榮恩·衛斯理

出自維基百科,自由嘅百科全書
(由榮恩跳轉過嚟)
榮納德·畢流思·衛斯理
Ronald Bilius Weasley
魯拔·格連特飾演嘅榮恩·衛斯理。
首次出場哈利波特:神秘的魔法石
尾次出場哈利波特:死神的聖物2
作者J·K·羅琳
扮演魯拔·格連特電影
保羅‧索恩雷(舞台劇)
配音香港陳祖兒粵語配音)
詳細信息
性別男性
家庭
配偶妙麗·格蘭傑
仔女露絲·格蘭傑─衛斯理
(Rose Granger-Weasley)
雨果·格蘭傑─衛斯理
(Hugo Granger-Weasley)
國籍英國

榮恩·衛斯理英文Ron Weasley),係英國作家J·K·羅琳嘅奇幻小說《哈利波特》系列入面嘅三個主角之一,亦係第二男主角。佢第一次出現係喺《哈利波特:神秘的魔法石》入面,當時係一個準備搭火車去霍格華茲魔法學校嘅新生,後來喺九又四分之三月台中文九又四分之三月台識咗哈利·波特妙麗·格蘭傑,後來佢哋三個做咗同學兼老友。

榮恩係純血中文哈利波特世界觀與設定#純血嘅巫師家族—衛斯理氏嘅成員,佢哋一家住喺奧特里聖卡奇波爾Ottery St. Catchpole外面嘅洞穴屋中文哈利波特中的地點#洞穴屋。榮恩同哈利仲有妙麗都係霍格華茲葛萊分多學院嘅成員,作為三個主角之中唯一喺魔法社會成長果個,榮恩仲將自己對魔法世界入面嘅習俗同埋傳統提供俾哈利同妙麗知道,佢喺成個系列入面嘅大部分行動都喺度。

榮恩嘅細妹金妮,佢由細個已經好鍾意哈利,佢最後同哈利拉埋天窗,所以哈利最後做咗榮恩嘅妹夫。

角色發展[編輯]

根據羅琳嘅講法,榮恩係佢第一日創作嘅角色之一[1]。榮恩嘅靈感來自羅琳最好嘅朋友尚恩·哈里斯(據講《哈利波特:消失的密室》係獻俾佢嘅),但係佢明確咁話她「從來無打算喺榮恩度描述尚恩,但榮恩有著尚恩式嘅措辭[2]。」就好似哈里斯對羅琳咁樣,榮恩總會喺哈利需要佢果陣「總會喺身邊」。榮恩符合好多拍檔中文夥伴嘅刻板印象;他經常被用嚟做作喜劇調解。佢忠於主角,而至少喺系列早期入面中,他無哈利所擁有嘅好多天份(魔法力量嚟講)。不過,他多次證明咗自己嘅勇氣同魔法能力,例如喺第一輯小說入面去捉「真正嘅巫師棋」;就算自己有蜘蛛恐懼症,仍然同哈利喺第二輯小說裡面中入去禁忌森林;喺第五輯小說入面施展到護法咒;甚至喺第七輯小說入面,喺唔了解爬說嘴嘅情況下透過模仿哈利嘅爬說嘴入到去密室攞到蛇妖毒牙。

榮恩嘅一啲特質能夠映襯到哈利:哈利係個孤兒,擁有比佢所需更多嘅金錢,而榮恩就嚟自一個充滿愛但好窮嘅家庭;榮恩嘅好多資產都係二手嘢;哈利好出名,但佢寧願避開聚光燈;相比之下,榮恩成日被視為一個平平無奇又單純嘅人,有時佢會妒忌哈利得到嘅認同;榮恩嘅名聲同成就成日都俾佢咁多個阿哥同細妹仲有老友掩蓋咗,佢嘅自卑情結同想要證明自己嘅需要成為咗佢角色性格嘅主要推力;隨住小說嘅發展,榮恩由一個缺乏安全感嘅男仔成長到一個有戰略同領導能力嘅能幹年輕人。

家庭[編輯]

名字嘅來源[編輯]

榮恩·衛斯理嘅全名係榮納德·畢流思·衛斯理Ronald Bilius "Ron" Weasley[註 1],佢喺1980年3月1日出世[3][4]。小說同電影入面所有人都叫佢做「榮恩Ron」,而唔係「榮納德Ronald」(露娜·羅古德喺原文上確實係叫榮恩做「榮納德」,而妙麗都曾經喺第四輯電影開頭同埋第五輯電影入面咁樣叫過佢一次)。

榮納德Ronald斯堪的納維亞語嘅名「Ragnvald」嘅蘇格蘭語形式,呢個名字源於古斯堪嘅納維亞語「Ragnvaldr」,佢由「ragn」同「valdr」兩個部分組成,佢嘅意思分別係「建議」同埋「統治者」[5];同呢個名字同源嘅「Reginald」則係喺德語形式嘅「Raginwald」入面演變過嚟,佢嘅意思係「王子嘅謀士」。呢啲名字嘅含義所指嘅都係當權者值得信賴嘅顧問,呢一點上同榮恩作為哈利嘅朋友同知己非常相似。

衛斯理一家嘅家族成員嘅名字大多揀咗用亞瑟王時期嘅名字,「榮恩」喺蒙茅斯嘅謝菲中文蒙茅斯的杰弗里之《不列顛諸王史中文不列顛諸王史》裡面係亞瑟王長矛嘅名稱。喺威爾士語當中,「Ron」係「Rhongomyniad」嘅縮寫,意為「暗殺者長矛」。榮恩嘅中間名「畢流思Bilius」係源自意為膽汁嘅單詞「bile」,喺古希臘醫學理論嘅體液學說中文體液學說入面,「黃膽Yellow bile」同「黑膽Black bile」係四種組成人體嘅體液入面嘅兩種。黃膽象徵嘅元素係「火」,呢個亦係葛萊分多學院嘅象徵元素。同時喺英語入面,「bilious」呢個形容詞就有「壞脾氣」嘅意思[6],「火」大嘅人一般都會被認為脾氣唔好,就好似榮恩咁樣。

家庭成員[編輯]

衛斯理家的族譜
布萊克家族
天狼星·布萊克亞瑟·衛斯理中文亞瑟·衛斯理茉莉·普瑞中文茉莉·衛斯理獅子阿爾發·布萊克
花兒·戴樂古中文花兒·戴樂古比爾·衛斯理中文比爾·衛斯理查理·衛斯理派西·衛斯理中文派西·伊格內修斯·衛斯理奧黛麗·衛斯理喬治·衛斯理中文弗雷和喬治·衛斯理莉娜·強生榮恩·衛斯理妙麗·格蘭傑弗雷·衛斯理中文弗雷和喬治·衛斯理金妮·衛斯理哈利·波特
薇朵兒·衛斯理露西·衛斯理多明妮克·衛斯理小茉莉·衛斯理露西·衛斯理弗雷·衛斯理二世羅克珊·衛斯理露絲·格蘭傑─衛斯理雨果·格蘭傑─衛斯理詹姆·天狼星·波特阿不思·賽佛勒斯·波特莉莉·露娜·波特

