User talk:Cedric tsan cantonais

請注意！閣下已經進入咗粵語保護區。
Attention! Vous êtes entré une Réserve linguistique du Cantonais.
Achtung! Sie sind ein Kantonesisches Sprachschutzgebiet betreten.
Attention! You have entered a Cantonese Linguistic Reserve.

請注意：某動物同埋佢嘅所有分身都已經被列為唔受歡迎人物，終身禁止再喺道留言，留親即剷。

話同文

Please stop moving the title before the discussion is over. Please see here.--WikiCantona (傾偈) 2012年11月10號 (六) 08:28 (UTC) 睇下 Wikipedia:城市論壇_(提議)#「話」同「文」--WikiCantona (傾偈) 2012年11月10號 (六) 08:54 (UTC)

西班牙話

西班牙話都啱嘅，請你唔好改成西班牙文。 65.38.92.122（討論） 2012年12月26號 (三) 17:46 (UTC)

你將「英文」改埋做「英國話」我就唔改「西班牙話」。殘陽孤侠 2012年12月26號 (三) 23:02 (UTC)

一個字要叫「文」，因為「英」係一個字。65.38.92.122（討論） 2012年12月29號 (六) 03:00 (UTC)

咁「法」夠係一個字咯，點解又叫「法國話」唔叫「法文」？擺明就係大細超。殘陽孤侠 2012年12月29號 (六) 06:43 (UTC)

法國話係HenriLi作嘅。65.38.92.122（討論） 2012年12月29號 (六) 13:33 (UTC)

淨係識得將個波踢來踢去好叻咩？重有唔該閣下註冊返個用戶名再來同本人辯論，以免本人誤將閣下當做係嗰班淨係識得匿埋喺IP地址後面嘰嘰噶噶，郁乜郁就話要快速刪除嘅九流之輩。殘陽孤侠 2012年12月31號 (一) 23:24 (UTC)

檔案File:CIS CWUAA.png嘅來源唔明

多謝你上載File:CIS CWUAA.png。而家份檔案嘅描述頁未指出邊個係作者，而版權狀態亦唔清。如果你唔係份檔案嘅作者，請你指出邊個持有其版權。如果份檔係你由網上汲嘅，咁好多時你只須指出網址，同埋嗰度嘅利用條款( restatement of that website's terms of use of its content) 。但如果版權持有人唔係嗰處網址嘅出版者，咁就同時要版權持有者同意。

如果個檔案係冇一個版權標籤嘅，咁就要加上一個合適嘅。如果你係建立／影張相、錄聲、或者錄畫嘅，咁就可以用{{GFDL-self}}標籤以符合GFDL嘅規格。如果你相信呢個媒體係符合Wikipedia:公平使用嘅條件，請利用{{non-free fair use in|文章名}}或者其中之一個響Wikipedia:圖像版權標籤#公平使用嘅標籤。睇吓Wikipedia:圖像版權標籤以取得你可以用嘅成個表。

如果你上載咗其它嘅檔案，可以考慮檢查吓你已經幫佢哋指定咗佢哋嘅來源，而且加上合適嘅圖像標籤。你可以響呢個連結度搵到你曾經上載過嚟呢度嘅檔案表。根據快速刪除嘅條件，冇來源同埋冇標籤嘅圖像可能將會響上載後嘅一個星期後刪除。如果幅圖像係根據非自由牌照（按照住Wikipedia:公平使用）發出嘅話，噉幅圖就會響48個鐘頭之後刪除，即係響 2012年12月28號 (五) 16:41 (UTC) 之後。如果你有任何嘅問題，請響媒體版權問題頁度發問。唔該。--WikiCantona (傾偈) 2012年12月28號 (五) 16:41 (UTC)

File:CIS CWUAA.png係由英文維基百科轉載過來嘅，適用嘅版權協議同英文維基百科裡面完全一樣，但係操作界面唔俾我選擇版權協議，唔該幫手。殘陽孤侠 2012年12月29號 (六) 06:45 (UTC)

搞掂。--WikiCantona (傾偈) 2013年1月3號 (四) 14:10 (UTC)

請敎

唔敢當。

• 閣下對「斯德哥爾摩」嘅譯法同其討論有乜睇法。

敝認為「斯德哥爾摩」粵語發音唔算同原文相差十萬八千里，加上珠江三角洲（據我所知）已經無人用「士多貢」，建議保留「斯德哥爾摩」，加註「另有康有為譯名『士多貢』」。

殘陽孤侠 2013年1月6號 (日) 22:42 (UTC)

如果你上網查吓「士多貢」，都有人用，不過多數同康有為一齊講。--WikiCantona (傾偈) 2013年1月7號 (一) 07:11 (UTC)

• 我見 Les Misérables 譯做「悲慘世界」又叫「孤星淚」，邊個好啲，邊個古老啲。--WikiCantona (傾偈) 2013年1月6號 (日) 12:52 (UTC)

Les Misérable法文原意係「可憐人」（複數），「悲慘世界」比較貼近書名原文，而且書裡面好多角色都真係好悲慘；「孤星淚」就係根據內文再創作嘅產物，但係祇能夠概括到主人公前半生嘅境況，而另外書裡面流淚嘅亦都唔淨止一粒「孤星」。根據忠於原文嘅原則，本人推薦「悲慘世界」，但係應該加上「舊譯名『慘社會』（1903年蘇曼殊譯本），另有譯名『孤星淚』」。

殘陽孤侠 2013年1月6號 (日) 18:19 (UTC)

再請敎

中文維基百科班人好神心，整做過 zh:維基百科:譯名表，我知中國大陸同台灣亦有佢地嘅（統一）譯名表，例：台灣 - http://www.nsc.gov.tw/sd/unitran.htm 。不過，從來未見過以粵音為基礎嘅譯名表，就算有都係好耐之前嘅。你見過未？--WikiCantona (傾偈) 2013年1月7號 (一) 07:11 (UTC)

最近20年嘅都未見過，不過本人最近喺度編制緊一系列嘅「非英文語言人名/地名譯音表」，希望可以同香港嘅病毒譯音表抗衡，同時作為以後粵語維基百科翻譯新出現嘅人名/地名嘅標準。殘陽孤侠 2013年1月7號 (一) 17:04 (UTC)

多謝閣下嘅譯音表，令粵語維基百科更有系統。本人有小小建議，如果你可以將呢譯音表喺維基百科之外嘅地方發表（如：blog），咁原創嘅問題就冇啦。--WikiCantona (傾偈) 2013年1月8號 (二) 05:46 (UTC)

本人係粵語協會用戶，可以去粵語協會網站發表。殘陽孤侠 2013年1月10號 (四) 20:53 (UTC)

回：要求暫停IP地址116.48.138.183編輯權限

作為自由百科全書，用戶嘅貢獻係好重要，無論係 IP用戶定係開名用戶。暫停某用戶嘅編輯權限需要有極之足夠理由，例如有明顯、多次嘅破壞行為。反觀閣下所指嘅IP用戶好多有建設性、有貢獻嘅編輯，請睇。閣下所指搗亂算唔上破壞行為。以下係對你每一點嘅回應：

• 搗亂1：用「史」代替「歷史」其實係呢度嘅一個習慣，閣下唔滿意可以自己嚟改，提出；
• 搗亂2：我同意佢有唔尊重討論者嘅成份，不過，冇主頁嘅討論頁，根據政策，的確係可以俾人提出刪除嘅；
• 搗亂3：喺香澳「冧巴」仍然係好多人用一個詞，所以根本唔係話佢係搗亂，好似閣下寫「祇有」而唔少人寫「只有」咁；
• 搗亂4：唔該睇下個編輯紀錄，唔係個位IP用戶整出來嘅。仲有呢度冇政策規定唔可以做一啲、表達個人意見、只係用喺用戶嘅模。覺得唔掂，提刪。

閣下嘅投訴，就我認為，純粹係觀點與角度之爭。--WikiCantona (傾偈) 2013年1月18號 (五) 04:11 (UTC)

重有，直接到IP用戶嘅討論頁留言，係好嘅解決方法。但係，請留意閣下未必需要用到，有人可能覺得，帶有挑釁性嘅言詞。多謝。--WikiCantona (傾偈) 2013年1月18號 (五) 04:11 (UTC)

『將「話」「語」改成「文」屬於「無建設性嘅編輯」，咁將「歷史」（獨用）改成「史」、將「號碼」改成「冧巴」又屬唔屬於「無建設性嘅編輯」呢？』

• 答：自由嘅百科全書理得越少就越好。喺 Admin 嘅角度，我好少話人嘅編輯「冇建設」，只係大家喺度拗鑊甘嗰時，改嚟改去（editing wars that is），冇實質嘅改善，先會出嚟阻止，叫人去傾。我嘅角色，亦係用戶，有我嘅觀點同睇法，有一例：作為 Admin，有人用本字，有人用俗字，我懶得理。當篇文搞都係完全唔明，我亦當自己係一般嘅用戶去改佢。閣下有嘢睇唔過眼，可以扐出嚟傾，亦可以改返佢，「自由」是也，希望明白。--WikiCantona (傾偈) 2013年1月21號 (一) 10:37 (UTC)
• 重有，從來冇人因為將「話」、「語」改成「文」而俾我封（「暫停編輯權」）、條友不斷咁加英文，我先封佢，唔該睇清楚。--WikiCantona (傾偈) 2013年1月21號 (一) 15:01 (UTC)

Rush

請問，美國人名 Rush，廣東音應該點譯？--WikiCantona (傾偈) 2013年1月24號 (四) 04:43 (UTC)

暫時譯「勒殊」。請問有無全名？如果嗰個人同自己起咗個中文名嘅話，用全名查比較容易搵到出來。殘陽孤侠 2013年1月24號 (四) 06:29 (UTC)

睇林堡--WikiCantona (傾偈) 2013年1月24號 (四) 07:24 (UTC)

「屈殊」似啲 :-) --WikiCantona (傾偈) 2013年1月27號 (日) 02:05 (UTC)

回：IP地址163.142.36.237粗口攻擊

講粗口有兩個目的，第一，挑釁對方，令到對方發嬲。第二，表達、發洩自己情緒。閣下所講嘅攻擊屬於第一種。IP user 136 所寫嘅係第二種，係一種有情緒嘅觀點表達，所以唔係攻擊你，簡單啲講佢係冇用到個「𨳒 」字去問候你或者你嘅親戚，所以佢嘅話唔構成任何嘅攻擊。題外話，我聽過「我哋廣東人脾氣大又老實，有嗰句講嗰句！」如果呢個係文化上嘅表達，講粗口都係另外一種文化，只要唔係人身攻擊，唔應該構成問題--WikiCantona (傾偈) 2013年1月27號 (日) 02:05 (UTC)

明白。— 殘陽孤侠 2013年1月27號 (日) 07:32 (UTC)

荷希

• [1]

成日凝住Jorge係德文（因為我自己識嘅Jorge都係德國人，阿根廷都好多籍貫德國嘅人）。不過今鋪睇嚟真係西班牙文。翹仔 2013年3月13號 (三) 23:29 (UTC)

Jörg（約格）或者Jürg（于格）先至係德文，Jorge（荷係）係西班牙文。不過宜家好多中文傳媒都鍾意有理無理都踢走晒人等啲標音符號，所以Jörg同埋Jürg先至會變成Jorg同埋Jurg，導致好多人媾亂。 — 殘陽孤侠 (傾偈) 2013年3月13號 (三) 23:41 (UTC)

唔該. 翹仔 2013年3月14號 (四) 15:24 (UTC)

