馬力 (民建聯主席)
想搵第二個意思嘅話，請睇馬力。| 馬力 | |
|---|---|
| 出世 | 1952年2月23號 中華人民共和國 廣州 |
| 死 | 2007年8月8號（55歲） 中華人民共和國 廣州 |
| 職業 | 香港立法會議員 香港特別行政區全國人民代表大會代表 民建聯主席 |
馬力，GBS，JP（MA Lik；1952年2月23號—2007年8月8號），係香港政治人物，做過香港立法會議員、香港特別行政區全國人民代表大會代表，民建聯第二任主席。
屋企
[編輯]馬力祖籍福建廈門，廣東廣州出世，喺1962年俾屋企人帶去香港定居，喺福建人聚居嘅北角大。同大部分移民一樣，馬力初來港時只識講福建話，連一句廣東話都唔識。
事業
[編輯]馬力入讀培僑小學，響培僑中學讀書時，佢曾經係民建聯前主席曾鈺成嘅學生。馬力響接受訪問時話過，響培僑讀書期間令佢培養出「服務社會及服務國家」嘅信念。馬力培僑中學畢業之後、最初留喺母校培僑教書，1974年考入香港中文大學中文系（聯合書院）。佢做過培僑中學嘅先生。
1985年到1990年間，入讀港大中文系研究院。馬力響讀書時期經中大教授馬蒙引薦，加入咗「中國語文學會」，從而認識前新華社香港分社秘書長毛鈞年，其後毛鈞年成為馬力從政嘅關鍵人物。1985年，毛鈞年推薦馬力出任《基本法》諮詢委員會秘書處副秘書長（當時馬力得33歲，同邵善波同為副秘書長，梁振英係秘書長。邵善波同馬力都係全職，梁振英只係兼職）。馬力多年後接受傳媒訪問時曾經話，出任副秘書長令佢廣結政界人脈。「香港大部分從政人物都係自八五年《基本法》草委及諮委成立後走出來，呢班人我個個都識，好清楚佢哋嘅諗法。」[1]。
馬力曾經響香港多份報章撰寫專欄。辛維思係佢響1980年代中英談判時響《明報》用嘅筆名，取意「新思維」。當初傳媒曾經懷疑佢嘅稿件係新華社嘅特稿，直至馬力後來出任民建聯主席，呢個秘密先得以公開[2]。
參選
[編輯]馬力係民建聯創會會員，響接替為2003年香港區議會選舉選舉失利負責而辭職嘅曾鈺成之前，佢一直係民建聯嘅秘書長，擔當文膽同師爺嘅角色，統籌選舉事務。
2004年，馬力夥拍蔡素玉等代表民建聯合組名單出選2004年香港立法會選舉香港島選區議席。報名參選無耐就發現自己生結腸癌，選舉期間出席唔到公眾活動。最後兩人以些微票數擊敗前綫嘅何秀蘭當選。經過一輪治療，馬力病情好轉。
病逝
[編輯]2006年3月起，馬力病情出現反覆，不時要做各種治療。2007年中，馬力結腸癌復發，留院治療，期間中央同廣東省領導、香港特區政府主要官員都親自到醫院探佢。後來因癌細胞擴散至全身，重引起呼吸及循環系統衰竭，響2007年8月8號下晝兩點響廣州中山大學（原中山醫科大學）附屬腫瘤醫院病逝，享年55歲[4][5][6][7]，係香港特區成立後首位響任內逝世嘅立法會議員。佢嘅議席遺缺由立法會補選產生補上。
著作言論
[編輯]文學研究
[編輯]佢本身係文學研究出身，曾研讀《楊家將》寫碩士論文，重對《紅樓夢》有研究，曾經同梅節合著紅學研究書籍《紅學耦耕集》[8]，係香港少數嘅「紅學專家」。
政論文章
[編輯]響1986至1987年間，馬力以筆名「辛維思」發表近百篇闡析《基本法》嘅文章。馬力經常喺報章上撰文，全盛時期喺報章上有六、七個專欄咁多，不時同政見不同者打筆戰。佢話自己樂在其中：「早期我啲文章都會有新觀點，希望自己嘅創見、觀點、立場可以引起思考、論爭。以前同人筆戰，唔會怕乜嘢，幾長都無所謂，俾人圍攻，我睇人哋寫乜，照砌番轉頭……」大公網：辛思維與紅學專家
肉餅論爭議
[編輯]馬力響2007年5月15號同傳媒茶敘嗰時發表有關六四事件嘅言論引起社會好大迴響[9]。呢番言論引起極大爭議，《蘋果日報》、《明報》、《南華早報》響5月16號第二日都放響頭版報導。支聯會主席司徒華、民主黨主席何俊仁、曾經因為帶住香港人捐款去北京而被捕嘅李卓人、學運領袖王丹、港區人大代表李鵬飛等人都譴責馬力嘅言論[9][10][11]。馬力響5月16號向記者承認之前所用嘅例子太過輕挑，又話願意收回部分字眼，但無意收回觀點同道歉[12]。
