頂。
• 2008年11月23號，5號綫首批兩列車運抵廣州。
• 2009年4月19號凌晨，西草區間右綫盾構喺西村站出洞，意味著5號綫全綫洞通。呢個區間穿過咗岩溶地層同富水破碎地層，係全綫難度最大嘅區間，喺施工過程入邊險象環生。
• 2009年5月26號，魚珠車輛段完成三權移交。
• 2009年8月18號，5號綫全綫長軌貫通。
• 2009年9月5號，5號綫全綫電通。
• 2009年9月20號凌晨，5號綫熱滑成功。
• 2009年10月15號，廣州市嘅市民代表被邀請去試搭。
• 2009年12月23號，魚珠車輛段通過咗竣工驗收。

首期進度通報

• 截至2007年3月，　　5號綫全綫38個工點實現開工，有10座車站封頂、11座進行土建施工；6個區間已經貫通，9個區間喺度掘進。
• 截至2007年6月，5號綫全綫有11座車站主體結構封頂，11座車站正進行主體結構施工，1座車站進行土方施工，9個盾構區間已貫通。
• 截至2007年9月，5號綫全綫有11座車站封頂，12座車站進行土建施工；13個盾構區間同2個暗挖區間已經貫通，有5個盾構區間喺度施工，9台盾構機喺度掘進。
• 截至2008年1月，5號綫全綫有13座車站封頂（分別係中山八、廣州火車站、五羊邨到科韻路6站、東圃到大沙東5站），10座車站進行土建施工（分別係滘口、坦尾、西場、西村、小北到楊箕5站、文沖）；16個盾構區間、2個暗挖區間貫通，3個盾構區間（分別係：坦尾-西場、西場-草暖公園、區莊-楊箕）、6台盾構機喺度掘進6台盾构机掘进施工，1個明挖區間進行土建施工。
• 截至2008年6月，全綫23座車站入邊已經有13個車站封頂，10個車站進行土建施工，12座車站進行附屬結構施工；18個區間貫通，有5台盾構機喺度掘進，一個明挖區間完成主體結構施工。
• 截至2009年1月，5號綫全綫有19個車站（新增滘口、西村、小北、淘金、車陂南、文沖）封頂並進行機電安裝施工，剩餘5座車站進行主體結構施工，11座車站進行緊附屬結構施工；19個區間已經貫通，1台盾構機喺度掘進。

東延段（文沖～黃埔新港）時期

• 2017年3月20號，5號綫東延段立項獲得國家發改委批復。東延段由文沖站後折返綫開始，一直向東行，穿過廣深沿江高速同廣澳高速之後，喺夏園再轉向南行開發大道，一直去到黃埔客運港為止。綫路全長9.7km，設置6座車站同一座停車場。

雖然按廣州嘅規劃，5號綫重會向東過東江進入東莞麻涌到東莞西站（原望洪樞紐），同東莞地鐵嘅1號綫換乘，但東莞方想要等東莞1號綫接入夏園。由於同東莞軌道交通方未傾掂，5號綫東延段嘅終點站暫定為黃埔客運港。

5號綫東延段已經納入咗廣州市2017～2023年嘅軌道交通規劃，立項已經獲得國家發改委批復，喺2018年開工建設。

營運

2009年12月28號上晝，廣州地鐵5號綫首期開通儀式喺珠江新城站地面舉行。同日14:00正式通車。

2023年12月28號，3號綫東延段（文沖往返黃埔新港）開通。

綫路

5號綫首期圖示

車站

• 首期綫路設置24個站，由西向東依次係：滘口、坦尾、中山八、西場、西村、廣州火車站、小北、淘金、區莊、動物園、楊箕、五羊邨、珠江新城、獵德、潭村、員村、科韻路、車陂南、東圃、三溪、魚珠、大沙地、大沙東、文沖。
• 東延段初定設置6個站，由西向東依次係：雙沙、廟頭、夏園、保盈大道、夏港、黃埔新港。而東莞段有麻湧西、麻湧東、望洪三站，但係唔係噉樣行重未確認。
• 其中滘口同坦尾係高架站，其它冚唪唥係地下站。

換乘站

開咗嘅

• 廣州火車站：轉2號綫。

  喺2號綫起緊嗰陣，呢個站冇預留轉乘條件。5號綫轉2號綫要先出到站廳，之後行到2號綫站廳入面，再落扶梯到2號綫月台。

• 楊箕站：轉1號綫。

  呢個站係站廳通道換乘。喺1號綫起緊嗰陣，呢個站冇預留換乘條件。5號綫轉1號綫要出去站廳，經過用原嚟嘅A出口改建嘅轉車通道，行到1號綫嘅站廳入面轉車。條路好窄，距離比較長，中間重要行條樓梯。

