沙田區
想搵第二個意思嘅話，請睇沙田 (搞清楚)。
沙田區（英文：Sha Tin District）係香港十八區之一，響新界東，面積6,940公頃，根據2016年香港中期人口統計有人口659,794，係全香港最多人口嘅區[1]。1960年代開始發展嘅沙田新市鎮就喺沙田區，係新界頭三個新市鎮（舊時叫衞星城市）之一。
沙田區嘅主要發展原本只係沙田海同埋城門河兩岸填地，包括大圍、火炭、禾輋、石門、小瀝源、圓洲角同埋馬料水等等地方，家下亦拓展埋去馬鞍山（即係馬鞍山新市鎮），包括烏溪沙等地方。
交通
[編輯]港鐵東鐵綫（之前叫九廣鐵路、九廣東鐵，俗稱火車）沿線嘅大圍站、沙田站、火炭站、馬場站同埋大學站都服務沙田區，向南通去中西區金鐘站，向北通去大埔區、北區同中國大陸。屯馬綫（之前叫馬鞍山鐵路、馬鞍山綫，俗稱馬鐵），向東去到烏溪沙站，向西去到屯門區屯門站。
大老山隧道駁埋九龍東、獅子山隧道同大埔道駁去九龍中、城門隧道駁去荃灣、吐露港公路駁去大埔，重有西沙路同T7路駁去西貢。
8號幹線（包括南灣隧道、昂船洲大橋同埋尖山隧道等等）喺2009年12月全線通車。行呢條線可以由沙田直接去荔枝角、葵涌、香港國際機場一帶，令到從沙田去機場嘅車程縮短到35分鐘。
而家[咩時候？]沙田區一共有多過100條專營巴士線來往全港各區。
食
[編輯]文娛康樂
[編輯]
- 單車徑
- 沙田大會堂
- 沙田公園
- 沙田馬場（香港第二個馬場，1978年開幕）、彭福公園
- 源禾遊樂場
- 香港文化博物館（介紹香港傳統文化習俗，係全港規模最大嘅博物館，2000年啟用）
- 道風山
- 望夫石
- 萬佛寺
- 沙田車公廟
- 曾大屋
- 史諾比開心世界（新城市廣場內）
- 獅子山郊野公園
- 馬鞍山郊野公園
- 馬鞍山運動場
出面網頁
[編輯]參考
[編輯]- ↑ 〈2016年香港中期人口統計簡要報告〉 (PDF)。香港。2017。頁 19。原著 (PDF)喺2017年3月26號歸檔。喺2020年3月4號搵到。
| ||||||||||||||||||||
