信念階級

信念階級（hierarchy of beliefs）係博弈論上嘅一個概念：喺廿世紀嘅博弈論上，分析者成日都假設啲博弈者有完全資訊（perfect information），知嗮有關博弈形勢嘅資訊（每位博弈者有乜選項、每個選項嘅報償... 等等）；呢點明顯唔合乎現實－現實世界嘅博弈者正路唔會有完全資訊，而信念階級就係用嚟想像呢種現象嘅概念。

信念階級就係指一個博弈者可以有嘅一種特性。簡單講，一個博弈者嘅信念階級包含咗佢對於「第啲博弈者喜好係點」以及「第啲博弈者有乜信念」等嘅問題嘅信念，例：「我相信我個對手傾向揀背叛」、「我相信我嘅對手相信我會揀背叛，而佢喺呢種情況下會跟住揀背叛」... 等等。