廣州市歷年拆毀文物一覽

廣州市歷年拆毀文物一覽列出由廣州市政公所設立（1918年），各種原因拆毀嘅廣州文物。由於去到1960年代，政府至開始公佈文物保護單位，所以1960年代份表會加「保護級」呢欄。

呢份表嘅地址會跟廣州市嘅行政區域變化嚟寫。譬如2005年之前東山區唔歸入越秀區，芳村區唔歸入荔灣區，等等。

1910年代

名	地址	文物年代	拆毀時間	原因	註
青雲書院 （西齋、昌後堂）	第二區，馬鞍街 （越秀區維新路路口）	清康熙四十年（1740）	1918年	開闢維新路	廣肇兩府梁氏合族祠，先頭規模頗大，開馬路嗰陣，梁士詒、梁啟超請求政府保留祠堂，先拆剩先賢千乘侯祠同先河堂。拆咗嘅部份係西齋、昌後堂、魁閣同部份嘗鋪、分房。
廣府學宮 （文昌殿）	第一區，育賢坊 （越秀區文明路、文德路／府學東街、府學西街包圍範圍）	宋紹聖三年（1096）	1919年3月14號	市政公所拓闊東街成文德路	警察游擊隊督拆，黐街邊嘅名宦祠、仰高祠亦都拆埋一份。
拱北樓	第二區，雙門底 （越秀區北京路）	明洪武七年（1374）	約莫1918~1920年	開闢永漢路	拱北樓初時叫清海軍樓，喺唐天佑三年（906）起，明洪武七年（1374）起過變拱北樓，清同治三年（1864）重修。

1920年代

名	地址	文物年代	拆毀時間	原因	註
城隍廟 （部份）	第一區，忠佑大街	明洪武三年（1370）起，清康熙年間搬	1920年	拓闊惠愛路（而家中山四路）	拆剩咗大殿同拜亭。經過多次轉用，喺2010年左近年重修，形制有啲變化。
文瀾書院	第九區，下九甫馬路 （荔灣下九路文瀾巷一帶）	清乾隆五十年（1785）	1928年	市政府沒收	同年改成中山戲院，1949年之後變南方玉雕廠，而家剩文瀾巷巷名。

1940年代

名	地址	文物年代	拆毀時間	原因	註
林氏宗祠	番禺縣第三區，彬社鄉小洲村林坑 （海珠區小洲村）	明清	1945年	未明
獵德村建築群 （部份）	番禺縣第四區，冼獵楊鄉獵德村西浦大街 （天河區獵德村）	清	1945年	美國盟軍飛機炸冧	包括碉樓、師祖廟、羅氏宗祠、鍾氏廳、李氏宗祠、菁莪祖祠。

1950年代

名	地址	文物年代	拆毀時間	原因	註
廣東省文獻館	越秀區文明路		1949年後	起成廣州市第一工人文化宮	廣府學宮剩低建築。
龍潭吳氏宗祠	瀝滘區新龍鄉龍潭村	清	1950年	起廣東銀行學校
方公紀念碑	越秀山廣州美術館隔離	1930年代	1950年	擴建粵秀山公園運動場做越秀山體育場	碑石紀念粵軍將領方幼璇。
敦睦堂	新滘區瀝滘村水基	明嘉靖十六年 （1537）	1951年	起耐火材料廠	曾經係舊番禺縣唯一進深有五沓嘅祠堂。
沙基死難烈士墳場	東沙馬路大寶崗 （越秀區先烈南路鄧蔭南墓側）	1925年	1957年3月30號		搬咗去燕塘銀河烈士公墓。而家嗰度係廣州軍區華泰招待所。
獵德村建築群 （部份）	郊區沙河鄉獵德村		1958年	拆屋起鍊鋼廠	包括漁港祖祠、文閣廟、良涌廟。
璧遠樊公祠	郊區龍眼洞西社		1958年	拆屋起鍊鋼廠
區氏宗祠	河南區聯星大隊南村	清	待考	大躍進
浮丘寺	原浮丘石上高 （荔灣區中山七路）	宋代開始起，去到明萬曆年間改成寺	待考	西門口至陳家祠高基段繼續開馬路

