雷木思·路平

出自維基百科,自由嘅百科全書
(由雷木思路平跳轉過嚟)
雷木思·約翰·路平
(Remus John Lupin)
大衛·杜里斯中文大卫·休里斯喺《哈利波特》系列電影入面飾演嘅雷木思·路平。
首次出場哈利波特:阿茲卡班的逃犯
尾次出場哈利波特:死神的聖物2
下落喺霍格華茲大戰俾安東寧·杜魯哈中文食死人#安東寧·杜魯哈殺咗
作者J·K·羅琳
扮演大衛·杜里斯中文大卫·休里斯電影
詹姆斯·烏特欽(少年)
配音香港 高翰文粵語配音
詳細信息
第個名月影(Moony)
性別男性
家庭
  • 萊爾·路平(父)
  • 希望·賀厄爾(母)†
配偶小仙女·東施中文小仙女·東施
仔女泰迪·路平中文哈利波特角色列表#十九年後的孩子
親戚
國籍英國

雷木思·路平英文Remus John Lupin)係英國作家J·K·羅琳奇幻小說哈利波特》系列入面嘅人物。佢喺《哈利波特:阿茲卡班的逃犯》入面以霍格華兹中文霍格華兹新任黑魔法防御術中文黑魔法防御術教授嘅身分第一次出現,成為咗哈利·波特佢哋三年级果陣嘅黑魔法防御術教授[1]大衛·杜里斯中文大卫·休里斯喺果個系列電影入面飾演呢個角色[2],而占士·烏金James Utechin就做少年果陣嘅路平[3]

路平喺呢個職位辭職之後仲留喺果個系列嘅故事入面,作為主角哈利嘅朋友同盟友。

背景同生平[編輯]

雷木思·路平喺1960年3月10號出世,佢阿爸阿媽係純血嘅巫師萊爾·路平Lyall Lupin同佢嘅麻瓜老婆希望·賀厄爾Hope Howell[4],所以雷木思係一個混血巫師中文哈利波特世界觀與設定#混血。雷木思細個果時唔小心俾惡毒嘅狼人中文狼人 (哈利波特)焚銳·灰背中文狼人 (哈利波特)#焚銳·灰背咬傷,因為咁而感染咗狼人病毒;由於佢嘅狀況無得醫返好,佢因為咁自此就變異做狼人,仲註定要過住狼人嘅生活[5]

1971年,路平同佢嘅父母一直擔心入讀唔到霍格華兹,不過果間學校嘅校長阿不思·鄧不利多俾佢入學—前提係要採取某啲保護措施:例如喺渾拚柳the Whomping Willow下面起一條秘密通道中文秘密通道連接通去到一間喺活米村中文哈利波特中的地點#活米村嘅屋—尖叫屋中文哈利波特中的地點#尖叫屋。渾拚柳有好怪異嘅性格:只要唔埋佢身,或者㩒佢樹上面嘅某一個樹瘤中文樹瘤就可以平安無事;但係當你行埋去又或者掂到佢,無論係有心定無意,果個生物都會俾佢樹籐嘅枝條狂打;如果唔係生物嘅話就會俾佢打扁,受害者會嚟唔切避開。雷木思每個月需要喺果度變身果陣,佢都會俾人偷運去到呢間屋裡面,自此果度就成為咗路平專屬嘅變身地點。由人類變成狼人嘅轉變過程係痛苦難捱嘅,如果果個生物被孤立而佢作出唔到攻擊嘅話,佢就會變得好沮喪仲會傷害自己。呢間屋自此就被叫做「尖叫屋」仲成為咗英國最鬧鬼嘅建築物。活米村嘅村民將路平嘅嚎叫聲誤認為係極其暴力嘅魂。雖然果度從來未真正咁鬧鬼,但係鄧不利多就宣揚呢個謠言嚟阻止好奇嘅村民去果度探索。

