化學物質

蒸氣同水都係同一種化學物質－一氧化二氫（H₂O），前者係氣體狀態，後者係液體狀態。

化學物質（粵拼：faa3 hok6 mat6 zat1），又叫化學物種，係指有住某啲特定嘅化學成分（即係由某啲化學元素組成）同埋性質嘅物質－包括咗可見宇宙入面大部份嘅嘢。一種化學物質可以由單一一種元素組成，但係又可以係化合物或者混合物。通過化學反應，一種化學物質重可以轉化做第啲化學物質。

化學物質有得以固體、液體、氣體、或者等離子體嘅形式存在，並且會隨住溫度或者壓力嘅變化改變型態。好似係水同蒸汽咁。佢哋嘅化學成份都係一氧化二氫（H₂O）－由氧同氫兩種元素以一比二嘅比例組成，每粒分子有一粒氧原子同兩粒氫原子，係同一種化學物質，只不過佢哋嘅相態唔同－水係液體，後者係氣體。喺一般大氣壓力之下，當水嘅温度升到攝氏 100 度嗰陣就會蒸發變做蒸氣。

呢個宇宙有啲嘢唔屬於化學物質，例如係光同動能。

化學物質嘅類型

• 元素
• 化合物
• 混合物

睇埋

• 化學