1960年代

名	地址	文物年代	拆毀時間	保護級	原因	註
法蘭西橋/沙面東橋	沙面島	1870年	1967年	無	為咗起人民橋嘅引橋而破壞咗條橋	原橋係好好睇嘅拱橋，仲有簷頂，試過俾人改建四次，1967年係最後一次。後尾重新起咗條一啲特色都冇嘅新橋。
漱珠橋	海珠區南華中路	清代中期	1968年	無	漱珠涌整成渠箱
盛世直臣坊	越秀區中山四路	清	待考	市級文物	文革「破四舊」
大司成坊	越秀區應元路	清	待考	市級文物	文革「破四舊」
李氏宗祠 杜氏宗祠	海珠區聯星大隊雲桂村	清	待考	無	未明
程璧光像	越秀區沿江西路149號永安堂前	民國	待考	無	未明，可能係文革「破四舊」
胡漢民墓	郊區龍眼洞銀屏嶺 （而家廣東省林業學校入邊）	1936年	待考	無	文革	原墓俾新起嘅學校樓砸住咗。1985年起過咗新墓嗰陣，胡漢民個女胡木蘭、胡綺霞唔同意將棺木遷出舊地，所以新墓入邊係吉嘅。

1970年代

名	地址	文物年代	拆毀時間	保護級	原因	註
金嬌墓、息鞭亭	郊區東沙馬路沙河平安市	清末		無	拓闊馬路	清末喺廣州東堤大沙頭花艇有好大嘅火燭，有位花艇女救咗一個官宦世家公子後罹難，個公子感激同爲咗紀念過身嘅女仔，就喺沙河息鞭亭隔離起墳，叫珠江金嬌之墓。後尾有唔少詩人墨客來題詠，變咗郊外遊覽地之一。
莫氏宗祠	郊區新滘公社鷺江西約		1970年	無	起學校
兩槐李公祠	郊區獵德東中心大街		1970年	無	未明
太平戲院	越秀區人民路西瓜園操場前2號	1921年	1970年	無	地基下沉	當其時廣州政府大搞地下防空工程，戲院下邊就係俾穿咗隧道，沉埋個地基。當局跟著就喺1970年拆埋咗戲院。收尾到咗1990年，廣州市文化局夾埋越秀區房地產開發公司，喺原址起返九層樓，試過做南方娛樂總會。
李氏大宗祠	郊區獵德東中心大街		1974年	無	未明
西關水塔	荔灣區長壽大街	1907年	1976年	無	停用	係廣州第一個水塔。原址而家係自來水公司嘅宿 舍。水塔係增埗水廠附設，約莫42.1米咁高，容量 約莫782立方。嗰陣造價9.5萬両白銀。
曰椿李公祠	郊區獵德東中心大街		1978年	無	未明

1980年代

名	地址	文物年代	拆毀時間	保護級	原因	註
西堂、 南軒、北軒、中齋	越秀區文明路	1920年代	1983年	無	起廣東博物館同省立中山圖書館新館	係四合院，初時係明清廣東貢院範圍，明遠樓就喺正大院中間。建築群係1920年代中山大學建校之後，陸續興建而同貢院一齊做中大校舍。抗戰時期，貢院炸到平。1946年中大又新起一間北齋畀教授，形成四合院。
小北路騎樓	越秀區小北路	民國	待考	無	地產開發
古氏書舍／古家祠 （頭座、兩路）	越秀區中山四路230號 （舊倉巷口）	清代	待考	區級	起屋同商業開發	起屋拆咗左右路建築；起商業中心拆埋頭座，剩低中路建築中後座同左邊嘅青雲巷。
西山廟	荔灣區第一津西山廟前	明代	待考	無		原址一帶變咗廣州市能源檢測研究院，剩低西山廟前門牌。
作美書院	越秀區流水井7號	清	待考	無	未明
南倫書院／倫家祠	越秀區仙湖街52號	清	待考	無	未明	南倫書院係倫氏嘅合族祠堂，大部份書將「倫家祠」寫錯變咗「伍家祠」。
朝安書院／譚家祠	越秀區小馬站3號	清	待考	無	起宿舍	朝安書院係新會譚氏族人紀念入粵四世祖譚朝安嘅祠堂。
東石浸信會	東山區白雲路		待考	無	起工商局大樓	而家係廣州市工商行政管理局越秀分局。
廣九車站	東山區白雲路	清宣統三年（1911）	好可能喺1997到1998年之間	無	開馬路同起樓	而家係白雲路27號廣東交通大廈。