喺霍格華兹讀書果陣,路平一直對自己嘅狀況保密,不過詹姆天狼星彼得·佩迪魯喺二年級果陣時就推斷出真相。佢哋五年級果陣就秘密咁(仲非法咁)學識咗點樣成為化獸師,以便喺路平變身期間陪住佢。此外,化獸師形態下嘅詹姆同天狼星分別係一隻雄鹿同一隻大狗,佢哋嘅體型大到足以控制住狼人型態下嘅雷木思。路平嘅狼毒無法傳俾化獸師形態下嘅佢哋,當佢哋仲係動物形態果陣,因為咁樣,路平唔會對佢哋兩個構成威脅。由於佢嘅情況,佢啲朋友幫佢起咗個花名,叫做「月影Moony[註 1],而尖叫屋都因為咁最終成為咗劫盜者中文哈利波特中的魔法物品#劫盜地圖喺佢哋實現完整嘅化獸師變身前後嘅秘密聚會場所。

賽佛勒斯·石內卜對路平每個月消失去邊覺得好奇果陣,天狼星喺佢哋六年級果陣對佢進行咗惡作劇(就算詹姆、天狼星同彼得唔鍾意石內卜,但係路平聲稱自己直到佢哋六年級之前都無理由憎佢)。天狼星每個月都會話俾石內卜知路平去邊,不過佢無提到路平係狼人,仲知道如果石內卜埋去變咗身嘅路平嘅話,石內卜可能會俾佢殺死。決心俾佢哋惹麻煩嘅石內卜,佢跟蹤住天狼星去邊度。當詹姆知道天狼星所做嘅嘢果陣時,佢喺石內卜去到尖叫屋之前就阻止咗石內卜,咁就救返佢條命。不過,石內卜終於睇到狼人形態之下嘅路平,俾鄧不利多要求佢發誓對佢保密。石內卜對呢件事從未原諒天狼星,仲覺得詹姆破壞計劃嘅唯一動機係避免自己俾霍格華兹踼出校。

路平喺五年級果陣被任命做級長,雖然佢喺管教詹姆同天狼星方面遇到麻煩,不過佢無做到男生長。羅琳喺一次採訪入面,將呢件事同路平渴望俾人鍾意聯繫埋一齊,話「因為佢成日俾人討厭。」路平嘅主要失敗係,「佢總係好高興有朋友,所以佢令佢哋好放鬆」[6]。喺《鳳凰會的密令》入面,天狼星話路平係個「好男仔」,而羅琳就話佢係「成熟嘅果個」。根據天狼星嘅說法,路平無參與佢同詹姆嘅欺凌(尤其係對石內卜),但係路平好遺憾從來未嗌停佢哋。

路平好厭惡仲對佢每個月嘅變身好恐懼:當他面對住幻形怪中文哈利波特中的生物#幻形怪果陣,佢會採取球狀滿月嘅形態顯示。呢啲轉變喺《阿茲卡班的逃犯》入面變得無咁嚴重,當時石內卜提供嘅縛狼汁Wolfsbane potion令佢對狼毒有一定嘅控制,仲保持到佢嘅思想。

路平亦係劫盜地圖嘅共同創造者之一,果份地圖後來由哈利·波特擁有。喺《阿茲卡班的逃犯》嘅尾聲,當佢將自己啲嘢打包果陣,顯示路平著住New & Lingwood品牌嘅啡色皮鞋。後來系列嘅劇情講到路平係鳳凰會嘅創始成員。

相關情節[編輯]

阿茲卡班的逃犯[編輯]

