跳去內容

反修例運動期間嘅警察濫權

出自維基百科，自由嘅百科全書

2019年香港反逃犯條例修訂運動期間，警察大量濫權、瀆職，受到廣泛報導，亦令「黑警」呢個批評詞語喺香港流行。

警黑合作

[編輯]

自從2014年雨傘運動，香港警察就出現針對示威者嘅選擇性執法現象，例如戴口罩嘅黑社會人士喺警員面前襲擊示威人士，但前線警員扮睇唔到，刻意放生打示威者嘅人[1]。2019年反修例運動，香港各區都有市民自發設立連儂牆，但經常俾人破壞。即使有市民報稱受襲，警方往往只列作糾紛處理，警員唔會拘捕甚至護送破壞者，有區議員批評警方包庇滋事者，同時又高舉胡椒噴霧恐嚇街坊，縱容個別人士恐嚇市民[2][3]。而最明顯嘅警黑合作案例就係2019年7月21號元朗襲擊事件。

721元朗無差別襲擊事件

[編輯]

2019年7月21號發生元朗襲擊事件，警方喺早有情報顯示當晚將會有事發生嘅情況下，唔事先部署同阻止呢件襲擊事件發生。當晚元朗站同附近一帶，有市民俾人襲擊，但警方冇到場處理，差館更加拉閘唔理市民。最後班差人要喺事發39分鐘之後先至去到元朗站[4]。

而當晚深夜時分，有防暴警俾傳媒影到佢地同一班疑似鄉黑人士喺南邊圍行埋，但當時佢地冇拘捕或帶走任何人，元朗警區指揮官游乃強當晚仲話唔見到有人拎住武器，同全港市民直播畫面所見嘅事實不符[5]。

雖然當晚係就係有好多媒體做現場直播，之後網上都流傳好多影片，但係隔成半年警方其實都冇拉到幾多人，大家都覺得差人喺度包庇黑社會襲擊市民。一直有睇住反修例衝突事態發展嘅監警會專案組成員都話，721係收例風波咁多過月以來港人嘅最大心結，警方當晚行動咁表現，連佢都覺得「匪夷所思」，但自己查呢單案就困難重重，半年以來一直搵唔到涉事嘅元朗同八鄉指揮官，搞到呢位阿sir都話「唔知怎向公眾交代」[6]。

其實喺案發之前7月17號（即元朗襲擊事件發生前四日）屬於大嶼山警區嘅警員陳耀華已經喺 Facebook 發表「21/7來吧」嘅言論，佢仲「預告」721將會有事發生[7]，更加令市民懷疑721元朗襲擊事件是香港警察同黑社會預先策劃嘅一場襲擊。

999九成接聽達標率，被督爆數字唔包721

[編輯]

2020年3月9號《明報》頭條報道，佢地翻查最新一份《財政預算案》文件，發現警方話喺2019年「15分鐘內回應新界區緊急求救電話」達標率有97.9%，《明報》問警方呢個數字有冇計721，但佢地一直冇回應。於是《明報》自己推算，將721當晚2.4萬個報案電話都計埋落去，發現果個全年達標率其實只得71.5%。而喺刊登報道嘅同一日，立法會財委會會議都有議員追問條數點計出黎，警務處總警司（策劃同發展）李雅麗先承認上年果8.4萬個電話係冇包括721當晚2.4萬個電話[8]。

警方仲話721當晚報案中心三個鐘收到兩萬幾個電話，當中有1100幾個電話係接通，以全年收到8萬幾宗緊急求助案件去睇，話其實果晚報案中心嘅表現，對全年電話報案接聽率影響輕微咁話[9]，佢地仲話當晚3個鐘有2.4萬個來電，質疑係網民事前號召要癱瘓999系統[10]。但呢個講法受到議員質疑，議員仲話警務處抽調鐵路警區人手到港島行動基地嘅做法唔恰當，結果搞到元朗警力唔足以處理721元朗襲擊事件[11]，曾志豪更認為癱瘓999嘅講法係警方抹黑報案者，又喺不同報告淡化同無視721事件，而且仲想為警隊「漂白」自己721當晚嘅表現[12]。

警黑聯誼

[編輯]

2020年2月9號，多名警隊高層，包括謝振中總警司﹑郭嘉銓總警司同江永祥高級警司被揭發喺黃埔一間酒家包廂設宴，期間相鄰包廂嘅客人為香港黑社會14K元老「老漢」嘅門生 Peter，令人懷疑雙方同時出現喺同一餐廳並非巧合，而係警方同黑社會預先安排嘅聚餐，引起警黑勾結嘅嫌疑。事後警察公共關係科口頭回覆傳媒查詢，指宴會純屬私人性質，唔涉公務[13]。

濫權行爲

[編輯]

惡意針對搜查市民

[編輯]

執法使用不恰當武力

[編輯]
有個便衣警員對住示威者笑
2019年10月2號，防暴警察喺大圍驅趕期間，粗暴咁推倒一名市民
  • 2019年6月12號金鐘衝突，由當日傳媒同市民拍攝到嘅片段睇到，警方對示威者施以不必要武力，當中包括毆打已被制服嘅示威者、對示威者頭部發橡膠子彈，又向被困中信大廈示威者發放催淚彈，行動亦針對記者。國際特赦組織報告指警方所用嘅武力係冇必要同過份，有違國際法同國際人權標準[18]。喺現場嘅目擊者話，當時人群已經慢慢向住天橋方向嘅出口離開，但警方仍然喺中信大廈天橋橋下放催淚彈，之後人群爭住走入中信大廈避險，差啲搞到人踩人，而且中央旋轉門因裏面同外面都塞滿人，佢地同一時間以相反方向推門，搞到道門開唔到，而喺逃生無門同催淚彈刺激之下，門外嘅市民不斷慘叫同叫救命[19][20][21]。
  • 8月31號，發生太子站事件[22][23][24][25]，兩批政見唔同嘅乘客先口角後動武，之後幾個防暴同速龍小隊警員衝上月台同列車，以警棍無差別毆車廂裏頭嘅乘客[7][26][27][28][29][30][31]。大律師公會發聲明指警方以唔合理嘅暴力對待市民，證據顯示部分警員執法更偏離以往嘅標準。公會話只有成立一個獨立同全面嘅調查委員會，先至可以搵出真相同挽回社會對警隊嘅信心[32]。
  • 12月25號，《華盛頓郵報》取得過百頁香港警方武力指引文件，邀請9名國際專家審視65宗警察使用武力執勤嘅事件，報道指當中只有8%合符指引。《華郵》取得嘅機動部隊（PTU）訓練手冊，清楚指出橡膠子彈應該向「身體中央位置」發射，而且要避免射擊頭部、胸部、下陰、關節呢啲部位[33]。香港政府發聲明，反駁報導「冇事實根據」[34]。另外，海外組織 Stand with Hong Kong 都促請英國政府確保香港人嘅性命同自由受到保障[35][36]，政府反駁指「毫無根據同極為誤導」[37]。而就香港觀察指警方粗暴針對平安夜「和平購物人士同示威者」，政府反駁「完全與事實不符」[38]。
  • 國際關係專家沈旭暉喺面書指出香港政府嘅聲明反映佢地嘅精神狀態，令人不安，沈指出被點名嘅機構喺國際運作，而唔係香港政府可以管轄，佢又質疑港府對「反政府機構」嘅定義，指公民社會不嬲都會監督政府。沈生又指出《華盛頓郵報》嘅調研清楚說明係根據65宗案例，佢地係以「押上水門事件以來嘅報譽、拖倒尼克遜總統下台嘅勇氣」去「查證事實，小心思考」，批評港府係識話人「冇事實根據」、「別有用心」，但又唔去逐一回應列舉嘅事實[39]。監警會前委員鄭承隆認為警方應該公佈違規警員嘅紀律聆訊、拘捕同埋停職安排，可以設立公聽會，向公眾解釋有得拗嘅事[40]。

