User talk:广州阿沾

阿沾，早晨！食咗飯未？歡迎加入粵語維基百科！

• 維基百科鼓勵你放膽編寫！「吾人五大支柱」係百科、中立、內容自由、行為規範，同埋：無死板嘅規則。願你鍾意呢度。
• 順便提提：
  • 喺討論版發言，記住用四條蛇簽名，即係噉打: ~~~~。
  • 有問題，可以去我討論版，亦可以嚟呢度。
  • 想做維基實驗？請用沙盒。
  • 有嘢講？請留言。
• 粵語本字同粵語用辭指引發展緊，你有無意見？
• Welcome to Cantonese Wikipedia. If you cannot understand Cantonese, you can write to our Ambassador. Enjoy yourself.
• 得閒飲茶！ - WikiCantona (傾偈) 2012年3月3號 (六) 06:36 (UTC)

Template:DISPLAYTITLE

係未整唧，啱啱整咗。用得㗎啦。--WikiCantona (傾偈) 2012年3月4號 (日) 07:54 (UTC)

係得嘅，我睇到。我諗係因為你個 browser 嘅 cache 未更新。--WikiCantona (傾偈) 2012年3月9號 (五) 14:51 (UTC)

請教

據我所知，廣州以前都有好多法國人地頭，唔知閣下有無舊時廣州嘅法文地圖？【粵語文學大使殘陽孤侠】粵維辭典起錨！ 2014年7月3號 (四) 22:11 (UTC)

法國人地頭就真係幾多，比如話，番禺嘅小谷圍，以前啲紅毛番鬼叫渠 French Island。我收集過一啲廣州舊地圖，有紙質版，有電子版。不過，我好似得過日文同英文嘅廣州地圖，法文唔多覺有。 ----广州阿沾 (傾偈) 2014年7月4號 (五) 01:38 (UTC)

呢幾張有冇用：[1]，[2]；[3]--WikiCantona (傾偈) 2014年7月4號 (五) 03:29 (UTC)

第一張好似係英文嘅。第二張要畀錢嘅。第三張略嫌太簡，不過留意到地圖右下角嘅Kuper I.就係當時大沙頭嘅英文，如果張圖範圍再大嘅話，就可以睼到Napier I.（二沙島）--广州阿沾 (傾偈) 2014年7月4號 (五) 06:40 (UTC)

圖像上載

你好，之前啱啱上載咗嘅圖像，如果係屬於自己嘅作品嘅話，噉就可以上載到Wikimedia Commons，噉每一個Wikimedia計劃都可以用呢幾張圖。而commons只會收自由版權嘅嘢，睇落去如果你嗰尐圖係屬於公有領域(作品超過咗某一個期限)嘅話，噉就可以以公有領域嘅形式上載到嗰邊。似乎啱啱閣下上載咗嘅圖唔似係CC-by嘅圖，如果唔符合嘅話，就會跟政策去刪除嗰尐嘅圖。唔該晒。 Shinjiman ⇔ ♨ 2014年7月20號 (日) 09:42 (UTC)

頭先上載嘅圖像出版年代係1929年，係掃描上電腦再經我個人加工後上載，我認為，屬個人作品，且年代久遠至極（已經過去85年，對於大陸嚟講係上一個朝代），應該唔存在版權問題。我唔係好識睇英文，麻煩管理員作出判斷畀出相應嘅建議。如果唔符合條件，要刪除嘅話，請喺刪除圖像嘅前一日通知我，唔該。 ——广州阿沾 (傾偈) 2014年7月20號 (日) 10:37 (UTC)

有咩事坐低傾下偈

你睇下黃大仙祠呢篇嘢嘅歷史喇，有位仁兄試過將黃大仙祠 (香港)篇嘢搬咗去黃大仙祠度嘅，重話咩「網上大部份係香港黃大仙祠」啵！雖然話我都承認網上大部份講嘅都係香港黃大仙祠，但係！你知唔知以前喺2002年，本港台嘅《張立平常談》節目，講咗係「廣州都有黃大仙、南海都有黃大仙、美國都有黃大仙」啩？香港嘅黃大仙我都去過，不過我都去咗廣州嘅黃大仙啊！噉搬版法，你話嬲唔嬲？話我哋廣州人就覺得呢次搬版嘅嘢就好嬲！我寫黃大仙祠 (廣州)呢篇嘢就係費事俾佢再嚟搬版噉解。我CHECK過下，就係WikiCantona呢條友喺7月8號我搬咗版之後就搞搞震。--CRCHF (傾偈) 2014年8月1號 (五) 07:56 (UTC)