路平教授第一次出現喺小說同電影入面,作為霍格華茲嘅新任黑魔法防禦術教授。佢第一次出現喺霍格華茲特快列車上面,當時佢瞓著咗,當時「睇起嚟好似一個好嘅詛咒就可以將佢了結」。不過當催狂魔中文哈利波特中的生物#催狂魔出現喺火車上面果陣,路平終於醒咗,仲喺無魔杖嘅情況下「手入面攞住一把似乎係火焰嘅嘢」嚟幫哈利·波特擊退佢。呢度有證據顯示路平係一個比佢想像中更強大嘅巫師—佢能夠喺無魔杖嘅情況下召喚到火仲將佢握喺手掌入面(無魔杖嘅魔法好難做到)。果年年尾,石內卜對天狼星嘅越獄,以及因為咁而失去咗康尼留斯·夫子中文康尼留斯·夫子應承佢公開路平係狼人中文狼人 (哈利波特)嘅真相後俾佢嘅梅林勳章而覺得好嬲,路平由於預計巫師公眾會強烈反對霍格華茲嘅狼人教學所以就辭職。喺他任職期間,佢向哈利傳授施展護法咒中文哈利波特中的魔法符咒#護法咒嘅私人課程,呢個係對抗催狂魔中文哈利波特中的生物#催狂魔嘅唯一已知方法。佢嘅學生人人都好尊重佢(除咗少數嚟自史萊哲林嘅學生之外),學生仲鍾意佢落手實踐嘅教學風格,而哈利同佢啲朋友認為路平係佢哋最好嘅防禦術教授。

喺小說同電影嘅高潮入面,路平唔相信天狼星當年謀殺咗12個麻瓜,背叛咗詹姆·波特莉莉·波特,仲殺埋彼得·佩迪魯。最終佢發現咗真相—天狼星係無辜嘅,而仍然仲生還而且生機勃勃嘅彼得係個二五仔。路平喺尖叫屋裡面幫天狼星向哈利、榮恩妙麗解釋咗真相,佢哋都同彼得對峙,佢喺過去12年入面一直扮成榮恩嘅寵物老鼠斑斑。不過,由於雷木思唔記得咗飲縛狼汁,呢個令佢喺變成狼人果陣變得唔暴力。當哈利、榮恩同妙麗俾路平分心果陣,彼得變返佢嘅化獸師形態仲走甩咗。

鳳凰會的密令[編輯]

路平喺裡面以鳳凰會成員嘅身分重新出現,但他喺小說入面嘅角色比較喺《阿茲卡班的逃犯》入面仲要細。路平喺《阿茲卡班的逃犯》裡面被形容為有一頭灰白嘅「淺啡色頭髮」,而佢所著嘅係又舊又爛嘅縫補衫;佢喺《鳳凰會的密令》入面嘅面色蒼白,仲有過早嘅皺紋。由於魔法世界入面嘅大多數人都對於暴力轉變的恐懼而對作為狼人嘅佢哋有偏見,搞到狼人嘅就業機會好少,而路平主要依靠人哋嘅善意嚟支持自己。

當自魔法部桃樂絲·恩不里居嘅指引下通過額外嘅反狼人法果陣,令路平近乎失業。路平後來加入咗改革咗嘅鳳凰會,仲喺小說同電影嘅開篇章節度護送哈利離開德思禮家中文德思禮一家嘅先遣守衛成員之一。

路平同天狼星住喺鳳凰會總部嘅古里某街12號中文哈利波特中的地點#古里某街12號嘅布萊克家族大宅裡面,但係因為佢成日被派去執行鳳凰會嘅秘密任務,所以佢並唔係成日留喺果度。後來,他參與咗神秘部門中文魔法部#神秘事務司嘅戰鬥,仲喺果度同魯休思·馬份決鬥。

混血王子的背叛[編輯]

同《阿茲卡班的逃犯》中相比,路平嘅角色喺小說同電影入面嘅作用好細,就好似喺《鳳凰會的密令》一樣。喺《混血王子的背叛》入面,路平喺細個果陣曾經咬過佢嘅狼人焚銳·灰背中文食死人#焚銳·灰背領導下嘅狼人同伴入面做臥底,佢哋仲加入到佛地魔嘅陣營。雷木思向哈利承認,由於巫師世界嘅偏見,佢發現狼人同佛地魔站埋一齊嘅話會好難反擊,因為黑魔王為佢哋提供咗比而家所容許更多嘅自由。