以言入罪

[編輯]

隨住警民衝突愈多，警民關係每況愈下。喺警民對峙期間，警察防線外嘅圍觀者常用「黑警」一詞與前線警察對罵。

雖然香港並無辱警罪，但前線警察會以非法集結、公眾地方行為唔儉等罪明拘捕叫罵「黑警」嘅市民，甚至區議員。

  • 2019年9月1號夜晚，54歲廚師於旺角警署外喊「黑警死全家」被控「襲警」，9月23號提堂，11月20號律政司因無合理機會定罪而撤消控罪，控方更主動表示付訟費[41]。
  • 同晚，區議員李世鴻喺大圍見有警員打人，跟住大嗌「黑警暴打市民可恥」，外籍警司、田心分區指揮官潘毅德指揮前線警員將李壓落地同埋拘捕[42]。
  • 9月2號夜晚，一個白衫男人喺彌敦道與界限街交界向馬路對面嘅防暴警員說：「阿 sir 你跌咗嘢呀，良心呀、人性呀。」、「7.21去咗邊？黑社會打人嗰陣你去咗邊？」，之後有幾個差人衝前將個男人撳落地揮棍毆打再帶上警車。旺角指揮官韋能治指警方行動依據法律有證據，每個個案都需要進一步調查。傳媒再追問該男人言論觸犯哪條法律，韋能治稱會循「公眾地方內擾亂秩序行為」 (Disorder in public places) 方向調查。大律師黃宇逸認為唔能夠就噉言論入罪，因定罪元素係看言論唔咪破壞社會安寧或激使佢人破壞社會安寧，但案中男子並無教唆佢人打警察，只係問問題，根本唔可能構成犯法[43]。
  • 11月2號夜晚，一個男人喺銅鑼灣時代廣場附近呼喊附近戒備嘅警員為「黑警」，隨即引來大批防暴警員起哄同追捕，繼而引發警民衝突[44]。

吳志森指，自反修例事件以來已有多宗警方以言入罪被律政司撤控嘅案例，可見香港警察滥捕問題嚴重，警察情緒控制欠佳亦增加法庭工作同成本，亦賠上法治，即使當事人獲判無罪，但被拘捕後扣留四十八小時到上庭嘅日子，已經為當事人以至一般市民帶來壓力[45]。

「皇軍式」執勤

[編輯]

2020年3月8號，網民自發到將軍澳悼念周梓樂逝世四個月，活動期間有警員將市民帶去停車場搜身。網媒 Flash Media Hong Kong 拍到片，影到七個蒙面差人情緒失控，輪流以粗口鬧爆一男人，仲要求佢向佢地逐一道歉直至佢地滿意為止，當呢班差人發現記者正喺高空拍攝，就大聲呼喝叫佢熄機，仲要佢交出所拍低嘅相片同影片，仲質疑記者身份，話佢咁係「挑戰警察」，最後記者被帶到一邊截查，差人態度一樣惡劣。事後警方只係話會對有關警員訓斥，但就冇回應會唔會革佢地職[46]。

隱藏身份執法

[編輯]

根據警察通例，警員須喺執勤時將警員編號展示喺其制服上，同時佩戴委任證，從而俾大家識別佢嘅身份，如果警察做出不當行為，有關識別可以俾市民作出投訴。但自從反修例運動於2019年6月開始，警員喺執勤時開始唔佩戴委任證，如果市民要求檢視委任證，反而將市民嘅要求視為挑釁同「阻差辦公」，同時，警員開始以唔同方法遮住制服上面嘅號碼[47]。

香港人權監察譴責警方速龍小隊一直隱藏身分執行職務，佢地話咁只會令市民辨認唔到濫權警員嘅身份，投訴唔到；大律師公會都批評警隊默許警員隱藏身份，令佢地有「唔駛問責」同覺得「可以逃避監察」，監警會亦指出警員唔展示編號係「唔理想」。不過警方就話展示警員編號會令佢地俾人起底，又話個別小隊嘅制服冇空位擺號碼，之後又要求警員必須喺佢地件制服展示「行動呼號」卡，之不過呢個做法冇被嚴格執行，反而有警員喺佢地件制服佩上能夠「振奮士氣」嘅飾物，好似「警察勁揪」咁[48]，結果公眾只覺得警隊高層解釋牽強，又冇紀律。

針對傳媒

[編輯]
防暴警察經常用足以損害視力嘅超強光射燈阻礙記者拍攝
警方行動期間多次阻礙現場記者拍攝，引起記者不滿，但警員繼續侮辱同嘲諷記者

根據警察通例，警員喺執行職務嘅時候要盡量配合傳媒採訪工作。

香港有好幾間電視台同網上媒體都會將公眾活動，例如示威、遊行、衝突場面直接放到鏡頭直播，喺持續半年以上嘅反修例運動，唔少香港警察嘅暴行被記者嘅直播鏡頭拍低，直接展現喺香港市民以至國際社會眼前。正因為咁，前綫警員與記者嘅衝突變得無日無之，有警員更開始以「黑記」呢個對應「黑警」嘅代名詞嘲諷記者，質疑記者鏡頭只針對警察[49]。

因反修例運動而來嘅警暴問題唔斷被被媒體揭露，香港警察對記者嘅態度亦開始變得強硬。警方唔但以封鎖線、突擊搜身等手法阻以記者進行直播同採訪，更動輒以非法集結、藏有武器、阻差辦公為由扣留/拘捕記者[50]。而個別媒體如立場新聞、有線新聞同now新聞嘅記者，更多次被前綫警員針對，甚至直噴胡椒噴霧而事前未被警告。甚至有記者喺直播期間畀前線警員要求索取身份證，然後再將記者嘅身分證於直播鏡頭前公開展示，更吋住咁講「你以為香港真嘅有第四權啊？」[51]。