註:
關於布萊克家族嘅狀況省略咗,而貝拉·雷斯壯因為無後代所以唔會顯示。

榮恩係亞瑟·衛斯理中文亞瑟·衛斯理茉莉·普瑞中文茉莉·衛斯理嘅七個仔女之中嘅第六個,亦都係屋企嘅么仔。喺佢之上有五個阿哥,分別係:比爾中文比爾·衛斯理查理中文衛斯理家族派西中文派西·伊格內修斯·衛斯理弗雷同埋喬治,仲有佢哋對落有個細妹—金妮。榮恩同佢父母好親近,佢同屋企人之間嘅關係好好,就算佢有陣時會因為屋企無錢而覺得尷尬,但係佢都係會努力保護自己嘅阿哥同阿妹,亦都會堅決咁幫佢哋同自己嘅父母抗辯。

衛斯理一家係為數唔多嘅純血中文哈利波特世界觀與設定#純血巫師家族之一,就算佢哋一家因為同非純血嘅巫師有關而被睇成「血腥叛徒blood traitors」,而榮恩阿爸係魔法部麻瓜人工製品濫用局嘅員工,佢人工唔高,細路又多,佢哋嘅家境同富有差好遠,而佢哋屋企入面嘅大部分物品都係二手嘅(榮恩對呢樣嘢好在意),因為咁係馬份一家呢啲有錢勢利嘅古老家族睇唔起。衛斯理一家住喺德雲郡凱奇波區奧特瑞街Ottery St Catchpole附近嘅洞穴屋中文哈利波特中的地點#洞穴屋,榮恩喺呢度住同長大,而衛斯理家族嘅所有成員都被派去霍格華茲嘅葛萊分多學院。

榮恩同佢嘅阿哥同阿妹每個都有佢哋獨特嘅性格特徵。榮恩對自己兩個最大嘅阿哥比爾同查理好尊敬,就算佢哋做出嚟嘅成就令佢有啲不安,令榮恩覺得不能夠辜負呢啲嘢[7]。榮恩曾經試過以派西為榜樣,但係榮恩就認為佢只係自負同煩;不過,榮恩係派西同屋企人鬧僵之後聯繫過嘅唯一一個親人[8],派西都係弗雷喺霍格華茲大戰入面死咗之後安慰住榮恩嘅屋企人[9]。喺性格上,榮恩同弗雷同喬治更似啲,佢嘅孖生阿哥很鍾意取笑佢,佢阿妹金妮亦都係,不過榮恩同佢哋嘅關係都好親近。榮恩都好注意保護金妮,尤其係唔贊成佢嘅感情生活,呢個亦都曾經令佢哋兩個因為咁而嘈起上嚟[10]。榮恩成日都俾佢阿哥同阿妹嘅成就所掩蓋。人人都知,佢嘅哥哥比爾、查理同派西除咗都係男生長英文Head girl and head boy之外,亦都被任命為佢哋學院嘅級長英文prefect;除此以外,衛斯理家族嘅所有細路都曾經加入過葛萊分多魁地奇中文魁地奇球隊,而查理至少喺佢嘅一個學年裡面擔任魁地奇球隊隊長。榮恩最終都隨住成長而成為咗一個出色嘅魁地奇看守手同級長,呢個證明咗由於佢對自己無自信,而唔係無實際嘅天賦或者能力。此外,衛斯理一家都係鳳凰會嘅成員(除咗派西、榮恩同金妮之外),佢哋喺畢業之後幫鳳凰會做嘢,不過就唔清楚佢哋三個後來有無正式加入鳳凰會。

就算亞瑟·衛斯理同佢嘅直系親屬被被睇成「血腥叛徒」(但佢哋唔認),但衛斯理一家同好出名嘅布萊克家族成員—天狼星·布萊克又有遠親嘅關係(可參見佢嘅頁面)。其他嘅遠親包括咗跩哥·馬份小仙女·東施中文小仙女·東施貝拉·雷斯壯;而鳳凰會創會成員吉昂·普瑞Gideon Prewett費邊·普瑞Fabian Prewett就係榮恩佢哋幾兄妹嘅舅父。

角色性格與特徵[編輯]

初期電影入面嘅榮恩·衛斯理。

外觀上[編輯]

榮恩繼承咗衛斯理家族嘅典型特徵:一頭標誌性嘅火紅色頭髮同埋臉上面嘅雀斑。有一對藍眼嘅榮恩,羅琳將佢形容為「又高又瘦,身材瘦長又有雀斑,大大隻手同腳,仲有個長鼻」[7],羅琳喺小說入面形容榮恩有雀斑,而飾演榮恩嘅演員魯拔·格連特就無。當榮恩尷尬果陣,他隻耳仔就會漲紅起上嚟。榮恩嘅身材就好似佢阿哥比爾同派西咁,但係比查理、弗雷同喬治仲要大隻啲。正喺度發育嘅榮恩確實成為咗哈利其中一個最高嘅同學,甚至比佢嘅一啲阿哥仲要高。

性格上[編輯]

榮恩係一個鍾意用簡單方法做嘢嘅人,因為他唔鍾意努力做嘢。喺一年級果陣,當佢喺霍格華茲圖書館裡面同哈利同妙麗三個人搵有尼樂·勒梅嘅資料果時,他只係漫無目的咁將啲書喺書架上面抽出嚟揭吓睇;佢仲習慣老作占卜學留低嘅預言作業,佢大部分功課都鍾意直接抄妙麗嘅。不過,榮恩喺遇到艱難嘅處境果陣都能夠克服呢個習慣,比如係佢喺三年級果時幫海格為鷹馬巴嘴辯護而去搵資料果時。榮恩呢個性格同習慣即使喺大個之後都無消失。

榮恩出名版喺對食物嘅熱愛,他特別鍾意煙肉三文治中文煙肉三明治,但係唔鍾意罐頭咸牛肉三文治[7]。佢好鍾意一邊食嘢一邊講嘢嘅習慣,呢樣嘢令到妙麗覺得好厭惡。榮恩同哈利一樣好聰明,只係喺課堂上無學習動力。當佢哋三個喺學校果陣,榮恩成日希望妙麗幫吓自己,而喺被拒絕或者妙麗唔喺度果陣,佢就唔知道自己應該做啲咩。

榮恩好勇敢,勇敢到可以同佢老友哈利相提並論。佢總係諗唔唔洗諗咁樣多次同哈利、妙麗一齊冒住極端嘅生命危險嚟行事,而呢種勇氣並無被佢嘅朋友忽略。榮恩好注意同保護他所關心嘅人,仲多次顯示出佢寧願死都唔願意他關心嘅人受到傷害。榮恩亦以風趣幽默、忠誠、隨時準備捍衛佢嘅朋友而出名。佢果種諷刺、俏皮嘅幽默感成日俾到佢嘅朋友帶嚟歡笑同放鬆;不過,佢往往喺情感上唔成熟,而且有啲遲鈍[11]。不過,正如妙麗·格蘭傑露娜·羅古德講嘅咁樣,雖然有可能係無心嘅,但榮恩嘅幽默偶爾會好傷人[12]。喺同哈利同妙麗一起搵分靈體期間,榮恩變得更加成熟咗,甚至喺哈利情緒低落果陣時領導住三人組嘅行動[13]。羅琳喺一次訪問入面形容榮恩好有趣,但佢感覺遲鈍同孩子氣,佢話:「榮恩有好多唔成熟嘅地方,呢個就係佢好多幽默嘅來源[14]。」