Calm down ,my bro～～～如果以「網上大部份係…」妄下論斷確實唔啱嘅……其實我覺得呢，佢係認為你搬版嘅同時，無開埋搞清楚呢版講清楚。WikiCantona係管理員嚟嘅，佢覺得唔好，就直接同你改，其實都無大問題，我相信管理員唔會搞搞震，大家將事講清楚就好。管理員搬錯一次版，點都好過嗰次IP用戶洗版。呢家就應該無問題啦。--广州阿沾 (傾偈) 2014年8月1號 (五) 09:21 (UTC)

講實話，呢度嘅規矩係搬之前先討論過，一個星期內無人反對先講搬嘅，雖然好多時呢啲規矩、政策都無乜點執行到底。之不過，有商有量有交代，人哋先明你做乜，無必要分分鐘升到粵港之爭傷和氣，畢竟，人哋係人哋，我哋係我哋，廣州縱然係省城，好多嘢都係不爲人知，唔講清、無交代，人哋點知你係真神假鬼？比如流花湖嗰篇噉，如果唔補充下「花」字嘅特殊讀音，得個音標人哋以爲你標錯咗咋！（確實CRCHF至今都未學得正粵語拼音。），同樣唔講清，無人知香港嘅「灣」字地名係讀「環」、「澳門」喺當地小欖音係講「奧們」（噉就聽出喺咪本地人）。--S7w4j9 (傾偈) 2014年8月1號 (五) 12:19 (UTC)

首先，我真係要好多謝幾位幫手寫好多廣東有關嘅文！我有必要回應吓。「管理員」其實冇乜特別，係幫手做吓嘢咁。我做每個動作都有理由，大家係講廣東話／粵語嘅人，粵港澳嘅習慣唔同，都希望可以互相體諒。搬黃大仙祠 (香港)-->黃大仙祠係好有理由，網上大部份係香港黃大仙祠，目前嚟講，講親黃大仙都係香港嘅。「靈過黃大仙」、「黃大仙都冇咁靈」係講香港嘅。第二，黃大仙係2008年就喺度，冇理由冇謂郁佢。第三，郁之前有冇討論過先，第四，唔好學得懶中立，唔理三七廿一「名」就用嚟「搞清楚」，個個名都一樣嘅咩。家下，我會搬返過去，大家傾下要點做。--WikiCantona (傾偈) 2014年8月1號 (五) 18:16 (UTC)

「你知唔知」更新

響2014年7月28日，頭版嘅你知唔知？專欄已經換畫咗喇。你新寫或擴寫篇文章「何氏大宗祠 (沙灣)」嘅事實獲選亮相。當篇文響頭版度出現嗰陣，歡迎你可以去睇吓有多下點擊 （睇吓點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有1篇文章喺呢欄度亮過相。

--Shinjiman ⇔ ♨ 2014年7月28號 (一) 01:11 (UTC)

響2014年8月1日，頭版嘅你知唔知？專欄已經換畫咗喇。你新寫或擴寫篇文章「UFODJs」嘅事實獲選亮相。當篇文響頭版度出現嗰陣，歡迎你可以去睇吓有多下點擊 （睇吓點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有2篇文章喺呢欄度亮過相。

--Shinjiman ⇔ ♨ 2014年8月1號 (五) 12:02 (UTC)

喺2015年7月10號，頭版嘅你知唔知？專欄已經換畫咗喇。你新寫或擴寫篇文章「綸生白公祠」嘅事實獲選亮相。當篇文喺頭版度出現嗰陣，歡迎你可以去睇下有多下點擊 （睇下點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有3篇文章喺呢欄度亮過相。