種種有違新聞自由事件引起市民同傳媒界譁然，香港記者協會同攝影記者協會其後發表聯合聲明譴責有關警員為涉嫌違反《個人資料（私隱）條例》，又指過去半年警方不斷打壓新聞工作者，妨礙新聞自由[52]。立場新聞記者林彦邦更概嘆，咁嘅採訪經歷喺深圳河以北見慣見熟，冇諗到時至今日喺香港居然可以體驗，恐怕往後會成為常態[53]。

暴力對待記者事件

[編輯]
  • 2019年6月9號、12號，警方喺金鐘示威活動多次無理驅趕、搜查同推撞新聞工作者令佢地受傷，警方指控持有效證件之記者涉嫌藏有攻擊性武器，要搜查佢地隨行物品[54]，又用長盾同警棍驅趕已表明身份嘅記者，導致多人受傷；重用胡椒噴霧射向撤離緊嘅記者，令佢背脊同隻手受傷；差人又唔公開佢地界定邊度係封鎖範圍，重用長盾同警棍趕走記者，又用電筒照射形式干擾記者拍攝[55]。記協指警方已違反基本法第廿七條承諾嘅新聞自由、唔受執法人員損傷[56]。
  • 6月12號，一個法國法蘭西24記者喺夏愨道橋上目睹警員疑向記者投催淚彈，於是佢喝差人「You shoot the press, motherfuckers」﹙你射傳媒記者，正仆街﹚，並表示「It's still Hong Kong not China, not yet」﹙呢度係香港，未係中國，重未係！﹚[57]。入夜之後，CNN 以「Hong Kong Police appear to target journalists （香港警察似乎將目標鎖定為記者）」為報道標題[58][59][60]。
  • 同日，商業電台當晚喺社交媒體發出片段，顯示警方當晚喺金鐘正義道驅散示威者期間，商台記者雖然喺採訪時多次表明身份，但仍然畀警員揮棍多次推撞，而且以「記你老母！」回應[61]。
  • 9月29號，下晝4點50分，任職印尼語媒體《Suara》嘅印尼女記者兼副主編 Veby Mega Indah 喺灣仔入境事務大樓天橋通往告士打道嘅樓梯採訪期間，俾警員開槍射中右眼導致永久失明。Veby 多次要求警方交出開槍警員個人資料，以進行以人訴訟，但警方一直拒絕。12月5號，Veby 之後入稟高等法院，以「第三方披露令」（Norwich Pharmacal Order）做法律依據，要求警方交出當日開槍嘅警員身分、編號同相關文件。警方回應指喺涉案地點辨認到有警員開咗一發橡膠子彈，但唔能確定原告係因警方嘅子彈而受傷。法官高浩文最終安排下月17號審理件案，Veby 喺庭外質疑，律政司打算拖延時間，令佢損失控告涉事警員嘅憲法權利[62][63][64]。2020年3月中旬，網上傳出Veby私人檢控開槍警員嘅期限將於3月29號屆滿，網民於是動員搜尋涉案警員身份。Veby 代表律師澄清佢仲未提出私人檢控，話會考慮循較嚴重罪名提控，例如《侵害人身罪條例》中第 17 條嘅「意圖造成身體嚴重傷害而射擊」，呢個罪名就冇起訴限期，又指 Veby 會向政府提出民事索償[65]。
  • 10月14號，Now新聞台採訪車車長於旺角警署外前往取車途中，後腦位置突中布袋彈受傷，即使倒地並表明身分都係俾防暴警察押返警署，警員喺佢負傷之下再用警棍打佢嘅頭、手同腳，Now新聞台譴責警方濫用武力[66]，香港記者協會、攝影記者協會、香港新聞行政人員協會都有發聲明譴責，要求政府正視警隊紀律，必須成立獨立調查委員會徹查事件；立法會議員林卓廷都譴責警方執行私刑，對警方解釋將車長帶入警署係為保護其安全，佢批評呢個講法係公然講大話同掩飾警暴，嚴重損害新聞自由[67]。
  • 11月3號，《立場新聞》一個特約攝影記者喺太古城中心採訪期間被捕，被多名防暴警察壓喺地上，鎖上手銬，之後押上警車帶走，當時佢有配戴記者證，警方指佢涉嫌阻差辦公。同日浸大編委會嘅新聞系學生鄧澤旻喺太古城採訪期間被捕。被捕時佢多次向其他記者大嗌「我唔會自殺」，又話有警員曾經警告會雞姦佢。浸大編委會話，當時鄧澤旻有配戴記者證同記協學生會員證，並冇參加任何前線示威行動[68]。
  • 11月10號，Now新聞台記者同攝影師下晝喺荃灣採訪期間，橋下警員喺未有任何警示之下發射催淚彈，射中記者左手。記協強烈譴責警方罔顧市民同記者，對警方未有收斂極度憤怒，要求警方停止暴力針對新聞工作者，香港新聞行政人員協會都有發聲明強烈譴責所有針對新聞工作者嘅暴力，並指香港呢個時刻更加需要新聞工作者無畏無懼向社會反映事實真相[69]。
  • 12月15號晚，大批記者喺旺角採訪警民衝突期間遭防暴警察無理驅趕，有記者面部遭直噴胡椒噴霧同俾警棍打，事後更被拘捕，亦有學生記者被催淚彈中面。記協發聲明嚴厲譴責前線警員暴力對待新聞工作者[70]。
  • 12月26號，《立場新聞》記者喺大埔採訪被警員截查，警員將記者嘅身份證故意喺直播鏡頭前展示約四十秒。個人資料私隱專員黃繼兒事指有合理理由相信有關警員可能違反《個人資料私隱條例》；警察公共關係科總警司郭嘉銓亦指，事件當中負責截查嘅警員「有唔啱嘅地方」，警方會主動了解同調查事件。2020年1月19號，另一名《立場新聞》一名記者喺金鐘採訪畀警員兩度截查，一名警員持續以記者身份證擋鏡頭阻拍攝，過程有一分鐘長，之後警員更搶走記者直播器材同手提電話，記者電話螢幕爛咗[71]。
  • 2020年2月12號夜晚，一批防暴警員進入富山邨平台驅散期間幾次阻礙現場記者拍攝，並出手遮住《立場新聞》記者鏡頭。之後有便衣警員揶揄記者係「20蚊記者」、「未讀完書」[72]。
  • 3月8號，有線新聞記者游俊華喺將軍澳採訪期間，突遭一名防暴警用盾牌從後撞跌受傷。警方其後去信解釋因「人多混亂」，指警員並非蓄意，又於信末慰問受傷記者。有線指，影片顯示記者與警方同一方向行，身邊四圍冇人，防暴警察突打斜走到記者背後用盾牌推撞記者，令佢喺毫無防避下跌低，警員事後不顧而去。有線新聞指警方解釋迴避具體事實，表示極度遺憾，並要求警方主動調查兼交代涉事警員身分[73][74]。