Württemberg

"Würt"發音我點聽都似「烏」多過「維」喎。其實問題又係原文發音係一個廣東話冇嘅音 /vʏɐ̯t/，所以與其監生作個啱唔晒嘅譯音出嚟，不如用個似似哋而傳媒廣泛接受嘅譯音。（利申：我喺大學副修德文，識唔少Baden-Württemberg出身嘅朋友） 翹仔 2013年3月14號 (四) 09:39 (UTC)

其實將Württemberg譯成「維騰堡」都係為咗體現ü上面嗰兩點，以免被人認為我都係按照錯誤拼寫（Wurttemberg，因為宜家好多華文媒體都鍾意監生踢走晒啲標音符號，再用一句「打唔出」來做擋箭牌）來翻譯嘅，唔係「監生」，係有苦衷。（利申：我喺大學都學過一年德文，自問都好熟悉德文嘅發音規則。另外我都識得唔少來自德國各地同瑞士嘅朋友。） — 殘陽孤侠 (傾偈) 2013年3月14號 (四) 19:30 (UTC)

有啲嘢，我覺得唔使標奇立異嘅。如果真係堅持要有幾近得幾近，咁就連「維騰堡」都唔夠，要叫「屈氹堡」！用慣用嘅烏騰堡其實冇問題，只要開咗文之後，第一行寫明德文串法同埋IPA，咁就冇死。翹仔 2013年3月15號 (五) 11:23 (UTC)

間隔號

唔係「唔准」，我有乜嘢權唔准人做乜，只要唔係破壞，我唔可以 ban 人嘅 。我，之不過，又都係用家一個，大家平等，有理服人，大家一定要傾。我會跟住講係點解先--WikiCantona (傾偈) 2013年3月22號 (五) 06:48 (UTC)

‧．‧‧·˙·

我諗都應該對閣下解釋一下係「間隔號」都俾我通殺（改）嘅原因。首先講吓命題嘅最好做到唔尐：

• 中立、廣東話化

中唔中立，算唔算粵語，應該同標點符號無乜關係卦?

• 易 link、易打
• 方便搵

伊個問題完全可以通過設定重定向頁來解決。

• 清楚（唔易搞亂）、簡單

請問點為之「唔易搞亂」？

• 易讀易睇

又講下「間隔號」，睇下zh:間隔號，問題多多，網上我見最多嘅係問點樣輸入嘅間隔號，一句嘅話係好睇唔好用。

• 「間隔號」當然有佢嘅好處啦，令啲水蛇春咁長嘅名，好睇，識睇大多數時間知道名同姓。
• 呢啲好處遠遠唔及佢嘅衰嘢，同埋有好多唔 logical 嘅嘢：
  • 「間隔號」知便個係名，邊個係姓，只係用喺「外國人名」，不過日本人名韓國人名就唔會用？點解先，要知道名同姓之別，日本人名，zh:丹羽宇一郎，佢究竟係:「丹羽．宇一郎」定係「丹羽宇．一郎」定係「丹．羽宇一郎」，喺有用嘅時候就唔用，點解先？中國人名一樣喎：陳方安生係「陳方．安生」定係「陳．方安生」？

引入分隔號嘅初衷係用於西人嘅人名。至於朝鮮、日本同越南，因為當地用漢字或者喃字無分隔，所以引入中國嘅時候都無分隔。同時，由於日本受到中華文化影響好深，所以好多中國人唔使分隔號，淨係睇漢字都可以判斷焉個係姓焉個係名。但係西方名就難好多，尤其係宜家北美人起名已經唔再限於使用《牛津辭典》上面嘅「正統」英文名，而係千奇百怪乜都有。喺伊個時候用分隔號，完全係為咗分清姓同名。

• • 點解要 single out 外國人名？而家用開嘅標點符號係「有國籍嘅選擇」？
  • 咁有啲「外國人名」個「姓」行先，咁又點？

分隔號嘅習慣用途祇係區分姓同名，唔需要考究焉個行先焉個行後。例如匈牙利人名姓前名後，一樣可以用分隔號。

• • 中國大陸為「·」而台灣為「‧」，要用邊個先，有冇人因為中立問題有嘈先？用邊個先？

係嘈都係HenryLi嘈嗟。本人係焉個全角就用焉個。

• • 睇係家係用緊嘅五花八門，乜都有：半形、方形、日文嘅，又要指引、又要統一？何其麻煩呢？

如果好似《辭海》之類嘅權威百科全書嘅編輯部都有統一指引嘅話，咁粵語維基百科就絕對唔應該退而求其次，因為怕麻煩而斬腳趾避沙蟲。

• • 維基百科唔係印刷品，電腦上用嘅。閣下如果上網搵下，就會知道有好多人問點樣輸入「間隔號」？！link 文之時，好煩之極點！

閣下如果上網搜下，同樣有好多人問點樣打粵語字。如果打分隔號就算麻煩嘅話，咁打粵語字豈不是更麻煩？唔喺粵語維基百科嘅時候，就經常要逐個字複製粘貼添。

• • 我地噉反對北方嘅譯音，「間隔號」又唔係一樣北方而來嘅產物，吸收外來咩嘢，變成自家嘢係好。不過，啲可有可冇嘅嘢係唔係要吸收呢？

新式標點符號唔係北方嘅產物，起碼唔完全係。新式標點符號最初係胡適、魯迅、錢玄同等人喺上海（而唔係北京）發表嘅。佢等提倡新式標點符號嘅原因，就係因為以前缺乏標點符號，搞到文章好難理解，歧義好多。可有可無嘅嘢當然唔一定要吸收，但係有好過無嘅，吸收咗又唔會消化不良，無壞處噃。另外，譯音問題同標點符號根本一尐關係都無，例如「馬克－安托雲・沙彭鐵耶」一睇就知道係粵語（廣州音）譯名，但係「馬克－安托萬・夏龐提埃」唔使審都知道係普通話音譯名。

講到尾好簡單，廣東維基成立的目的，就係用廣東話寫嘅嘢，「中立而廣東」，可惜嘅係，初期，人手唔多，受住中文維基嘅影響太大，唔想費時失事咁搞乜乜 rewards，動員..... 自己希望集中寫廣東/話嘢，反影廣東話習慣嘅嘢，新嘅中文維基玩意、政治嘢；無必要就唔好搞，簡簡單單，就越好。「間隔號」加咗一大堆問題，多過帶嚟嘅好處，就決定唔好搞喇。--WikiCantona (傾偈) 2013年3月22號 (五) 10:01 (UTC)

閣下每每認為自己維護緊嘅係「中立而廣東」，但係實質上嘅效果就係「中立而香港」。唔係想挑起矛盾，但係廣東同香港嘅標點符號習慣的確係有差異嘅。就用分隔號為例子，香港人好少用，但係廣東人好多都係從細用到大嘅，平時課間傳紙仔都有用。例如，「方素華・奧郎德」（法國總統）我等唔會寫成「方素華奧郎德」，「卡爾十六世・古斯塔夫」我等唔會寫成「卡爾十六世古斯塔夫」。至於「達・芬奇」（「達文西」係病毒音譯名）可以寫成「達芬奇」，係因為da Vinci係一個分開兩部分寫嘅姓氏。另一個例子係書名號，香港嘅報紙（包括寫普通話嘅報紙）好少用，通常淨係用於書名，但係廣東嘅報紙就一直都用，電影名、書名、文章名都用。唔係政治嘢，而係使用習慣。另外，開講都有話「英雄莫問出處」。如果閣下因為分隔號「來自北方」就抵制，咁以後會唔會用「convention」做理由，將啲書名號全部改晒做引號？如果決定用焉個分隔號都涉及到中立性問題，咁尊崇香港習慣而排斥廣東習慣，又涉唔涉及中立性問題呢？ 殘陽孤侠 (傾偈) 2013年3月22號 (五) 11:30 (UTC)

「來自北方」唔抵制理由，而係個「間隔號」夾雜住啲大漢主義、歧視成份，同一堆實際使用問題、幾時用、點用、跟邊個標準，唔再重覆啦。

可以係「中立而廣東話」，老友，廣東省有6千萬人講粵語，全世界有1.2億人用粵語，之前嘅東南亞嘅編者，都冇人用「間隔號」，如果「英雄莫問出處」唔係得個噏字，下下都係乜「廣州用法」、「香港習慣」，仲有「澳門習慣」，「馬來西亞習慣」 ，「美加習慣」加埋其他地方.... 唔好以為呢個世界凈得香港同廣州先得㗎！同你討講利弊，你就張書個套超寫番出來。仲有，我冇搞錯你地平時「上課間」係用普通話？你好肯定你地嘅報紙寫嘢人會講地度廣府話，而唔係用普通話諗嘢？仲有，乜廣州尐報紙會用寫粵文嘅咩？

錯！我等一落課就講廣東話，兩個人都識講廣東話，做乜無端端要轉用普通話嗟？另外，如果閣下想睇粵語寫文章嘅話，可以睇下佛山大學余福智教授喺《佛山日報》上面嘅粵語專欄，用字略有唔同（例如「咁」佢寫成「恁」），但係絕對係純正又地道嘅廣府粵語。另外，《南方都市報》同《羊城晚報》都有粵語專欄，閣下想睇可以自己去買。我諗香港無刊物審查伊支歌仔唱卦？ 殘陽孤侠 (傾偈) 2013年3月23號 (六) 03:38 (UTC)

講到尾，中國地方嘅習慣係要尊重嘅，包括其他地方用家，你覺得「使用習慣」咁緊要，我希望有其他同你相似背景嘅用家，之前閣下覺得用中文維基嘅轉換可以搞掂地方用字嘅差異，都可以做，不過，本人喺方係半個白癡，唔識搞。我更加認為我嘅寶貴時間會用嚟寫文同改文。或者，你去搞搞佢，睇吓點做，跟住睇個 community consensus 係點。--WikiCantona (傾偈) 2013年3月23號 (六) 02:51 (UTC)

伊個問題宜家唔解決，遲早都無得回避。所謂「各地習慣」唔限於標點符號，更加包括詞彙同其他用語，例如香港用「快勞」，廣東用「文檔」，香港用「雪櫃」，廣東用「冰箱」⋯⋯其實最好嘅解決方法唔係用一個取代另一個，而係建立地方詞轉換機制（例如將「方素華・奧郎德」轉換成「方素華奧郎德」，或者將「冰箱」轉成「雪櫃」）。但係如果開咗用一個取代另一個嘅先例，咁樣粵語維基百科就會畀香港粵語大晒，廣東粵語連透氣嘅空間都無，最後唔係被香港粵語同化就係被普通話同化（好似南寧粵語咁樣）。我唔係要用廣東粵語取代香港粵語，祇係想為廣東粵語喺粵語維基百科道爭取生存空間。所以我同翹仔商量過，認為建立轉換機制之前，最好嘅辦法就係建立重定向頁。 殘陽孤侠 (傾偈) 2013年3月23號 (六) 03:38 (UTC)

建議你去搞「地方詞轉換機制」，一方面再睇下其他用戶嘅睇法。--WikiCantona (傾偈) 2013年3月25號 (一) 12:33 (UTC)

Wikipedia:粵語地方用字轉換‎

請睇下Wikipedia:粵語地方用字轉換‎。你認為有必要，麻煩加長佢。同埋，放咗上頂啦。--WikiCantona (傾偈) 2013年3月23號 (六) 03:27 (UTC)

麻煩晒。 殘陽孤侠 (傾偈) 2013年3月23號 (六) 03:38 (UTC)

Please stop!

