文字用家介面[暫譯]（英文：character-based user interface，CUI，或者 text-based user interface，TUI）泛指喺終端機、電腦熒光幕嘅文字幕或者類似環境下操作嘅用家介面；輸出裝置通常係等寛嘅文字幕，輸入通常係鍵盤。
命令行介面係一種文字用家介面，但係文字用家介面唔一定會用命令行，例如 UCSD Pascal 用嘅係 ｢命令清單式｣（menu-based）嘅介面；就算係喺命令行介面開始，打咗命令行程式之後，個程式亦好多時會用全熒幕而唔會係用命令行。