喺小說最後,據透露小仙女·東施中文小仙女·東施鍾意咗比佢大13歲嘅雷木思,但因為雷木思係個狼人嘅風險,同埋雷木思對東施嚟講係「太老,太窮同埋太危險」而唔肯同佢拍拖。不過佢哋兩個喺呢本小說嘅最後場景入面手拖住手。

死神的聖物[編輯]

路平喺呢輯小說同電影入面嘅樣比以前更加攰同焦慮。佢參與咗鳳凰會喺水蠟樹街拯救哈利嘅行動,就喺佢哋走之前,東施透露佢同雷木思最近結咗婚。不過,佢喺唔同嘅場合度似乎唔係開心,反而係好緊張。喺小說裡面嘅後來,雷木思偶然發現咗匿喺古里某街12號嘅哈利三人組,並為完成鄧不利多交俾佢哋嘅任務而提供協助。哈利同路平喺哈利想加入佢哋嘅動機而展開咗激烈嘅爭論,結果就揭示咗小仙女·東施中文小仙女·東施果陣有咗;佢相信自己同東施嘅婚姻令讓東施最終成為咗一個被拋棄嘅人,相信即使係佢自己嘅家人都對佢哋倆個嘅聯盟覺得厭惡,而佢哋仲未出生嘅仔,佢對自己可能將狼毒傳俾佢而覺得內疚,令佢覺得佢哋無咗佢會生活得更好。妙麗試吓向他保證,一個細路仔永遠唔會咁樣諗自己阿爸;但哈利喺好細果陣就無咗自己阿爸(同埋契爺),佢唔希望俾雷木思喺危險之中,批評佢拋棄屋企人,甚至叫佢做懦夫。路平用佢嘅魔杖喺對攻擊哈利,將佢撞埋牆度,仲嬲爆爆咁走咗去。無可避免咁,佢認清咗哈利所講說話入面嘅真相,仲返到去東施身邊。

路平喺整年都喺鳳凰會好活躍,而佢哋越來越絕望嘅環境迫使阿波佛·鄧不利多中文阿波佛·鄧不利多等成員退出組織。同時,有巫師電台嘅忠誠者聽到佢喺地下電台中文地下電台節目《波特觀察Potterwatch》入面用嘅化名羅穆路斯Romulus[a]」嚟做傷亡報告嘅部分。同年年尾,東施生咗個健康嘅男嬰,佢哋兩個同佢改名做泰迪·雷木思·路平中文哈利波特角色列表#十九年後的孩子,佢展示咗變形師中文哈利波特中的魔法符咒#變形師嘅天賦而唔係狼人化,哈利被任命做佢嘅契爺。

喺霍格華茲大戰期間,路平喺霍格華茲校園裡面指揮住一班防守者,佢最後被提到嘅係佢同食死人安東寧·杜魯哈中文食死人#安東寧·杜魯哈嘅決鬥。路平同東施雙雙死喺戰鬥入面,佢哋分別俾杜魯哈同貝拉·雷斯壯殺咗[7],留低泰迪做咗孤兒,作為佢契爺嘅哈利·波特同阿婆美黛·東施中文哈利波特角色列表#湯姆‧瑞斗和詹姆‧波特之間的時代(約1938年-1959年)做咗佢嘅監護人。羅琳後嚟話,佢原先打算俾路平同東施都倖存落嚟[8]

當哈利去搵佛地魔同埋佢嘅死明顯迫在眉睫果陣,佢用重生石中文哈利波特中的魔法物品#重生石見到一個睇起嚟後生啲嘅路平同天狼星、詹姆同埋莉莉,佢哋一齊陪住哈利穿過禁忌森林,哈利為佢哋嘅死向佢哋所有人道歉,尤其係路平,因為佢點都無機會睇到佢個仔長大。路平話俾哈利知佢都好難過,但係佢個仔第日都會知道自己阿爸點解犧牲—佢嘅仔喺呢個世界裡面會過住更幸福嘅生活—同埋希望佢可以理解。除咗哈利之外,其他人都見唔到呢四個幽靈喺穿過森林,就好似護法咁抵禦住催狂魔。當哈利喺面對黑魔王掉低重生石果陣,佢哋就消失咗。

