聲調
(由聲調起源跳轉過嚟)
| 水平聲調 | |
|---|---|
| ˥ ˦ ˧ ˨ ˩ | |
| IPA編號 | 519–523 |
| Entity (decimal) | ˥–˩ |
| 編碼 | |
| Unicode碼（十六進制） | U+02E5–U+02E9 |
| 聲調輪廓 | |
|---|---|
| ˥˧ ˦˨ ˧˩ ˥˩ ˩˧ ˨˦ ˧˥ ˩˩˧ ˧˥˦ ˦˩˨ ˨˩˧ | |
| 聲調輪廓字母按順序組成： ˥ ˧ → ˥˧, ˨ ˩ ˧ → ˨˩˧ |
聲調（英文：Tone）喺語言學上嘅定義，係一種附喺音節度嘅高低抑揚（又叫音調、音高，佢嘅值係調值）。喺漢語音韻學上，聲調嘅意義除咗抑揚仲包涵埋頓挫，頓挫關係到佢係舒聲定係促聲，具體操作上，取決於佢有冇入聲嘅輔音韻尾。
喺抑揚方面，語言學家趙元任由音階度獲得靈感，設計咗五度調值標記法，以數字1表示最低音、數字5表示最高音。趙氏五度標記法已經獲得國際語音學學會認可，並成爲國際音標標準之一。五度標記法至今仍然係最爲廣泛使用嘅聲調標記。要確定一個聲調嘅調值，必須借助電子儀器來記錄同分析。同樣嘅音節被賦予唔同嘅單字調，就可以表達唔同嘅意義，比如普通話嘅媽（mā）、麻（má）、馬（mǎ）同罵（mà）由同樣嘅輔音同元音構成，卻以唔同嘅聲調區辨其義。
喺頓挫方面，好多南方漢語變體例如吳語、閩語、粵語同客家語有入聲調，調值相同嘅兩個音節係咪帶有入聲韻尾，會導致其頓挫性唔同，而決定佢係咪分做兩個聲調，最典型嘅例子有粵語嘅「九聲六調」。粵語九個聲調分別爲陰平、陽平、陰上、陽上、陰去、陽去、陰入、中入、陽入，但其實只有六個唔同嘅調值。陰入同陰平嘅分別、陰去同中入嘅分別、陽去同陽入嘅分別，都喺佢嘅頓挫性質，唔係喺調值度。
聲調同語調唔同嘅係，喺聲調語言入面，聲調係詞素嘅組成部份之一。聲調一轉咗就唔同字。而語調嘅改變唔會令個字變咗。
性質
[編輯]睇埋：音高
大多數語言都用重音嚟做語調，嚟表現韻律同語用，注意呢啲並唔係聲調。[1]聲調語言嘅每個音節都有固有嘅聲調輪廓，所以有聲調唔同的最細對立體。漢語（包含漢語族下嘅各種漢語語言或者方言）同越南語嘅聲調系統，都有比較完善嘅研究。
起源
[編輯]聲調起源（Tonogenesis）係語言由冇聲調特性轉化爲有聲調特性嘅過程。
歷史上，好多語言，特別係東亞語言，都有產生聲調嘅過程，例如上古漢語到中古漢語嘅過渡。[2]
由於人體內發音嘅部位不一致，唔同嘅輔音，有可能產生唔同調值嘅副作用，而隨住時間嘅過去，原來嘅輔音結尾變成咗非必要嘅區分元素，而慢慢脫落。反之，唔同嘅調值成爲咗區分輔音嘅重點。噉樣就係聲調嘅起源。[3]
粵語
[編輯]睇埋：九聲六調
喺聲調語言中，通常一個語音有好多個聲調，各自表達出唔同嘅意思。
以粵語嘅標準粵語做例子（拼寫係粵拼），舒聲音節可以有陰平、陰上、陰去、陽平、陽上、陽入六種聲調，促聲音節就有上陰入（又稱陰入）、下陰入（又稱中入）、陽入三種聲調。其中韻尾係/-m/、/-n/、/-ng/嘅舒聲字，分別同韻尾係/-p/、/-t/、/-k/嘅入聲字相對，例如舒聲 /sing/（音會拉長）嘅對應入聲係 /sik/（短促音）。以下列出詳細嘅拼音同其相應嘅漢字，「○」係指欠缺漢字嘅讀音字。
| 聲調 | 陰平 | 陰上 | 陰去 | 陽平 | 陽上 | 陽去 | 上陰入 (陰入) |
下陰入 (中入) |
陽入 |
|---|---|---|---|---|---|---|---|---|---|
| 拼音 | sing1 | sing2 | sing3 | sing4 | sing5 | sing6 | sik1 | sik3 | sik6 |
| 漢字舉例 | 聲 | 醒 | 聖 | 城 | ○ | 盛 | 色 | 錫 | 食 |
