狄志遠
| 狄志遠 | |
|---|---|
.jpg) | |
| 出生日 | 1957年9月24號  （67歲） |
| 出生地 | 英屬香港 |
| 國籍 | 香港 |
| 母校 | 香港理工大學、香港城市大學 |
| 職業 | 社會工作者、太平紳士 |
| 政黨 | Meeting Point |
[改維基數據] | |
狄志遠，SBS，BBS，JP（Tik Chi Yuen，1957年9月24號—）係香港政治人，前香港民主黨成員，做過副主席，早期被視為泛民主派中較主流泛民溫和嘅人士。2015年因為政改立場同個黨有唔同意見而退黨，創辦中間派組織新思維同做埋主席，但其後政見逐漸傾向親中派。2021年再次晉身立法會，自稱非建制派。
早年生涯
[編輯]狄志遠早年喺九龍黃大仙嘅徙置區長大[1]。阿爸係一名司機，阿媽係工廠工人[1]。
政途
[編輯]泛民主派成員（1991年－2015年）
[編輯]狄志遠喺1991年到1995年代表匯點（民主黨前身）做過香港立法局新界北議員，但無尋求連任，淡出政壇，仍保持民主黨員身份。
2006年到2008年，狄志遠做咗民主黨副主席。佢2008年出山參選立法會選舉，參選社會福利界，輸畀獲多數泛民主派支持嘅張國柱。
2012年，狄志遠因為積極支持港府推行德育及國民教育科，同主流泛民相反，而被何俊仁批評。
2015年，狄志遠因為接受政改方案可以「袋住先」，同黨嘅立場唔同，決定退黨，同黃成智等前民主黨成員另行創辦中間派組織新思維同做埋主席。
新思維時期，重返立法會前（2015年－2021年）
[編輯]媒體曾經多次報道，新思維同中聯辦有唔少嘅往來，中聯辦甚至喺2016年香港立法會選舉安排配票畀喺九龍西代表新思維參選嘅狄志遠。對於呢啲關係，狄志遠亦公開承認，新思維得到中聯辦嘅關心[2]，不過，佢最後都係落選。其後新思維嘅路線被部分成員批評，其後呢啲成員更退黨抗議。
另外，喺2017年香港行政長官選舉入面，佢亦好早就支持林鄭月娥。例如，佢早喺林鄭月娥仲係辭職休假嗰陣，已經陪佢去慈雲山長者屋探訪長者，預先為參選特首熱身，又喺《經濟日報》發表評論文章形容另一參選人曾俊華喺中央多次勸退下仍然參選係「衝紅燈」，有啲評論就話佢儼如中聯辦代言人[3]。
喺2018年11月香港立法會九龍西地方選區補選，佢同多名親北京派政治領袖同立法會議員，包括李慧琼、鄭泳舜、蔣麗芸、吳秋北、梁美芬、邵家輝，葉劉淑儀等人同台支持陳凱欣，話陳凱欣係一個做實事嘅人，又呼籲中間選民唔好被動、唔好逃避[4][5]。
重返立法會（2021年起）
[編輯]喺北京單方面未經香港人同意修改香港選舉制度之後，因為直選議席數目大幅倒退同埋參選要經過政府單方面嘅國安審查，泛民主派同香港本土派好多都對參與選舉持負面態度，但狄志遠仍然參與2021年舉行嘅選舉委員會選舉。最後佢只能夠抽籤當選選委，成為咗整個選舉委員會入面唯一一個當選，新定義之下嘅「非建制派」[6]，之後响第7屆香港立法會選舉參選社會福利界功能界別，以1400票當選，被視為唯一一位當選嘅香港中間派立法會議員。
重返立法會後，雖然佢以中間派或非建制派自居，但佢有時亦得到親中派媒體幫佢造勢宣傳[7]，又有參與一啲親中派嘅行動，例如喺2022年2月中習近平就香港武漢肺炎疫情問題發表講話，佢就有份參與親中派全體「感謝習近平總書記作出重要指示」嘅聯合聲明[8][9]。另外，喺李百全上任廣播處長主理香港電台之後，一啲民主派聲音被進一步打壓，但狄志遠反而大讚港台定位清晰，向社會發放國安觀念[10]。
個人榮譽
[編輯]公職
[編輯]濕碎嘢
[編輯]註
[編輯]- ↑ 1.0 1.1 〈狄志遠：領袖要強具僕人心 了解信念樂觀前行〉。灼見名家。2016-09-29。原著喺2020-08-26歸檔。喺2020-01-21搵到。
