海怪 (聖經)

呢幅畫描繪畫家心目中上帝誅殺大海怪嘅情景。

海怪（粵拼：hoi² gwaai³，英文：leviathan）係源自舊約聖經當中嘅一隻巨型海中怪獸。根據舊約聖經對佢嘅描述，海怪响形態上係一隻身形長、有翼嘅大海龍，體形非常巨大（根據某啲版本嘅傳說，海怪大隻到能夠用自己嘅身體圍繞住成個物質世界），而且仲曉噴火^[1]。

喺廿一世紀初，海怪嘅形象時不時都會喺西方嘅奇幻故仔當中出現，奇幻裏面嘅海怪多數都係巨型（身體有成幾架船咁大）嘅大海龍噉嘅樣，亦都有啲版本會將海怪描繪成個樣似鯨魚。現代虛構故仔當中嘅海怪多數唔識噴火，不過佢哋依然可以靠住因為龐大體型而有嘅力量而對出海冒險嘅主角造成威脅^[2]。