仇恨言論

[編輯]

警員執勤情緒失控問題

[編輯]
  • 2019年6月12號金鐘衝突，警方清場，示威者退守太古廣場室內，有傳媒影到警方特別戰術小隊喺商場門外敲打盾牌，仲講含有粗口嘅挑釁性說話：「出黎啦！屌你老母，自由閪」[75]；又喺基督教牧師嘗試調解衝突時，大嗌「叫你耶穌落來見我哋！」[76]。
  • 2019年7月7號，又有警員喺九龍區遊行結束後驅散示威者情緒失控，話要同市民「隻揪」，結果有市民被扑穿頭之後被拉[77]。
  • 11月8號，全港唔同區都有市民自發悼念周梓樂，當晚喺屯門，有警員向示威者大叫「返去產卵喇！曱甴！」、「來報仇啊曱甴！」、「隻揪啊！」、「我地今晚開香檳慶祝啊！」，社會各方都狠批警方唔人道[78]，林夕仲特登寫文鬧佢地，話「只有禽獸先要開香檳慶祝」[79]。

發表性傾向歧視言論

[編輯]

2019年12月8號，喺「國際人權日」遊行期間，有警察針對民陣召集人岑子杰嘅性取向，喺岑勸告示威者返回行人路上時話佢係「死 gay 佬」。同樣係同性戀者嘅富商劉定成就話呢班差人唔識尊重人，仲潤佢地話「有差人直到無倫咪又係會貪錢去影裸照！」，暗串果個多次代表警方發言嘅港島總區高級警司吳樂俊，呢位吳 Sir 其實以前都有為劉生影裸照。劉定成又話，岑子杰嘅性取向根本同遊行事宜冇關，唔明差佬點解要針對佢[80]。

自稱差人來電騷擾區議員

[編輯]

2020年2月23號, 區議員岑敖暉話接一名自稱警務人員嘅人士，因為分發漂白水嘅問題打俾佢，仲以粗言辱罵恐嚇佢。而喺電話對話中，呢個人多次自稱係差人，仲話自己係差人所以就算岑敖輝係區議員報警都冇用[81]。

針對教育界嘅寒蟬效應

[編輯]

2019年9月，網上流傳一張中文科工作紙，當中有一條成語填充題，話差人「實際上卻與黑幫暗中勾結，置市民生死於不顧」。涉事學校保良局何蔭棠中學回覆傳媒證實有呢件事，指果位老師已經承認過失同道歉。保良局同校方話佢地唔接受呢個做法，而教育局亦話聯絡左學校了解，要求校方徹查同嚴肅跟進，而佢地亦會根據《教育條例》同《香港教育與專業守則》處理，指教師如果有失德行為可能會取消佢個教席[82]。

2020年2月23號, 跑馬地孔聖堂中學一名教職員喺私人社交平台轉發一篇睇落似係支持警方、實質暗串「黑警」嘅藏頭詩後，有差人睇到於是投訴，之後孔聖堂中學校董會喺未有調查結果嘅情況將呢位老師停職，被網民質疑係打壓言論自由，違背左佢地嘅創校宗旨[7]。

發放假新聞

[編輯]

喺運動期間，2019年7月14號一場沙田衝突入面，多間傳媒報道引述香港警察消息指，一名警員被鉗夾斷手指。之後傳真社發布調查指，報道中提及被指鉗斷警員手指嘅工具其實係警棍，而警員手指亦完好無缺[83][84]。

假扮示威者破壞

[編輯]
内文：反送中運動警察假扮示威者破壞嘅指控

有啲親中派嘅支持者指控示威者採取暴力手段，破壞一啲商店同公共設施。不過，之後有媒體報導同網上片段流傳疑似示威者破壞嘅情況，但呢啲示威者竟然有唔少警察先會有嘅裝備，有啲人就質疑，呢啲破壞其實係香港警察、甚至係中共武警公安假扮示威者去做，目的係抹黑示威者，為鎮壓找藉口。香港警察嘅做法，得到國際特赦組織一個報告提及有一定證據支持，警察就否認有關指控，但就承認有臥底警員喺示威場合入面假扮抗爭者[85][86]。

中國武警秘密加入

[編輯]

2020年3月18號，路透社引述消息，話有4000幾名中國人民武裝警察部隊成員駐紮喺香港，佢地參與左鎮壓香港示威者嘅行動，仲有香港警察陪同中國武警到前線[87][88]。中國武警同解放軍都係由中國共產黨中央軍事委員會直接領導，而現任中共中央總書記兼中央軍委主席係習近平。中國國防部同香港警務處都否認呢個消息[89][90]。

不過，去到2023年7月，前區議員兼海外港人組織「蘇格蘭香港人」嘅創辦人郭子健，就喺社交媒體轉述中國一間健身房嘅廣告，入面其中一位教練叫朱亮，喺佢嘅描述當中提及「曾服役于武警机动总队，参稳定2019香港暴乱⋯⋯」，間接證實當年呢個說法[91][92]。

監管機制冇用

[編輯]

一有警民衝突事件出現，香港特首林鄭月娥、保安局局長李家超、警務處處長鄧炳強俾傳媒問親都左閃右避，一味話市民如果有唔滿意可以用現有嘅投訴機制向警方投訴，林鄭仲話班差人當更有好大壓力，要求市民「包容」佢地咁話[93][94][95][96]。但輿論批評監管機制係「自己查自己」，所謂嘅「行之有效」根本冇用，有冤冇路訴嘅制度激起更多民憤[97][98]。

  • 2019年11月8號，英國基爾大學自然科學研究院院長Clifford Stott教授發表獨立專家小組報告，指監警會嘅調查權力同能力都唔夠，亦唔符合重視自由與權利社會嘅國際監警察組織標準，建議投訴要由獨立機構深入調查[99]。
  • 11月20號，保安局長李家超於立法會回應民主黨許智峯質詢，指投訴警察課2015至16年度起3個年度接獲772項警員毆打嘅指控，當中兩項屬實。許智峯質疑投訴屬實比例低，認為監警會冇能力處理反修例運動嘅警暴問題，李家超反而話呢個數字反映警隊夠專業同有質素[100]。

外界反應

[編輯]

激發更多武力抗爭

[編輯]