| 拼音 | bin1 | bin2 | bin3 | bin4 | bin5 | bin6 | bit1 | bit3 | bit6 |
| 漢字舉例 | 邊 | 扁 | 變 | ○ | ○ | 便 | 必 | 憋 | 別 |
| 拼音 | jim1 | jim2 | jim3 | jim4 | jim5 | jim6 | jip1 | jip3 | jip6 |
| 漢字舉例 | 閹 | 掩 | 厭 | 炎 | 染 | 艷 | ○ | 醃 | 葉 |
| 拼音 | caang1 | caang2 | caang3 | caang4 | caang5 | caang6 | caak1 | caak3 | caak6 |
| 漢字舉例 | 瞠 | 橙 | 撐 | 掁 | ○ | ○ | 測 | 冊 | 賊 |
| 拼音 | fan1 | fan2 | fan3 | fan4 | fan5 | fan6 | fat1 | fat3 | fat6 |
| 漢字舉例 | 分 | 粉 | 訓 | 焚 | 奮 | 份 | 忽 | ○ | 佛 |
可以見到，同樣一個音，用唔同音調、唔同長短讀出來，意思會好唔同。
再以普通話中嘅 [ma] 音做例子。根據現代標準官話，呢個語音系有陰平、陽平、上聲、去聲、輕聲。以下詳細嘅拼音同其相應嘅中文字一併列出。
[mā] 媽；[má] 麻；[mǎ] 馬；[mà] 罵；[ma] 嗎
如果編成語句，可以係：媽媽罵馬的麻嗎？[māma mà mǎ de má ma?]
又例如泰語ไหมใหม่ไหม้มั้ย，用國際音標可記爲/mǎi mài mâi mái/，可譯爲「新絲綢燒咗嗎？」
越南語中嘅一句話bấy nay bây bầy bảy bẫy bậy（卑𠉞𣊾排𦉱擺敗），可譯爲「你連續擺咗七樣錯嘅嘢」，亦都係唔同聲調嘅示範句。
變調
[編輯]内文：變調
連讀變調係一種廣泛存在聲調語言嘅現象，意指當聲調毗鄰時，其調值會產生變化。最著名嘅例子就係現代標準官話嘅上聲變調，當兩個讀作三聲嘅字擺埋一齊時，前字必須讀成陽平，例如老虎（lǎohǔ）實際嘅讀音係「láohǔ」。漢語族好多語言或方言，多多少少都有變調，其中屬於閩語嘅各種語言，變調較爲複雜，但係亦有規律，例如閩南語連讀變調。
聲調標記法
[編輯]五度標記法
[編輯]内文：五度標記法
學界通常用五度標記法嚟記錄值調，當中又有「曲線法」同「數字法」兩種。
國際音標標示單字字調嘅方法有兩種，一種係直接用上述嘅五度標記法，另一種係借鑑五度標記法創作出嚟嘅符號。以[a]爲例，最高調可以表示爲[a˥]（或者[a̋]），次高調爲[a˦]（或者[á]），中調爲[a˧]（或者[ā]），次低調爲[a˨]（或者[à]），低調爲[a˩]（或者[ȁ]）。
調型標記法
[編輯]有啲中文拼音方案嘅聲調標記方法，亦借鑑咗五度標記法嘅曲線法，將啲調值曲線化爲符號。例如現代標準官話用¯、ˊ、ˇ、ˋ分別表示陰平、陽平、上聲、去聲呢四個聲調。由於普通話中嘅四個聲調調型都唔同，因此冇必要用豎標來標明相對高度。
而標準粵語，亦都有啲方案用上標嘅ˋ、ˊ、¯嚟表示陰平/陰入、陰上、陰去/中入，用下標嘅ˋ、ˊ、¯嚟表示陽平、陽上、陽去/陽入。
發圈法
[編輯]内文：發圈法
現行嘅發圈法共使用八個符號，主要形式爲半圈嘅「⊂」同埋喺半圈下加短橫嘅「⊆」，以唔同位置、唔同方向表示唔同調類，具體方法係用左手拇指喺食指指根左方畫半圈爲平聲，喺食指指頭左方畫爲上聲，喺無名指指頭右方上畫爲去聲，喺無名指指根右方上畫爲入聲。[5]具體如下所示：
分四聲，只標半圈
| 上聲 | ꜂□ | 去聲 | □꜄ |
| 平聲 | ꜀□ | 入聲 | □꜆ |
分陰陽，根據聲母清濁唔同劃分，清聲母多爲陰調，濁聲母則多爲陽調，以半圈下加短橫區別
| 陰調（只標半圈） | |||
