里墳氏標準推理測驗

里墳氏標準推理測驗（英文：Raven's Progressive Matrices）可以話係最出名嘅智商測驗之一：呢隻測驗會有 60 條題目，易嘅行先難嘅行後，最大嘅特徵係唔使靠語言，淨係要求受試者對啲圖形嘅規律作出推理－好似以下呢條題目噉，個測驗要受試者觀察吓已知嗰啲圖形嘅規律，用條規律判斷個空格入面嘅圖形會係點嘅樣；一般認為，一個人智能愈高，佢就愈能夠搵出現象背後嘅規律，所以理應會愈能夠正確噉答呢個測驗嗰啲問題。

一般認為，里墳氏測驗係個好優良嘅智商測驗－個測驗唔靠語言，所以唔使憂翻譯或者文化差異嘅問題，而且個測驗唔使咩知識都可以答到，更加啱嗮攞嚟量度流動智能（純粹係做推理同諗嘢、唔靠背景知識嘅智能）。