作為佢同飾演三人組裡面中心人物演員嘅第一次練習裡面,執導果個系列第三輯電影《阿茲卡班的囚徒》嘅導演艾方索·柯朗,俾佢哋用第一人稱去寫一篇關於佢哋角色嘅自傳散文,由出世跨越去到發現魔法世界嘅體驗,當中包括角色嘅情感體驗。對於魯拔·格連特的文章,柯朗回憶話:「魯拔無寫到文章,當我問佢點解無咁樣做果時,他話,『我係榮恩嘅話,榮恩唔會咁樣做。』所以我話:『好啦,你確實了解你嘅角色。』[15]」喺最後一本小說入面中評論榮恩嘅角色發展果陣,羅琳解釋話:「榮恩係三個主角之中最唔成熟果個,但喺第七輯佢長大咗。他從來都唔大隻,啲人大多只係將佢睇成係哈利嘅朋友;佢阿媽實際上想要個女,佢喺最後一輯小說裡面終於無得唔承認自己嘅弱點。但呢個正正就係令榮恩成為男人嘅原因[16]。」

榮恩嘅另外兩個性格特徵係喜怒無常同沒有安全感。佢可以變得乜都拗一餐,尤其係喺同妙麗爭拗果陣。佢又會有發脾氣,特別係喺佢愛錫嘅人受到侮辱果陣會挑釁人哋,但就唔係用魔法嘅方式嚟同對方發生衝突(例如,被激嬲嘅榮恩喺唔止一個場合選擇用拳頭而唔係魔杖)。榮恩經常喺試圖保護佢愛錫嘅人果陣表現出極大嘅勇氣:二年級果時,佢選擇克服自己嘅蜘蛛恐懼症而留喺哈利身邊[17](呢個係因為佢阿哥弗雷喺榮恩細個果時將佢嘅泰迪熊變成蜘蛛而搞到咁[17]);在《混血王子的背叛》入面,當妙麗俾貝拉·雷斯壯帶去用酷刑咒嚟審問果陣,佢希望自己可以代替佢[18]。就算榮恩對魁地奇充滿熱情,仲係查得利砲彈隊嘅球迷,而且仲飛得都唔錯,但係佢都係有緊張失準嘅問題,有時佢嘅比賽表現都會因為咁而受影響[19]史萊哲林的小金匣中文分靈體#史萊哲林的小金匣更揭示出佢內心深處嘅恐懼:佢一直最唔受佢阿媽嘅寵愛,而他又曾經誤會妙麗鍾意哈利,不過佢最終都克服咗呢一切[20]

榮恩對於某啲話題嘅睇法往往屬於老一套嘅巫師觀點,因為咁成日此經常會同哈利同妙麗嘅觀點互相衝突,因為佢哋兩個都係喺麻瓜世界度長大,不過睇返轉頭,佢通常會更清楚咁了解巫師所遵從嘅標準。一個例子就係,佢喺成個三年級都一直好鍾意雷木思·路平,不過當佢知道路平係狼人中文狼人 (哈利波特)之後,佢就厭惡仲疏遠路平;喺榮恩發現海格係混血巨人果陣,佢相比哈利同妙麗顯得仲要震驚得多;喺《死神的聖物》入面,榮恩對於巫師唔俾妖精用魔杖呢個話題同妖精拉環中文哈利波特中的生物#拉環發生咗爭執。

作為一個男仔,榮恩對自己家庭貧困嘅狀況好敏感,有陣時仲會因為呢樣嘢而覺得尷尬。即使唔係所有,榮恩嘅大部分資產都係由屋企人傳落嚟嘅,包括佢件長袍、教科書、魔杖,甚至仲有佢隻寵物鼠斑斑。佢屋企嘅資金成日都短缺,令到榮恩成為咗跩哥·馬份嘲笑嘅目標[7]。不過,喺馬份對佢侮辱之後,榮恩就衝住佢講咗一啲喺自己阿媽面前從來唔敢講嘅嘢;喺霍格華茲大戰期間,榮恩喺第二次救咗跩哥條命之後,鬧佢係個「陰險狡猾同耍兩面手法嘅衰人」。另外,喺同自己啲阿哥同老友比較果陣,榮恩好容易就對自己嘅能力無信心。榮恩喺覺得不安同尷尬果陣,佢隻耳就會發漲到紅晒,呢樣嘢都成為咗佢嬲或尷尬果陣嘅明顯標誌[21]。佢覺得自己好似一直生活喺一班阿哥同老友哈利嘅陰影之下,呢樣嘢一直令佢覺得自己唔夠人哋叻。

魔法能力與技能[編輯]

在榮恩讀霍格華茲一年級果陣,佢得到佢阿哥比爾果件舊長袍、查理果支由梣木製成而底部伸出一條獨角獸毛嘅舊魔杖,仲有原本屬於派西嘅老鼠。喺《消失的密室》開始果陣,佢將支魔杖用魔法膠帶中文哈利波特中的魔法物品#魔法膠帶綁埋一齊果時,差啲將支魔杖分開兩半,不過自此之後發生咗好得人驚嘅故障,包括搞到咒語逆火反彈,仲發出啲奇怪嘅聲,同埋喺錯果邊發出咒語。後嚟榮恩終於有自己嘅魔杖,果個係一支14英寸長嘅柳木獨角獸毛髮整嘅魔杖,係佢喺霍格華茲三年級開始之前買嘅。

榮恩嘅才能好少展示到出嚟,但佢同跟其他鄧不利多的軍隊成員一樣,喺《鳳凰會的密令》入面同食死人激烈嘅戰鬥入面倖存到,仲暗示喺《混血王子的背叛》入面俾食死人襲擊果陣,由於佢得到幸運魔藥福來福喜嘅幫忙之下,令佢有好好嘅表現。喺《死神的聖物》裡面,榮恩失去咗佢支魔杖,就將彼得·佩迪魯嘅魔杖當係自己嘅。後來,隨住榮恩同哈利發生咗好得人驚嘅拗撬之後突然成熟起上嚟,佢開始表現得更加有常識同才能。喺哈利有嚴重抑鬱嘅果段時間裡面,佢有效咁帶領三人組去搵分靈體。

羅琳曾經話,榮恩嘅護法咒係以傑克羅素㹴中文傑克羅素㹴嘅形式來展現,「果個係一個好感性嘅選擇」,因為羅琳本人有一隻傑克羅素犬[22]

相關情節[編輯]

神秘的魔法石[編輯]

羅琳喺《神秘的魔法石》裡面首先介紹咗榮恩同佢屋企人俾讀者認識。當時哈利·波特倫敦國王十字車站中文倫敦國王十字車站嘅月台蕩失路,果次係榮恩同哈利第一次見面,衛斯理一家引導佢穿過9¾月台中文哈利波特中的地點#9¾月台嘅屏障嚟入到去魔法世界。後來因為霍格華茲特快列車嘅車廂滿座,榮恩問哈利可唔可以共用一個車廂之後正式認識,佢哋兩個就展開咗佢哋嘅友誼。榮恩對大名鼎鼎嘅哈利好著迷,而哈利都著迷於平凡生活嘅榮恩。喺成程車裡面,榮恩向哈利展示咗佢嘅寵物老鼠斑斑,而哈利就分享咗佢啲為零食中文霍格華茲特快列車#車廂售賣的甜點小吃。喺火車上面,佢哋遇到妙麗·格蘭傑,佢哋兩個起初唔太鍾意佢,但後來佢哋三個一齊經歷咗唔同嘅事件之後先至成為好友。