羅琳喺受訪果陣話,路平同東施嘅犧牲係為咗補償佢喺《鳳凰會的密令》入面對亞瑟·衛斯理中文亞瑟·衛斯理嘅一次本應該致命的襲擊中倖存落嚟最後一刻所俾嘅緩刑[9],羅琳仲話路平係俾安東寧·杜魯哈中文食死人#安東寧·杜魯哈殺嘅[10]

幕後創作[編輯]

演員大衛·休里斯中文大卫·休里斯係果個系列嘅電影《阿茲卡班的逃犯》導演艾方索·柯朗作為飾演路平嘅首選。休里斯喺較早時候曾經參與喺《哈利波特:神秘的魔法石》入面為奎若教授嘅角色試鏡,不過輸咗俾伊恩·哈特中文伊恩·哈特,後者掉轉頭鼓勵休里斯飾演路平嘅角色[11]。休里斯後來喺《阿兹卡班的逃犯》、《鳳凰會的密令》、《哈利波特:混血王子的背叛》、《哈利波特:死神的聖物1》,同埋最後嘅《哈利波特:死神的聖物2》裡面飾演路平呢個角色。《鳳凰會的密令》入面,喺石內卜記憶裡短暫咁出現嘅少年版路平係由占士·烏金James Utechin做嘅。

果個系列嘅小說作者羅琳講過路平係佢自己最鍾意嘅角色之一[12],形容「佢係一個受過傷害、平實又好有寓意色彩嘅人。......佢本身係個狼人,咁啱對於啲人面對疾病或殘疾病人嘅種種反應係個好好嘅隱喻[13]:37。」2016年,羅琳仲話路平嘅狼人身分其實係隱喻帶有污名嘅病,例如係愛滋病[5]

名嘅詞源[編輯]

呢個角色嘅名字係羅琳為佢嘅角色、場景同其他故事元素用嘅描述性名稱嘅一個明顯例子。佢個名「雷木思Remus」係暗指BB時期由母狼照顧嘅羅馬傳奇雙胞胎創始人——羅穆路斯與雷穆斯[14]。路平喺第7輯小說入面就借用咗雙胞胎其中一個嘅名「羅穆路斯Romulus」做佢嘅化名

佢嘅姓氏「路平Lupin」令人諗起意思係「狼嘅特徵或同狼有關」嘅英文單詞「lupine」,而呢個詞又源自拉丁語「狼瘡lupus」。喺法國北部嘅民間傳說入面,「lupin」都用嚟指代一種出名怕醜嘅狼人術語(同更有侵略性同暴力嘅loup-garou形成咗鮮明嘅對比)。「Lupin」亦都係一種開花植物羽扇豆屬中文羽扇豆屬嘅名。

迴響[編輯]

由於路平係個狼人,佢需要飲一種叫做縛狼汁Wolfsbane potion嘅魔藥嚟避免佢傷害其他人嘅事實,呢樣嘢令佢有偏見同隔離嘅後果,同埋社會對病人同有具缺陷者負面反應嘅象徵[15]。路平成日都被列為《哈利波特》入面其中一個最好嘅角色。《IGN中文IGN》將路平列做果個系列入面最好角色嘅第14位,仲指出:「作為哈利父母嘅一個老友,佢能夠俾哈利個別而深入咁了解佢哋係邊個,呢個係其他人俾唔到嘅[16]。」呢個角色喺《哈利波特:死神的聖物2》果陣喺霍格華茲大戰嘅死通常被認為係果個系列入面最情緒化嘅死亡之一。小說作者羅琳喺跟住落嚟果幾年裡面為殺咗呢個角色而道歉[17][18][19]

