二號審稿人

二號審稿人（Reviewer 2）係一個學術研究入面嘅用詞，一般係指喺學術同儕互評過程入面建議拒稿並給予唔合理又冇建設性評語，或者對範疇或研究方法冇真正認識嘅人。

期刊審稿通常係搵三個學者不記名審稿，二號係指咁啱編號係第二嗰個。所以雖然呢種叫 ｢二號審稿人｣ 嘅行為並唔罕見，但研究就話唔一定就係被列為第二個嘅審稿人，先至作出咁樣嘅行徑。

二號審稿人對於學術研究嘅傷害已經越來越得到重視，有啲期刊開始會討論點樣應對，有啲主編又會寫文章教人點樣寫一啲比較有效同有建設性嘅同儕互評報告。