香港警察喺處理元朗襲擊事件時嘅「冷處理」態度令唔少香港人反感，甚至令原本政治冷感嘅人O嘴，大家都覺得香港警察冇晒專業操守同道德價値。而且佢地每次俾人質疑，唔係避談就係左右言他，公共關係課警司江永祥仲要話「係由於一班人帶領示威者到元朗牽引成件事」，企圖為輿論吹風，唔負責任又不斷抹黑受害人，令更多市民對警隊反感，結果搞到警民關係嚴重撕裂。721事件被認為係「全民覺醒」嘅轉捩點，令好多人睇到警黑原來一直合作[101]。自此以後香港警民關係急轉直下，前線警員同示威遊行市民更成日衝突，而港鐵都因為處理危機不力受到市民杯葛，甚至激發更多示威者以武力抗爭。

記者杯葛警方

[編輯]
  • 2019年6月13號，警務處處長盧偉聰喺灣仔警察總部會見傳媒時，多名記者同攝影記者穿上反光衣同頭盔以示抗議[102]，會後記協再次嚴重譴責警方傷害記者並阻礙採訪，要求警方作公正嘅內部調查[103]。
  • 2019年10月28號，自由身記者葉家文喺警方例行記者會打斷警方發言，宣讀聲明譴責警方毀壞香港新聞自由，又令前線記者成為警暴受害人，她又以電筒照向講台，反映警員喺新聞現場以大光燈阻礙記者採訪嘅不滿，台上嘅警方高層全隊離場，記者會一度中斷，葉其後都被要求離場。警方翌日回應事件指女記者擅闖記者會，但葉家文反駁指當日喺警總係以真實姓名同電話進行登記，依足程序進入記者會[104]又指自己嘅記者證事後喺建制群組流傳，佢嘅個人資料被人起底，佢話會考慮循法律追究警方。葉指當日有一名OL裝扮人士將她嘅證件影相，但唔清楚對方係咪警察公共關係科人員[105]。
  • 11月4號，六名來自立場新聞、明報、香港電台、端傳媒、香港獨立媒體同am730嘅記者，於警察記者會戴上貼有「查警暴 止警謊」字眼頭盔，警司高振邦要求記者將頭盔嘅標語除下，但記者未有遵從，警方宣布記者會暫停，公共關係科人員曾警告會使用適當武力將記者趕出去，又指「呢個場係我哋嘅地方」，6名記者拒絕離開，警方最終宣布記者會取消。香港記者協會、攝影記者協會聯同多個新聞機構、工會等發聯署聲明，強列譴責警方任意拘捕，要求停止暴力對待記者，又敦促各傳媒機構唔好追究發起抗議行動嘅記者[106][107][108]。

市民仇警潮

[編輯]

香港民意研究所於2019年發布發布民調顯示全港超逾一半市民對香港警察零信任，民調總監梁啟智指出，市民對警察信任崩盤很大程度源於重大嘅事件如元朗襲擊事件同太子站襲擊事件，同埋新屋嶺扣留中心屢傳警暴等，市民認為警方有很多隱瞞，呢啲都係造成唔信任嘅原因[109]。

由於警暴頻臨失控，港警選擇性執法、執法唔公，面對公眾又唔能開誠報公，香港市民對警察愈見反感但卻有心無力，民間開始流行一些針對警察嘅口號如「黑警死全家」，另外亦以此衍生出一些文宣產物，例如新春揮春、通訊軟件貼圖等， 讓市民面對時局無力鬱悶之時心理上可稍稍得到紓緩。然而，香港人喺反修例運動至今，打氣口號 已經出現多個層次嘅變化，由「香港人加油」，到「香港人反抗」、「香港人報仇」，再到「香港人戰鬥」，反映出香港市民喺唔同時間嘅心路歷程，未來時局亦有唔確定性[110]。

2020年2月，一名防暴警員確診武冠肺後，民間掀起慶祝風潮。例如以「最緊要人有事」、「三萬thanks」等字句回應，亦有市民開香檳慶祝，認為警員得到報應；3月6號適逢驚蟄，銅鑼灣鵝頸橋下有大批市民「打小人」，林鄭月娥同鄧炳強都成為「被打」目標[111]。浸會大學新聞系高級講師呂秉權指出，市民認為警員「貪生怕死、貪資源」，又喺抗疫期間仍然搞聚會，冇成為防疫中堅，形容警員表現係「負資產」。臨床心理學家葉劍青指，社會出現整體嘅「反警現象」，係呢場運動嘅條件反射。除非制度有改變，否則仇警情緒唔會完[112]。

臺灣移民署

[編輯]

2019年10月13號，中華民國內政部移民署喺互聯網上回應有關於大批香港警察因企圖逃避對佢們濫用暴力嘅制裁而移民臺灣嘅傳聞時，以「香港黑警」來稱呼香港警察，以「將不法和犯罪阻絕於境外」一句否認傳聞。呢個帖文發表只係短短三個鐘頭，就已經得到30,000個讚好、4,000幾位網民留言，當中有唔少留言都係「感謝臺灣」[113]。

睇埋

[編輯]