Let's see the facts. After I changed the title without the dot, I changed the redirect page to back by changing the content. By doing so, you messed up the editing history. You are doing again today! This is enough to be seen as vandalism! I can block you just for this reason alone. Please do not argue that I started the war first. I has been removing the dots long before you got here. I have doing it for the long time, no one until you put up the objection. I included you in the discussions and accommodate your demands. More importantly, when the rule suits you, you said nothing (Because you employed 「有得拗，用原文」rule, the article 藤子・F・不二雄 stayed with the original japanese name). I invoked the same rule for Dubhghlas de hÍde‎ and opened the discussion. you changed the redirect page to a parallel article, in essential reviving the article to suit you.--WikiCantona (傾偈) 2013年3月25號 (一) 12:29 (UTC)

伊個係我同蹺仔商量過之後得出嘅共識：用點嘅為唔用點嘅整重定向頁，唔用點嘅為用點嘅整重定向頁。係你喺道學HenryLi無限上綱上線嗟，唔怪得晒我㗎噃。如果你因為咁而封禁我嘅話，我一定會上訴到你還我清白。（利申：本人假假地都喺大學裡面選修過辭典學（法文：fr:Lexicographie、英文：en:Lexicography），唔敢自認專家學者都起碼知道焉個打焉個。）

唔係「商量過之後」，係你咁寫低，未有人答。等左都未夠二十小時就話「得出嘅共識」，早咗啲喎，好多人返工（上班）㗎！

另外，伊個唔係焉條規則「suit」焉個嘅問題，而係你濫殺無辜，有殺錯無放過嘅問題。你幾時有見過我將（一開始就）無加點嘅標題改成有加點嘅標題啊？！你舉到一次出來我就以後都唔加點！我等已經退讓到伊個地步你重想點嗟？係唔係要我等被你等同化晒你先至安樂啊？係唔係以後Félix-François要寫成Felix-Francois因為é同埋ç好難打啊？係唔係以後連書名號同方括號都唔准用啊？

講嘢講事實好，只係改個題目，俾足面你，內文我唔改你。九唔搭八，Félix-François 係外文，乜你會用外文做題嘅咩？而加個點會用喺成千上萬嘅名題之上。連書名號同方括冇人有意見，九唔搭八。

另外，如果連明報都用嘅話，咁維基百科就無理由通殺。

傾都未傾完，就要急急行呢你個套，霸道啲喎。重傾緊。

我將道格拉斯希渣整成道格拉斯・希渣嘅重定向頁，已經算係仁至義盡啦。

咁，之前我搬咗篇文，知唔知咁樣做會搞到啲「修改紀錄」亂晒。你知唔知乜嘢係「修改紀錄」先？

係你自己寧願犧牲粵語嘅純潔性來追求你自己理想中嘅政治正確嗟。

係你犧牲粵語嘅純潔性，唔係我呀，我想保留與純潔性。

一方面，連將「老撾」改成「Laos」咁嘅嘢你都做得出，另一方面，明知粵語口語無人再單獨用「史」來代替（單獨用嘅）「歷史」，但係你依然縱容人等有殺錯無放過咁將「歷史」改成「史」，同埋無端白事、阿茂整餅咁刪除量詞。你自己話係焉個唔啱先啦！另外，你話之前一路有殺錯無放過咁刪除分隔號都無人反對，根本係因為粵語維基百科成立咁耐以來，絕大部份嘅用戶都係香港用戶，而廣東用戶就少到手指都數得出，而學校又從來無專門教過粵語，搞到宜家粵語維基百科幾乎乜都跟晒香港標準，而跟香港標準嘅維基人，又經常唔知道廣東有自己嘅一套習慣，加上媒體渲染到大陸好似全部人淨係識得講普通話咁，最後卒之就引發衝突啦。

你同我講「老撾」，係之前嘅傾過計共識。之後，又有討論，之後咪用番老撾？！你究竟知唔知維基百科嘅程序？「縱容」？你以為依度嘅管理員（sysops）係呀媽湊仔，乜都要理㗎，啲嘢覺得唔妥，就自己去改，變講過好多次，唔鍾意「歷史」畀人改做「史」，自己去改返。咪以為自己係大帝先得架，講個意見就要有人幫你做埋，使唔使廿四小時服恃你？講完又講。

呢道所有活躍嘅用戶「少到手指都數得出」，下下真係呢度製造廣港矛盾，當全世界其它地方嘅廣東人冇到，講完又講。其實我都好支持你地廣州人上街爭取「粵語嘅地位」，長期俾人壓制，教書先生禁你地講，差哋就連俾電視台封艇。俾人用GFW圍埋，等其他廣東用戶上唔到維基百科。呢啲唔係香港嘅原罪。香港嘅罪過就係，有啲香港人覺得跟足大陸用普通話最好囉，將廣東話皽皮拆骨，粵語維基百科講笑咩！唔你嗰套，我嗰套！嘈喧巴閉不如嚟壯大粵語。

我同你講啦，同你爭論棧我自己短幾年命，所以唔好以為我好鍾意聊交嗌。但係廣東粵語（同埋廣西粵語）都係粵語，維基百科無理由排斥兩廣粵語嘅使用習慣。最多同你整多幾個重定向頁。如果你係都要將來自廣東嘅成分一舖清袋咁清晒出去嘅話，咁我就祇有奉陪到底。殘陽孤侠 (傾偈) 2013年3月25號 (一) 22:50 (UTC)

同你拗，都唔知嘥咗幾多寶貴時間，寫文好過，都係Henry精，乜都唔理。如將來「來自廣東嘅成分」完全搞好粵語維基百科，就算用晒做簡體字加點加乜都好，我歡迎到極。而唔係意圖執咗佢（「結束粵語維基百科吧」、「不文明的粵語，理應由普通話取代」）。

我同你拗粵港問題，純粹係要為以後中共同防火長城倒臺之後，兩廣粵語成分大量進入粵語維基百科做準備。（至於普通話成分問題，你睇過我啲編輯紀錄，應該直到凡係明顯係普通話成份嘅，好似「弗吉尼亞」咁，我完全係先斬後奏嘅。我遲啲重會畀你睇下我喺粵語協會為保育粵語作出嘅貢獻。）同廣西粵語相比，廣東粵語同香港粵語之間嘅差異已經算係少（例如廣西容縣話將「無有」講成「馬有」，南寧白話將「嗰個」講成「嚕個」。）。如果各位香港維基人連廣東粵語嘅成份都接受唔到嘅話，到時廣西粵語登場嘅時候，人等正常編輯被你等當咗破壞，到時就真係衛星都無咁大隻鑊。殘陽孤侠 (傾偈) 2013年3月26號 (二) 22:20 (UTC)

廣西容縣歌《老板娘你屎窿癢》

南寧白話歌《第一次開摩托車》

正如喺我用英文嘅講過，防火長城倒臺之後，我最驚係啲「愛國憤青」入黎搗亂，改晒啲廣東話做普通話！我從來冇否定過你喺度嘅貢獻。「粵語協會」去過吓，不過唔知去邊先有野睇，可以嘅話，都講嚟聽吓。睇嚟，引入地方用字差異轉換機制，可以一石四鳥：地方用字（粵西、港澳、廣州）嘅分別、「點」（間隔號）嘅問題、所謂嘅「病毒音」、甚至簡體字單單向轉換。諗諗佢。--WikiCantona (傾偈) 2013年3月28號 (四) 04:35 (UTC)

麻煩畀我再問一句，用「粵音譯+點隔號」幾有新意，除咗你係咁做，有冇其他人咁樣做呢？--WikiCantona (傾偈) 2013年3月26號 (二) 20:36 (UTC)

「溫哥華」好唔好？我成日都講，有慣用粵語譯名或者當地華人譯名時，粵語維基唔應該標奇立異。翹仔 2013年4月17號 (三) 09:24 (UTC)

你知唔知更新

請留意一吓，響列出『你知唔知』項目嗰陣，少用問詞；其問詞已經改咗更新咗上去。 Shinjiman ⇔ ♨ 2013年4月10號 (三) 14:37 (UTC)

響2013年4月10日，頭版嘅你知唔知？專欄已經換畫咗喇。你新寫或擴寫篇文章「羅品超」嘅事實獲選亮相，真係恭喜晒！如果你日後見到得意益智嘅新文章，請你喺「你知唔知？」對話頁度推舉。夾埋呢篇，你總共有1篇文章喺呢欄度亮過相。

--Shinjiman ⇔ ♨ 2013年4月10號 (三) 14:37 (UTC)

Lanwi11

• 03:58, 17 April 2013 Bsadowski1 (talk | contribs) changed status for global account "User:Lanwi11@global": Set locked; Unset (none) (Long-term abuse)

已經畀steward封咗。翹仔 2013年4月17號 (三) 09:22 (UTC)

借問聲，你點解咁肯定 User:Lanwi11 就係中文維基嘅管理員呢？--WikiCantona (傾偈) 2013年4月17號 (三) 12:03 (UTC)

我祇係話佢自稱係中文維基百科管理員。殘陽孤侠 (傾偈) 2013年4月17號 (三) 23:50 (UTC)

User:Lanwi11 係中文維基百科嘅長期破壞者李煌老師假冒嘅。--如娇 (傾偈) 2013年5月1號 (三) 03:07 (UTC)

多謝報料。原來又係李煌條懵契！咁真係封多佢幾次都唔過份囉！ — 粵語文學大使殘陽孤侠 2013年5月1號 (三) 03:31 (UTC)

開新類

撳Category:愛爾蘭文化紅字，寫嘢，通常淨係加樓上分類，例如：

 [[Category:愛爾蘭]]
 [[Category:各國文化]]

然後儲存，得唔得？翹仔 2013年4月25號 (四) 22:58 (UTC)

得咗。唔該晒！ — 粵語文學大使殘陽孤侠 2013年4月25號 (四) 23:24 (UTC)

我嘅管理員申請

我而家參選咗管理員申請，歡迎投票。我明白做一個管理員需要比每一個人都公平，唔可以用管理員嘅權力嚟壓人！—以上留言未簽名。　 2013年5月21號 (二) 12:20 (UTC)

你知唔知更新

響2013年6月1日，頭版嘅你知唔知？專欄已經換畫咗喇。你新寫或擴寫篇文章「道格拉斯·希渣」嘅事實獲選亮相，真係恭喜晒！如果你日後見到得意益智嘅新文章，請你喺「你知唔知？」對話頁度推舉。夾埋呢篇，你總共有2篇文章喺呢欄度亮過相。

--Shinjiman ⇔ ♨ 2013年6月1號 (六) 04:23 (UTC)

Re:共識？

唔好咁快反應先得，唔係人似得咁投入，勤力，半日就一定答嘢，你唔可以要個個同你一樣㗎，係咪？話人之前好心畀啲時間人啦。都未傾完，你話要尊重開文個位，我同意你咁講，打返轉頭有乜唔哸先？用呢啲時間嚟加返你啲 references 同 interwiki，category 好過啦。--WikiCantona (傾偈) 2013年6月6號 (四) 07:15 (UTC)

你是支持平反六四的人？

反獨裁管理員、反奪取別人言論和思想自由的主義者！

• 囧rz...獨裁？奪取別人言論？思想自由也可以奪取到！？—以上留言未簽名 （傾偈｜貢獻）喺2013年6月8號(UTC)之前加入。　

「保護警告」模

見到你說計劃製造一個模「保護警告」，我設計咗個：

—以上留言未簽名 （傾偈｜貢獻）喺2013年6月9號(UTC)之前加入。　

我記得維基百科已經有咗一個半保護模，不過好多謝閣下嘅熱心。 — 粵語文學大使殘陽孤侠 2013年6月10號 (一) 00:51 (UTC)

衛奕信

因為要顧埋個名嘅意思。翹仔 2013年6月26號 (三) 16:26 (UTC)

有原創譯名嘅文

User:SC96 喺 Category talk:有原創譯名嘅文提出對譯名嘅管理問題。因為加下嘅共識係譯名有「原創豁免」。希望你對呢個「點管理」嘅問題同埋「原創豁免」提出建議。--WikiCantona (傾偈) 2013年6月27號 (四) 11:13 (UTC)

