跳去內容

怪獸與牠們的產地

出自維基百科，自由嘅百科全書
《怪獸與牠們的產地》
作者J·K·羅琳
（署名作者為紐特·斯卡曼德）
語言英文
原著書名Fantastic Beasts and Where to Find Them
插圖理查德·霍恩（Richard Horne）
系列哈利波特
體裁奇幻文學、衍生小說
出版
出版地英國
出版時間2001年12月1日（原版）
2009年7月（新版）
頁數128頁（新版）
ISBN
  • 英國澳洲加拿大 0-7475-5466-8（布魯姆斯伯里平裝版）
  • 英國 0-613-32541-9
    （Sagebrush Rebound版本）
  • 英國 978-1338216790
    （亞瑟·A·萊文圖書）
  • 美國 0-439-29501-7
    （學樂平裝版）
  • 美國 0-439-28403-1
    （學樂精裝版）
  • 美國 0-439-32162-X
    （學樂豪華版）
  • 中華民國 978-1-5733-1825-3
    （繁體中文版）
  • 中華人民共和國 978-7-0200-3547-2
    （簡體中文版）

《怪獸與牠們的產地》（英文：Fantastic Beasts and Where to Find Them）係英國作家J·K·羅琳用紐特·斯卡曼德做筆名嚟寫嘅一本關於魔法世界（中文：魔法世界 (跨媒體製作)）嘅魔法生物指南書。原版由作者自己畫配圖，據講呢本係《哈利波特》嘅第一輯小說《哈利波特：神秘的魔法石》入面提到嘅同名教科書副本。書裡面據講有幾項係哈利、榮恩同妙麗手寫嘅筆記，詳細咁敘述咗佢哋自己同一啲怪獸嘅經歷，入面仲包括同原版系列小說相關嘅內部笑話。

羅琳喺2001年同出版商學樂（中文：學樂）做嘅訪問入面，佢指自己揀咗魔法生物呢個主題係因為佢係一個有趣嘅題目，嗰啲佢已經喺《哈利波特》早期嘅小說入面為呢樣嘢而發展咗好多內容嘅資訊。呢本書係J·K·羅琳用紐特·斯卡曼德做筆名嚟命名—佢喺小說系列入面寫咗呢本教科書，就係哈利喺一年級嘅所需物品清單上面見到嘅咁樣。喺現實入面，羅琳嘅名並無出現喺第一版嘅封面度。同年，呢本書喺全球累積嘅銷售量係509,473本[1]。

作為英國嘅慈善活動，每本作品售出嘅封面價錢80%以上嘅收益會直接咁幫助世界各地嘅貧困兒童，呢本書令BBC嘅附屬慈善機構喜劇救濟（中文：喜劇救濟）得益。根據喜劇救濟嘅講法，呢本書截至2009年7月同佢嘅伙伴書《穿越歷史的魁地奇》嘅銷量已經籌集到超過£1,700萬英鎊[2]。

華納兄弟同羅琳喺2013年9月12號宣佈佢哋將會拍同名電影嘅計劃，而羅琳會擔任電影嘅編劇[3][4]。當華納兄弟提出呢個諗法之後，羅琳就諗到一個電影系列嘅計劃，而呢部電影將會係呢個系列五部曲之中嘅第一部。故事以紐特·斯卡曼德做主角，背景設定喺紐約市，時間設定喺《哈利波特》系列故事開始之前嘅70年[5]。呢部電影喺2016年11月18號上映。

呢本書喺2017年3月14號推出咗新版本，封面插圖由莊尼·達德爾Jonny Duddle去畫，內部插圖就由托米斯拉夫·托米奇Tomislav Tomic畫嘅，入面包括６種新嘅魔法生物同埋紐特·斯卡曼德嘅前言。由於呢本書無任何手寫筆記，所以佢被認為係新版本。呢個版本嘅收益會捐俾路摸思（中文：路摸思），同埋喜劇救濟。同年11月7號出版咗用奧莉維亞·洛梅內克·吉爾Olivia Lomenech Gill畫插圖嘅新版本，裡面包含咗上述2017年前言嘅文字。

2018年2月1號，Kindle in Motion推出嘅版本用帶有運動嘅呢啲插圖嚟做特色，適用喺兼容嘅裝置。

簡介

[編輯]

《怪獸與牠們的產地》嘅故事背景係一個出生喺1897年嘅著名魔法動物學家紐特·斯卡曼德，呢本係佢喺1926年喺紐約發行嘅書。喺《哈利波特》系列小說入面，魔法動物學Magizoology係由英文魔法magical同埋「動物學zoology」結合而成嘅混成詞，嗰樣係一門學吓點樣去照顧魔法動物嘅學科，而魔法動物學家就係專門研究魔法動物學嘅人。

原創麻瓜版

[編輯]