當榮恩同哈利知道咗山怪中文哈利波特中的生物#怪獸闖入霍格華茲校園嘅消息,仲知道當時正留喺女洗手間入面嘅妙麗有俾山怪襲擊嘅危險,佢哋兩個於是飆到去女生洗手間,企圖將山怪困住喺女生洗手間入面。佢哋兩個為咗幫妙麗解圍,分別試吓引開山怪嘅注意力,最後榮恩喺妙麗嘅指導下,成功咁用咗漂浮咒令山怪揸住嘅棍懸浮喺半空,再擊中佢個頭令佢暈咗。原本對妙麗覺得厭惡嘅榮恩,睇到佢向麥教授代佢哋解釋事件經過嘅情景真係O晒嘴;但亦因為呢個契機令佢哋三個成為咗交情好深嘅鐵三角。

榮恩同哈利一齊成為霍格華茲葛萊分多學院嘅學生,佢哋兩個喺成個系列入面一齊接受相同嘅課程,仲通常都有相似嘅學業上成功同失望。佢哋兩個喺霍格華茲宿舍嘅室友係奈威·隆巴頓西莫·斐尼干中文哈利波特角色列表#現時各學院的學生同埋丁·湯瑪斯中文鄧不利多的軍隊#已知成員名單。棋術高超嘅榮恩鍾意玩巫師棋中文哈利波特中的魔法物品#巫師棋,仲好熱心咁教哈利點樣玩。榮恩喺拯救魔法石中文哈利波特中的魔法物品#魔法石嘅過程中扮演住好重要嘅角色,佢喺巫師棋入面嘅策略令哈利同妙麗能夠安全咁通過一場真人咁大而又危險嘅象棋遊戲。喺棋賽入面,榮恩選擇犧牲自己嘅棋子嚟贏到,跟住就被被打暈(後來當然醒返)[23]。喺果個學年嘅結業晚宴上,霍格華茲嘅校長阿不思·鄧不利多因為榮恩嘅表現而額外俾葛萊分多學院50分,用嚟表揚「霍格華茲多年嚟最出色嘅國際象棋比賽」,而呢啲最後時刻嘅分數令葛萊分多學院贏到學院盃[24]

消失的密室[編輯]

第二輯嘅小說同電影—《消失的密室》發生喺魔法石事件跟住嘅一年。榮恩喺暑假期間曾經試過幾次寫信俾哈利,不過因為家庭小精靈中文家庭小精靈多比中文哈利波特中的生物#多比阻止哈利嘅巫師郵件嘅關係,搞到佢無收到哈利嘅回信。呢個令榮恩好擔心,搞到佢同埋兩個阿哥弗雷同喬治揸住佢哋阿爸嘅魔法汽車中文哈利波特中的魔法物品#飛天汽車去到德思禮家去接哈利返去霍格華茲。哈利喺跟住落嚟嘅一個月都喺衛斯理家嘅洞穴屋中文哈利波特中的地點#洞穴屋入面度過。喺去到國王十字車站果陣,榮恩同哈利發現自己穿過唔到9¾月台嘅屏障,於是同哈利一齊嘅榮恩就諗到揸魔法汽車去霍格華茲嘅諗法。呢個計劃雖然成功咗,但果架魔法汽車喺旅程完咗果時無咗動力,結果撞埋去渾拚柳度,而榮恩嘅魔杖喺呢個過程入面折斷咗,以後都唔能夠發揮正常嘅功能(榮恩淨係用魔法膠帶中文哈利波特中的魔法物品#魔法膠帶黏住)。魔法汽車自動駛入去禁忌森林中文霍格華茲#禁忌森林—果個係霍格華茲場地邊緣唔准學生入去嘅一片森林。後來,榮恩收到佢阿媽寄出嘅一封咆哮信中文哈利波特中的魔法物品#咆哮信,鬧佢揸走咗佢阿爸嘅魔法汽車。

喺小說同電影嘅後來,哈利、榮恩同妙麗喺萬聖節嘅夜晚,佢哋用變身水嚟令變到好似跩哥·馬份嘅親信—克拉同高爾,咁樣佢哋三個就可以𥄫到馬份,仲搵出佢對密室嘅了解。

霍格華茲嘅學生之間忽然傳起「史萊哲林傳人」嘅傳聞,喺搵史萊哲林傳人嘅過程入面,榮恩負責提供湯姆·魔佛羅·瑞斗身份嘅第一條線索,佢諗返起自己曾經見過學校入面嘅一個「學校提供特殊服務」嘅獎盃上面刻住「T·M·瑞斗」嘅名。哈利、榮恩同馬份因為俾人罰而被迫跟住海格去禁忌森林度做服務,榮恩被迫面對住佢最恐怖嘅噩夢—蜘蛛[註 2],仲入到去蜘蛛繁殖地嚟搵阿辣哥中文哈利波特中的生物#海格的寵物(海格喺學生時期所養嘅八眼巨蛛中文哈利波特中的生物#八眼巨蛛)。果隻巨型蜘蛛差啲食咗佢哋兩個,但係衛斯理家嘅魔法汽車喺禁忌森林出現仲救咗佢哋兩個。

呢輯故事都展示咗榮恩嘅家庭狀況:當跩哥·馬份鬧妙麗係麻種果陣,榮恩本嚟詛咒佢食蛞蝓,不過因為佢支魔杖嘅狀況而令咒語反彈返去佢自己身上,搞到自己嘔咗一堆蛞蝓出嚟;榮恩同哈利跟住去密室去救俾人綁架並困住喺果度嘅金妮果陣,榮恩支魔杖又再發生意外,搞到密室入口嘅天花板冧咗落嚟,一邊困住榮恩,另一邊困著哈利。哈利繼續去救金妮仲化險為夷。不過,當吉德羅·洛哈中文吉德羅·洛哈教授用榮恩支魔杖嚟消除兩人嘅記憶果陣,結果果支魔杖又再一次發生意外,令咒語反彈返去洛哈身上。

由於榮恩同哈利喺密室嘅成功,因為咁佢哋兩個得到咗學校服務特別獎,佢哋仲一齊幫學院攞到200分。

阿茲卡班的逃犯[編輯]

在小說同電影入面,榮恩發現佢養果隻老鼠斑斑失蹤咗,佢因為咁而責怪妙麗新養嘅貓歪腿中文哈利波特中的生物#歪腿,搞到佢哋反面[25]。當妙麗因為上太多堂而搞到精神崩潰,同埋為咗巴嘴中文哈利波特中的生物#海格的寵物嘅命運而覺得苦惱果陣,佢哋最後和好如初。海格擁有嘅呢隻動物因為整親跩哥·馬份而受到面臨處決風險嘅審判。榮恩主動提出幫手巴嘴抗辯嘅預備工作,但呢樣無補於事。哈利、榮恩同妙麗喺巴嘴執行刑罰果日去探海格果陣,佢哋發現斑斑匿埋喺海格嘅小屋裡面[26]。當他們走果陣,斑斑掙扎擺脫榮恩仲走甩咗。