回：Kfk

你嘅心情我好明白，對於呢啲破壞者，最想就係得到你嘅注意，反應越多越大佢就越有快感。話佢乜街絕對幫唔到件事，令破壞者正正就係想咁，亦令自己降格。--WikiCantona (傾偈) 2013年7月6號 (六) 19:53 (UTC)

懶音

麻煩你有時間改改、加長、更正、加註懶音一文，多謝。--WikiCantona (傾偈) 2013年7月6號 (六) 21:05 (UTC)

勸告KFK

我去咗User talk:kfk5同User talk:kfk6極度客氣兼先禮後兵地勸KFK唔好再搞破壞，但係KFK唔聽，恭請你去User talk:kfk5同User talk:kfk6勸KFK唔好再係粵維搞破壞同搞風搞雨，多謝。>(請你去user talk:makivan1733睇下先。)
--莫梓浚☎ 2013年7月12號 (五) 05:43 (UTC)

多謝晒，不過，對付伊種食屎狗，唔可以先禮後兵，甚至連最基本嘅禮貌都唔需要有。佢一來到，我等就應該用仇恨罪都無咁勁嘅仇恨來對待佢，當佢係日本鬼子咁，打到佢扑街咸家鏟！ — 粵語文學大使殘陽孤侠 2013年7月12號 (五) 07:40 (UTC)

謝!如果你見到Ｄ由kfk開頭的用户，請你立刻放Template:test7之後將佢終身封禁。--莫梓浚☎ 2013年7月12號 (五) 08:28 (UTC)

出木杉英才

你可唔可以去出木杉英才清理吓篇文，謝。--莫梓浚☎ 2013年7月12號 (五) 08:28 (UTC)

你知唔知

請去睇吓閣下先前提議嗰三篇文章度，睇吓有冇一啲參攷可以加入嘅，之前曾經未討論完嗰陣已經畀IP用戶兩次破壞過，依家暫時將嗰版半保護，hold住個請求先。等你加咗參攷資料之後，即刻幫你提議嗰三篇文放上頭版。 Shinjiman ⇔ ♨ 2013年7月12號 (五) 12:10 (UTC)

加咗兩篇，可唔可以上住先？ — 粵語文學大使殘陽孤侠 2013年7月14號 (日) 02:23 (UTC)

上咗頭兩篇。 Shinjiman ⇔ ♨ 2013年7月15號 (一) 03:17 (UTC)

若你對人家編輯有疑問

按維基規舉，若你對人家編輯有疑問，請勿隨意反來覆去。可以討論，以免改寫戰。HenryLi (傾偈) 2013年7月14號 (日) 08:54 (UTC)

你知唔知更新

響2013年7月15日，頭版嘅你知唔知？專欄已經換畫咗喇。你新寫或擴寫篇文章「索雪」嘅事實獲選亮相，真係恭喜晒！如果你日後見到得意益智嘅新文章，請你喺「你知唔知？」對話頁度推舉。夾埋呢篇，你總共有3篇文章喺呢欄度亮過相。

--Shinjiman ⇔ ♨ 2013年7月15號 (一) 03:17 (UTC)

響2013年7月15日，頭版嘅你知唔知？專欄已經換畫咗喇。你新寫或擴寫篇文章「呂利」嘅事實獲選亮相，真係恭喜晒！如果你日後見到得意益智嘅新文章，請你喺「你知唔知？」對話頁度推舉。夾埋呢篇，你總共有4篇文章喺呢欄度亮過相。

--Shinjiman ⇔ ♨ 2013年7月15號 (一) 03:17 (UTC)

通勝式譯名

提議唔錯，我唔介意翻譯嘅時候用。但係我唔建議寫落指引入面。翹仔 2013年7月16號 (二) 05:20 (UTC)

目前重喺試驗階段，無咁快寫入指引裡面。 — 粵語文學大使殘陽孤侠 2013年7月16號 (二) 15:07 (UTC)

un身un勢

un身un勢（搖晃）個un字正字係咩，唔該？—以上留言未簽名 （傾偈｜貢獻）喺2013年7月16號(UTC)之前加入。　

an3 / ngan3 點寫䟴，詳見: http://www.cantonese.sheik.co.uk/dictionary/characters/1248/

仲有，以後請用正確嘅粵拼!

--Helpcanbepowerful (傾偈) 2013年7月18號 (四) 10:41 (UTC)

我唔係大粵民國嘅子民，我唔用粵拼，我用嘅係新法蘭西拼音。 — 粵語文學大使殘陽孤侠 2013年7月18號 (四) 17:40 (UTC)

我係先知道粵拼，然後再知道大粵民國嘅。

--Helpcanbepowerful (傾偈) 2013年7月18號 (四) 23:37 (UTC)

關於你改嘅粵文速改

多謝你幫我加咗啲嘢，不過個位置放錯咗。關於你喺我喥user talk:Helpcanbepowerful改嘅粵文速改希望你可以將你所改嘅內容放喺下面嘅修復程序處。

--Helpcanbepowerful (傾偈) 2013年7月19號 (五) 10:34 (UTC)

關於拉丁粵文及速成粵文

係嘅，的確廣西亦係粵語區，或多或少都要顧及到。但係拉丁粵文係一一對應嘅粵音啵，點會唔顧及到呢?

--108.243.201.159（討論） 2013年7月21號 (日) 21:14 (UTC)

因為現行嘅拉丁粵文缺少好多個喺其他粵語方言（包括來自廣東同廣西嘅）裡面好常見嘅音。唔好講鄉下話啦，就講南寧白話，「三」讀成[ɬam˥]、「笑」讀成[ɬiu˧]（參考），但係拉丁粵文裡面根本無對應[ɬ]聲嘅字母。據我所知，目前祇有新法蘭西粵語拼音方案有個對應[ɬ]聲嘅字母，但係拉丁粵文嘅標準係香港語言學學會拼音方案。 — 粵語文學大使殘陽孤侠 2013年7月21號 (日) 21:50 (UTC)

我睇咗個視頻，廣西嘅粵語的確係有別於廣州話，好多發音係有唔同。但係語言係一樣特別嘅嘢，佢係一種生活習慣。習慣只會由發展中向發達地區發展，而廣州同埋香港就係我哋『廣州話』呢種語言嘅『發達地區』。只有大方向向主流發展，力量先至大。先可以防止北話侵蝕嶺南文化。係咪？

當然廣州話唔會好似『普通話』噉成為眾矢之的。因為我哋真心尊重每一種粵語方言。

--Helpcanbepowerful (傾偈) 2013年7月21號 (日) 21:54 (UTC)

語言唔淨止係一種「生活習慣」，更加係一種文化認同。例如廣西南寧講白話嘅人，就好注意將南寧白話同廣州（廣府）白話區分開來（參考）。唔好講廣西，即使係廣東，都唔淨止廣府話一個標準，如果唔係嘅話台山人就唔會咁堅持要保護台山話，加拿大總理對人頭稅受害者道歉，亦都唔需要有廣府話同台山話兩種同聲傳譯（參考）。至於你講「習慣只會由發展中向發達地區發展」，同斯大林講「方言嘅發展要跟從最主要方言嘅發展」一樣，非但無益，反而重可能會增強離心力。

所以話：要集中力量保衛粵語，唔應該係集中力量淨係保衛一種方言，而係要求同存異，兼容並蓄，有著數大家分享。 — 粵語文學大使殘陽孤侠 2013年7月21號 (日) 22:37 (UTC)

好認同“粵語大家庭”呢個思維，講真，我都係認為粵語唔淨只係廣州話仲有好多其它嘅方言，應當尊重，以免廣州話成為眾矢之的。但係大使，你要注意，之所以中國各大語言落到今時日益狹窄噉嘅地步，就係因為所謂嘅普通話被“集中力量”向全國推廣所導致嘅。如果喺呢個時候仲要計較埋粵語其它方言嘅話即係將力量分散，我哋將無法面對甚至係向呢一個被“集中力量”向全國推廣嘅北京話作出反抗，因為我哋“散收收”噉，無法達成一致，最終唇亡齒寒。

而大使你到嘅“求同存異，兼容並蓄”當前並不適用。我認為係只有當語言環境成熟、推廣北京話勢力不再橫行嘅時候先至可以穩步向前。

--Helpcanbepowerful (傾偈) 2013年7月29號 (一) 08:09 (UTC)

硬係覺得好似有人做襪公仔戲

好似響出木杉英才同一系列嘅圖片，好似係咪有人用襪公仔做大戲，唔知需唔需要請求執行員響meta做做CheckUser？ Shinjiman ⇔ ♨ 2013年7月22號 (一) 13:21 (UTC)

我無關注伊篇文，但係淨係睇啲最近修改，已經隱約可以見到有人唔停咁加嘢，又有人認為加嘢嘅人侵犯版權。CheckUser隨時都可以做，我唔會反對。 — 粵語文學大使殘陽孤侠 2013年7月23號 (二) 15:24 (UTC)

尋晚響嗰邊落咗簿，結果響嗰邊可以睇得到。 Shinjiman ⇔ ♨ 2013年7月23號 (二) 15:36 (UTC)

你知唔知更新

響2013年7月24日，頭版嘅你知唔知？專欄已經換畫咗喇。你新寫或擴寫篇文章「亨利·浦修」嘅事實獲選亮相，真係恭喜晒！如果你日後見到得意益智嘅新文章，請你喺「你知唔知？」對話頁度推舉。夾埋呢篇，你總共有5篇文章喺呢欄度亮過相。

--Shinjiman ⇔ ♨ 2013年7月24號 (三) 03:34 (UTC)

響2013年7月24日，頭版嘅你知唔知？專欄已經換畫咗喇。你新寫或擴寫篇文章「新法蘭西粵語拼音方案」嘅事實獲選亮相，真係恭喜晒！如果你日後見到得意益智嘅新文章，請你喺「你知唔知？」對話頁度推舉。夾埋呢篇，你總共有6篇文章喺呢欄度亮過相。

--Shinjiman ⇔ ♨ 2013年7月24號 (三) 03:34 (UTC)

申請做管理員-答問題

請去Wikipedia:申請做管理員/Cedric tsan cantonais答問題。--莫梓浚☎ 2013年7月27號 (六) 11:42 (UTC)

聖地亞哥德孔波斯特拉改名

有建議話將「聖地亞哥德孔波斯特拉」改名「聖地亞哥德金波斯特拉」。閣下有乜睇法？--WikiCantona (傾偈) 2013年7月27號 (六) 23:03 (UTC)

都好。或者可以用「聖地亞哥迪金波斯迪拉」或者「金波斯迪拉嘅聖地亞哥」。 — 粵語文學大使殘陽孤侠 2013年7月28號 (日) 16:23 (UTC)

問開又問，聖地亞哥又譯做「聖地牙哥」，邊個「粵」啲？地域習慣差異？--WikiCantona (傾偈) 2013年8月1號 (四) 00:55 (UTC)

據我所知，「聖地亞哥」（Santiago）係指智利嘅首都，「聖地牙哥」（San Diego）係指加州嘅一個城市，嚴格來講係兩個唔同嘅事物，無話焉個「粵」過焉個。另外，「焉個『粵』個焉個」我認為係一個好危險嘅講法，因為我無可能瞭解晒所有粵語地區嘅唔同用法，萬一有種我之前唔知嘅粵語用法被我打成「非粵語」，問題隨時會好大。 — 粵語文學大使殘陽孤侠 2013年8月1號 (四) 01:32 (UTC)