《怪獸與牠們的產地》據講係哈利·波特所擁有嘅一本教科書複製品。慈善機構喜劇救濟（中文：喜劇救濟）以慈善做目的推出咗霍格華茲校長阿不思·鄧不利多嘅前言仲解釋咗呢本書特別版嘅目的。最後佢向麻瓜讀者保證：「以下所描述嘅有趣生物都係虛構嘅，唔會傷害你。」佢重覆講述咗霍格華茲嘅格言：「Draco Dormiens Nunquam Titillandus」，佢嘅拉丁語嘅意思係：千祈唔好招惹一條沉睡咗嘅龍。

《怪獸與牠們的產地》涵蓋咗魔法動物學嘅歷史，仲詳細講述咗世界各地發現嘅85個魔法動物物種。書裡面大部分嘅資訊都係嚟自斯卡曼德多年嚟跨越五大洲旅遊嘅觀察研究所得。呢位虛構嘅作者指出，當初第一版嘅《怪獸與它們的產地》係喺1918年期間由默默然圖書公司（中文：哈利波特中的地點）嘅奧古斯都·沃姆Augustus Worme先生委託佢撰寫同製作；不過，呢本書直到1927年先至出版到第一版，時至今天已經出版到第52版。

喺魔法世界（中文：魔法世界 (跨媒體製作)）入面，呢本書係霍格華茲一年級學生嘅必備教科書，佢係自首次出版以嚟一直都係認可嘅教科書，霍格華茲以額外附加嘅價值嚟揀佢作為參考教科書，不過目前仲係未清楚點解霍格華茲嘅一年級新生就需要用到呢本書，呢本書係三年級學生喺奇獸飼育學課堂上先至會用到（但係石內卜好明顯咁並無睇過呢本書，因為河童（中文：河童）應該係日本比較多而唔係蒙古，而且呢啲無論係對巫師定係麻瓜嚟講都已經算係常識）。不過，呢本書扮演嘅係一本百科全書嘅地位，特別係喺學習黑魔法防禦術嗰陣。

阿不思·鄧不利多喺呢本書嘅前言入面指出，呢本書除咗喺霍格華茲度用之外，佢仲可以作為巫師家庭提供咗極好嘅參考，幾乎係巫師家庭書架上面必備嘅一本書。呢本書保留咗哈利·波特同榮恩·衛斯理新加上去嘅塗鴉同評論嘅「崩離嘅分析」嚟做特色，呢個明顯係因為佢哋兩個共用過呢本書。喺部份嘅內容入面知道，佢哋嗰啲評論大概係喺第四輯小說《哈利波特：火盃的考驗》嗰陣時寫嘅。呢啲塗鴉為嗰個系列嘅粉絲加多咗啲額外嘅資訊（例如，八眼巨蛛嘅頁面入面有一項評論確認霍格華茲係喺蘇格蘭），同埋一啲漫畫公仔（例如哈利喺傾到匈牙利蜂尾龍係最可怕嘅龍嗰陣時話『你唔係喺度講笑呀嘛』，佢哋講緊嘅係哈利喺第四輯小說裡面所遇到嘅一條龍）。

呢本書第一版嘅封面設計係有一個嚟自不明動物嘅明顯爪印。

巫師版

[編輯]

呢個版本除咗原來嗰75種魔法生物之外，仲包含６種隱藏嘅新品種生物，分別包括：幻影鬼Hidebehind、紅眼怪Hodag、長角水蛇Horned serpent、鳥形龍Snallygaster、雷鳥Thunderbird，同埋貓豹Wampus cat，另外仲換咗插圖。紐特·斯卡曼德喺前言度解釋咗嗰６種新生物之前從未包括喺書裡面嘅原因係，因為美國魔法國會MACUSA主席瑟拉菲娜·皮奎利Seraphina Picquery要求喺美國巫師界受到比歐洲同行更大迫害嗰陣唔好提及更重要嘅美國魔法生物嚟阻止巫師觀光客危害到啲魔法生物，呢個係紐特·斯卡曼德喺紐約嚴重咁違反咗國際保密法之後所做嘅貢獻。

呢個版本喺2017年發行。

哈利波特系列入面嘅角色

[編輯]

呢本書嘅虛構作者紐特·斯卡曼德並無出現喺《哈利波特》小說系列裡面。不過佢嘅名出現喺電影《哈利波特：阿茲卡班的逃犯》嘅劫盜地圖上面[6]。佢係怪獸系列電影（中文：魔法世界 (跨媒體製作)）裡面嘅核心人物，呢個角色由艾迪·烈柏尼飾演。

特色嘅魔法動物

[編輯]
想知多啲：哈利波特裡面嘅生物

以下係書裡面提到嘅魔法動物：（星號(*)代表住巫師版本裡面隱藏嘅６種魔法動物）

發行版本

[編輯]

迴響

[編輯]