佢嘅三個同斑斑追逐去到渾拚柳,榮恩喺果度俾一隻大黑狗咬住仲拖落去隱藏喺渾拚柳樹下面嘅地道[7]入到去尖叫屋中文哈利波特中的地點#尖叫屋,果隻狗實際上係天狼星·布萊克化獸師嘅動物形態,而作為哈利契爺嘅天狼星·布萊克就係啱啱喺巫師監獄阿茲卡班監獄中文哈利波特中的地點#阿兹卡班監獄偷走出嚟嘅逃犯。喺呢個時候,霍格華茲嘅黑魔法防禦術中文哈利波特中的魔法符咒#黑魔法防禦術教授雷木思·路平緊隨住哈利同妙麗之後嚟到。布萊克同路平一齊對斑斑施展咒語,證明咗佢係一個叫做彼得·佩迪魯嘅化獸師。路平、布萊克、佩迪魯同哈利阿爸詹姆·波特四個人係讀書果陣嘅好朋友,而佩迪魯被認為俾天狼星謀殺死咗[7]。假扮已經死咗嘅佩迪魯自此就一直用老鼠嘅形態生活,佢唔認布萊克同路平所講嘅一切,不過路平同布萊克將以前嘅嘢湊埋得出佢一直係佛地魔嘅僕人,仲喺當時洩露咗哈利父母下落嘅秘密,搞到佢哋兩個被謀殺。起初,榮恩並唔信天狼星所講嘅嘢,仲唔肯將斑斑交俾佢,但係當佢知道呢隻老鼠嘅真正身份果時,呢樣嘢令佢好反感。當咁多個主角帶佩迪魯走出渾拚柳果陣,佢就走甩咗[27]。榮恩俾佩迪魯嘅咒語擊倒,令佢被送去霍格華茲嘅醫院側翼仲被迫留喺果度,而哈利同妙麗喺鄧不利多校長嘅提醒下用時光器中文哈利波特中的魔法物品#時光器返到過去及時拯救天狼星同巴嘴[28]

喺小說嘅結尾,天狼星喺後來為咗彌補榮恩失去咗斑斑,佢將一隻容易興奮嘅小貓頭鷹送俾榮恩作為補償,金妮幫佢改名做豬水鳧中文哈利波特中的生物#衛斯理家的寵物Pigwidgeon,而榮恩就暱稱佢做「豬仔Pig[29]

火盃的考驗[編輯]

衛斯理一家中文衛斯理一家喺小說同電影開頭邀請哈利·波特妙麗·格蘭傑去睇魁地奇世界盃中文魁地奇。榮恩對佢最鍾意嘅魁地奇冠軍維克多·喀浪中文哈利波特角色列表有敬畏嘅心[30]。對於維克多·喀浪以德姆蘭魔法與巫術學院冠軍代表嘅身分去到霍格華茲參與三巫鬥法大賽果陣時,榮恩對呢樣嘢覺得更加興奮。果個係霍格華茲同其餘兩間魔法學校之間競逐歐洲排名頭三位嘅一場巫師魔法錦標賽[31]。不過,當未成年嘅哈利好神秘咁成為咗第四名冠軍代表果陣,榮恩因為誤會而加入咗反對者嘅行列,佢哋覺得哈利用某啲方式喺錦標賽入面作弊,榮恩更加對哈利覺得失望;根據妙麗嘅講法,呢個係源於榮恩潛藏喺心入面嘅妒忌,因為佢覺得自己俾哈利又或係佢啲阿哥推到去聚光燈之外。呢道裂縫嚴重到佢哋兩個冷戰咗幾個禮拜都仲未和好[32]。不過,榮恩喺後來意識到果個錦標賽嘅危險性,同最終相信哈利唔係自己將佢個名掉入火盃,不過佢哋兩個喺哈利成功咁通過第一項任務之後先至好返。

在聖誕節果陣,按照三巫鬥法大賽嘅傳統,霍格華茲會舉辦聖誕舞會。榮恩同哈利對聖誕舞會確定約會嘅前景覺得揦手唔成勢,榮恩以佢唔成熟嘅約會方式嚇親妙麗,尤其係無邀請佢,好明顯係直到最後一刻先至意識到佢係個女仔。喺最後一刻,哈利令芭蒂同芭瑪·巴提應承同佢哋兩個一齊參加舞會嚟挽救果個局面,不過芭瑪似乎對榮恩脾氣差嘅態度同埋佢爛溶溶嘅衫似乎唔太高興。當榮恩見到妙麗同佢嘅前偶像維克多·喀浪約會果陣,搞到佢妒忌到無法自拔。當妙麗過嚟搵榮恩同哈利好朋友咁傾計果陣,榮恩控制唔到自己咁話佢「私通敵人」。喺舞會結束果陣,佢哋兩個發生咗激烈嘅鬧交,妙麗話榮恩指佢應該喺喀浪邀請佢之前就去問佢,而唔係好簡單咁希望喺默認嘅情況下約會佢[33]。榮恩完全無得到暗示,如果唔係否認嘅話,就是佢忽視咗兩個人對大家越來越明顯嘅感情。榮恩對喀浪嘅嫉妒亦都反映喺妙麗對榮恩明顯迷戀嘅花兒·戴樂古中文花兒·戴樂古(三巫鬥法大賽入面波巴洞魔法與巫術學院嘅代表)所產生嘅討厭[34],佢哋兩人似乎成日為呢樣嘢相當開心咁爭論。

喺三巫鬥法大賽嘅第二項任務入面,由於榮恩係哈利最掛心嘅人,所以佢被揀中要哈利喺霍格華茲湖底深處營救嘅人。榮恩最終俾哈利成功咁救出嚟,佢仲溫和咁嘲笑哈利,覺得執行任務嘅人質實際上係處於危險之中[35]。榮恩有時顯示嫉妒佢嘅朋友妙麗,一啲爭論證明咗妙麗就係佢最鍾意嘅女仔。不過,露娜·羅古德都曾經暗示住對榮恩有興趣。

鳳凰會的密令[編輯]

榮恩喺呢輯小說同電影入面被任命做葛萊分多學院嘅級長,呢個令佢自己同其他人都覺得驚訝,尤其係另一位新任級長妙麗[36]。榮恩阿哥派西喺果陣同屋企人嘅關係疏遠咗,佢派一隻貓頭鷹嚟同佢表示祝賀,仲建議佢同哈利「斷絕關係」而去揀企喺霍格華茲新任黑魔法防禦術教授桃樂絲·恩不里居果邊,呢封信激嬲咗榮恩[8]。當啲同學暗示哈利對佛地魔嘅回歸係個大話果陣時,榮恩好明確咁表示他對哈利嘅忠誠同支持,有時仲會用佢作為級長嘅權力嚟威脅佢哋保持沉默[37]。就算榮恩同妙麗好似平時咁嘈,不過佢哋兩個都仲係企喺統一戰線上面支持哈利。對於恩不里居利用魔法部嚟慢慢接管咗由鄧不利多營運嘅學校,黑魔法防禦術嘅學習喺校內幾乎被禁嘅,因為咁妙麗建議哈利教同學一啲實用嘅黑魔法防禦術,榮恩都對呢個表示支持。佢哋三個共同創立咗一個叫鄧不利多的軍隊呢個秘密嘅學生組織[37]。榮恩仲以看守手中文魁地奇嘅身份加入到葛萊分多魁地奇球隊,他喺訓練同比賽入面嘅神經同自信心問題成日令佢變得更好,呢樣令到史萊哲林球隊創作咗一首關於榮恩將會點樣確保史萊哲林球隊贏到校內隊際魁地奇盃嘅歌。不過,榮恩喺最後一場比賽入面打得更好,令到葛萊分多魁地奇球隊贏到比賽仲贏埋魁地奇盃。喺小說同電影嘅高潮部分,榮恩同哈利、妙麗、金妮、奈威·隆巴頓露娜·羅古德神秘部門嘅戰鬥入面同食死人作戰。榮恩喺戰鬥入面受傷,但佢喺小說結尾果陣完全好返晒。