| 陰上 | ꜂□ | 陰去 | □꜄ |
| 陰平 | ꜀□ | 陰入 | □꜆ |
| 陽調（加一短橫） | |||
| 陽上 | ꜃□ | 陽去 | □꜅ |
| 陽平 | ꜁□ | 陽入 | □꜇ |
分上下（或者高低），根據所依附元音嘅長短劃分，即長元音爲上（高），短元音爲下（低），以半圈開口方向區別
| 平聲類 | |||
| 上陰平 | ꜀□ | 下陰平 | ꜆□ |
| 上陽平 | ꜁□ | 下陽平 | ꜇□ |
| 上聲類 | |||
| 上陰上 | ꜂□ | 下陰上 | ꜄□ |
| 上陽上 | ꜃□ | 下陽上 | ꜅□ |
| 去聲類 | |||
| 上陰去 | □꜄ | 下陰去 | □꜂ |
| 上陽去 | □꜅ | 下陽去 | □꜃ |
| 入聲類 | |||
| 上陰入 | □꜆ | 下陰入 | □꜀ |
| 上陽入 | □꜇ | 下陽入 | □꜁ |
Unicode區段中日韓符號同標點、聲調修飾符號分別收錄咗兩種四角標圈法之漢語四聲標誌。
| 符號 | Unicode名稱 | 編碼 | 字符效果 | 結合字符 |
| 平聲標誌 | Ideographic Level Tone Mark | U+302A | ◌〪 | 〪 |
| 上聲標誌 | Ideographic Rising Tone Mark | U+302B | ◌〫 | 〫 |
| 去聲標誌 | Ideographic Departing Tone Mark | U+302C | ◌〬 | 〬 |
| 入聲標誌 | Ideographic Entering Tone Mark | U+302D | ◌〭 | 〭 |
| 符號 | Unicode名稱 | 編碼 | 字符效果 | 字符 |
| 陰平調 | Modifier Letter Chinese Tone Yin Ping | U+A700 | ꜀◌ | ꜀ |
| 陽平調 | Modifier Letter Chinese Tone Yang Ping | U+A701 | ꜁◌ | ꜁ |
| 陰上調 | Modifier Letter Chinese Tone Yin Shang | U+A702 | ꜂◌ | ꜂ |
| 陽上調 | Modifier Letter Chinese Tone Yang Shang | U+A703 | ꜃◌ | ꜃ |
| 陰去調 | Modifier Letter Chinese Tone Yin Qu | U+A704 | ◌꜄ | ꜄ |
| 陽去調 | Modifier Letter Chinese Tone Yang Qu | U+A705 | ◌꜅ | ꜅ |
| 陰入調 | Modifier Letter Chinese Tone Yin Ru | U+A706 | ◌꜆ | ꜆ |
| 陽入調 | Modifier Letter Chinese Tone Yang Ru | U+A707 | ◌꜇ | ꜇ |
有聲調嘅語言
[編輯]内文：聲調語言
- 美洲原住民語言（大部份）
聲調產生
[編輯]參考
[編輯]- ↑ Li, Yuanning; Tang, Claire; Lu, Junfeng; Wu, Jinsong; Chang, Edward F. (2021-02-19). "Human cortical encoding of pitch in tonal and non-tonal languages". Nature Communications (英文). 12 (1): 1161. doi:10.1038/s41467-021-21430-x. ISSN 2041-1723. 原先內容歸檔喺2023-04-30. 喺2023-04-30搵到.
