負數

數學上講，負數係指細過0嘅實數，例如−5.71。同負數有關嘅概念有：

• 正數：大過0嘅實數，例如3.41。
• 非負數：唔係負數嘅實數，即係正數同埋0。
• 非正數：唔係正數嘅實數，即係負數同埋0。

注意，雖然0響一啲計算入便被當作正數，但係0又唔係正數，又唔係負數。

歷史

負整數可以被認為係自然數嘅擴展，令等式 x − y = z 對任意 x 同埋 y 都有意義。相對嚟講，其他數嘅集合都係從自然數通過逐步擴展得到嘅。

負數響表示細過0嘅值嗰陣好有用。例如響會計學上，佢可以被用來表示負債，而且成日用紅色表示（冇負數符號或者加括號），所以又叫做「赤字」。

自從公元前4世紀，中國數學家就已經了解負數同埋零嘅概念。公元1世紀嘅《九章算術》話「正負術曰：同名相除，異名相益，正無入負之，負無入正之。其異名相除，同名相益，正無入正之，負無入負之。」（呢段話嘅意思係「減法：遇到同符號數字應該相減個數值，遇到異符號數字應該相加個數值，零減正數嘅差係負數，零減負數嘅差係正數。」）以上文字入便嘅「無入」通常被數學史家認為係零嘅概念。

西方最早響數學上使用負數嘅係一本印度數學文獻，Brahmagupta喺628年寫嘅 BrahmaSphuta-Sidd'hanta。佢嘅出現係為咗表示負資產或者債務。響好大程度上，歐洲數學家直到17世紀先接受負數嘅概念。

負數計法

負數四則運算口訣

口訣	釋義
	加法	減法	乘法			除法
			被乘數	乘數	積	被除數	除數	商
正正得正	a + (+b) = a + b	－	正	正	正	正	正	正
正負得負	a + (−b) = a − b	－	正	負	負	正	負	負
負正得負	－	a − (+b) = a − b	負	正	負	負	正	負
負負得正	－	a − (−b) = a + b	負	負	正	負	負	正

睇埋

• 正數
• 0
• 整數
• 實數
• 超實數