多謝晒。首先網上係有人將 Santiago 譯做「聖地牙哥」，不過，似係台灣嘅多（只係印象）。當我問「邊個『粵』啲？」係純粹粵語發音角度，其中個 a 譯「亞」定「牙」同廣府話音近啲，問得唔好，唔好意思，係我嘅錯，明白閣下好尊重其他嘅粵話。據我理解，閣下譯音之時，都係用廣府話嘅標準音？我信譯音之時，跟本冇可能考慮「唔知嘅粵語」（by definition - 要考慮一樣嘢，你只考慮你知嘅，同預計到)。譯音之時，要考慮「所有以知嘅粵語」都，我認為，冇可能。--WikiCantona (傾偈) 2013年8月1號 (四) 02:27 (UTC)

翻譯界嘅習慣係：音譯外文人命同地名嘅時候，都以「標準方言」或者最通用嘅方言嘅發音為標準。我一向用開廣州音。另外，原來閣下講嘅係「譯音焉個似」，唔好意思，我誤會咗。 — 粵語文學大使殘陽孤侠 2013年8月1號 (四) 02:34 (UTC)

Mirage

見Mirage一字中，你將跳轉由海市蜃樓變成幻象戰機‎，做法並不好。若然有多義，煩請改成搞清楚。HenryLi (傾偈) 2013年7月29號 (一) 01:18 (UTC)

頭版大改版！

話時話，頭版個設計由2006開始，用咗咁多年，係咪時候改版呢？就連多年冇英文維基進行緊首頁改版計劃，我哋都係時候送舊迎新。

2013年首頁設計建議收集緊用戶提出嘅草案，歡迎投稿。—以上留言未簽名 （傾偈｜貢獻）喺2013年7月30號(UTC)之前加入。　

Javascript 繁簡字轉換工具

最近重新执过，而今试紧，欢迎畀意见。详情睇公告栏。--William915（傾偈） 2013年8月12號 (一) 13:59 (UTC)

伊個

唔該您唔好再寫「伊個」，寫「呢個」。Fête (傾偈) 2013年8月16號 (五) 20:15 (UTC)

唔好咁過份喔你！我寫本字有乜嘢錯先？！點解你要睇唔順眼嗟？ — 粵語文學大使殘陽孤侠 2013年8月17號 (六) 02:51 (UTC)

据WP:粵語本字，「呢」嘅本字係「尔」唔係「伊」。--William915（傾偈） 2013年8月17號 (六) 14:09 (UTC)

其實我自己都重喺道考證緊，用個「伊」字都祇係權宜之計，因為「伊」喺某啲漢語言裡面可以用做第三人稱單數代詞。

另外，我雖然平時儘量有本字用本字，但係有時都不得不折衷處理。以下係一啲折衷處理嘅規則：

1. 喺唔引起意思混淆嘅情況下，儘量有本字用本字（例如：「嘆世界」->「饌世界」）；

2. 本字未搵到（或者未識打）嘅就繼續用住借字先（例如：根據潘永強嘅考證，「搵」嘅本字係「扌麋」，但係我唔識打）；

3. 如果本字同借字已經分咗家嘅話，就繼續用借字（例如：「唔」嘅本字係「無」，但係宜家書寫唔同方言需要區分「唔係」同「無係」）；

4. 如果今日嘅發音係古音嘅流變，而且音節數有差異嘅話，就折衷處理（例如：「冚吧啷」係「合併」嘅音轉，但係由於音節數唔同，所以我寫成「合併論」）；

5. 撞倒由同一個本字發展出來嘅異體字，就用一個字專門表達一個意思（例如：「扯貓尾」同「撦大奅」，「扯」喺伊道嘅本字係「撦」，但係「扯」同「撦」發音唔同，所以用兩個字來區分）。

歡迎討論通指正（當然，係除咗Fête同埋Fête嘅分身之外）。 — 粵語文學大使殘陽孤侠 2013年8月17號 (六) 18:03 (UTC)

「攗」。206.180.250.57（討論） 2016年7月21號 (四) 16:36 (UTC)

爾 Fête (傾偈) 2013年8月17號 (六) 14:11 (UTC)

你自己諗下：你成日去人等啲用戶討論頁道曬命，曬自己有幾咁懂得語音學同埋魁北克法文，曬到你自己被人鬧，我有無出聲話過你半句？你重好意思來鬧我，話我嘗試寫本字你睇唔順眼，係都要我寫借字？我本來重諗住你開咗第個戶口之後會痛改前非，點知你一樣係咁衰。唔通你已經唔記得咗，你一開始個戶口被人全域封殺，就係因為你成日做埋晒伊種唔建設性嘅編輯啦咩？根據維基百科嘅規矩，一個之前被人封咗嘅用戶開過第個戶口嘅條件，就係要佢/姖痛改前非，唔再犯用舊戶口犯過嘅錯誤。你好自為之，唔係嘅話，再因為同樣嘅原因被人封多次，就咪怪我無提醒過你。 — 粵語文學大使殘陽孤侠 2013年8月17號 (六) 18:03 (UTC)

本人唔係撩交拗。只係睇到你講嘅本字同 Wikipedia:粵語本字有出入（我冇話邊個啱），好似「唔」有話係「毋」，本字嘅麻煩就係專家之間都唔係個個同意，有各師各法，一啲成日用嘅借字／俗字我會用。我建議閣下將上面嘅內容加入Wikipedia:粵語本字，列埋出處，等各位用家都得益，點睇？--WikiCantona (傾偈) 2013年8月18號 (日) 22:49 (UTC)

都好嘅。其實我雖然係提倡用本字，但係其他人用借字我一般都唔會干預（但係可能喺某啲我自己都預計唔到嘅情況下我會干預）。至於講到來源，我嘅參考書通常就得四本：楊子靜嘅《粵語鈎沉》、潘永強嘅《瞻天望地——廣府俗語探奇》同埋彭志銘嘅《廣東俗語正字考》同《正字審查》。後面嗰三本我手頭上有，但係《粵語鈎沉》我係讀高中嗰陣喺學校圖書館借嘅，已經絕晒版，所以要拿到就有啲困難。 — 粵語文學大使殘陽孤侠 2013年8月19號 (一) 00:03 (UTC)

《廣州語本字》都幾正㗎。--WikiCantona (傾偈) 2013年8月19號 (一) 01:03 (UTC)

兩種動物

圖一

圖二

圖三

圖四

之前嘅討論未講完，就噉睇圖一二，你（／你父母）話佢地係唔兩種動物？噉圖三同四有係唔同一種動物？--WikiCantona (傾偈) 2013年8月18號 (日) 23:23 (UTC)

係唔係上邊係蝴蝶，下邊係飛蛾？ — 粵語文學大使殘陽孤侠 2013年8月19號 (一) 00:04 (UTC)

歡迎投票

2013年頭版設計建議嘅初選舉行緊，歡迎投票。– Danny♪Chan 2013年8月24號 (六) 04:24 (UTC)

2013年頭版設計建議初選

而家嘅投票都幾冷清，真係好希望你可以嚟一嚟投票，推動粵維一大步。– Danny♪Chan 2013年8月26號 (一) 00:19 (UTC)

拖鞋

你鄉下點讀拖鞋？--WikiCantona (傾偈) 2013年8月26號 (一) 03:56 (UTC)

to⁵⁵ hai¹⁵ — 粵語文學大使殘陽孤侠 2013年8月26號 (一) 04:14 (UTC)

改名

想問喺Wikipedia:Wikipedia嘅命名/粵文維基百科嘅討論之中，好明白閣下嘅意見，有冇中間妥協方案嘅可能性？--WikiCantona (傾偈) 2013年8月31號 (六) 01:17 (UTC)

管理員權限

你想做管理員嘅申請未有共識，通過唔到。其實閣下嘅努力都冇白費嘅，多尐做貢獻，寫多尐文，或者整理多尐響粵維嘅事務同埋政策，相信下次再申請嗰陣會成功嘅。最後祝編輯愉快！ --Shinjiman ⇔ ♨ 2013年8月29號 (四) 01:02 (UTC)

提名咗你做管理員

我提名咗你做管理員，請去Wikipedia:申請做管理員/Cedric tsan cantonais/第2次答問題。-- Kwh (傾偈) 2013年8月31號 (六) 05:48 (UTC)

Séamus Heaney

你寫 Séamus Heaney 個名用 é，我照跟，之後睇過 En.wiki 同其他地方都唔見，可唔可以講吓點解？--WikiCantona (傾偈) 2013年8月31號 (六) 22:24 (UTC)

因為Séamus係愛爾蘭蓋爾文名，所以應該跟返愛爾蘭蓋爾文嘅拼法。參考 — 粵語文學大使殘陽孤侠 2013年8月31號 (六) 22:51 (UTC)

Re:地区词转换

唔介意。--William915（傾偈） 2013年9月1號 (日) 14:07 (UTC)

你知唔知更新

響2013年9月10日，頭版嘅你知唔知？專欄已經換畫咗喇。你新寫或擴寫篇文章「空中客車」嘅事實獲選亮相，真係恭喜晒！如果你日後見到得意益智嘅新文章，請你喺「你知唔知？」對話頁度推舉。夾埋呢篇，你總共有7篇文章喺呢欄度亮過相。

--Shinjiman ⇔ ♨ 2013年9月10號 (二) 00:51 (UTC)

望馬住日落

Coucher de soleil à Montmajour 俾我暫譯做《望馬住日落》，麻煩你，有好尐嘅譯法，請提出。--WikiCantona (傾偈) 2013年9月10號 (二) 07:08 (UTC)

鏟埋

按正程序，應該去WP:刪文討論提出。--William915（傾偈） 2013年9月11號 (三) 09:36 (UTC)

收到。多謝提醒。【粵語文學大使殘陽孤侠】 2013年9月11號 (三) 16:26 (UTC)

你知唔知更新

響2013年9月24日，頭版嘅你知唔知？專欄已經換畫咗喇。你新寫或擴寫篇文章「勝利勳章」嘅事實獲選亮相，真係恭喜晒！如果你日後見到得意益智嘅新文章，請你喺「你知唔知？」對話頁度推舉。夾埋呢篇，你總共有8篇文章喺呢欄度亮過相。

--Shinjiman ⇔ ♨ 2013年9月24號 (二) 07:35 (UTC)

每周翻译

尔个係meta搞嘅，词都係嗰边拣嘅。m:Translation of the week--William915（傾偈） 2013年9月27號 (五) 10:49 (UTC)

唔識寫就唔好亂寫

空中客車條目錯處甚多，不堪入目，唔識寫就唔好寫，唔好係度害人，詳見社區論壇/雜項--114.35.244.72（討論） 2013年10月8號 (二) 06:59 (UTC)

有種嘅就開個戶口來同我辯論！匿埋喺個IP地址後面放暗箭算乜叉嘢英雄啊？

錯了不認。我早以IP戶口寫維基已一段時間，戶口甚少登入。我哪一個指控是冤枉你？--1.34.113.132（討論） 2013年10月10號 (四) 04:38 (UTC)

收銀處

討論有意義嘅問題嘅？DC-11，你發明的新飛機？A319坐到200人？甚麼是復合材料？你寫得錯到離晒譜，仲好意思話討論有意義嘅問題--1.34.113.132（討論） 2013年10月17號 (四) 09:46 (UTC)

你咁鬼叻你咪自己去改正晒啲錯誤囉！淨係識得匿埋喺個IP地址後面放暗箭好威咩？！

條目係你寫，你有責任更正錯處，無料就唔好扮四條。我先唔會改，等世人恥笑下你都好--114.35.244.72（討論） 2013年10月19號 (六) 06:46 (UTC)

剪貼移動

唔該下次唔好再搞剪貼移動，搞到啲編輯歷史亂嗮。--William915（傾偈） 2013年10月23號 (三) 03:03 (UTC)