- ↑ 朱曉農 (2021-06-24)。〈聲調起源於發聲——兼論漢語四聲的發明〉。《學位論文資料庫》。香港科技大學。原著喺2020-06-11歸檔。喺2021-06-08搵到。
{{cite web}}: Unknown parameter|dead-url=ignored (|url-status=suggested) (help) - ↑ 3.0 3.1 Suzuki, Hiroyuki (2015-01-14)。〈An introduction to the tonogenesis triggered by breathy voice: 對舟曲藏語超音段音素的新見解——被氣聲引起的聲調發生論〉。Bulletin of Chinese Linguistics。8 (1): 117–139。doi:10.1163/2405478X-00801007。原著喺2021-09-24歸檔。喺2021-06-08搵到 –透過brill.com。
{{cite journal}}: Unknown parameter|dead-url=ignored (|url-status=suggested) (help) - ↑ 〈存檔副本〉 (PDF)。原著 (PDF)喺2017-11-18歸檔。喺2021-06-08搵到。
{{cite web}}: Unknown parameter|dead-url=ignored (|url-status=suggested) (help) - ↑ 唐作藩 (2016)。《音韻學教程（第五版）》。北京：北京大學出版社。頁 第五十頁。ISBN 9787301270974。
參考文獻
[編輯]- Bao, Zhiming. (1999). The structure of tone. New York: Oxford University Press. ISBN 0-19-511880-4.
- Chen, Matthew Y. 2000. Tone Sandhi: patterns across Chinese dialects. Cambridge, England: CUP ISBN 0-521-65272-3
- Halle, Morris; & Stevens, Kenneth. (1971). A note on laryngeal features. Quarterly progress report 101. MIT.
- Haudricourt, André-Georges. (1954). "De l'origine des tons en vietnamien". Journal Asiatique, 242: 69–82.
- Haudricourt, André-Georges. (1961). "Bipartition et tripartition des systèmes de tons dans quelques langues d'Extrême-Orient". Bulletin de la Société de Linguistique de Paris, 56: 163–180.
- Hombert, Jean-Marie; Ohala, John J.; Ewan, William G. (1979). "Phonetic explanations for the development of tones". Language. 55 (1): 37–58. doi:10.2307/412518. JSTOR 412518.
- Hyman, Larry. 2007. There is no pitch-accent prototype. Paper presented at the 2007 LSA Meeting. Anaheim, CA.
- Hyman, Larry. 2007. How (not) to do phonological typology: the case of pitch-accent. Berkeley, UC Berkeley. UC Berkeley Phonology Lab Annual Report: 654–685. Available online. Wayback Machine嘅版面存檔備份
- Kingston, John. (2005). The phonetics of Athabaskan tonogenesis. In S. Hargus & K. Rice (Eds.), Athabaskan prosody (pp. 137–184). Amsterdam: John Benjamins Publishing.