混血王子的背叛[編輯]

在小說及電影裡的榮恩喺暑假期間長高咗好多,吸引到女同學文妲·布朗嘅注意。作為葛萊分多魁地奇新任隊長嘅哈利,佢揀咗榮恩繼續擔任魁地奇隊嘅守門員,而唔係競逐果個位嘅候選人寇馬·奧布萊恩,佢有同等技能但喺團隊合作同服從命令方面都有困難[38]。喺知道妙麗好有可能錫咗喀浪之後,榮恩喺魁地奇比賽入面嘅表現越來越唔掂,佢仲因為妒忌自己以前嘅偶像而對妙麗變得唔友善。佢嘅自卑對佢阿妹金妮都無幾多幫助,當榮恩發現她親吻其男朋友後嘅反應好弊,金妮拋出一個事實就係,榮恩喺呢班人入面係唯一一個從來未得到過初吻嘅人。為咗增強榮恩嘅自信心,哈利假扮將一種能夠令飲咗嘅人帶嚟好運嘅魔藥—福來福喜俾佢飲,榮恩信佢自己真係飲咗(其實係安慰劑),佢喺魁地奇比賽入面為葛萊分多魁地奇球隊贏咗比賽,而佢嘅表現都令人欽佩。不過,呢個令到榮恩和妙麗之間炒大鑊:妙麗鬧哈利幫榮恩作弊,而榮恩就鬧妙麗唔信任佢嘅能力[10]。喺比賽之後嘅慶祝活動入面,文妲·布朗錫咗榮恩。對呢樣嘢妒忌到癲咗嘅妙麗為咗報復,佢將奧布萊恩視為佢嘅約會對象,仲同奧布萊恩一齊出席咗新任魔藥學教授赫瑞司·史拉轟中文赫瑞司·史拉轟搞嘅聖誕派對,但事實證明奧布萊恩係一個自大狂[12]。聖誕節過後,妙麗繼續無視榮恩,佢行過停低只係為咗俾佢一個不屑嘅眼神同埋偶爾嘅冷嘲熱諷。到果陣為止,榮恩對自己同文妲嘅關係明顯覺得唔明白[39]

榮恩喺三月生日嘅果一日,佢意外咁食咗注入咗痴心水Amortentia嘅朱古力大鍋(實際上係準備俾哈利嘅)。喺俾史拉轟醫好之後,佢又飲咗有毒嘅蜂蜜酒(實際上係由跩哥·馬份準備俾鄧不利多嘅),當時哈利將一種解毒劑—毛糞石Bezoar塞入佢個嘴入面嚟救返佢條命,後來榮恩再轉送去學校入面嘅醫院側翼。驚到唔記得咗嬲嘅妙麗唔知點算咁趕到去醫院側翼,哈利、金妮同佢嘅孖生阿哥坐喺榮恩床邊,佢哋聽到榮恩語無倫次咁吟吟沉沉叫住妙麗個名,但係佢哋聽唔明榮恩講咩就將佢忽略咗;相反,當文妲嚟到探佢果陣,榮恩就作狀詐瞓。喺榮恩好返之後,佢同妙麗和好,而榮恩同文妲喺無幾耐之後就分開咗。羅琳喺一次訪問入面講到自己「真係好鍾意寫榮恩同文妲嘅故仔,而令人開心嘅原因係,對比其餘兩個主角嚟說,榮恩到而家為止仲係好唔成熟,佢需要令自己襯得起妙麗......佢一定要喺情感上有所成長,而家佢就跨出咗一大步[40]。」」

起初,榮恩唔支持哈利去相信跩哥·馬份就係佛地魔嘅追隨者—食死人嘅事,但後來佢被說服咗。喺哈利同鄧不利多一齊離開霍格華茲嚟搵分靈體返嚟之前,哈利安排佢、妙麗同金妮—同埋佢哋可以召喚任何嘅鄧不利多的軍隊成員密切咁關注住馬份同石內卜。哈利仲幫佢哋提供幸運藥水福來福喜嘅細細樽殘骸,希望用嚟幫到佢哋[41]。就算有鄧不利多的軍隊嘅監視,馬份都仲幫到食死人提供到一個入到霍格華茲嘅秘密入口,一場戰鬥隨即展開。多得福來福喜嘅幫助,榮恩、妙麗同金妮喺戰鬥入面無受到食死人詛咒嘅傷害[42]。當馬份證明自己做唔到果陣,石內卜喺天文塔之戰入面殺咗鄧不利多[43]。喺鄧不利多嘅葬禮上面,榮恩安慰住喺度喊緊嘅妙麗。佢哋兩個發誓要幫哈利找到同摧毀分靈體,仲要殺死佛地魔,就算呢個意味住佢哋要暫時離開霍格華茲[44]。榮恩同妙麗日漸加深嘅關係多次引起咗讀者嘅注意,佢同妙麗仲未解決嘅浪漫張力成為咗小說嘅主要(實際上係成個系列)嘅子情節之一。另外,哈利同榮恩嘅友誼已經強化到俾哈利可以直接同榮恩講,指佢喺魁地奇嘅表現正喺度危及佢喺球隊中成員資格嘅地步,不過呢個係無任何一個角色能夠親自接受(咁直接嘅事實)。

死神的聖物[編輯]

哈利、榮恩同妙麗喺鄧不利多死咗之後分別得到佢嘅遺物,而榮恩得到鄧不利多嘅熄燈器中文哈利波特中的魔法物品#熄燈器。榮恩同妙麗應承跟住哈利一齊去搵佛地魔嘅所有分靈體,等佢哋最後可以打低佛地魔。不過榮恩擔心而家俾佛地魔接管嘅魔法部會知道佢喺度同哈利一齊執行任務,於是佢喺佢阿爸加埋阿哥弗雷同喬治嘅幫手之下,俾屋企嘅食屍鬼中文哈利波特中的生物#怪獸著住佢嘅睡衣,仲四圍散播住佢惹咗一種傳染性極強嘅魔法皮膚病—散花痘Spattergroit嘅謠言—佢嘅症狀會令到患者爆發好肉酸又難睇嘅瑕疵同膿瘡,仲會令佢留低令人毛管戙嘅痘痕同瘡,用嚟作為佢缺席霍格華茲七年級課程嘅一個藉口。當三人組試圖搵到桃樂絲·恩不里居攞到嘅小金匣(分靈體)果陣,榮恩將自己扮成魔法部嘅職員雷格·卡特摩Reginald Cattermole

喺搵分靈體嘅旅途上,哈利因為擔心小金匣可能會唔見咗或者俾人偷走,於是決定希望有人可以將果個分靈體一直戴喺身上。但係果個分靈體對榮恩有更深遠嘅影響,呢個似乎比哈利或妙麗嘅影響更犀利。榮恩最後因此無舒適同具體嘅計劃而沮喪到嬲到震,結果佢離開咗佢嘅同伴。哈利同妙麗為咗佢唔喺度而苦惱,喺佢走咗出走果段時間入面甚至無提到佢個名。不過,當佢哋終於提到榮恩個名果陣,佢即刻為自己離開嘅決定而後悔,但就俾搶奪者中文食死人捉住咗。後來因為妙麗喺附近施展咗對抗食死人嘅結界而令佢返唔到去,不過佢喺鄧不利多遺物嘅熄燈器入面嘅未知魔法引導到哈利嘅位置。