參考

[編輯]
  1. ↑ 〈警黑合作？疑似三大罪證曝光〉。《Apple Daily 蘋果日報》。原著喺2014-10-06歸檔。喺2019-10-01搵到。
  2. ↑ 凌逸德 (2020-01-08)。〈50人闖梨木樹邨清牆　街坊稱被漆剷襲擊受傷　無人被捕〉。《香港01》 (繁體中文)。香港。原著喺2020-03-02歸檔。喺2020-01-09搵到。
  3. ↑ 〈50蒙面人清梨木樹連儂牆 街坊稱拍片被打 議員批警方「保護」 警：無人傷列糾紛〉。《明報》 (繁體中文)。香港。2020-01-09。原先內容歸檔喺2020-01-09。喺2020-03-22搵到。
  4. ↑ 《鏗鏘集：721元朗黑夜》 (中文)。香港。2020-02-25。喺2020-03-08搵到 –透過www.youtube.com。
  5. ↑ 凌逸德 (2019-07-22)。〈【元朗黑夜】無人被捕 警：刑事人員到場 唔見有人揸攻擊性武器〉 (中文)。香港01。原先內容歸檔喺2020-03-08。喺2020-03-08搵到。
  6. ↑ 〈監警前委員：仍未見7‧21指揮官 缺調查權成「掣肘」 嘆「唔知怎向公眾交代〉 (中文)。明報。2020-01-19。原先內容歸檔喺2020-03-08。喺2020-03-08搵到。
  7. ↑ 7.0 7.1 7.2 〈【文字獄】孔聖堂副校疑被克警屈po「黑警死全家」藏頭詩 遭即時停職〉。《Apple Daily 蘋果日報》 (中文)。原著喺2020-02-25歸檔。喺2020-02-25搵到。
  8. ↑ 999赴援98%達標 警未答計7．21否 倘計當晚2.4萬報案 比率減20百分點
  9. ↑ 警方：721當晚接兩萬多個求助電話涉元朗區30多宗案件
  10. ↑ 元朗721只計30求助入達標率　警方：有人圖癱瘓999
  11. ↑ 議員質疑721元朗襲擊時鐵路警區非第一時間派員到場
  12. ↑ 2020/0312/領導英明！衙差如何漂白721？
  13. ↑ 〈【武漢肺炎警察Happy】PPRB江永祥郭嘉銓黃埔「榴槤宴客」 14K殯儀猛人同場〉。《壹週刊》。原著喺2020-03-08歸檔。喺2020-02-09搵到。
  14. ↑ 〈多名警員金鐘站檢查市民身份證同搜袋　引起市民唔滿〉。香港電台。2019-06-11。原先內容歸檔喺2019-06-12。喺2019-06-11搵到。
  15. ↑ 15.0 15.1 楊婉婷、魯嘉裕、黃廸雯 (2019-06-11)。〈【逃犯條例】冒雨準備集會　金鐘站氣氛緊張　多名青年被警搜身〉。《香港01》。原先內容歸檔喺2019-06-30。喺2019-06-11搵到。
  16. ↑ 〈【逃犯條例】金鐘站大批警員進駐　截查市民身份證兼搜身搜袋〉。《香港經濟日報》。2019-06-11。原先內容歸檔喺2019-06-12。喺2019-06-12搵到。
  17. ↑ 〈【逃犯條例．短片】金鐘站大批警員截查市民搜袋　民陣人權監察譴責濫權〉。《明報》。2019-06-11。原先內容歸檔喺2019-06-12。喺2019-06-12搵到。
  18. ↑ 【香港01】國際特赦：612衝突警涉過份武力　違國際人權標準
  19. ↑ 〈【引渡惡法】中信圍困真相！警狂轟催淚彈暴力驅散數百人 空拍證險釀人踩人慘劇〉。《蘋果日報》。2019-06-18。原先內容歸檔喺2019-06-18。喺2019-06-18搵到。
  20. ↑ 〈【逃犯條例】催淚煙困中信大廈　中年男憶千人「生死一刻」〉。《香港01》。2019-06-15。原著喺2019-06-19歸檔。喺2019-06-15搵到。
  21. ↑ 石斛 (2019-06-15)。〈記 6.12 中信樓內的憤怒與恐懼〉。《立場新聞》。原先內容歸檔喺2019-06-16。喺2019-06-17搵到。
  22. ↑ 〈八三一恐襲比七二一恐襲可怕上千倍 | 岑敖暉 Lester〉。《香港獨立媒體網》。原先內容歸檔喺2019-09-03。喺2019-09-03搵到。
  23. ↑ 〈831港警恐襲徹夜抓人僅一車廂抓40人〉。www.ntdtv.com。原先內容歸檔喺2019-09-03。喺2019-09-03搵到。
  24. ↑ 〈【逆權運動】親睹警恐襲市民釀屍殺列車 中年父：見後生咩色衫都打〉。《Apple Daily 蘋果日報》。原先內容歸檔喺2019-09-01。喺2019-09-03搵到。
  25. ↑ 〈泛民批官方恐襲 建制轟黑衣無法無天 毛孟靜籲獨立調查8．31 麥美娟引述市民促行緊急法 - 20190902 - 要聞〉。《明報新聞網 - 每日明報 daily news》 (繁體中文)。喺2019-09-03搵到。
  26. ↑ 〈警衝入太子站列車　噴胡椒揮警棍拘多人　市民車廂跪地求饒照被噴〉。原先內容歸檔喺2019-09-01。喺2019-09-01搵到。
  27. ↑ 〈【民報】香港831汽油彈、水炮車徹夜激戰 警無差別打人認為「適當武力」〉。www.peoplenews.tw (臺灣中文)。2019-09-01。原先內容歸檔喺2019-09-02。喺2019-09-03搵到。
  28. ↑ 〈【香港831遊行】港警胡椒噴霧、持警棍無差別攻擊 太子站乘客頭破血流〉。《鏡週刊 Mirror Media》 (中文)。2019-09-01。原著喺2019-09-01歸檔。喺2019-09-03搵到。
  29. ↑ 〈【831 ‧ 不斷更新】港九多個港鐵站關閉 警方衝入太子站無差別打人 | 立場報道 | 立場新聞〉。《立場新聞 Stand News》 (英文)。原先內容歸檔喺2019-09-01。喺2019-09-03搵到。
  30. ↑ 〈【逆權運動】721=831 速龍太子站闖月台車廂亂棍毆乘客 無辜市民被襲後相擁痛哭〉。原先內容歸檔喺2019-09-01。喺2019-09-01搵到。
  31. ↑ 〈【專訪】目睹 8.31 太子站市民被毆 中年廚師：警察比 7.21 白衣人更恐怖 | 立場報道 | 立場新聞〉。《立場新聞 Stand News》 (英文)。原著喺2019-09-15歸檔。喺2019-09-04搵到。
  32. ↑ 〈大律師公會聲明　批評警方執法用過份武力　太子站不合理打市民〉。原著喺2020年12月6號歸檔。喺2020年5月9號搵到。
  33. ↑ 〈《華郵》取得警方武力指引 專家指七成警暴個案涉違規 | 立場報道 | 立場新聞〉。《立場新聞 Stand News》 (英文)。原著喺2019-12-26歸檔。喺2019-12-26搵到。
  34. ↑ 〈政府反駁偏頗和誤導的指控〉 (新聞稿)。2019-12-26。喺2019-12-27搵到。
  35. ↑ 〈林鄭 fb 發文　指政府兩日發三稿　反駁不實指控報道〉。《立場新聞》。2019-12-26。原著喺2019-12-27歸檔。喺2019-12-27搵到。