1990年代

名	地址	文物年代	拆毀時間	保護級	原因	註
普濟藥行 （Po Chai Drug Store）	越秀區一德西路口 （太平南路交界）	1936年		無	地產開發	藥行初頭主打檸檬精，喺港澳，廣州灣（湛江），梧州都開有分行。1958年廣州總行公私合營，成咗何濟公製藥廠一部份，香港分行一路做到而家（註冊名：普濟檸檬精藥行有限公司 Po Chai Lemonin Medicine Co.Ltd）。 舊底隔離係陸羽居茶室，後尾亦都一齊拆埋。一德路嘅總行舊址拆咗之後，地皮爛尾，去到2004年政府收地，變而家嘅越秀兒童公園。
平山堂	越秀區中山四路廣東實驗中學入邊	1922年	1990年	無	鑑定成「危房」	馮平山先後同廣東大學捐建嘅兩座校舍之一。拆剩嵌住「平山堂」嘅灰檐牆。
東山電影院	東山區中山二路21號	1960年	1991年	無	地產開發	復建工程未有聲氣。
德昭莫公祠	海珠區新滘鎮北山大街8號	清	1992年	無	起北山學校	得翻匾同重修碑。
馬禮遜堂	越秀區長堤五仙門發電廠側	清宣統元年（1909）	1992年	無	地產開發	原廣州基督教青年會駐地，搬咗去天河西路龍口西。
綠圍書院	越秀區師古巷8號		1993年	無	地產開發
文彊書院／黃家祠	荔灣區中山七路320號		1993年12月	市級	廣州地鐵起1號綫	文彊書院係黃氏合族祠之一，名源自黃香，字文彊。
惠愛中路沿線騎樓	越秀區中山四、五路		1993年12月始	無	廣州地鐵起1號綫	原先條街嘅廣州老字號唔少就咁唔再為廣州市民所知，而原先住呢度嘅啲街坊就畀逼去咗同德圍住
東平書院／阮家祠	越秀區大馬站14號	清	1994年（～2001年）	無	地產開發。	原規劃地皮入邊2萬平方米愛來複建書院群，產權歸政府；另一半就畀地產開發。2010年試過建議係打造成廣府文化新天地。
歐陽書院	越秀區大馬站39號
黃家祠	越秀區大馬站70號
四牌樓沿線騎樓	越秀區解放路	民國	1994年	無	擴闊解放路
東山電話分所	東山區百子路 （而家中山二路2號，農林下路口西角）	1932年2月	1995年	無	中國電信廣東省公司起新辦公大樓
雙清樓	東山區百子路 （而家中山二路8~10號）	1923年2月		省級		原先係何香凝跟住孫文返省城後，為支持孫搞返起革命政府，用自己娘家啲積蓄起嘅。做過八路軍駐廣州辦事處（廖承志借出）。大革命時期，何香凝喺黃埔軍校創建初借過呢度俾蔣介石同陳潔如伉儷住。
景堂院	越秀區中山四路廣東實驗中學入邊	1931年	1996年	無	起過變體育館	馮平山同廣東大學捐建嘅第二個校舍，為咗纪念老竇而改名。起過之後叫景堂體育館（花名係奧龍寶），喺2002年落成啟用，館入邊仲有紀念像同銘文。
江村普惠醫院 （主樓）	白雲區江高鎮		1996年	市級	未明	剩低護士學校樓。
國民政府臨時總統府	天河區石牌 （而家華南師範大學圖書館）	1948年	1997年	無	起過新嘅圖書館	原址係石牌跑馬場嘅原廣州市立第三中學校址。原建築佈局中間三層樓，兩邊各一層樓，樓面黃色，對正 住學校中軸線，尾對正原先嘅中山大學。（但實情李宗仁跟住臨時行政院喺廣東迎賓館辦公。）1949年之後變咗華南師範學院嘅辦公室。
南海學宮	越秀區惠福西路學宮街	明洪武年間	1998年	無	統戰部起辦公大樓	未經文物保護部門審批。
景山堂	越秀區文明路		1998年	無	未明
紅滿堂（禮堂）	天河區五山華南農業大學入邊	1958年	1999年	無	天河區政府部門認定係危樓要拆	初時係共和國第一座磚拱駁殼建築，花名「廣東殼」。後尾因爲校友嘅呼籲，喺2009年又試起咗返嚟。
黃氏書院	越秀區小馬站12號		待考	無	未明