當哈利試吓喺冰凍嘅湖水入面去攞葛萊芬多寶劍中文哈利波特中的魔法物品#葛來分多劍果陣,榮恩透過拯救哈利唔洗佢浸親好戲劇性咁返到嚟。哈利叫榮恩用葛來分多劍摧毀作為分靈體嘅小金匣果陣,半空中就突然出現咗幻象,喺分靈體入面嘅佛地魔部分靈魂透過揭示榮恩係「渴望有個女嘅阿媽唔唔鍾意嘅一個仔女」嚟利用榮恩嘅不安全感,然後又向佢展示一個哈利同妙麗分身嘅幻象,佢哋話無咗榮恩會更開心,仲有妙麗無辦法回報佢嘅感情而揀咗同哈利拍拖。呢個明顯令到榮恩對佢哋兩個嘅信心動搖咗,直到真正嘅哈利話佢知自己只係將妙麗當係朋友同姐妹,淨係咁樣。榮恩終鼓起勇氣仲克服咗幻象,將果個分靈體一分為二咁摧毀咗佢。哈利突然相信榮恩返嚟所創造嘅命運,佢即刻就原諒咗榮恩,仲講到好實咁話一定係榮恩用葛萊芬多寶劍將史萊哲林的小金匣摧毀。佢哋三個最後都俾死拿錢捉到,貝拉·雷斯壯仲利用酷刑咒中文哈利波特中的魔法符咒#不赦咒折磨妙麗嚟得到佢想要嘅信息,呢樣令到榮恩陷入咗恐慌,就算哈利叫佢冷靜落嚟同諗一個更好嘅計劃,但係佢都唔停咁尖叫,仲用盡全力去救妙麗。後來佢哋三個同埋其他被囚禁嘅人俾家庭小精靈多比救咗出嚟,不過多比喺逃走嘅過程入面俾貝拉·雷斯壯殺死咗。

後來,佢哋三個返到去霍格華茲,希望可以搵到哈利喺佢視野裡面出現嘅最後一個未知嘅分靈體。喺將葛萊芬多寶劍交俾妖精拉環中文哈利波特中的生物#拉環之後,榮恩諗到攞到更多用蛇妖毒牙嘅辦法,仲諗辦法講到足夠嘅爬說語嚟打開舊時消失的密室中文霍格華茲#地底深處嘅的大門,而妙麗喺果度摧毀咗作為分靈體嘅赫夫帕夫金盃。當榮恩講到開始擔心霍格華茲裡面精靈嘅命運,聽到呢番話嘅妙麗,佢掉低佢隨身帶住嘅蛇妖毒牙,仲第一次錫佢。榮恩後來參與咗霍格華茲大戰,仲睇住佢阿哥弗雷死咗,後來佢同奈威·隆巴頓聯手打低咗焚銳·灰背

後記[編輯]

喺佛地魔倒台嘅19年之後,雖然電影結尾無明確咁講到榮恩同妙麗結咗婚[45],但新聞文章同其他來源都當呢個係事實[46][47][48]。後來妙麗仲做咗魔法部部長。佢哋兩個有兩個仔女:露絲·格蘭傑─衛斯理中文哈利波特角色列表#十九年後的孩子(大女)同埋雨果·格蘭傑─衛斯理中文哈利波特角色列表#十九年後的孩子(細仔)[45]。電影入面最後果一幕就係榮恩同妙麗兩個送個女去到霍格華茲讀一年級嘅情景。

榮恩喺結婚之後通過咗佢嘅麻瓜駕駛考試,不過妙麗好明顯就相信佢如果唔係對考官施展咗混淆咒嘅話就做唔到呢一點(榮恩偷偷咁同哈利透露自己確實係咁樣做)。他同哈利以正氣師嘅身份喺魔法部度做嘢,佢哋仲同妙麗一齊幫手改造魔法部;令到佢同以前果個存在住好大嘅分別[49]。榮恩喺成為正氣師之前,佢同佢阿哥喬治一齊喺衛斯理兄弟巫師法寶店中文哈利波特中的地點#衛斯理兄弟巫師法寶店裡面做嘢,呢個成為咗一樣非常之有利可圖嘅業務[50]

喺家庭生活方面,據妙麗所講,佢哋兩個喺婚後發現大家後續嘅婚姻生活相處得並唔和睦,因為咁需要尋求婚姻輔導嘅協助。

描寫[編輯]

電影系列[編輯]

魯拔·格連特喺《哈利波特》系列全部八齣電影入面都飾演榮恩·衛斯理嘅角色。格連特喺看咗BBC嘅兒童新聞節目《Newsround中文Newsround》邀請細路仔傳送關於佢哋自己信息嘅一段片之後參加試鏡,而格連特傳送咗一張相、一個由佢自己寫嘅劇本同埋一段說唱,當中記錄咗佢描繪呢個角色嘅願望[51]。羅琳對呢個選角好支持,話格連特對榮恩嘅角色係「完美」嘅選擇[52]。格連特對呢個角色嘅刻畫攞到一致好評,令到佢喺《衛星獎》嘅「傑出新人」類別入面攞到獎[53],並憑住佢喺第一輯電影入面嘅表現而攞到《青年藝術家獎》嘅「最有前途年輕新人」。佢嘅演譯成日都俾人認為係三個主角之中最好嘅[54]

格連特喺首三輯《哈利波特》電影入面嘅都係屬於有啲搞笑嘅角色,不過榮恩呢個角色喺第四輯電影入面似乎會變得嚴肅得多,但去到第五同第六輯裡面又變返佢原本嘅性格。

舞台系列[編輯]

2016年,英國演員保羅·索恩利英文Paul Thornley (actor)為倫敦西區皇宮劇院上演嘅《哈利波特:被詛咒的孩子》入面飾演榮恩·衛斯理,佢係倫敦原版嘅演員,他喺2017年嘅《Whatsonstage.com》獎入面被提名做「最佳戲劇男配角」。

2018年,索恩利喺百老匯嘅抒情劇院中文利里克劇院重演榮恩·衛斯理嘅角色。

迴響同評價[編輯]

榮恩·衛斯理呢個角色好受歡迎。《IGN中文IGN》揀咗榮恩做佢哋最鍾意嘅《哈利波特》角色嘅第三位,提到榮恩作為喜劇演員嘅角色令佢「即刻變得可愛」,而他對妙麗·格蘭傑嘅挫敗感同調情係個「亮點」[55]。榮恩同哈利嘅友誼被列為文學同電影入面表現最好嘅人物之一[56],而佢同妙麗由朋友去到戀人嘅關係通常俾人稱為粉絲嘅最愛,亦都成為果個系列入面最好嘅配對之一。

流行文化[編輯]

[編輯]

  1. 喺故事入面,榮恩的中間名據講係嚟自一位佢已經過咗身嘅阿叔—畢流思·衛斯理Bilius Weasley;另外,「榮恩」係「榮納德」嘅暱稱,而「榮納德」呢個名只係喺《死神的聖物》先至正式出現。
  2. 話說喺榮恩仲係好細個果陣,佢俾佢阿哥弗雷同喬治將佢攬住嘅玩具熊變成大蜘蛛之後,佢就變得對蜘蛛好恐懼。