  36. ↑ 〈【逃犯條例】英組織促首相保障港人 港府：自由人權絲毫無受侵害〉。《香港01》。2019-12-26。
  37. ↑ 〈香港堅定維護自由同人權〉 (新聞稿)。喺2019-12-27 date=2019-12-26搵到。 {{cite press release}}: Check date values in: |accessdate= (help); Missing pipe in: |accessdate= (help)
  38. ↑ 〈政府反駁香港觀察指控〉 (新聞稿)。2019-12-25。喺2019-12-27搵到。
  39. ↑ 〈堅離地城：沈旭暉國際生活台 Simon's Glos World〉。Facebook (英文)。喺2019-12-27搵到。
  40. ↑ 〈《華郵》批七成行動違規 監警會前委員指不公道 促設公聽會解畫〉。香港01。2019-12-27。
  41. ↑ 〈被指叫「黑警死全家」襲警 廚師撤控 傳媒拍下經過 獲賠訟費〉 (中文)。明報。2019-11-29。原先內容歸檔喺2020-03-08。喺2020-03-08搵到。
  42. ↑ 〈【睇片】罵一句「黑警暴打市民可恥」　 區議員李世鴻即被捕〉 (中文)。立場新聞。2019-09-02。原著喺2019-09-14歸檔。喺2020-03-12搵到。
  43. ↑ 〈眾新聞：隔住馬路問警「7.21去咗邊？」　指揮官：公眾地方內擾亂秩序行為　大律師：不成控罪〉。原著喺2020年9月28號歸檔。喺2020年5月9號搵到。
  44. ↑ 《銅鑼灣11.02 一位男青年叫了一句「黑警」就被捕引發現場大亂 警察》 (香港中文)。香港。2019-12-20。喺2020-03-08搵到 –透過www.youtube.com。
  45. ↑ 《吳志森：森直口快 香港警方如何成為亞洲最優秀警隊？》 (中文)。香港。2020-03-03。喺2020-03-08搵到 –透過www.youtube.com。
  46. ↑ 〈蘋果日報：「尚德7皇軍」喪辱市民逼道歉 警方僅訓斥未回應會否停職〉。原著喺2020年4月26號歸檔。喺2020年5月9號搵到。
  47. ↑ 香港01：警總外速龍小隊出動　大部份無編號持防暴盾戒備
  48. ↑ 星島日報：區選後首場遊行 防暴警背心貼「警察勁揪」
  49. ↑ 凌逸德 (2019-08-31)。〈速龍斥記者「黑記」「作故仔」 強光照記者〉 (中文)。香港01。原先內容歸檔喺2020-03-08。喺2020-03-08搵到。
  50. ↑ 〈【831半周年】《立場》記者遭粗暴截查 警按喺地下、腳踢記者 扯走防毒面具、頭盔〉 (中文)。立場新聞。2020-03-01。原先內容歸檔喺2020-03-08。喺2020-03-08搵到。
  51. ↑ 林祖偉 (2020-01-07)。〈香港警察與媒體「第四權」嘅激烈對撞〉 (中文)。BBC。原先內容歸檔喺2020-03-08。喺2020-03-08搵到。
  52. ↑ 〈「答咗等如冇答」 眾新聞輯錄3條問題嘅對答看警方4點記者會之日常〉 (中文)。眾新聞。2019-12-28。原先內容歸檔喺2020-02-29。喺2020-03-08搵到。
  53. ↑ 林彥邦 (2019-06-10)。〈清場時不斷喝罵、無理對待記者嘅警察〉 (中文)。立場新聞。原著喺2019-11-09歸檔。喺2020-03-08搵到。
  54. ↑ 〈警察何時才有合法搜查記者嘅權力？〉 (中文)。立場新聞。2019年6月10日。原先內容歸檔喺2019年6月11日。喺2019年6月13日搵到。
  55. ↑ 〈「警像」攝影展遭電話滋擾 被迫腰斬〉 (中文)。香港經濟日報。2019年6月12日。原先內容歸檔喺2019年6月13日。喺2019年6月13日搵到。
  56. ↑ 〈記協列五大警方干預新聞自由指控　呼籲特首介入〉 (中文)。香港01。2019年6月12日。
  57. ↑ 謝文哲 (2019-06-13)。〈【反送中612】港警對記者開槍清場　法國記者怒吼「這裡是香港，還不是中國」〉。《鏡週刊》。原著喺2019-06-13歸檔。喺2019-06-13搵到。
  58. ↑ James Griffiths, Helen Regan, Ben Westcott, Steve George and Julia Hollingsworth (2019-06-12). "Hong Kong protests over China extradition bill". CNN. 喺2019-06-13搵到.{{cite news}}: CS1 maint: multiple names: 作者名單 (link)
  59. ↑ 〈法籍記者怒罵黑警亂開槍反遭瞄準：夠膽射吧！這裡仍是香港不是中國！〉 (中文)。熱血時報。2019年6月13日。原著喺2019年7月1日歸檔。喺2019年6月13日搵到。
  60. ↑ 〈港警開槍清場！法記者怒吼：這裡是香港〉 (中文)。東森新聞。2019年6月13日。
  61. ↑ 〈【逃犯條例】本台記者被警方推撞〉。商台新聞。2019-06-12。喺2019-06-13搵到。
  62. ↑ 明報：右眼失明印尼女記者入稟　要求警方披露開槍警員資料
  63. ↑ 明報：中彈印尼女記者入稟索開槍警員身分　警認曾發一橡膠子彈但唔確定前因後果
  64. ↑ 〈蘋果日報：爆眼女記者六度促警落口供不果〉。原著喺2020年3月28號歸檔。喺2020年5月9號搵到。
  65. ↑ 〈立場新聞：右眼中槍失明印尼女記者ㅤ擬循較嚴重侵害人身罪控警ㅤ並將向政府索償〉。原著喺2020年4月26號歸檔。喺2020年5月9號搵到。
  66. ↑ Now新聞：本台車長稱喺警署遭暴力對待　右邊面下顎骨裂需動手術仍留醫
  67. ↑ 明報：Now新聞車長後腦疑中布袋彈　押進警署兩小時後送院　譴責警濫用武力
  68. ↑ [ https://news.rthk.hk/rthk/ch/component/k2/1489835-20191103.htm 香港電台：《立場新聞》一名特約攝影記者太古城中心採訪期間被捕]
  69. ↑ 香港電台：Now新聞台記者被催淚彈擊中　記協譴責警方罔顧安全
  70. ↑ now新聞︰記協強烈譴責警方同集會人士襲擊記者
  71. ↑ 〈《立場》記者被警截查　警向鏡頭展示記者身份證　搶奪毀記者手機〉。原著喺2020年3月11號歸檔。喺2020年5月9號搵到。
  72. ↑ 〈市民堵路抗議指定診所　防暴警闖富山邨拘多人　一度上樓搜查〉。立場新聞。2020-02-13。原著喺2020-02-23歸檔。喺2020-02-15搵到。
  73. ↑ 有線新聞 i-Cable News Facebook 聲明
  74. ↑ 信報：將軍澳大埔拘85人 警稱推跌女記非蓄意