2000年代

名	地址	文物年代	拆毀時間	保護級	原因	註
大小馬站書院群 （大部份）	越秀區中山五路	明清	2001年	其中宗聖公祠市級，其他無。	地產開發	早期仲保留咗12間書院，其中大馬站西便5間（平所書院、謝氏書院、賴氏書室、江都書室、三益書室）；小馬站兩便4間（東側關氏書院，西便宗聖公祠、濂溪書院同見大書院）；流水井兩便3間（西側廬江書院、考亭書院，東側冠英書院，另外仲有伏波書院照壁）。收尾拆剩5間書院同埋濂溪書院門口墻界。本身規劃地皮有2萬平方米係重建書院群，產權歸政府；剩低畀地產商開發（包括地底）。2010年有建議話要起所謂「廣府文化新天地」。
珠島賓館二號樓	越秀區沿江東路463號	民國	2001年	無	未明	清拆同改建。原係孫科留低度嘅兩棟別墅之一。
舊廣州體育館	越秀區流花路同解放北路交界嘅西北角	1957年	2001年5月18號	無	廣州地鐵起2號綫
制置使凌公祠 （前座）	越秀區長塘街121號	清	2002年3月15號	無	地段拆遷
基督教小港堂	海珠區小港路153號		2002年	無	未明
譚氏健身所	越秀區惠福西路原178號（五仙觀前、西齋巷西側）	1948年	2003年左近	無	起五仙觀綠化廣場	由譚文彪創辦，出過1956年共和國第一個破世界紀錄嘅舉重運動員陳鏡開，1981年譚過身之後，遺孀楊慧儀接手，直至佢畀清拆。
朱執信故居	越秀區倉邊路同豪賢路交界	民國	約莫2003年	無	市房管局擴建新辦公大樓	先頭同胡漢民故居連埋。
惠愛堂	越秀區中山四路芳草街	1930年	2003年7月	無	地產開發
大新小學	越秀區大新路石室隔離	晚清	2004年	無	再起過間小學	舊時屬石室天主教附屬學校。
石門禪院	天河區龍眼洞大壺嶂山南	唐貞觀年間第一次起	2004年前		起華南快速路石門堂山隧道	喺2016年起返新嘅。
北齋	越秀區文明路同越秀中路之間	1946年	2005年3月15號	無	地段拆遷	係1920年代中山大學建校後嘅四合院校舍最後一間。
陳恭尹墓	天河區柯木嶺高堂石楊屋村後祥雲嶺南麓		2005年	市級	未明
大三元酒家	越秀區長堤大馬路	1919年	2005年	無	未明	計劃再起返，未有聲氣。
成珠樓	海珠區南華中路180號	清乾隆十一年（1746）	2006年3月	無	執笠兼遇著南華西危房改造工程
「美麗牌」香菸戶外廣告墻	越秀區越秀北路同中山路交界西北角、郵政局北牆外側		2007年11月4號	無	「大東門華庭」發展商破壞
玉溪衞公祠	海珠區瀝滘村水基坊	明末清初	2009年4月21號	無	「珠江地產」起樓	清康熙七年（1668）、二十六年（1687）兩度重修。拆咗之後啲料躉咗去大宗祠。祠主衞宗正（號玉溪），係明末大儒湛若水個老友，官至將仕郎，出過《玉溪詩集》。
陳拔廷故居	荔灣區芳村大道東大沖口毓靈橋		2009年9月	市級		再起返嘅新樣，唔同咗舊樣。
秦咢生故居	越秀區長興里橫巷3號		2009年11月22號	無	未明

