程式除錯

出自維基百科,自由嘅百科全書
跳去導覽 跳去搵嘢
1947 年嗰個「bug」;當時電腦科學家喺部電腦入面搵到隻飛蛾,從此程式出錯有咗個花名叫「蟲」。

程式除錯粵拼cing4 sik1 ceoi4 co3英文program debugging)係程式編寫(programming)上嘅一個重要工序,指寫好咗源碼之後搵同排除電腦程式或者電子架生當中嘅程式錯誤(bug)嘅一個過程。一種常見嘅除錯方法係俾個程式行幾次,睇吓佢輸出嚟嗰啲結果有冇異常,呢個過程可能會嘥好多時間(一啲複雜嘅程式要行嗮可能要花好幾日嘅時間),但就好緊要-將一個軭咗嘅程式放出嚟俾人用有陣時後果可以好大鑊,例如係一隻負責用嚟分析科研數據嘅軟件如果有錯,可能會累到用隻軟件嚟做研究嘅科學家跟住錯,會搞到好大件事。對除錯嘅思考亦都影響程式語言嘅選擇-某啲程式語言零舍容易有某啲類型嘅問題,噉好多時係因為呢啲語言喺編譯嘅過程當中冇其他語言檢查得咁嚴密[1]

搵到 bug 之後要點處理有好多技巧。一個可能嘅做法係喺搵到一個 bug 之後,首先試吓將個程式嘅輸入簡化,睇吓個程式係邊忽衰咗。舉個例說明,如果家吓喺處理一個大檔案嘅編譯嗰陣,個編譯器有 bug 搞到輕咗機,跟手個編程員可以試吓將嗰個大檔案斬件做五份,(例如)發現淨係喺個編譯器編譯緊呢五份入面其中一份嗰陣先至會有 bug,噉就知道,搞到個編譯器輕機嘅問題喺嗰份嘢入面-呢份嘢入面有某啲類型嘅資料係個編譯器搞唔掂嘅,噉就幫到個編程員可以進一步評估吓個編譯器係邊忽有問題[1][2]

睇埋[編輯]

[編輯]

  1. 1.0 1.1 Thorsten Grötker, Ulrich Holtmann, Holger Keding, Markus Wloka, The Developer's Guide to Debugging, Second Edition, Createspace, 2012.
  2. Agans, David J. (2002). Debugging: The Nine Indispensable Rules for Finding Even the Most Elusive Software and Hardware Problems. AMACOM.