--Shinjiman ⇔ ♨ 2015年7月10號 (五) 13:35 (UTC)

喺2015年7月30號，頭版嘅你知唔知？專欄已經換畫咗喇。你新寫或擴寫篇文章「天祥徐公祠」嘅事實獲選亮相。當篇文喺頭版度出現嗰陣，歡迎你可以去睇下有多下點擊 （睇下點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有4篇文章喺呢欄度亮過相。

--Shinjiman ⇔ ♨ 2015年7月30號 (四) 05:56 (UTC)

喺2015年8月10號，頭版嘅你知唔知？專欄已經換畫咗喇。你新寫或擴寫篇文章「潘能敬堂」嘅事實獲選亮相。當篇文喺頭版度出現嗰陣，歡迎你可以去睇下有多下點擊 （睇下點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有5篇文章喺呢欄度亮過相。

--Shinjiman ⇔ ♨ 2015年8月10號 (一) 00:11 (UTC)

喺2015年8月13號，頭版嘅你知唔知？專欄已經換畫咗喇。你新寫或擴寫篇文章「成珠樓」嘅事實獲選亮相。當篇文喺頭版度出現嗰陣，歡迎你可以去睇下有多下點擊 （睇下點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有6篇文章喺呢欄度亮過相。

--Shinjiman ⇔ ♨ 2015年8月13號 (四) 14:40 (UTC)

喺2015年8月17號，頭版嘅你知唔知？專欄已經換畫咗喇。你新寫或擴寫篇文章「伍崇曜」嘅事實獲選亮相。當篇文喺頭版度出現嗰陣，歡迎你可以去睇下有多下點擊 （睇下點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有7篇文章喺呢欄度亮過相。

--Shinjiman ⇔ ♨ 2015年8月17號 (一) 23:34 (UTC)

喺2015年8月24號，頭版嘅你知唔知？專欄已經換畫咗喇。你新寫或擴寫篇文章「梁經國」嘅事實獲選亮相。當篇文喺頭版度出現嗰陣，歡迎你可以去睇下有多下點擊 （睇下點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有8篇文章喺呢欄度亮過相。

--Shinjiman ⇔ ♨ 2015年8月24號 (一) 09:12 (UTC)

倒閉

大佬，「倒閉」係北話。粵語有佢嘅專用詞叫「執笠」。--WKDx417 (傾偈) 2015年8月24號 (一) 23:45 (UTC)

我亦都諗過爾個問題，當時就諗究竟用「執笠」好，抑或「倒閉」好。考慮到嗰啲都係大行，而「執笠」聽落就好似係舖頭仔經營不善噉；而前邊有「紛紛」做狀語（紛紛，響處用嚟體現當時十三行經濟環境差），「紛紛執笠」唔多順口，最終重係用「倒閉」。「執笠」係無錯，因為粵語真係唔覺有「倒閉」爾個詞，然則，「倒閉」相對於就「執笠」會文雅些少。「倒閉」雖然唔純正，但北話特徵亦唔會太明顯。如果搵到有個更加好嘅詞換咗佢，亦得。 广州阿沾 (傾偈) 2015年8月25號 (二) 01:35 (UTC)

我原文用嘅係「破產」。 广州阿沾 (傾偈) 2015年8月25號 (二) 01:37 (UTC)

(路過)其實「倒閉」都有經營不善嘅語感。翹仔 2016年2月2號 (二) 22:01 (UTC)

：：：（路過）講「一間間執笠」，唔係比「紛紛倒閉」嚟得順口？「倒閉」文雅過頭，似吊書包，都係「執笠」順啲。

今次有個地名要請教下你

廣州越秀有條叫「wui4龍路」嘅馬路，今次唔知用邊個版好。因為嗰版嘅標題用字有得拗，路牌寫嘅係「回」，但門牌寫嘅係「廻」，重有一個版用嘅係「囬」，你會揀邊個？--WKDx417 (傾偈) 2015年8月26號 (三) 03:27 (UTC)

應該係「廻」或者「迴」。我查下民國嘅書先，等陣整張圖上嚟。 广州阿沾 (傾偈) 2015年8月26號 (三) 03:37 (UTC)