2010年代

名	地址	文物年代	拆毀時間	保護級	原因	註
金聲戲院	荔灣區恩寧路	1932年	2010年3月	無	地產開發	大樓內外有毀壞，現時棄置。
書坊街／金魚街	越秀區西湖路尾同惠福路交界	清 （~1960年代）	2010年	無	越秀區政府迎亞運改造街區	先頭計劃起過，轉做有粵劇戲台、各類園林景觀同做廣府美食、廣州特色紀念品生意嘅所謂「粵文化街」，工程投資700萬起返啲清水屋，但係吉嘅，有啲爛尾樣。
制置使凌公祠 （中座、後座）	越秀區長塘街121號	清	2010年	文物線索	地段拆遷
公成押	越秀區清和里2號		2010年	文物線索	未明
基督教萬善堂	荔灣區蘆荻西50號		2011年9月		再起過
兩廣浸信會醫院	越秀區東山廟前西街30號	1914年	2011年9月3~5號	無	未明	清拆之前係廣州軍區金城賓館嘅職員宿舍。原址變停車場，醫院建築剩低正門宿舍樓。
抗戰粵南省委地下黨據點	海珠區厚德路		2012年	無	起洲頭咀隧道
金陵台、妙高台	越秀區詩書路69號之一、金陵台2、4號、妙高台1、3號	民國	2013年6月11號凌晨	無	翠樺地產起樓	經已起翻，無咗文物價值。
西華大街25號民居	海珠區大塘村西華大街25號		2013年8月6號	文物線索	屋主自己拆
西華四巷3號民居	海珠區大塘村西華四巷3號		2013年9月28號	文物線索	屋主自己拆
東漖舉人屋	荔灣區東漖村石街坊68號		2015年7月9號	無	地段拆遷
筆村玄帝古廟	黃埔區蘿崗筆村		2016年	區級	未明
楊箕玉虛宮	越秀區泰興直街60號		2016年8月	市級	再起過	經已起翻，無咗文物價值。
樹根書屋 （後座）	海珠區黃埔村		2017年	無	未明
大塘林氏宗祠	海珠區大塘村華豐大街8號	明清	2017年	區不可移動	再起過	經已起翻，無咗文物價值。
葉山書室	海珠區崙頭街市外4號		2017年	區不可移動	未明
宏祖伍公祠	海珠區新村直街16號	清	2018年1月1號	無	再起過	經已起翻，無咗文物價值。
應莘伍公祠	海珠區新村西華里	清	2018年1月1號	無	再起過	經已起翻，無咗文物價值。
太和基督教公墓	白雲區太和鎮黃莊大窩山		2018年1月		未明
棠下新墟碉樓	天河區棠下村		2018年1月	區級	未明
寶崗天主堂	海珠區寶崗崇正里4號		2018年2月2號	無	再起過
禘長鍾公祠	天河區珠村中東大街12號		2018年	區級	未明
富利惇堂／富禮惇／福禮惇堂 （Fulton Hall）	荔灣區芳村白鶴洞培真路2號	1918年	2019年		未明	1916年，美國傳教士富禮惇（A. A. Fultan）募捐9000美金畀廣東協和神學院（Canton Union Theological College）起公用課室同辦公室，1918年9月15號落成，神學院正式嚟鶴洞鄉入伙。
僑商樓	越秀區珠光路僑商街3、5、7、9、11、13號	1930年代	2019年5月	歷史建築	粵海地產項目開發	拆剩外立面。地產公司話本身計劃活化成複合型嘅文化藝術空間。根據修復工程嘅批前公示，淨係畀粵海地產修復僑商樓1~3層，公示期由5月18去到27號，但係地產公司喺公示期間就拆，本身已經違法。