易用度測試

易用度測試（英文：usability testing）喺人機互動研究上係一種用嚟評估一個系統嘅易用度嘅做法，指真係搵用家（受試者）返嚟試吓用個系統；喺呢個測試過程當中，設計者會要求啲受試者自由噉用吓，跟住又會叫佢哋試吓用某啲特定嘅功能嚟達到某啲里程碑；喺呢個測試過程當中，設計者會用觀察受試者嘅行為，又會某啲方法量度一啲反映易用度嘅指標，「指標」包括「受試者用咗幾多時間嚟達到里程碑」以及「有幾多百分比嘅受試者成功達到里程碑」呀噉－如果個系統易用，應該會出現「多數受試者都能夠喺短時間之內搞掂」嘅情況；而且設計者喺觀察受試者嘅行為嘅過程裏面，仲能夠得到「用家犯錯嗰陣傾向犯乜嘢錯」嘅資訊，而呢樣資訊都幫到設計者度個系統要點樣執^[1]。