迴龍路一帶，舊名應該係迴龍社，喺清末嘅《番禺縣續志》搵到（張圖紅框框住）。 广州阿沾 (傾偈) 2015年8月26號 (三) 04:06 (UTC)

迴龍社

噉就直接用「迴」字喇。--WKDx417 (傾偈) 2015年8月26號 (三) 04:22 (UTC)

你知唔知更新

喺2015年8月28號，頭版嘅你知唔知？專欄已經換畫咗喇。你新寫或擴寫篇文章「誠志倉」嘅事實獲選亮相。當篇文喺頭版度出現嗰陣，歡迎你可以去睇下有多下點擊 （睇下點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有9篇文章喺呢欄度亮過相。

--Shinjiman ⇔ ♨ 2015年8月28號 (五) 04:20 (UTC)

閩東語維基選舉

您好，在下於閩東語維基參選管理員，可否助吾一臂之力？在此不甚感激。該處活動之維基人不多，故只得在此宣傳，若有打擾，還望見諒。--唐吉訶德的侍從 (傾偈) 2015年10月4號 (日) 16:47 (UTC)

既然就算我幫你投你票，你都「不甚感激」我，我何必要幫你呢，係咪噉話啊，世侄？ 广州阿沾 (傾偈) 2015年10月17號 (六) 03:17 (UTC)

覆：擒墻

發生咩事我哋理唔到㗎嘑，至於擒墻方面，用自由門之流係封硬你㗎嘑，趁住呢啲軟件未死（畀我感覺，唔知幾時呢啲軟件會招安咗），備多幾條路數。想去寫中維，可以試下用VPN gate，免費，係日本筑波大學研究生院搞嘅學術項目，佢嘅原理係靠世界各地嘅志願者提供佢哋嘅電腦，然後用佢哋嘅電腦作爲中繼來上網，因爲係志願者提供，所以IP地址不定，分佈喺各國，唔同時候份IP表都唔同，講穿佢就係同GFW打遊擊，時不時要換IP，但靠客戶終端，其實都幾方便。網址：係呢個，佢啲說明會指你點做。--S7w4j9 (傾偈) 2015年12月5號 (六) 13:01 (UTC)

今次又有一個用字問題又要搵你嘅

今次我發現有個廣州嘅地名——叫「大hou4沙」，我見過地圖、雜誌同有關廣州旅遊啲書，寫成「大蠔沙」、「大濠沙」，甚至有「大蚝沙」嘅寫法，究竟正寫係邊個？--WKDx417 (傾偈) 2015年12月10號 (四) 09:21 (UTC)

應該係「蠔」。「蚝」係「蠔」嘅簡筆字。之所以叫大蠔沙，係因為佢形似大蠔，排除「濠」。我諗你睇嗰啲「有關廣州旅遊嘅書」應該係簡體字，但係佢寫「蠔」唔寫「蚝」，一嚟我諗係佢無查字典，二嚟可能受蠔油樽包裝上便嘅字嘅影響。 广州阿沾 (傾偈) 2015年12月11號 (五) 00:21 (UTC)

阿沾，江津篇嘢要搵個共識。

我建議改做江津區，因為前中國足球員有位叫江津，而且好出名下。因為佢係幫過中國國家隊入過2002年世界盃，重喺2002年世界盃出過場，而且入咗中國足球歷史冊同國家隊名錄。--WKDx417 (傾偈) 2016年1月27號 (三) 07:50 (UTC)

考慮到撞名，搬咗版喇。若然要寫江津呢個人，就麻煩順手開埋搞清楚，日本重有個「江津市」嘅。 广州阿沾 (傾偈) 2016年1月27號 (三) 08:32 (UTC)

你知唔知更新

喺2016年1月28號，頭版嘅你知唔知？專欄已經換畫咗喇。你新寫或擴寫篇文章「綦江區」嘅事實獲選亮相。當篇文喺頭版度出現嗰陣，歡迎你可以去睇下有多下點擊 （睇下點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有10篇文章喺呢欄度亮過相。