- Maddieson, Ian. (1978). Universals of tone. In J. H. Greenberg (Ed.), Universals of human language: Phonology (Vol. 2). Stanford: Stanford University Press.
- Michaud, Alexis. (2008). Tones and intonation: some current challenges. Proc. of 8th Int. Seminar on Speech Production (ISSP'08), Strasbourg, pp. 13–18. (Keynote lecture.) Available online. Wayback Machine嘅版面存檔備份
- Odden, David. (1995). Tone: African languages. In J. Goldsmith (Ed.), Handbook of phonological theory. Oxford: Basil Blackwell.
- Pike, Kenneth L. (1948). Tone languages: A technique for determining the number and type of pitch contrasts in a language, with studies in tonemic substitution and fusion. Ann Arbor: The University of Michigan Press. (Reprinted 1972, ISBN 0-472-08734-7).
- Wee, Lian-Hee (2008). "Phonological Patterns in the Englishes of Singapore and Hong Kong". World Englishes. 27 (3/4): 480–501. doi:10.1111/j.1467-971X.2008.00580.x.
- Yip, Moira. (2002). Tone. Cambridge textbooks in linguistics. Cambridge: Cambridge University Press. ISBN 0-521-77314-8 (hbk), ISBN 0-521-77445-4 (pbk).
- Иванов, Вячеслав Всеволодович К синхронной и диахронической типологии просодических систем с ларингализованными или фарингализованными тонемами // Очерки по фонологии восточных языков — ред. Т. Я. Елизаренкова. М.: Наука, 1975, стр. 3-58 （俄文）
- Касевич, Вадим Борисович Фонологические проблемы общего и восточного языкознания М.: Наука, 1983 （俄文）
- Кодзасов, Сандро Васильевич, Кривнова, Ольга Фёдоровна Общая фонетика. М.: РГГУ, 2001 （俄文）
- Chao, Yuen-Ren(1930) (1930), "ə sistim əv "toun-letəz"" [A system of "tone-letters"], Le Maître Phonétique, 30: 24–27, JSTOR 44704341
- 趙元任 (1956)。《現代吳語的研究》。北京：科學出版社。
- Chao, Yuen-Ren(1956) (1956), "Tone, intonation, singsong, chanting, recitative, tonal composition and atonal composition in Chinese.", 出自 Halle, Moris (編), For Roman Jakobson, The Hague: Mouton, pp. 52–59
- Chao, Yuen-Ren(1968) (1968), A Grammar of Spoken Chinese, Berkeley, CA: University of California Press
- Cheng, Teresa M.(1973) (1973), "The Phonology of Taishan", Journal of Chinese Linguistics, 1 (2): 256–322
- Du, Tsai-Chwun(1988) (1988), Tone and Stress in Taiwanese, Ann Arbor, MI: University of Michigan (Ph.D. Dissertation)
- Fon, Janice; Chaing, Wen-Yu(1999) (1999), "What does Chao have to say about tones?", Journal of Chinese Linguistics, 27 (1): 13–37
- International Phonetic Association(1999) (1999), Handbook of the International Phonetic Association, Cambridge, UK: Cambridge University Press
- Vance, Timothy J.(1977) (1977), "Tonal distinctions in Cantonese", Phonetica, 34 (2): 93–107, doi:10.1159/000259872, PMID 594156
- Bhatia, T.K. (1975). "The evolution of tones in Punjabi". Studies in Linguistic Sciences. 5 (2): 12–24. 原著喺2022-02-09歸檔. 喺2022-02-09搵到.
{{cite journal}}: Unknown parameter|dead-url=ignored (|url-status=suggested) (help) - Bao, Zhiming (1999). The Structure of Tone. New York: Oxford University Press. ISBN 978-0-19-511880-3.
- Chen, Matthew Y. (2000). Tone sandhi: Patterns across Chinese dialects. Cambridge, England: Cambridge University Press. ISBN 978-0-521-65272-8.