唔好喺搬版嗰次修改撳「打回頭」，直接將嗰版搬返去原來個名就得。--William915（傾偈） 2013年10月23號 (三) 03:39 (UTC)

你知唔知更新

響2013年12月9日，頭版嘅你知唔知？專欄已經換畫咗喇。你新寫或擴寫篇文章「世界協調時間」嘅事實獲選亮相，真係恭喜晒！如果你日後見到得意益智嘅新文章，請你喺「你知唔知？」對話頁度推舉。夾埋呢篇，你總共有9篇文章喺呢欄度亮過相。

下次提名之前請確認一下篇文係咪響五日之內新加或者擴充嘅。--Shinjiman ⇔ ♨ 2013年12月9號 (一) 06:10 (UTC)

Re:粵字同Unicode

我無問題，睇到啲字。如果你部電腦喺百科睇到啲字但係喺詞典睇唔到，噉就真係好奇怪，可能係兩邊用嘅字體唔同，校成一樣估計就得。--William915（傾偈） 2013年12月20號 (五) 09:54 (UTC)

可以睇Wikipedia:Unicode擴充唐字。--William915（傾偈） 2013年12月22號 (日) 10:24 (UTC)

粵維詞典

我嘅意思係要統一，語言做第二級（未寫語言嘅要補返，就算係得一種話都要寫出來，相應下面嘅各級標題全部降級），詞性之類做第三級，可以睇下英文維基詞典，無用到一級標題，而且都做到統一。而且爾個統一越早做越好，遲下多啲詞重禁（kam¹）搞。--William915（傾偈） 2013年12月29號 (日) 14:15 (UTC)

順便講句，唔用一級標題係因為條目嘅總標題（即係條目名嗰行）就係一級標題。--William915（傾偈） 2013年12月29號 (日) 14:49 (UTC)

譯名

麻煩你去睇吓呢堆譯名，啱唔啱廣東話音（e.g. 雅溫得）。唔該曬。--WikiCantona (傾偈) 2013年12月29號 (日) 17:32 (UTC)

Re:粵語維基詞典語言標題

雖然閣下噉講，但係本人仍然唔多接受使用知名度存疑嘅廣東三色旗，耖勻個網都搵唔到幾個關於三色旗嘅資料。--William915（傾偈） 2014年1月3號 (五) 04:47 (UTC)

閣下新嘅提議幾好。--William915（傾偈） 2014年1月4號 (六) 09:59 (UTC)

英文維基詞典都有Translingual，可以做最高級標題，同語言名並列。--William915（傾偈） 2014年1月7號 (二) 07:28 (UTC)

可以考虑译成“通用”。--William915（傾偈） 2014年1月8號 (三) 07:01 (UTC)

粵語維基詞典 - 出世

借問聲，粵語維基詞典幾時離開 incubator 出世呀？--WikiCantona (傾偈) 2014年2月21號 (五) 12:09 (UTC)

你知唔知更新

響2014年2月21號，頭版嘅你知唔知？專欄已經換畫咗喇。你新寫或擴寫篇文章「奧林匹斯山 (火星)」嘅事實獲選亮相，真係恭喜晒！如果你日後見到得意益智嘅新文章，請你喺「你知唔知？」對話頁度推舉。夾埋呢篇，你總共有10篇文章喺呢欄度亮過相。

--William915（傾偈） 2014年2月21號 (五) 22:31 (UTC)

嘜頭

點解A la 雞嘅編輯係冇建設性？--LC^{Talk - Work} 2014年2月23號 (日) 06:57 (UTC)

間隔號問題

知道，唔該嗮。--為愚人節寫幽默嘅文章 2014年3月1號 (六) 02:10 (UTC)

Re:公民提名

好，多謝指教。--William915（傾偈） 2014年3月2號 (日) 12:54 (UTC)

Re: 肉酸

「肉酸（juk⁶ syun¹，本字可能係朒朘）係人或者動物對難睇，鶻突（俗寫「核突」）嘅一種形容。」乃係 100% 辭典內容。「由於肉酸嘢可能令有負面生理反應。亦可以因為道德觀念影響一個人嘅肉酸判斷。」乃係 100% 百科內容，下面可以講多好多。辭典方面，「痕」係肉酸嘅定義之一。重有「細」加入 sociological views，超出咗辭典內容。希望我寫嘅嘢對閣下辭典嘅事有幫助。--WikiCantona (傾偈) 2014年3月7號 (五) 01:11 (UTC)

Re:粵維辭典索引

完全同意，不過辛苦閣下了。--William915（傾偈） 2014年3月27號 (四) 00:37 (UTC)

對於閣下第二個建議，本人持中立態度。--William915（傾偈） 2014年4月1號 (二) 03:09 (UTC)

對閣下嘅建議，我未係太明，可唔可畀啲實例。--WikiCantona (傾偈) 2014年4月1號 (二) 07:16 (UTC)

個問題其實係User:WikiCantona問嘅，我會話畀佢聽。不過聽過閣下進一步解釋之後，我態度都由中立轉做支持。--William915（傾偈） 2014年4月2號 (三) 07:09 (UTC)

Fete 同 A la 雞

既然你認為佢哋係同一個人，又點解唔查下係咪同一互聯網址，再要求管理員封佢呢？（雖然WP:DUCK有用）--LC (傾偈) 2014年4月19號 (六) 08:30 (UTC)

請教一下

唔好意思，本人打算開版費奧多爾·費奧多羅維奇·烏沙科夫，知道閣下對粵文譯名一向好有見解，想問一下譯得啱唔啱，唔該！--User:Carrotkit / 紀念香港重光+諾曼地登陸 / 加入軍事工作小組 2014年7月4號 (五) 10:27 (UTC)

唔該哂閣下嘅建議。--User:Carrotkit / 紀念香港重光+諾曼地登陸 / 加入軍事工作小組 2014年7月5號 (六) 03:28 (UTC)

你知唔知更新

響2014年7月7日，頭版嘅你知唔知？專欄已經換畫咗喇。你新寫或擴寫篇文章「安珀警報」嘅事實獲選亮相，真係恭喜晒！如果你日後見到得意益智嘅新文章，請你喺「你知唔知？」對話頁度推舉。夾埋呢篇，你總共有11篇文章喺呢欄度亮過相。

--Shinjiman ⇔ ♨ 2014年7月7號 (一) 02:53 (UTC)

恭喜

粵維基字典有250篇。係唔係可以出世！？恭喜，恭喜，恭喜。借問聲之後 Wikipedia 可以點 link 過去？？--WikiCantona (傾偈) 2014年7月11號 (五) 23:36 (UTC)

覆

好，但係我家陣唔得閑，今晚搞。--User:Carrotkit / 紀念香港重光+諾曼地登陸 / 加入軍事工作小組 2014年8月4號 (一) 04:24 (UTC)

你知唔知更新

響2014年9月15日，頭版嘅你知唔知？專欄已經換畫咗喇。你新寫或擴寫篇文章「鏡像書寫」嘅事實獲選亮相。當篇文響頭版度出現嗰陣，歡迎你可以去睇吓有多下點擊 （睇吓點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有12篇文章喺呢欄度亮過相。

--Shinjiman ⇔ ♨ 2014年9月15號 (一) 08:07 (UTC)

響2014年9月23日，頭版嘅你知唔知？專欄已經換畫咗喇。你新寫或擴寫篇文章「溫哥華架空列車」嘅事實獲選亮相。當篇文響頭版度出現嗰陣，歡迎你可以去睇吓有多下點擊 （睇吓點做、 實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有13篇文章喺呢欄度亮過相。

--Shinjiman ⇔ ♨ 2014年9月23號 (二) 08:31 (UTC)

先打八十

青天大老爺，打八十，死梗，唔好啦，Wikipedia 唔係用暴力嘅地方。本人唔覆大老爺啲建議，係本人時間有限，用落去本人之興趣所在，之前都傾好啦，算罷啦。future proof 嘅嘢就留畀大老爺法落啦，做埋重好。--WikiCantona (傾偈) 2014年9月25號 (四) 14:47 (UTC)

Re:界

如果係噉，閣下可以考慮喺粵維詞典加返啲例句。--William915（傾偈） 2014年11月22號 (六) 06:35 (UTC)

Re:關於搬嘢去維基辭典同刪文

睇嚟而家HenryLi呢條友所提出嘅政策唔啱而家嘅粵文維基發展喇。就好似Windows XP噉，舊年就退咗役喇，而家啲生產廠商已經冇乜人用佢喇。既然有將「『搬徂去維基辭典』升格為即刻刪除嘅理由」呢個嘅共識，跟住落嚟就要撥亂反正，凡係HenryLi掂過嘅文章有矯枉過正問題嘅，我都會全部歸正。--CRCHF (傾偈) 2015年1月21號 (三) 01:47 (UTC)

Re:關於改名

À la 鷄提出嘅讀音係冇證明啫，但係我呢啲讀音喺英文維基嗰度轉嚟嘅，甚至重攞Google翻譯嘅讀音（有啲我按佢嗰個人所屬出世國家嘅當地語言讀音（喺Google翻譯嗰度搞））。有乜意見噉啊？--CRCHF (傾偈) 2015年1月26號 (一) 00:13 (UTC)

Re:關於改名

除咗你呢個方法都可以之外，我重有個建議：將en:Template:IPA keys呢個模入面冚唪唥嘅音標啲嘢翻譯過嗮嚟粵維得唔得？因為英文維基入面，喺邊隻國家文嘅讀音方面介紹得好全面。到時一出咗就，就唔使咁多病毒譯音或北話咁麻煩喇。我哋同英文維基唔同嘅係多咗個粵語同音字或諧音字欄。--CRCHF (傾偈) 2015年1月26號 (一) 02:49 (UTC)

關於選管理員

你好呀，殘陽孤俠！我見到你喺WP:申請做管理員/昏君道投咗中立票同留咗尐意見。放心啦，我一定會改善下呢一點，好多謝您嘅意見。--LC 我申請做管理員 請關注 2015年3月23號 (一) 11:55 (UTC)

最近你喺維基留言版話嘅襪公仔

殘陽孤俠，你好。你求先話嘅USER:Fête嗰條友嘅襪公仔，我已經去咗Wikipedia:管理員留言板嗰邊講咗出嚟喇，希望求支持。希望你快啲收集證據，跟住喺嗰度反映，如估嗰度重係冇人理嘅話，我哋一齊去嗰度舉報佢就係喇。其實你話到嗰啲用戶，我已經知À la 雞嗰位嘅態度喇，佢啲譯名已經搞到我冇眼睇喇，下次如估見到佢嘅分身就格殺勿論（佢喺法文維基辭典同法文維基百科就係個版喇，如估佢重係噉嘅話，準備喺粵維借鑒中文維基嘅zh:WP:持续出没度破坏者/影武者呢篇嘢嚟寫一篇佢嘅公告版）。--CRCHF (傾偈) 2015年5月9號 (六) 07:19 (UTC)

RE:襪公仔

以下係私人信息。由於維基百科冇私信功能，我會用白色字寫，請其他人唔好睇。--CRCHF (傾偈) 2015年5月12號 (二) 06:00 (UTC) 你嗰時講嘅襪公仔，係一個月之前嘅事。嗰時由於有第個人（我唔知邊位）喺我後面督背脊，猛咁註冊咗一大堆號嚟投我票……（PS: 嗰嗰人嘅寫作風格同我差唔多嘅，後嚟我已經鬧咗佢嗰個人幾餐喇，嗰啲人冇開到自己嘅用戶頁嘅。）喜有此理。好彩我喺用戶頁寫咗我嘅個人特別聲明出嚟，唔係嘅話我可能出大頭佛喇。