--Shinjiman ⇔ ♨ 2016年1月28號 (四) 00:48 (UTC)

喺2016年1月29號，頭版嘅你知唔知？專欄已經換畫咗喇。你新寫或擴寫篇文章「中華民國陸軍軍官學校」嘅事實獲選亮相。當篇文喺頭版度出現嗰陣，歡迎你可以去睇下有多下點擊 （睇下點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有11篇文章喺呢欄度亮過相。

--Shinjiman ⇔ ♨ 2016年1月29號 (五) 17:22 (UTC)

喺2016年2月3號，頭版嘅你知唔知？專欄已經換畫咗喇。你新寫或擴寫篇文章「果敢」嘅事實獲選亮相。當篇文喺頭版度出現嗰陣，歡迎你可以去睇下有多下點擊 （睇下點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有12篇文章喺呢欄度亮過相。

--Shinjiman ⇔ ♨ 2016年2月3號 (三) 16:12 (UTC)

請教

請問我邊度的修改摻入了國語，請幫我指出來。GZMTR ⇔ ♨ 2016年2月1號 (日) 12:42 (UTC)

回：已經作部分修改，如果有錯誤勞煩閣下幫我訂正。多謝！GZMTR ⇔ ♨ 2016年2月6號 (日) 09:16 (UTC)

我身為粵語人士，一睇就睇到出嚟。GZMTR，你寫嘅粵語重有好多地方要改善，得閒去圖書館買啲學粵語有關啲書同睇多啲粵講越掂、誰語爭鋒同香港啲電視台就知下粵語字係點寫喇。--WKDx417 (傾偈) 2016年2月6號 (六) 01:29 (UTC)

有個地名想問下你

廣州地區有個地名係「双沙」，唔知佢舊時寫嘅係「䨇沙」定「雙沙」？前排我經過黃埔區䨇崗社區時，發現牌坊寫嘅係呢個「䨇」字，唔知佢屬唔屬呢個情況。--WKDx417 (傾偈) 2016年2月28號 (日) 06:40 (UTC)

要查下清朝同民國啲書先。 广州阿沾 (傾偈) 2016年2月28號 (日) 07:06 (UTC)

今次又有個黃埔地名用字想請教下

前日我出街去到黃埔近魚珠位置，見到有個地名嗌「蟹山」，不過我入去間公園入面，喺砲臺附近又見到有舊時嘅牌匾，寫成「蠏山臺」（下邊有相）。

黃埔蠏山砲臺

我睇個牌匾好似喺大清時期出，不過我唔肯定佢係咪最舊時嘅寫法。--WKDx417 (傾偈) 2016年3月26號 (六) 23:31 (UTC)

我手頭上嘅相關典籍未有呢個地名舊寫，另查《匯編》得炮臺字係清光緒十一年寫嘅，噉就用「蠏」囉。 广州阿沾 (傾偈) 2016年3月27號 (日) 15:26 (UTC)

你知唔知更新

喺2016年4月11號，頭版嘅你知唔知？專欄已經換畫咗喇。你新寫或擴寫篇文章「阮儀三」嘅事實獲選亮相。當篇文喺頭版度出現嗰陣，歡迎你可以去睇下有多下點擊 （睇下點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有13篇文章喺呢欄度亮過相。

--Shinjiman ⇔ ♨ 2016年4月11號 (一) 08:31 (UTC)

Participate in the Ibero-American Culture Challenge!

Hi!

Iberocoop has launched a translating contest to improve the content in other Wikipedia related to Ibero-American Culture.

