呼吸作用

呼吸作用嘅過程可以簡單咁寫，但實際嘅過程係比較複雜

呼吸作用（粵拼：fu1 kap1 zok3 jung6，Respiration）係一種生化過程，係動植物嘅細胞將有機物利用氧進行化學分解，而產生出能量。咁又稱之為細胞呼吸（Cell respiration）。

一般嚟講，動植物所需要嘅能量，都係嚟自呼吸作用。

喺呼吸作用入面，三大營養物質：碳水化合物、蛋白質同脂質，都會被拆解，透過幾個步驟，將能量轉移到還原性氫（化合價為+1嘅氫）入面。加入埋吸入咗嘅氧氣，氫同氧化成水（氫+氧），營養入面嘅碳同另一部份嘅氧結合成二氧化碳。與此同時重有能量產生出嚟，畀動植物自己用。