- ↑ 〈【九西論壇】狄志遠評配票：唔洗勞煩中聯辦 蔣麗芸狙擊游蕙禎：番去讀多啲書喇 | 立場報道 | 立場新聞〉。《立場新聞 Stand News》 (英文)。原著喺2021-05-11歸檔。喺2021-05-11搵到。
- ↑ Https://Www.post852.com, 852郵報 (2017-01-25)。〈【特首跑馬仔】狄志遠文章儼如中聯辦代言人 促撐曾俊華商界勿為意氣「付出沉重代價」｜852郵報〉。《852郵報》 (香港中文)。原著喺2021-05-11歸檔。喺2021-05-11搵到。
{{cite web}}: External link in|last= - ↑ 〈與建制同台撐陳凱欣 憶共商教育 狄志遠：你嘅表情感動我 中間選民有個好選擇 | 立場報道 | 立場新聞〉。《立場新聞 Stand News》 (英文)。原先內容歸檔喺2020-08-26。喺2019-12-02搵到。
- ↑ Pao, Ming。〈陳凱欣造勢 老公邱文華「復出」 狄志遠撐場：與陳認識不深〉。www.mingpaocanada.com (英文)。原先內容歸檔喺2020-08-26。喺2019-12-02搵到。
- ↑ 吳倬安羅家晴 (2021-09-20)。〈選委會｜社福界狄志遠抽籤險勝：心情矛盾 非建制仍有參選空間〉。《香港01》 (香港中文)。喺2021-09-23搵到。
- ↑ Speakout-港人講地。〈【短片】【立法群英再出發】成功重返議會的狄志遠:現時香港社會最重要復和、《基本法》23條立法為保國家安全、不會限制自由〉。www.speakout.hk (英文)。喺2022-02-17搵到。
- ↑ 〈【習近平指示】立法會全體議員：祖國強大後盾下定能戰勝疫情 社福界狄志遠首參與建制聯署 - 香港經濟日報 - TOPick - 新聞 - 政治〉。topick.hket.com。喺2022-02-17搵到。
- ↑ 〈立法會全體議員聲明：感謝習近平總書記作出重要指示 | 獨媒報導〉。《獨立媒體》。2022-02-17。喺2022-02-17搵到。
- ↑ 〈狄志遠讚港台成功改革 邱騰華：「多謝肯定」 | 獨媒報導〉。《獨立媒體》。2022-04-12。喺2022-05-08搵到。
- ↑ 〈2000年第29號號外公告 太平紳士條例 (第510章)〉 (PDF) (新聞稿) (繁體中文)。香港政府憲報。2000年7月1號。
- ↑ 〈二〇〇七年授勳名單〉 (新聞稿) (繁體中文)。香港政府新聞公報。2007年7月1號。
- ↑ 〈二〇一三年授勳名單〉 (新聞稿) (繁體中文)。香港政府新聞公報。2013年7月1號。
- ↑ 〈組織架構 - 香港再出發大聯盟 - 官方網站〉。www.hkcoalition.com。喺2023-11-09搵到。
- ↑ 〈香港再出發大聯盟團結各界〉。www.takungpao.com.hk。喺2023-11-09搵到。
- ↑ 寧靜致遠：蝙蝠俠迷說蝙蝠俠
出面網頁
[編輯]- 〈香港特別行政區立法會 -狄志遠議員, SBS, JP〉 (繁體中文)。香港特別行政區立法會。
- 〈香港特別行政區立法會 - 議員資料庫〉 (繁體中文)。香港特別行政區立法會。
- 〈狄志遠博士，銀紫荊星章，銅紫荊星章，太平紳士〉。《團結香港基金》 (繁體中文)。
- 〈狄志遠小檔案〉 (繁體中文)。《亞洲週刊》。
- 〈狄志遠博士 SBS,BBS,JP〉 (繁體中文)。鳳溪第一中學。
- 狄志遠嘅facebook頁
| 主席 |  | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
| 選舉委員會界別 | |||||||||||||||||||||
| 功能界別 | |||||||||||||||||||||
| 地方選區 | |||||||||||||||||||||
X辭職入政府做官 | |||||||||||||||||||||