We would love to have you on board :)

Please find the contest here: https://en.wikipedia.org/wiki/Wikipedia:Translating_Ibero_-_America/Participants_2016

Hugs!--Anna Torres (WMAR) (talk) 15:06, 9 May 2016 (UTC)

金花古廟

我搬咗金花古廟呢版到金花古廟 (長洲)嗰邊，搞清楚版到時睇下點開喇。你話海珠區有金花古廟嘅事，到時開返相關嘅文喇。因為呢間古廟我喺前日去長洲時發現嘅。--PQ77wd (傾偈) 2016年9月15號 (四) 16:33 (UTC)

文章名以簡單為最好，喺未有撞名問題之前，用金花古廟就最好。--WikiCantona (傾偈) 2016年9月15號 (四) 16:56 (UTC)

RE: 廣州6中校服

今日中午接近晏晝我專程去咗廣州6中嗰邊，發現嗰啲6中校服同你講嗰啲有出入。不過查過棉褸品種，的確係好深嘅深藍，但袖口得黃同紅品種，校徽有紅同綠。長袖衫同長褲唔係凈得綠色品種，而家重多咗個藍色品種。--PQ77wd (傾偈) 2017年3月17號 (五) 09:10 (UTC)

校徽得金黃、綠、紅三隻色（係呢個順序，據我推算，而家在校生黃徽、綠徽、紅徽分別係14級、15級、16級）；藍色唔係六中嘅，係佢私立初中（珠江中學）嘅。另外，我母校長袖衫衫袖印住英文「GUANGZHOU no乜七school」嘅（確切係乜就唔記得）；重有，建議第日影相，打格仔，事關响大陸呢庶有「肖像權」。 广州阿沾 (傾偈) 2017年3月17號 (五) 10:45 (UTC)

肖像權呢個唔使擔心，因為我研究過維基同享，佢可以發佈任何唔出名嘅公眾人物相入去。加上電視台、報紙、雜誌啲新聞報道都會直接大搖大擺噉影（除非被拍攝嘅當事人要求話打馬賽克），我通常影嗰啲都屬隱蔽拍攝，都等學生唔注意或𢱕低個頭或擰轉個面或用手遮住個面時先至影。加上中國大陸舊年封殺咗粵維。--PQ77wd (傾偈) 2017年3月17號 (五) 11:50 (UTC)

另外提下先：我嗰日晏晝問過下人話珠江中學響邊，原嚟6中珠江中學嘅大江苑校區喺2017年初搬到新港東嘅萬勝圍嗰頭。--PQ77wd (傾偈) 2017年3月17號 (五) 11:50 (UTC)

珠江中學喺嗰一得，有幾個校區嘅；大江苑校區係搬咗去揚青（舊時鳳浦十二坊之一，近住萬勝圍，後來成咗自然村，「揚」讀「joeng2」），變成所謂乜七「萬勝圍校區」。之但係，珠江中學「課改班」重係喺河南下渡村嘅六中珠江樓上課。所以，你所見藍色校服確係珠江中學嘅，若講見到高中着藍衫或者黑褸，我老虎蟹都唔信。 广州阿沾 (傾偈) 2017年3月17號 (五) 12:30 (UTC)

我未見過黑色褸，我响六中讀嗰時係褸深藍連帽唔反領，校服一路都無聽講話改過，係變都無變得咁交關啩。 广州阿沾 (傾偈) 2017年3月17號 (五) 11:00 (UTC)

你知唔知更新

喺2017年4月20號，頭版嘅你知唔知？專欄已經換畫咗喇。你新寫或擴寫篇文章「江譽鏐」嘅事實獲選亮相。當篇文喺頭版度出現嗰陣，歡迎你可以去睇下有多下點擊 （睇下點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有14篇文章喺呢欄度亮過相。

--Shinjiman ⇔ ♨ 2017年4月20號 (四) 03:58 (UTC)

Translating Ibero-America is back! Come and join us :)

Hi!

Iberocoop has launched a translating contest to improve the content in other Wikipedia related to Ibero-American Culture.

We would love to have you on board :)

Please find the contest here

Hugs!--Anna Torres (WMAR) (傾偈) 2017年6月12號 (一) 00:31 (UTC)

請教

我印象中，中國地名嘅「台」，寫成深筆應該係「臺」至係，大部分地名都係噉嘅，唯一嘅例外係浙江台州，嗰個字嘅讀音亦特殊，讀toi1，我就記得呢一例。所以我想問下臺山你改台山係有咩憑據呢？呢個地名係點樣解？我對地名有興趣，我想探究下背後嘅。--S7w4j9 (傾偈) 2017年7月25號 (二) 14:49 (UTC)