• 珠江新城站：轉3號綫。

  呢個站係十字島側節點轉乘。5號綫側式站台中部有樓梯同扶梯連接3號綫嘅島式站台。

• 車陂南站：轉4號綫。

  呢個站係T型節點轉乘，4號綫站台南端有樓梯同直梯通到5號綫站台中部。兩綫重可以站廳換乘。

• 區莊站：轉6號綫。

  呢個站係L型節點轉乘。5號綫車站中部有扶梯落到轉換層，而轉換層用樓梯同6號綫站台連接。

• 坦尾站：轉6號綫。

  呢個站係T型島側轉乘。其中5號綫係高架島式車站，6號綫係地下側式車站。5號綫轉6號綫需要先落去一樓站廳，揀啱方向再通過扶梯落到6號綫月台。

• 大沙東：轉7號綫。

  呢個站建設時未作預留，係站廳通道換乘。

• 西村：轉8號綫。

  呢個站係L型站廳換乘。喺起緊5號綫嗰陣，呢個站已經留低咗站廳換乘嘅條件。8號綫嘅車站並冇佈置喺預定嘅廣雅路嗰邊，不過兩綫依舊可以實現近距離嘅站廳換乘。

• 魚珠：轉13號綫。

  呢個站係十字島側節點轉乘。喺起緊5號綫嗰陣已經留咗轉車條件，其中13號綫嘅側式月台喺5號綫島式月台上邊。5號綫轉13號綫需要先揀啱方向再通過扶梯或樓梯去到13號綫月台入面。

• 夏園：轉13號綫。

  呢個站係規劃緊嘅5號綫東延段入面嘅車站平行站廳換乘，呢個站規劃晏過家陣起緊嘅13號綫，係規劃緊嘅5號綫東延段入面嘅車站。

• 員村：轉21號綫。

  呢個站建設時未作預留，為L形站廳通道換乘。喺建成初期，呢個站暫時係21號綫嘅終點站，等到11號綫建成之後先至改成同11號綫換乘，而21號綫就將終點縮到天河公園，唔同5號綫換乘。

規劃緊嘅

• 廣州火車站：轉11號綫同埋14號綫。

  喺呢個站入邊，5號綫同11號綫係L型節點換乘，5號綫同14號綫係站廳換乘。喺5號綫起緊嗰陣，呢個站冇預留換乘條件。11號綫嘅初步方案顯示，11號綫站台將暗挖新嘅通道連接5號綫嘅站台，同時改建原嚟嘅A口建設11號綫站廳，實現站廳同站台換乘；由於14號綫車站佈置喺2號線西邊，估計可能係站廳轉車。

• 中山八：轉11號綫。

  呢個站係平行站廳換乘。喺5號綫起緊呢個站嗰陣，冇預留換乘條件。11號綫嘅初步方案顯示呢個站將改建成平行換乘，5號綫嘅站台亦會增加連接11號綫轉換層嘅通道。

• 西場：轉13號綫。

  起緊5號綫時冇預留換乘條件，係T字通道換乘。

• 淘金：轉12號綫。

  呢個站方案重未穩定，12號綫係唔係保留呢個站都係未知數。

• 潭村：轉19號綫。

  起緊5號綫時冇預留換乘條件，估計係站廳通道換乘。

• 滘口：轉5號綫。

  呢個站建設時未作預留，而且佛山5號綫暫定為地下綫，估計係高架地下長通道換乘。

• 黃埔新港：轉17號綫。

列車

5號綫採用6節編組L型列車，通過第三軌供電，由南車四方-川崎重工製造。

5號綫原嚟計劃運營初期採用4節編組，同4號綫通跑，到2030年先改成6節。但出於城市發展對地鐵運能需求不斷提高、地鐵票價優惠等原因，加上3號綫嘅“小編組高密度”思維被證明失敗，5號綫後尾更改咗列車訂單，直接採購6節編組列車，以適應需求。

困難

• 地質問題。5號綫經過廣州西北邊嘅岩溶地區，施工難度極大，喺施工過程入邊出現過漏水同埋地陷嘅事故，重試過影響咗路面嘅交通。
• 多次下穿廣茂鐵路。5號綫九次下穿廣茂鐵路，控制鐵路路基沉降量、保證鐵路安全運行曾經係非常令人頭痛嘅問題。
• 拆遷問題。文沖釘子戶開出過高條件導致談判失敗，5號綫文沖站後折返綫只能由明挖改為暗挖，增大風險之餘亦拉長咗工期；區莊原嚟計劃拆遷嘅教室宿舍亦拆唔到，導致區莊站變更設計，拖長工期之餘令車站嘅功能變得唔係幾好；西場站由於地面站廳位置拆遷唔順，成為咗全綫最晏開工嘅車站；楊箕站嘅換乘通道亦因為釘子戶原因進度遲緩。
• 同周邊居民單位嘅協調問題。區莊站B出口原先話起喺農林下路小學隔籬，後尾由於家長同學校反對話地鐵口人多混雜，出口遷到咗馬路對面；起好咗之後，又有家長投訴話細路過街唔安全，要起番個過街隧道。