註釋[編輯]

  1. 雷木思、天狼星、詹姆同彼得喺組成劫盜者四人組,佢哋嘅代號分別係:雷木思 = 月影Moony;天狼星 = 獸足Padfoot;詹姆 = 鹿角Prongs;彼得 = 蟲尾Wormtail
  1. 為咗向由狼湊大嘅雙胞胎羅穆路斯同雷木思致敬。

[編輯]

  1. J.K. Rowling. "Remus Lupin". Pottermore. 原著喺2016-12-31歸檔. 喺2018-06-10搵到. {{cite web}}: Unknown parameter |dead-url= ignored (|url-status= suggested) (help)
  2. 料:利-波特物介绍--莱姆斯-卢平. 新浪网. 2007-06-26. 原著喺2018-06-12歸檔. 喺2018-06-12搵到. {{cite web}}: Unknown parameter |dead-url= ignored (|url-status= suggested) (help)
  3. "Interview: David Thewlis". Moviehole (英文). 2004-06-09. 原著喺2020-04-16歸檔. 喺2020-07-12搵到.
  4. "Remus Lupin | Wizarding World". www.wizardingworld.com (英文). 原著喺2019-10-02歸檔. 喺2022-02-25搵到.
  5. 5.0 5.1 羅偉強 (2018-04-09). 利波特石內卜更悲劇的人物雷木思路平 生平全剖釋. 港01 (香港中文). 喺2018-06-12搵到.
  6. "J.K. Rowling at the Royal Albert Hall". 原著喺2006-09-08歸檔. 喺2022-07-20搵到.
  7. "J.K. Rowling Web Chat Transcript". The Leaky Cauldron. 2007-07-30. 原著喺2012-02-19歸檔. 喺2007-07-30搵到.
  8. "JK Rowling interview". 原著喺2011-12-30歸檔. 喺2022-07-21搵到.
  9. Meredith Vieira (2007-07-29). "Harry Potter: The final chapter". MSNBC. 原著喺2012-11-05歸檔. 喺2007-07-30搵到.
  10. "J.K. Rowling Web Chat Transcript". The Leaky Cauldron. 2007-07-30. 原著喺2012-02-19歸檔. 喺2007-07-30搵到.
  11. "Interview : David Thewlis". Moviehole (英文). 2004-06-09. 原著喺2020-04-16歸檔. 喺2020-07-11搵到.
  12. "J K Rowling at the Edinburgh Book Festival, Sunday, August 15, 2004". 原著喺2007-10-25歸檔. 喺2018-06-12搵到. {{cite web}}: Unknown parameter |dead-url= ignored (|url-status= suggested) (help)
  13. J·K·羅琳; 琳賽·費瑟 (2002年7月). 利波特的祕密:與J·K·羅琳對話. 臺北: 皇冠. ISBN 957-33-1878-4.
  14. ""Rumours: Professor Lupin has a twin," February 18, 2004, J.K. Rowling Official Site". 原著喺2011-12-13歸檔. 喺2022-07-20搵到.
  15. Fraser 2000, p. 40.
  16. "Top 25 Harry Potter Characters". IGN (英文). 2019-03-29. 原著喺2019-03-28歸檔. 喺2020-07-11搵到.
  17. "JK Rowling apologises for killing off Remus Lupin in Harry Potter". The Guardian (英文). 2016-05-02. 原著喺2022-07-21歸檔. 喺2020-07-12搵到.
  18. Atkin, Jesse (2020-04-13). "10 Characters From Harry Potter That Deserved Better". ScreenRant (英文). 原著喺2022-07-21歸檔. 喺2020-07-12搵到.
  19. Kovach, Catherine (2015-11-25). "Why Remus Lupin Is The Best Harry Potter Character". Bustle (英文). 原著喺2020-09-23歸檔. 喺2020-07-12搵到.