2007年，有首《福佳始終有你》，改編自香港特別行政區成立十周年紀念主題曲《始終有你》，諷刺馬力。
勳銜
[編輯]影響
[編輯]馬力擔任民建聯主席期間推行年輕化政策，提出「內強質素，外樹形象」方針，響2004年帶領民建聯贏取11個立法會議席，成為立法會第一大黨。2005年4月，佢又成功促成民建聯同親政府派政黨港進聯合併，改名「民主建港協進聯盟」，簡稱仍然叫民建聯。佢又推動向跨階層吸納黨員，令黨員人數急增，超過一萬，令民建聯成為香港第一個「萬人黨」[16]。
死後留下立法會議位空缺，間接導致泛民主派訂出初選協調機制，以選出代表參選。
注
[編輯]- ↑ 〈大公網：馬力幕後到台前打造萬人黨〉。原著喺2007年12月3號歸檔。喺2007年10月27號搵到。
- ↑ 頭條網：左派明星殞落 馬力病逝
- ↑ 《香港特區名人錄》，第294頁，ISBN 62-8017-128
- ↑ 馬力病重期間 中央及廣東省領導人曾探望 互聯網檔案館嘅歸檔，歸檔日期2008年9月23號，.，香港電台，2007年8月8號
- ↑ 民建聯：主席馬力下午兩時病逝 互聯網檔案館嘅歸檔，歸檔日期2008年9月23號，.，香港電台，2007年8月8號
- ↑ 左派明星殞落 馬力病逝，頭條日報，2007年8月8號
- ↑ 馬力終年55歲 04年患結腸癌 互聯網檔案館嘅歸檔，歸檔日期2008年9月23號，.，香港電台，2007年8月8號
- ↑ http://www.jointpublishing.com/jpcbook/bookdetail.asp?isbn=962-04-0597-8[失咗效嘅鏈] 《紅學耦耕集》
- ↑ 9.0 9.1 馬力冷血 否定六四坦克壓人變肉餅 互聯網檔案館嘅歸檔，歸檔日期2007年6月4號，.，蘋果日報，2007年5月16號
- ↑ 關於香港馬力侮辱六四死難者答記者問，王丹，2007年5月16號
- ↑ 〈李鵬飛勸馬力辭職〉。原著喺2007年5月21號歸檔。喺2007年10月14號搵到。
- ↑ 馬力承認用例子輕率輕挑 互聯網檔案館嘅歸檔，歸檔日期2007年5月18號，.，明報，2007年5月16日
- ↑ 〈2003年第156號號外公告 太平紳士條例 (第510章)〉 (PDF) (新聞稿) (繁體中文)。香港政府憲報。2003年7月1號。
- ↑ 〈二〇〇五年授勳名單〉 (新聞稿) (繁體中文)。香港政府新聞公報。2005年7月1號。
- ↑ 〈大公網：馬力生平簡介〉。原著喺2007年9月30號歸檔。喺2007年10月14號搵到。
- ↑ 〈大公網：馬力幕後到台前打造萬人黨〉。原著喺2007年12月3號歸檔。喺2007年10月27號搵到。
出面網頁
[編輯]
- 〈香港特別行政區立法會 - 議員資料庫〉 (繁體中文)。香港特別行政區立法會。
| 主席 |  | ||||||||||
|---|---|---|---|---|---|---|---|---|---|---|---|
| 地方選區 | |||||||||||
| 功能界別 | 林偉強（鄉議局） · 黃容根（漁農界） · 陳智思（保險界） · 劉健儀（航運交通界） · 張文光（教育界） · 吳靄儀（法律界） · 譚香文（會計界） · 郭家麒（醫學界） · 李國麟（衛生服務界） · 何鍾泰（工程界） · 劉秀成（建築、測量及都市規劃界） · 鄺志堅（勞工界） · 王國興（勞工界） · 李鳳英（勞工界） · 張超雄（社會福利界） · 石禮謙（地產及建造界） · 林健鋒（商界（第一）） · 黃宜弘（商界（第二）） · 梁君彥（工業界（第一）） · 呂明華（工業界（第二）） · 李國寶（金融界） · 霍震霆（體育、演藝、文化及出版界） · 黃定光（進出口界） · 梁劉柔芬（紡織及製衣界） · 方剛（批發及零售界） · 單仲偕（資訊科技界） · 張宇人（飲食界） · 劉皇發（區議會） · 楊孝華（旅遊界） · 詹培忠（金融服務界） | ||||||||||
| 前任： 曾鈺成 |
民建聯主席 2003年—2007年 |
繼任： 譚耀宗 |