銘印

出自維基百科,自由嘅百科全書
一班鴨仔跟住自己阿媽周圍行。

銘印英文imprinting)係指一種喺生命當中某啲階段(即係某啲年齡)嗰時進行得零舍快嘅學習,而且好多時學咗之後都改變唔到嘅-即係話個學習率喺生命嘅某一個階段當中數值好大,而喺嗰個階段過咗之後,學習率就會變到接近 0。

仔女銘印[編輯]

銘印一個出名例子係喺好多鳥類當中都會發生嘅仔女銘印(filial imprinting),仔女銘印係指隻動物喺啱啱出世冇幾耐之後記住自己嘅照顧者,並且喺幼年期會一路跟隨住佢認定咗嘅照顧者。喺正常情況下,隻動物所記住嘅照顧者會係自己嘅親生父母,但實驗結果顯示,如果研究者喺隻動物啱啱出世冇幾耐嗰段時間代佢父母照顧佢嘅話,呢種銘印效應會令隻動物認定個人類研究者係自己嘅父母,並且喺幼年嗰時一路跟住個人類研究者周圍行,而且一旦銘印咗,隻動物就唔會再改變佢心目中嘅父母。

睇埋[編輯]