- Clements, George N.; Goldsmith, John, 編 (1984). Autosegmental Studies in Bantu Tone. Berlin: Mouton de Gruyer.
- Fromkin, Victoria A., 編 (1978). Tone: A Linguistic Survey. New York: Academic Press.
- Halle, Morris; Stevens, Kenneth (1971). "A note on laryngeal features". Quarterly Progress Report 101. MIT.
- Haudricourt, André-Georges (2018). Marc Brunelle翻譯. "The origin of tones in Vietnamese (translation of: De l'origine des tons en vietnamien)". Problèmes de phonologie diachronique: 146–160. 原著喺2022-02-09歸檔. 喺2022-02-09搵到.
{{cite journal}}: Unknown parameter|dead-url=ignored (|url-status=suggested) (help) HAL 01678018.- Haudricourt, André-Georges (1954). "De l'origine des tons en vietnamien". Journal Asiatique. 242: 69–82.
- Haudricourt, André-Georges (2017). Guillaume Jacques翻譯. "How to reconstruct Old Chinese (translation of: Comment reconstruire le chinois archaïque)". Problèmes de phonologie diachronique: 161–182. 原著喺2022-02-09歸檔. 喺2021-02-15搵到.
{{cite journal}}: Unknown parameter|dead-url=ignored (|url-status=suggested) (help) Reprinted (with additions).- Haudricourt, André-Georges (1954). "Comment reconstruire le chinois archaïque". Word. 10 (2/3): 351–364. doi:10.1080/00437956.1954.11659532. 喺2021-02-15搵到.
- Haudricourt, André-Georges (1961). "Bipartition et tripartition des systèmes de tons dans quelques langues d'Extrême-Orient". Bulletin de la Société de Linguistique de Paris. 56 (1): 163–180.
- Haudricourt, André-Georges (1972). "Two-way and Three-way Splitting of Tonal Systems in Some Far Eastern Languages". 出自 Jimmy G. Harris; Richard B. Noss (編). Tai phonetics and phonology (PDF). Christopher Court翻譯. Bangkok: Central Institute of English Language, Mahidol University. pp. 58–86. 原著 (PDF)喺2022-01-22歸檔. 喺2021-02-15搵到.
{{cite book}}: Unknown parameter|dead-url=ignored (|url-status=suggested) (help) Translation of Haudricourt (1961).
- Haudricourt, André-Georges (1972). "Two-way and Three-way Splitting of Tonal Systems in Some Far Eastern Languages". 出自 Jimmy G. Harris; Richard B. Noss (編). Tai phonetics and phonology (PDF). Christopher Court翻譯. Bangkok: Central Institute of English Language, Mahidol University. pp. 58–86. 原著 (PDF)喺2022-01-22歸檔. 喺2021-02-15搵到.
- Hombert, Jean-Marie; Ohala, John J.; Ewan, William G. (1979). "Phonetic explanations for the development of tones". Language. 55 (1): 37–58. doi:10.2307/412518. JSTOR 412518.
- Hyman, Larry M. (2007a). There is no pitch-accent prototype. 2007 LSA Meeting. Anaheim, CA.
- Hyman, Larry M. (2007b). "DRAFT: Tone: Is it Different?". 出自 John Goldsmith; Jason Riggle; Alan Yu (編). The Handbook of Phonological Theory (PDF) (第2版). Blackwell. 原著 (PDF)喺2012-07-28歸檔 –透過UC Berkeley Phonology Lab Annual Report (2007).
- Hyman, Larry M. (2009). "How (not) to do phonological typology: The case of pitch accent" (PDF). Language Sciences. 31 (2–3): 213–238. doi:10.1016/j.langsci.2008.12.007. 原著 (PDF)喺2013-05-25歸檔. 喺2013-02-11搵到.
{{cite journal}}: Unknown parameter|dead-url=ignored (|url-status=suggested) (help) - Kingston, John (2005). "The phonetics of Athabaskan tonogenesis". 出自 Hargus, Sharon; Rice, Keren (編). Athabaskan Prosody. Amsterdam: John Benjamins Publishing. pp. 137–184. ISBN 9789027285294. 原著喺2022-02-09歸檔. 喺2022-02-09搵到.