唔講得話係教路，實情我亦唔清楚點解台山唔可以係「臺山」。或者呢個又係另一個例外。在下籍貫台山，我好肯定，台山個「台」確係只寫「台」。台山舊底叫「台山縣」，見舊時寫法，一律寫「台」，未曾見有寫「臺」。譬如台山一中入邊民國時期題字亦寫「台山縣立中學校」、海外寧陽會館亦只寫「台山」等等。閣下亦大可去Google打「台山縣」搜尋舊時嘅題字同圖像，鮮有寫「臺」。 广州阿沾 (傾偈) 2017年7月25號 (二) 16:09 (UTC)

我覺得可以耖耖（caau3）方誌，或者個地名有得解。解得出，就知該寫邊隻字。因爲台作爲臺嘅通體係歷史好耐嘅，你知啦，臺筆畫咁鬼多，連官方文書都懶得寫，所以即使鮮有寫臺，亦代表唔到咩。唔可以因爲樓面速記寫立甲反，就話唔寫臘鴨飯㗎：-）--S7w4j9 (傾偈) 2017年7月25號 (二) 16:46 (UTC)

怕且方誌亦解唔到，事關台山舊底叫新寧，係民國初年因境內地名三台山而改名台山縣（見國維），所以即使係查清朝新寧縣志，亦都無從考究。另查光緒五年《廣州府志》（卷八.輿圖.二十四.新甯縣圖），見三台山確係寫「台」。另諸多舊物證（1、2、3、4，我諗呢啲都夠嗮正規咯啩），「台山」乃係約定俗成，由官方到民間都係。若果話要正返做臺，咁我亦詏唔過，但睇怕台山人睇落都覺幾生面口。 广州阿沾 (傾偈) 2017年7月26號 (三) 02:12 (UTC)

你噉樣講，個地名有得解。三台我有印象，係古代官名，亦係星象名，即係上、中、下三台，寫正筆字時，確實唔可以寫臺（而且音都好特殊，讀toi1，saam1 toi1）。我估三台山嘅山名會同呢樣有關。既然係噉，正寫應該就係台山。--S7w4j9 (傾偈) 2017年7月26號 (三) 11:24 (UTC)

我哋台山讀「台」做hoi⁴嘅 :) 广州阿沾 (傾偈) 2018年1月10號 (三) 06:20 (UTC)

你知唔知更新

喺2017年8月7號，頭版嘅你知唔知？專欄已經換畫咗喇。你新寫或擴寫篇文章「梅蘭芳」嘅事實獲選亮相。當篇文喺頭版度出現嗰陣，歡迎你可以去睇下有多下點擊 （睇下點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有15篇文章喺呢欄度亮過相。

--Shinjiman ⇔ ♨ 2017年8月7號 (一) 00:25 (UTC)

喺2017年8月15號，頭版嘅你知唔知？專欄已經換畫咗喇。你新寫或擴寫篇文章「達濠城」嘅事實獲選亮相。當篇文喺頭版度出現嗰陣，歡迎你可以去睇下有多下點擊 （睇下點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有16篇文章喺呢欄度亮過相。

--Shinjiman ⇔ ♨ 2017年8月15號 (二) 00:45 (UTC)

今日又有個舊字想請教下你喇

例如增城有個地名嗌「钟岗」，簡體字係噉寫。唔知舊時寫法究竟係「鐘崗」、「鐘岡」、「鍾崗」定係「鍾岡」呢？--PQ77wd (傾偈) 2018年1月6號 (六) 07:32 (UTC)

「鍾岡」啱。見乾隆版《增城縣志》，卷之一，里廛；另見嘉慶版《增城縣志》，卷之一，里廛，「合蘭上都統村四十八」下。 广州阿沾 (傾偈) 2018年1月10號 (三) 06:20 (UTC)

海幢鷹爪

你好啊阿沾，我哋都好耐冇聯絡。噉樣嘅，梁基永先生係我一直欣賞嘅羊城文士，近日佢寫咗篇關於河南嘅古蹟考，文章呢度：《紉佩留異香》，佢寫海幢寺嘅鷹爪蘭，諗到你係河南人，我想分享與你，有興趣心血嘅話，可以根據佢篇文章來維基寫啲咩嘢噉。--S7w4j9 (傾偈) 2018年2月8號 (四) 13:19 (UTC)