上星期講嘅Fête襪公仔呢條友

13號嗰日我去咗元維基嗰邊投訴，根據16號嘅元維基結果，而家出咗結論——À la 雞 的確係 Fête 嘅襪公仔。--CRCHF (傾偈) 2015年5月18號 (一) 00:04 (UTC)

今次有個問題請教下你

今次遇到個難題：الزين طارق呢個人名喺粵語譯乜比較好？--WKDx417 (傾偈) 2015年8月8號 (六) 10:08 (UTC)

Help for translate

Hello and sorry for writing in English. Can you help me translate a small article (2 paragraphs) from English to your language? Xaris333 (傾偈) 2015年8月9號 (日) 00:07 (UTC)

關於希克索人條目

首先我對古希臘名係咪就有關持保留意見。其次，唔標英文點樣方便睇條目嘅人翻查其他資料？你加古希臘文我唔反對，但係咪次次都要鏟我加嘅英文（PS：「僱傭兵」條目係頭嗰次，喺度我再次提出強烈抗議）？--Meracritus (傾偈) 2015年11月2號 (一) 00:36 (UTC)

再覆：買您怕

雖可理解，但唔敢苟同。另：為避開閣下，以後我會儘量少掂西洋條目。--Meracritus (傾偈) 2015年11月2號 (一) 01:15 (UTC)

Re: Dispute

Ok, yes there seems to be some support for your view. Anyways, I don't take the view that we should kick foreigners (different language people) out but help them since spreading knowledge transcends language barriers. You could have been kinder to a guest (since we're both chinese I think you'll understand its significance) rather than make a comment I actually interpreted as a personal attack. I've sourced your view (which you could have done to prevent this dispute) but I need the relevant part translated. Could you help? The statement has been added in comment style at the article.--Officer781 (傾偈) 2015年12月4號 (五) 00:16 (UTC)

Anyways, I'll leave the sentence in the article in case you still want it translated. If not you may remove it (although I request that the reference be kept). Meanwhile, you do know stuff, although as requested to be kinder to lesser mortals like me. It's great to have knowledgeable editors like you around. :) --Officer781 (傾偈) 2015年12月6號 (日) 04:09 (UTC)

Long-short vowel pairs cantonese

If you see this paper: [2] whereby Eric Zee is one of the most credited phonologists in the field, he says that the vowel formants (what distinguishes quality) is in fact highly similar (he superimposes them and the ovals overlap). If you look at table 2 and his analysis, what he is effectively saying is that we cannot really distinguish the vowels by quality and the essential distinguishing factor is the length (quote: Despite the similarities in F-values,... [the vowels] have been transcribed differently in most of the past studies).--Officer781 (傾偈) 2015年12月7號 (一) 09:50 (UTC)

Although this one I don't have much of a gripe. Just stating the above. Will not pursue given I guess you also have reason for believing in quality. To be honest maybe this isn't compelling because the "more important" argument doesn't have a well-defined line.--Officer781 (傾偈) 2015年12月7號 (一) 09:59 (UTC)

Re:強烈反對閣下繼續歡迎一來到就大搞破壞嘅IP

多謝閣下嘅意見。--WikiCantona (傾偈) 2015年12月8號 (二) 06:36 (UTC)

A la 雞話嘅/ɔ/同/a/音啲嘢

最近À la 雞又有新搞作，攞過加拿大魁北克省嘅示威視頻嚟證明讀音，重話a字喺加拿大有/ɔ/嘅變音，究竟加拿大嘅法文入面係咪有噉嘅事？--WKDx417 (傾偈) 2016年1月6號 (三) 23:34 (UTC)

再請教下

你講到話波蘭文嘅/t͡ʂ/同/t͡ɕ/音喺粵語未有相應嘅輔音而分唔到嘅問題，/d͡ʑ/應該都冇啩？以前我翻過有韓文學習嘅教材，發現韓文「ㅈ」字個音同波蘭文嘅/d͡ʑ/音都幾似，唔知粵語有冇呢個情況呢？--WKDx417 (傾偈) 2016年1月8號 (五) 14:24 (UTC)

關於你話嘅「dz」「dź」「dż」「cz」「ć」「c」呢啲音嘅問題

「dz」、「dź」、「dż」、「cz」、「ć」、「c」呢6個讀音，[3]嗰度已經提過讀音附件出嚟。附件講咗，雖然「dz」、「cz」同「dż」、「ć」冇對應粵字，但「dź」同「c」音我可以話有，前者同「絕」（zyut6）同芝（zi1）字嘅聲母之間，後者同「茨」字嘅聲母（ci4）有啲似。唔信嘅話去下載個附件聽下佢嘅讀音喇。再唔信嘅，睇呢個YouTube視頻--WKDx417 (傾偈) 2016年1月11號 (一) 02:43 (UTC)

覆：辭典管理員

唔好意思，我睇怕應唔落。我自己對辭典啲嘢點寫係唔識嘅，更緊要嘅係，就算係百科一處，我而家都未必得閒去理，皆因唔似讀書時，而家每日會上來睇下監視清單，睇下在意嘅嗰啲文章有無人亂改嘢、反下破壞噉樣嗟，所以連最近修改都唔睇，一來唔得閒理咁多，二來我更有志於寫深啲文章，反而文章量我唔志在咯。同戰爭機器嗌煞都幾需要心機精力時間（笑），我更想將心思放落文章質量度。所以搵第個人幫手啦，在此多謝睇得起小弟啦。--S7w4j9 (傾偈) 2016年1月16號 (六) 10:20 (UTC)

有個譯名問題請教下

今次我發現咗有個Walter Porstmann噉嘅科學家，個粵名方面有啲麻煩，因為後邊嘅Portsmann喺網上搵唔到佢嘅相關來源，加上Walter呢個詞，我建議譯成「禾達」（因為以前有人發過窩嘜呢篇嘢諗返佢嘅借鑒譯法），唔知你點譯Portsmann呢？--WKDx417 (傾偈) 2016年2月20號 (六) 04:00 (UTC)

有個國際音標嘅問題問下

國際音標入面，介乎/ɔ/同/u/音之間嘅音，可以用乜IPA符號嚟頂住檔？--WKDx417 (傾偈) 2016年3月11號 (五) 01:30 (UTC)

有個同英文有關嘅人名譯名要講下

例如美國有位叫Putnam，我就諗住譯「潑南」或「勃南」，究竟邊個粵名好？因為佢嘅讀音譯個「潑」字好似有啲粗口噉。--WKDx417 (傾偈) 2016年3月16號 (三) 03:02 (UTC) 查過下哥連泰斯嗰本辭典，話係/ˈpʌtnəm/，諗住譯「帕南」，唔知噉譯得唔得。--WKDx417 (傾偈) 2016年3月24號 (四) 03:52 (UTC)

關於尋日À la 雞嗰啲事

À la 雞呢條撚友，基本上可以講冇得救。今次準備事不過三，下次再次出現佢冇建設性行為，直接去WP:管理員留言板投訴，睇嚟佢（À la 雞）唔見棺材唔流淚啊。--WKDx417 (傾偈) 2016年3月21號 (一) 05:36 (UTC)

有個地名嘅譯名問下

今次發現南極洲有個地名係SHETLAND，個地名譯「錫蘭」定譯「碩蘭」？雖然北話譯「設得蘭」，但開頭個「設」字肯定唔似音。--WKDx417 (傾偈) 2016年4月13號 (三) 01:09 (UTC)

又有個人名譯名問題問下

就係有3個人名嘅粵語譯名問下：

1. Bilher嘅人名應該譯「比拉」定「比勒」好啲？
2. Andrzej個人名譯「安德濟」應該可以啩？
3. Niklas Feierabend嘅粵名譯成「匿拉斯·費耶拉賓德」好唔好呢？

至於前2個問題，因為我查過Bilher係葡萄牙文嘅人名，而Andrzej係波蘭文姓氏，波蘭文嘅rz讀嘅係/z/音。而後邊嗰位嘅人名來源暫時未查祖宗喺邊度。 --WKDx417 (傾偈) 2016年4月30號 (六) 22:38 (UTC)

Participate in the Ibero-American Culture Challenge!

Hi!

Iberocoop has launched a translating contest to improve the content in other Wikipedia related to Ibero-American Culture.

We would love to have you on board :)

Please find the contest here: https://en.wikipedia.org/wiki/Wikipedia:Translating_Ibero_-_America/Participants_2016

Hugs!--Anna Torres (WMAR) (talk) 15:06, 9 May 2016 (UTC)

有幾個譯名問題問下

Cauby Peixoto

呢個譯名應該有得討論，因為我查過下讀音，尤其係x有5個音標，原先標題開頭譯「郜」肯定唔似原文，你認為應該點譯最好？

Cesare Maldini

呢個之前有人譯過佢嘅粵名，可想而知，雖然Maldini譯「馬甸尼」就肯定冇乜問題，但Cesare譯「施薩」肯定係夾硬用英文發音規則放落意大利人名，我覺得應該改譯「基薩李」唔知得唔得呢？

Kevin Parent

Parent喺英文可以意譯做「家庭」，但人名我覺得唔係噉譯，查過人名又未搵到佢嘅祖宗，不過我去過英文維基查過唔係法國就係加拿大嘅法文區出，唔知譯「帕倫」定「帕凌」好？因為我查過法文個t字結尾通常唔發音嘅。 --WKDx417 (傾偈) 2016年5月17號 (二) 09:33 (UTC)

多謝講呢三個譯名，但「Cauby」譯「教比」得唔得呢？--WKDx417 (傾偈) 2016年5月20號 (五) 07:47 (UTC)

有6個人物譯名要問下你先至得

1. McInnis呢個人名譯「麥堅尼斯」得唔得？
2. Zyon Barreto呢位，我查過下Zyon同Barreto嘅祖宗，其中Zyon出喺耶路撒冷一帶，加上英維辭典已經有佢嘅相關讀音；而Barreto出喺葡萄牙文（我唔確定係葡萄牙定係巴西嗰邊），加上葡萄牙文rr有唔同譯法；究竟人名譯「寨安·巴莉圖」定「寨安·巴希圖」比較好？
3. Zhernovaia呢個人名譯成粵語應該點譯？
4. Nwamadi個人名，我查過下喺尼日利亞嗰邊比較多人用，按道理應該按法文發音規則譯名譯成「奴華馬迪」啩？
5. Dedim Gouveia呢個人名譯「笛甸·高維亞」得唔得？
6. Cauby個人名譯「寇比」比較近粵音？

--WKDx417 (傾偈) 2016年5月27號 (五) 05:59 (UTC)

又有2個粵名問下

1. 就係Αράχωβα呢個地名，粵語究竟譯「阿拉賀巴」定「阿拉哥巴」比較好？
2. Sergio Leone呢個人名，因為我查過下Sergio，係Sérgio嘅山寨詞，而且佢嘅祖宗係Serge，屬羅馬嘅男仔名。加上查過讀音係/ˈsɜːrdʒ/，第一個音唔知譯乜好，第二個應該可以譯「治」。Leone我唔確定係唔係Leon嘅變形，但佢嘅人名喺美洲嘅英文、歐洲嘅意大利文一帶用過，粵名唔知點譯。

--WKDx417 (傾偈) 2016年5月29號 (日) 10:29 (UTC)

今次有3個譯名嘅問題問

1. 就係關於Sergio個譯名，因為我喺其它網站，查過意大利文讀音講嘅gia、gio、giu噉嘅組合入面，i係唔發音，加上À la 雞去過意大利文維基問過同樣問題，兼有意大利佬話過係噉嘅情況。唔知諗唔諗住改譯「些造」？
2. Gisele Bündchen呢個人名，雖然我知開頭嘅Gisele可以譯「基西莉」（因為佢源自舊德文），但後邊嘅Bündchen個讀音有得講，查過佢讀音唔係讀/bʏndçɛn/就係讀/bʏntçɛn/（喺葡萄牙文讀嘅係/bĩtʃẽj/），究竟譯乜比較好（係跟德文定葡萄牙文）？
3. Souza喺粵語譯做「蘇薩」得唔得？噉德國地名Linz可以譯「連茨」啩？