《娛樂週刊（中文：娛樂週刊）》嘅謝夫·詹森Jeff Jensen俾呢本書嘅評級係「A」，仲寫住：「憑住佢豐富詳細嘅歷史課程，同埋詼諧嘅辯論分析咗類人同怪獸之間嘅差異，再加埋85種魔法生物嘅概略，呢個同羅琳嘅標誌性文字遊戲相得益彰（哭蜜蟲係個代表），啲怪獸為波特神話增加咗一個重要嘅新次元[7]。」

改編

[編輯]

有聲書

[編輯]

呢本書嘅2017年版本喺嗰年被錄製成未刪節嘅有聲讀物。艾迪·烈柏尼以紐特·斯卡曼德嘅角色嚟朗讀呢本有聲書。

2018年，美國圖書館協會（中文：美國圖書館協會）將呢本書命名做「十大令人驚嘆嘅青少年有聲書（英文：Amazing Audiobooks for Young Adults）」之一[8]。

電影改編

[編輯]
内文：怪獸與牠們的產地 (電影)

《怪獸與牠們的產地》係一部英美奇幻電影，靈感來自J·K·羅琳嘅同名小說。呢部電影由大衛·葉斯執導，係《哈利波特》系列電影入面魔法世界嘅延伸，電影嘅主演係艾迪·烈柏尼、嘉芙蓮·禾達史東、艾歷遜·蘇度、丹·方格、薩曼莎·莫頓（英文：Samantha Morton）、艾薩·米勒、哥連·費路、卡雯·伊祖高、詹·穆瑞（中文：詹·穆瑞）、莊·威同朗·柏曼。第一套戲設定將會有四套戲跟喺佢後面。《怪獸與牠們的產地》嘅主體拍攝喺2015年8月17號喺華納兄弟利維斯登工作室（中文：華納兄弟利維斯登工作室）果度開始，電影喺2016年11月18號喺英國同美國上映。

佢嘅續集《怪獸與葛林戴華德之罪》喺2018年11月16號上映，而第三套戲《怪獸與鄧不利多的秘密》分別喺2022年4月15號同4月22號喺英國同美國上映。

文化改編

[編輯]

《怪獸—大自然的奇蹟Fantastic Beasts - The Wonder of Nature》係倫敦自然歷史博物館嘅一個展覽，果個展覽喺2020年至2021年期間舉行，係華納兄弟同博物館同埋BBC工作室自然歷史部門（英文：BBC Studios Natural History Unit）之間嘅合作項目[9]。嗰個展覽係自然歷史博物館收藏嘅標本利用數碼互動裝置進行嘅一個「混合表演」。嗰個表演仲作為Google藝術與文化（中文：Google藝術與文化）上嘅一個在線展覽[10]。

由於倫敦實施更嚴格嘅武漢肺炎限制，嗰個展覽喺開幕一日之後就被迫閂門。嗰個博物館透過佢嘅社交媒體同網站推廣佢嘅線上展覽[11]。

參考

[編輯]
  1. ↑ Horn, Caroline (2009-04-14). "Harry Potter titles repackaged". The Bookseller. 原著喺2013-10-29歸檔. 喺2013-09-12搵到. {{cite web}}: Unknown parameter |dead-url= ignored (|url-status= suggested) (help)
  2. ↑ "News". Comic Relief. 2009-07-16. 原著喺2012-03-14歸檔. 喺2011-11-10搵到.
  3. ↑ ""Five films exactly". JK Rowling Twitter feed". 2016-10-13. 原著喺2019-10-29歸檔. 喺2022-06-08搵到.
  4. ↑ 〈《神奇动物在哪里》发布片名Logo〉。喺2015-11-03搵到。
  5. ↑ Tartaglione, Nancy (2013-09-12). "Warner Bros, J.K. Rowling Team For New 'Harry Potter'-Inspired Film Series". Deadline. 原著喺2013-09-13歸檔. 喺2013-09-12搵到.
  6. ↑ "Newt Scamander is in Harry Potter and the Prisoner of Azkaban". YouTube. 原著喺2022-06-13歸檔. 喺2022-06-08搵到.
  7. ↑ Jensen, Jeff (2001-03-23). "Fantastic Beasts and Where to Find Them; Quidditch Through the Ages". Entertainment Weekly. 原著喺2014-10-06歸檔. 喺2011-01-29搵到.
  8. ↑ "Fantastic Beasts and Where to Find Them | Awards & Grants". American Library Association. 原先內容歸檔喺2021-10-19. 喺2021-04-04搵到.
  9. ↑ "A Harry Potter Fantastic Beasts Exhibition Is Coming To Natural History Museum". The Londonist. 2020-01-14. 原著喺2022-06-15歸檔. 喺2021-06-21搵到.
  10. ↑ "Fantastic Beasts™ The Wonder of Nature". Google Arts & Culture. 原著喺2022-06-18歸檔. 喺2022-06-10搵到.
  11. ↑ "Virtual Museum: 14 ways to explore from home". NHM.com. 原著喺2022-06-21歸檔. 喺2022-06-10搵到.
由「https://zh-yue.wikipedia.org/w/index.php?title=怪獸與牠們的產地&oldid=2161444」收