你知唔知更新

喺2019年3月4號，頭版嘅你知唔知？專欄已經換咗畫喇。你新寫或擴寫篇文章「梁蔭棠」嘅事實獲選亮相。篇文喺頭版出現嗰陣，你可以不妨去睇下有幾多下點擊 （睇下點做、實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有17篇文章喺呢欄度亮過相。

--Shinjiman ⇔ ♨ 2019年3月4號 (一) 15:39 (UTC)

喺2019年3月11號，頭版嘅你知唔知？專欄已經換咗畫喇。你新寫或擴寫篇文章「朱次伯」嘅事實獲選亮相。篇文喺頭版出現嗰陣，你可以不妨去睇下有幾多下點擊 （睇下點做、實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有18篇文章喺呢欄度亮過相。

--Shinjiman ⇔ ♨ 2019年3月11號 (一) 01:17 (UTC)

紫水漁舟

你好沾君！好耐冇聯繫！最近我寫咗篇《紫水河》，惗到你係四邑人，你又對地方史有興趣，小弟對呢篇文章不過拋嚿磚，就望兄台你會有興趣續寫擴文。另外我喺《新會#旅遊》加咗啲睇返來嘅嘢，「熊子歸帆」隻「熊」字可能需要你去做註解，有勞喇。我喺度惗，新會八景或者可以開個模，但現時未有頭緒，你有建議即管提提，或者搞得出呢個模唔定。--S7w4j9 (傾偈) 2019年3月18號 (一) 12:18 (UTC)

地理嘢我係有興趣嘅。我遲些少私底下覆翻你。 广州阿沾 (傾偈) 2020年5月16號 (六) 00:49 (UTC)

UFODJs

我拎走咗張非自由圖，因為仲在生嘅人士嘅傳記唔可以用非自由版權圖。請睇Wikipedia:公平使用指引。翹仔 (傾偈) 2020年3月9號 (一) 00:36 (UTC)

好。明白晒，多謝提醒。 广州阿沾 (傾偈) 2020年5月16號 (六) 00:49 (UTC)

關於用詞嘅意見

辛苦嗮閣下。感激貢獻咗唔少啲古宗祠資料，豐富咗成個嘅專案。就用字嘅方面或有唔同意見，皆因表達有啲時候，係要睇場合同對象，仲要結合返成個嘅文案。而家講書面寫陣係會有啲受官話影響，呢個係成個嘅環境問題，但唔係話一竹篙就打沈人。閣下應重視書面文言，都係粵語嘅一部分，粵語係入邊仲接收咗各種文明，而形成大家喺世界倍感自豪嘅獨特樣貌。而依家係一個仲變化咁嘅過程，最尾謂粵文嘅書面文會係乜樣，呢陣唔係定案嘅時候，之前本地客棧有過類似嘅討論，亦都有呢一個共識。若果閣下願意分享啲諗法，得閒嘅可以轉到客棧再講下，聽粵維人再度下粵語嘅發展未來。——Longway22 (傾偈) 2020年6月3號 (三) 09:49 (UTC)

實情講說話唔使下下都懶客觀咁嘅，有乜就照直講。但係嗱，我改得你唔歡喜，我哋咪討論囉，都仲未曾討論唧，你就改翻轉頭嘞，咁即係想點先？ 我想咁，你答咗我呢樣嘢先，我哋至開始討論，若果唔係，我覺得唔會有任何討論空間。 广州阿沾 (傾偈) 2020年6月3號 (三) 12:40 (UTC)

Template:建築明細嘅顏色

我一開頭以為Template:建築明細嘅藍綠配色係舊配色，所以改咗同日文版一樣。後尾先發現原來係你2020年改嘅[4]，想請問改做呢隻色有無咩用意？因為，老實講，呢隻色幾核突。香蕉紳士 (傾偈) 2023年11月26號 (日) 11:59 (UTC)