--WKDx417 (傾偈) 2016年6月28號 (二) 23:13 (UTC)

我有意選SYSOP

你好！我有意選第二次管理員，睇翻之前我嘅落選原因，發現都係我嘅病毒音拖累，請問你覺得我依家夠唔夠班撈翻個管理員嚟做？LC 2016年7月25號 (一) 09:46 (UTC)

我嘅RFA

我申請緊做管理員，希望您可以助我一臂之力！LC 2016年7月29號 (五) 10:44 (UTC)

唔好意思，今次有5個新嘅譯名問下。

您好，我係舊時嘅WKDx417，最近由於我舊時嘅戶口俾人偷咗而用咗新嘅號向你提問幾個新嘅譯名問題：

1. Bündchen個讀音唔係讀/bʏndçɛn/就係讀/bʏntçɛn/，究竟譯乜比較好？
2. Nick D'Aloisio呢位人物嘅粵名可以譯成「匿·迪阿萊西奧」噉？
3. Rijnsburg唔知譯「李尼斯堡」好唔好噉？
4. Odense呢個丹麥地名，我聽嗰讀音係/ɔðən̩se/，不過英文維基有標住「ˀ」斷音符號，究竟譯「奧登西」定「柯登西」呢？
5. João Havelange個人名諗住譯乜最接近原文發音？

--PQ77wd (傾偈) 2016年8月18號 (四) 02:27 (UTC)

我有幾個問題想問你

您好，Cedric兄。你識俄文同埋俄羅斯文化喇，俄文入面，帶有колы́м-嘅前序（例如Среднеколы́мск、Колыма́、Колымское）地名，究竟譯「哥連馬」定係「哥利馬」啊？因為我查過呢堆前序嘅拉丁文轉寫都係有kolym-嘅前序。既然係噉嘅話，Ко́льский полуо́стров會唔會譯做「哥拉半島」呢？--PQ77wd (傾偈) 2016年8月21號 (日) 23:25 (UTC)

Wikipedia:申請做管理員/昏君 3

我遞交咗管理員申請，我凡事一定以理服人，帶畀粵維新氣！LC 粵維語錄、粵維辭典啟動！ 2016年8月29號 (一) 00:34 (UTC)

有關影武者

我覺得無需要幫佢每個襪公仔都開版用戶頁囉。本嚟佢啲不堪入目嘅用戶名只會喺開戶紀錄度出現，而家你幫佢開獨立嘅用戶頁，有機會俾搜尋器收錄，反而幫咗佢散播訊息。--Espotono (傾偈) 2016年9月12號 (一) 04:30 (UTC)

好耐冇問你啲譯名喇

今次查到有個叫Marić嘅人名，我諗住將粵名譯做「馬列茨」唔知得唔得呢？因為我查過佢嘅祖宗出自克羅地亞一帶，讀音係「marit͡ʃʲ」。呢個問題我好急……多謝喇。--PQ77wd (傾偈) 2016年9月26號 (一) 01:18 (UTC)

Wikipedia:粵語用辭

損壞是什麼呢？，請告訴我在國語（臺灣） 愛耶穌 (傾偈) 2016年10月26號 (三) 13:40 (UTC)

歐羅 出面網頁

日安 Cedric tsan cantonais,

我在以下頁面上找到此連結︰ es.wikipedia.org -> Euro -> Enlaces externos -> Todos Euro billetes incluye los pre Euro billetes de todos los Estados miembros.

此頁面的存儲歷史版本︰ http://web.archive.org/web/*/http://bis-ans-ende-der-welt.net/Europa-B-En.htm 和 http://web.archive.org/web/*/http://bis-ans-ende-der-welt.net/Europa-B.htm

問候 Ron

因爲你無戶口，所以係爾道覆：

爾個網站用來做「出邊嘅鏈接」就勉強得，但係要用做正式嘅參考就完全唔夠牙力嘞。你用徂{{Cite web}}，但係{{Cite web}}係留返畀正式嘅參考用嘅。下次請注意。

另外，如果有心長期編輯維基百科嘅話，強烈建議你開個戶口。咁樣會方便好多。【粵語文學大使殘陽孤侠】熱烈慶祝粵維超過兩個月無鷄屎！ 2017年1月4號 (三) 15:49 (UTC)

日安 Cedric tsan cantonais,

現在我改變了連結。 我希望它現在是正確的選擇。

問候 Ron

RE: 最近呢堆福塔雷薩人嘅IP

因為我最近發現佢（巴西IP黨）開版啲文，好多時都圍繞巴西塞阿拉州福塔雷薩人嚟寫嘅，加上佢多數規律都係分類:巴西政治人、類:塞阿拉州人同類:福塔雷薩人呢幾個類。加上查過呢堆IP黨編輯嘅舊嘢，又有啲用戶仔同佢有關，就係USER:Nival junior同USER:JoseNivalJunior2531，前者喺2011年出沒（嗰時我未註冊維基），後者喺最近註冊過，我好懷疑呢兩位係同嗰堆涉案IP都係同一人。--PQ77wd (傾偈) 2017年4月6號 (四) 07:43 (UTC)

Translating Ibero-America is back! Come and join us :)

Hi!

Iberocoop has launched a translating contest to improve the content in other Wikipedia related to Ibero-American Culture.

We would love to have you on board :)

Please find the contest here

Hugs!--Anna Torres (WMAR) (傾偈) 2017年6月12號 (一) 00:32 (UTC)

我有個俄文嘅人名譯名要問下

例如俄文嗌「Драчёв」嘅人名，而家出面網頁冇常用名，應該用原創名。問譯咩粵音比較近？因為準備開ru:Драчёв, Андрей Константинович呢條友嘅粵文版，要趕時間。--PQ77wd (傾偈) 2017年8月22號 (二) 08:09 (UTC)

請教 File:廣東三色旗.png

大使你好！我睇到呢支旗，整得幾好，不過似乎睇唔到你寫低支旗嘅寓意？請問，三隻色係咩色，RGB之類嘅顏色碼係幾多，點樣定呢三隻色，有冇咩寓意/古仔？（中間應該係FFFFFF白色嘅，我合併問題一齊問啫。我見過好多廣東旗仔都唔係咁理想，諗住再畫一支，搵緊創意。:D）唔該晒先！--Roy17 (傾偈) 2018年5月25號 (五) 20:00 (UTC)

覆：Roy

我唔想惡意猜測人，我傾向認爲佢冇惡意，只係佢啲觀點、立場同我哋相反。但我有留意過你哋啲爭吵，老實講，元音舌位高低分別咁大佢都當相似，我會覺得佢唔係討論譯名嘅呢份料。而且我覺得佢可能有「崇港症」，就，係香港嘅就係啱嘅，香港嘅就係偉大嘅，香港用嘅嘢粵維就一定要用，話之佢係香港嘅Cantonese定香港嘅Mandarin，唔考慮箇中分別。只能夠講佢啲行爲開始令我有啲側目喇，但我仲未認爲佢去到惡性嘅地步。--S7w4j9 (傾偈) 2018年8月16號 (四) 03:03 (UTC)

• @S7w4j9： 比較古怪嘅同過渠有些少拗撬好易係畀監視同小動作搗亂，中維度同過巡查就有幾次變成咁special:diff/49814337，個人都喺中維度畀狙擊，最新見處special:diff/450911014，special:diff/50927791，睇埋Talk:广州市，你地真會睇唔明渠。——Longway22 (傾偈) 2018年8月19號 (日) 02:50 (UTC)

我都覺得佢有少少搞事精傾向，好似爲咗撩事而撩起啲風波。有自己嘅主張可以，但我喺監察版睇到佢急急腳、未傾掂就將《阿參》一版改成《阿薩姆邦》，我只能夠覺得佢食相難睇。而家我喺外國旅行，唔想煩呢啲事、壞興致，你哋拆掂佢。

@Longway22：BTW，你話講廣州市嘅本地語言當中有客家話，呢個其實係啱嘅，我寫論文睇大學資料，語言調查嘅結果話呢，廣州市轄區內，五分四人口係廣府人，五分一講客家話，數字唔細，而且佢哋來咗咁耐、兼且語言活體存活到而今，喺明細提到有佢哋我認爲係可以嘅，只不過應該講清楚啲，邊個係主流，然後客家話度要講明分佈地域係北郊嘅客家村內。廣州市域內嘅語言算豐富，呢啲嘢廣州市嘅地方誌有寫，所以我覺得維基文章亦應該跟住記錄呢啲事實。--S7w4j9 (傾偈) 2018年8月20號 (一) 09:59 (UTC)

@S7w4j9： 主要就係你要考慮呢個位涉及到話語同分區問題，標注欄係標識語言區域嘅位置，呢個本身有相承擔對應通行話語，香港度都有圍頭話但唔屬於通行語言亦就唔會表示到語言欄度，而睇返記錄你地可以見到呢個位長期係改語言兼仲改埋某萬出來嘅，係會有利益衝突嘅存在，所以處理就要更為嚴謹。——Longway22 (傾偈) 2018年8月20號 (一) 10:36 (UTC)

@Longway22：OK，呢啲事我唔理，中維規矩係噉咪按慣例規矩執行囉。--S7w4j9 (傾偈) 2018年8月20號 (一) 10:39 (UTC)

覆：詞典管理員

免喇，我更加多想做個閒人，寫寫文章噉。而且詞典嗰邊查實我冇參與太多，亦講唔上興趣，就此謝過厚愛。--S7w4j9 (傾偈) 2018年11月19號 (一) 05:48 (UTC)

Roy記

近排我都質疑佢啲行徑同意圖係乜。--PQ77wd (傾偈) 2018年11月30號 (五) 05:01 (UTC)

舊模

1. Template:唔好用諧音字來學外語
2. Template:萬國音標元音表
3. Template:萬國音標子音表

呢幾個模而家無文用，你諗住點處置？搬去你用戶空間留底好唔好？翹仔 (傾偈) 2018年12月20號 (四) 11:33 (UTC)

刪文提議：新法蘭西粵語拼音方案

朋友，我哋討論緊要唔要新法蘭西粵語拼音方案；呢篇文你有份寫。如果你有興趣，請你去Wikipedia:刪文討論#新法蘭西粵語拼音方案傾傾。多謝。——Longway22 (傾偈) 2019年1月1號 (二) 04:16 (UTC)

Template:ITTE

有人提出話要刪咗個模，因為冇文用。點睇？翹仔 (傾偈) 2019年1月24號 (四) 14:30 (UTC)

送個星章畀你！

	畫圖星章
	多謝你喺十四巧板嗰件事傾到唔上唔落嘅時候，落手畫咗張圖，解決個版權問題。 翹仔 (傾偈) 2019年1月28號 (一) 10:33 (UTC)

幾幅版權圖

• File:流行前線天鳴唱片.jpg
• File:Saturday Afternoon at the Opera with Ben Heppner.png
• File:VIA trajets Canada fr.gif

點睇？翹仔 (傾偈) 2019年2月1號 (五) 15:36 (UTC)

標題習慣中，關於「常用譯名」同「原創譯名」嘅討論

你好，我喺Talk:Eden Hazard見到你曾經討論過篇文嘅譯名。我喺Wikipedia_talk:標題習慣#常用譯名理應優先取用過原創譯名發表咗我對「原創譯名」嘅意見，希望你可以去講吓你嘅睇法。多謝。香蕉紳士 (傾偈) 2023年11月2號 (四) 01:11 (UTC)