{{cite book}}: Unknown parameter|dead-url=ignored (|url-status=suggested) (help) - Kingston, John (2011). "Tonogenesis" (PDF). 出自 Marc van Oostendorp; Colin J Ewen; Elizabeth Hume; Keren Rice (編). The Blackwell companion to phonology, Volume 4: Phonological interfaces. Chichester: Wiley-Blackwell. pp. 2304–2333. 原著 (PDF)喺2021-12-10歸檔. 喺2022-02-09搵到.
{{cite book}}: Unknown parameter|dead-url=ignored (|url-status=suggested) (help) - Maddieson, Ian (1978). "Universals of tone". 出自 Greenberg, J. H. (編). Universals of human language: Phonology.第2卷. Stanford: Stanford University Press.
- Michaud, Alexis; Vaissière, Jacqueline (2015). "Tone and intonation: introductory notes and practical recommendations". KALIPHO - Kieler Arbeiten zur Linguistik und Phonetik. 3: 43–80. 原著喺2020-11-09歸檔. 喺2022-02-09搵到.
{{cite journal}}: Unknown parameter|dead-url=ignored (|url-status=suggested) (help) - Michaud, Alexis; Sands, Bonny (2020). "Tonogenesis". 出自 Aronoff, Mark (編). Oxford Research Encyclopedia of Linguistics. Oxford: Oxford University Press. doi:10.1093/acrefore/9780199384655.013.748. ISBN 9780199384655. 原著喺2022-02-09歸檔. 喺2022-02-09搵到.
{{cite book}}: Unknown parameter|dead-url=ignored (|url-status=suggested) (help) - Odden, David (1995). "Tone: African languages". 出自 Goldsmith, J. (編). Handbook of Phonological Theory. Oxford: Basil Blackwell.
- Odden, David (2020). "Tone". 出自 Rainer Vossen; Gerrit J. Dimmendaal (編). The Oxford Handbook of African Languages. Oxford: Oxford University Press. pp. 30–47. ISBN 9780199609895. 原著喺2022-02-09歸檔. 喺2022-02-09搵到.
{{cite book}}: Unknown parameter|dead-url=ignored (|url-status=suggested) (help) - Pike, Kenneth L. (1948). Tone Languages: A Technique for Determining the Number and Type of Pitch Contrasts In a Language, with Studies in Tonemic Substitution and Fusion. Ann Arbor: The University of Michigan Press. (Reprinted 1972, ISBN 0-472-08734-7).
- Wee, Lian-Hee (2008). "Phonological Patterns in the Englishes of Singapore and Hong Kong". World Englishes. 27 (3/4): 480–501. doi:10.1111/j.1467-971X.2008.00580.x.[失咗效嘅鏈]
- Yip, Moira (2002). Tone. Cambridge Textbooks in Linguistics. Cambridge: Cambridge University Press. ISBN 978-0-521-77314-0. ISBN 0-521-77445-4 (pbk).
睇埋
[編輯]出面網頁
[編輯]- World map of tone languages Wayback Machine嘅版面存檔備份 The World Atlas of Language Structures Online
- 請問Pitch Register是什麼？北大中文論壇
- 注音.拼音.國際音標的聲調符號比較以及對應到的音高|振斷雙翼WingTillDie
- 苗瑤語聲調問題 Wayback Machine嘅版面存檔備份
- 對舟曲藏語超音段音素的新見解——被氣聲引起的聲調發生論 Wayback Machine嘅版面存檔備份
- 聲調起源於發聲——兼論漢語四聲的發明 Wayback Machine嘅版面存檔備份
- 從吳方言看聲母－聲調的相互關係 Wayback Machine嘅版面存檔備份
- Tonogenesis in Southeast Asia - Matisoff, James 1973 Wayback Machine嘅版面存檔備份