參考[編輯]

  1. Fraser, Lindsay (2001). Conversations with J. K. Rowling. New York: Scholastic. p. 37. ISBN 978-0-439-31455-8.
  2. ""Harry Potter and Me" (BBC Christmas Special, British version), BBC, 28 December 2001". 原著喺2007-03-05歸檔. 喺2022-06-15搵到.
  3. World Potterian Association. . 台灣東販股份有限公司. p. 20. ISBN 9789574733637.
  4. ""JKRowling.com Archives: Birthdays"". mugglenet.com. MuggleNet. 原著喺23 February 2007歸檔.
  5. "Behind the Name: Ronald". 原著喺2021-12-05歸檔. 喺2022-06-17搵到.
  6. "Wiktionary: Bilius". 原著喺2022-06-21歸檔. 喺2022-06-17搵到.
  7. 7.0 7.1 7.2 7.3 7.4 7.5 哈利波特:阿茲卡班的逃犯》 第16-17章。
  8. 8.0 8.1 哈利波特:鳳凰會的密令》 第14章。
  9. 哈利波特:死神的聖物》 第33章。
  10. 10.0 10.1 哈利波特:混血王子的背叛》 第14章。
  11. "Leaky Cauldron: J.K. Rowling Talks Marriage, Writing and More at Open Book Tour Stop in New York City". 原著喺2008-12-21歸檔. 喺2022-06-17搵到.
  12. 12.0 12.1 哈利波特:混血王子的背叛》 第15章。
  13. 哈利波特:死神的聖物》 第22章。
  14. "Rowling Reveals 'Marriage' to Harry Potter at Reading (Correct)". Bloomberg. 22 October 2007. 原著喺15 February 2009歸檔. 喺11 March 2017搵到.
  15. McCabe, Bob. Harry Potter Page to Screen: The Complete Filmmaking Journey. 2011. Harper Design. Page 102.
  16. "Interview with J.K. Rowling for Release of Dutch Edition of "Deathly Hallows"". 原著喺2018-03-16歸檔. 喺27 August 2008搵到.
  17. 17.0 17.1 哈利波特:消失的密室》 第15章。
  18. 哈利波特:死神的聖物》 第13章。
  19. 哈利波特:鳳凰會的密令》 第19章。
  20. 哈利波特:死神的聖物》 第19章。
  21. 哈利波特:火盃的考驗》第27章。
  22. "The Leaky Cauldron and MN Interview Joanne Kathleen Rowling – Part 3". The Leaky Cauldron. 28 July 2007. 原著喺2022-06-28歸檔. 喺9 February 2022搵到.
  23. 哈利波特:神秘的魔法石》 第16章。
  24. 哈利波特:神秘的魔法石》 第17章。
  25. 哈利波特:阿茲卡班的逃犯》 第11-12章。
  26. 哈利波特:阿茲卡班的逃犯》 第15章。
  27. 哈利波特:阿茲卡班的逃犯》 第18-20章。
  28. 哈利波特:阿茲卡班的逃犯》 第21章。
  29. 哈利波特:阿茲卡班的逃犯》 第22章。
  30. 哈利波特:火盃的考驗》 第7-8章。
  31. 哈利波特:火盃的考驗》 第12章。
  32. 哈利波特:火盃的考驗》 第17章。
  33. 哈利波特:火盃的考驗》 第23章。
  34. 哈利波特:火盃的考驗》 第22章。
  35. 哈利波特:火盃的考驗》 第26章。
  36. 哈利波特:鳳凰會的密令》 第9章。
  37. 37.0 37.1 哈利波特:鳳凰會的密令》 第15章。
  38. 哈利波特:混血王子的背叛》 第11章。
  39. 哈利波特:混血王子的背叛》 第17章。
  40. "The Leaky Cauldron and MN Interview Joanne Kathleen Rowling – Part 2". The Leaky Cauldron. 28 July 2007. 原著喺2022-04-10歸檔. 喺9 February 2022搵到.
  41. 哈利波特:混血王子的背叛》 第25章。
  42. 哈利波特:混血王子的背叛》 第29章。
  43. 哈利波特:混血王子的背叛》 第27章。
  44. 哈利波特:混血王子的背叛》 第30章。
  45. 45.0 45.1 哈利波特:死神的聖物》 第37章。
  46. Brown, Jen (26 July 2007). "Finished 'Potter'? Rowling tells what happens next". Today. 原著喺31 December 2014歸檔. 喺8 January 2015搵到.
  47. Toler, Lindsay (5 August 2007). "'Harry Potter' author ties up loose ends". The Arizona Republic. London. Associated Press. 原著喺12 January 2015歸檔. 喺8 January 2015搵到.
  48. "Ronald "Ron" Weasley". The Harry Potter Lexicon. 原著喺2016-06-23歸檔. 喺8 January 2015搵到.
  49. "JK Rowling's Interview with Meredith Vieira", 26 July 2007 'Todayshow.com' Retrieved on 26 July 2007
  50. "Online Chat Transcript". Bloomsbury Publishing. 31 July 2007. 原著喺12 October 2007歸檔. 喺31 July 2007搵到.
  51. "Harry Potter: Rupert Grint attended Potter auditions after watching Newsround - CBBC Newsround". 原著喺2022-06-23歸檔. 喺2022-06-19搵到.
  52. A Conversation Between J.K. Radcliffe and J.K. Rowling, YouTube, 22 Sept. 2013, 12:00, www.youtube.com/watch?v=7BdVHWz1DPU&t=4s.
  53. "Archived copy". www.pressacademy.com. 原著喺10 May 2011歸檔. 喺12 January 2022搵到.{{cite web}}: CS1 maint: archived copy as title (link)
  54. "Harry Potter: Every Performance from the Kid Actors, Ranked". Screen Rant. 27 November 2020. 原著喺2022-06-25歸檔. 喺2022-06-19搵到.
  55. Brian Linder; Phil Pirrello; Eric Goldman; Matt Fowler (14 July 2009). "Top 25 Harry Potter Characters". IGN. 原著喺19 July 2009歸檔. 喺3 April 2011搵到.
  56. "33 of Film's Best Best Friends". 原著喺2022-06-23歸檔. 喺2022-03-27搵到.
  57. "Saturday Night Live Transcripts". 原著喺2012-03-06歸檔. 喺27 July 2007搵到.
  58. [Louis Potter and the Philosopher's Scone]
  59. "BBC One press release" (PDF). 2001. 原著 (PDF)喺2012-11-12歸檔. 喺20 May 2007搵到.
  60. "Harry Potter and the Secret Chamberpot of Azerbaijan". tv.com. 原著喺2012-11-02歸檔. 喺8 July 2007搵到.
  61. "French and Saunders: Harry Potter and the Secret Chamberpot of Azerbaijan". .frenchandsaunders.com. 原著喺2016-11-19歸檔. 喺8 July 2007搵到.
  62. "'Harry Podder' to open on stage". 5 June 2005. 原著喺5 May 2016歸檔 –透過HighBeam Research. {{cite journal}}: Cite journal requires |journal= (help)
  63. "'Harry Podder' to open on stage". High Beam Research. 5 June 2005. 原著喺5 May 2016歸檔.
  64. "PotterPuppetPals Top at YouTube Awards". the-leaky-cauldron.org. 22 March 2008. 原著喺2008-05-28歸檔. 喺2022-06-20搵到.