  75. ↑ 轉角24小時 (2019-06-13)。〈唔退！中環軍營前對峙，香港「反送中」千人街頭守夜〉。udn.com。喺2019-06-13搵到。
  76. ↑ 〈【逃犯條例】牧師憶試圖隔開警民衝突　反遭警斥：叫你耶穌嚟見我〉。《香港01》。2019-06-13。喺2019-06-13搵到。
  77. ↑ 〈立場新聞：旺角驅散示威者警員爆粗：認 X 住我呀！隻揪 (單挑) 呀！〉。原著喺2020年10月26號歸檔。喺2020年5月9號搵到。
  78. ↑ 香港01：屯門警周五晚稱「開香檳慶祝」　警方：已作出訓斥
  79. ↑ 〈只有禽獸才要開香檳慶祝 - 林夕〉。原著喺2020年3月24號歸檔。喺2020年5月9號搵到。
  80. ↑ Https://Www.post852.com, 852郵報 (2019-12-09)。〈【12.8遊行】警員指罵岑子杰「死Gay佬」 劉公子：（警員）直到無倫，咪又係貪錢去影裸照！｜852郵報〉。《852郵報》 (香港中文)。原著喺2020-01-03歸檔。喺2020-01-03搵到。 {{cite web}}: External link in |last= (help)
  81. ↑ 〈【睇片】疑似黑警打來辱罵 | 岑敖暉 | 立場新聞〉。《立場新聞 Stand News》 (英文)。原先內容歸檔喺2020-03-06。喺2020-02-25搵到。
  82. ↑ 有中學工作紙以警黑勾結為題　老師承認過失並致歉
  83. ↑ 韋景全 (2019-07-17)。〈【沙田遊行】港台報道有警員被鉗斷手指失實 工會促管理層交代〉。《香港01》 (香港中文)。喺2023-05-31搵到。
  84. ↑ 〈香港反送中"警察手指被鉗斷"證實是假新聞 中共喉舌卻大肆渲染〉。《希望之聲 www.soundofhope.org》 (臺灣中文)。2019-07-18。喺2023-05-31搵到。
  85. ↑ 自由時報電子報 (2019-10-09)。〈香港人反抗》假扮示威者破壞車站？ 港警：曾派便衣執行任務 - 國際〉。《自由時報電子報》 (中文)。喺2021-12-31搵到。
  86. ↑ 〈港警栽贓曝光 深夜蒙面破壞港鐵被抓包〉。《大紀元時報 香港｜獨立敢言的良心媒體》 (香港中文)。2019-10-09。喺2021-12-31搵到。
  87. ↑ Greg Torode (2020-03-18). "EXCLUSIVE-China's internal security force on frontlines of Hong Kong protests". 路透社. 喺2020-03-19搵到.
  88. ↑ 〈路透社：消息人士称中国武警出现喺香港抗议前线〉 (英文)。美國之音。2020-03-18。喺2020-03-18搵到。
  89. ↑ 〈路透：港警帶武警到鎮壓前線〉。蘋果日報 (香港)。2020-03-18。原著喺2020-03-19歸檔。喺2020-03-18搵到。
  90. ↑ 〈警方否認 內地武警曾到前綫觀察港示威〉。晴報。2020-03-19。喺2020-03-19搵到。
  91. ↑ 〈【低級紅武警自爆參與鎮壓2019年香港反送中運動】〉。Facebook (英文)。喺2023-07-29搵到。{{cite web}}: CS1 maint: url-status (link)
  92. ↑ 自由時報電子報 (2023-07-31)。〈炫耀？中國健身教練稱曾鎮壓香港反送中 印證傳聞不虛 - 國際 - 自由時報電子報〉。news.ltn.com.tw (臺灣中文)。喺2024-02-06搵到。
  93. ↑ 〈立場新聞：將軍澳警員粗言辱罵被搜身市民　林鄭：唔掌握件事　籲包容警員壓力大〉。原著喺2020年5月22號歸檔。喺2020年5月9號搵到。
  94. ↑ 〈蘋果日報：瘋警逼路人道歉 蓄意推跌記者 林鄭：前線警壓力極大須包容〉。原著喺2020年3月23號歸檔。喺2020年5月9號搵到。
  95. ↑ 明報：將軍澳7警粗言罵截查市民　警稱會訓斥言行　林鄭月娥籲大眾包容
  96. ↑ 明報：張建宗籲包容警隊有偏差　李家超指警察履行職責就是最中立
  97. ↑ 【香港01】政府：對警察不滿可投訴　現實：處理投訴的也是警察]
  98. ↑ 【明報】投訴警察這件事 成功了是奇蹟？
  99. ↑ 【RFI法國國際廣播電台】國際專家喺港批評現有監察警方機制能力唔符國際標準
  100. ↑ 【明報】772宗毆打投訴 投訴課：兩屬實 李家超：反映警隊專業
  101. ↑ 〈元朗721半年：兩個辜負自己的罪人〉 (中文)。關鍵評論。2020-01-21。原著喺2020-02-22歸檔。喺2020-03-08搵到。
  102. ↑ 〈40記者記招戴頭盔抗議阻採訪　一哥：我對記者最客氣〉 (中文)。香港01。2019年6月13日。
  103. ↑ 〈記協嚴重譴責警方傷記者阻採訪　籲作公正內部調查〉 (中文)。香港01。2019年6月13日。
  104. ↑ 香港01：女記者打斷記招譴責警方毀新聞自由　警高層離場
  105. ↑ 香港01：被逐女記者資料網上流傳　事主：或循法律方法追究
  106. ↑ [1]互聯網檔案館嘅歸檔，歸檔日期2019年12月12號，. 立場新聞：六記者頭盔貼字抗議　警一度警告用適當武力趕離　記者會終取消]
  107. ↑ [[]]
  108. ↑ 有線新聞：https://www.youtube.com/watch?v=kApCmDoxUXA
  109. ↑ 〈香港民研：對警察信任度兩極分化〉 (中文)。新唐人電視台。原著喺2020-01-14歸檔。喺2020-03-08搵到。
  110. ↑ 吳志森、曾志豪 (2020-02-21)。《領導英明！點解3萬thx？》 (中文)。香港：志森與志豪。喺2020-03-08搵到 –透過www.youtube.com。
  111. ↑ 〈驚蟄打小人 林鄭鄧炳強成目標〉 (中文)。明報。2020-03-06。原先內容歸檔喺2020-03-08。喺2020-03-08搵到。
  112. ↑ 〈【武漢肺炎】全民同賀警隊確診要「三萬thanks」 學者料仇警抗暴唔會完〉。《Apple Daily 蘋果日報》 (中文)。2020-02-23。原先內容歸檔喺2020-02-23。喺2020-03-08搵到。
  113. ↑ 〈【Emily Online】台灣內政部fb稱警察「黑警」 3小時逾3萬個讚好 (15:03) - 20191013 - 港聞〉。《明報》 (繁體中文)。原先內容歸檔喺2020-01-11。喺2019-12-02搵到。
由「https://zh-yue.wikipedia.org/w/index.php?title=反修例運動期間嘅警察濫權&oldid=2095756」收