Wikipedia:城市論壇 (政策)/歸檔/2023年12月

呢版係以往討論嘅歸檔，請唔好改呢版。如果你想發起新嘅討論或者重開家下嘅討論，請係家下討論頁做，唔該。

呢次嘅歸檔係由Shinjiman ⇔ ♨響2024年7月2號 (二) 07:03 (UTC)做嘅。

唔睇討論直接搬版係咪有問題？

英女皇壽辰啱啱有人搬咗，我一直都有留意呢版，因為我加加拿大嘅資料嗰陣見到有人想搬（有 move tag），叫人睇討論。我見冇討論，就開咗討論話反對。今日見到個版搬咗，即刻 check 討論，仍然得我一個留言，冇人話同意搬。

呢版搬咗我其實唔介意（不過，我覺得禮貌上係唔係都應該喺個討論度講一兩句先搬好啲？我個留言係唯一嘅留言，冇可能睇唔到），但係維多利亞女皇（又係有 move tag）就真係唔應該搬，因為真係竄改歷史。

我想問係咪其實有討論喺第度我唔知（我係新手，唔知唔出奇），但係，係唔係如果第度有討論係咪應該個討論版加個跳轉或者加個拎去個真討論度？⸺Al12si (傾偈) 2022年9月12號 (一) 02:58 (UTC)

一般習慣係明顯冇爭議性嘅可以直接搬，有爭議性嘅就要討論攞共識。今次係我留意唔到你提出過反對搬版嘅意見，係我疏忽，已經還原搬版，可以繼續討論。--Jason6698 (傾偈) 2022年9月12號 (一) 03:03 (UTC)

呢度想提下有關英倫嘅概念，似乎新生代朋友係唔太認為屬於粵文通用嘅概念，呢度想開講下睇睇，係咪可以度度各家認知度係咪仲有差異，依家諸君係咪可以連中維要求埋嘅正式參考記錄啲都唔使睇睇就可以直接搬版，唔好話粵文社區度好死都仲有啲正式嘅刊載都唔騷，有好多措辭用法都係一路就有用開嘅，有齊埋歷史文件記錄，有啲可能仲可以喺其他社羣背景啲中文使用者啲著述度搵得到，齋睇討論頁一下就講一句話唔見人覆就自己開工係咪對得住其他使用者，好值得討論一下。放膽呢樣並唔話唔好，其實呢度係可以揭露返一啲平時我地啲使用者之間嘅偏差，亦會吸引返諸君一齊好好認識粵文智識度唔少可能我地啲新生代唔嘹解、我地啲舊人老不死忽視咗嘅盲點問題。就著簡單一個英倫嘅使用，先已提出咗早已歸老嘅順德文學家梁廷枏先生著作海國四說做參考基礎，當然被講成咩咩古老石山大概就又難免，之不過呢個單輪返著述歷史嘅地位，相信唔係當時唐文度其他啲著作可以相比嘅，諸君希望認真睇睇，同考慮下唔同背景因素，希望可以折中講述返古今之間可能存在唔同世代朋友之間啲認知偏差。——Longway22 (傾偈) 2023年11月21號 (二) 04:10 (UTC)

係咪唔使諗外籍人名粵音啲就照搬「全名」

發現呢家似乎係少咗傾掂同意都唔使理係咪有共識，Z423x5c6等朋友係一個掣就搬嗮唔少外籍人物版到「全名」，繼續令到粵維啲傳意複雜起身，明顯亦唔係咩共識——

• 一個粵音標準簡單啲都起碼唔應該有拗口情況，依家連常用名啲標準都未話低級化過、全名嘅認知照粵維/粵文常理度係唔同原文或官話區域啲定義，未能釐清到呢啲就貿貿然開足力搬版顯然非常之唔恰當；
• 粗略睇咗啲重新搬出嘅全名目錄、唔話將貝理雅呢類英籍經用開粵譯文名嘅改走咗，有啲其他語文圈嘅人名少用開粵譯都照搬成咗中文名（官話定漢語音就暫唔評價），似蕭邦嘅Frédéric發音就唔夾得掂，列寧啲俄文名更甚，方案度係考慮過要全面搞全名化、就應該先有明確嘅粵譯方案做基礎兼大工程做咁照返共識形成制，唔係貪快或者等三秒記憶消失之類嘅
• 另外粵拼、粵化等本地工具應當重新得到重視同提升編輯地位，似啲有wiki空間做頭嘅粵文專業版面都要跟返一齊做本地利用嘅幫手，唔係少咗啲正路語文規矩嘅話、相信係會阻滯到本地後續使用環境嘅本地語文水準，各方面睇要改進相應範疇啲共識，仲需要係有埋有利紮實嘅粵文語文認知同意識發展嘅基礎。——Longway22 (傾偈) 2022年10月1號 (六) 01:39 (UTC)

搬全名我都覺得好不安。

譯音唔啱音嘅問題我都有留意。有少少東歐語文（甚至只係法文）認識嘅都知有啲國文譯音根本唔啱音（有啲係連用國文讀都唔啱音）。譯好咗，報紙電視台用開嘅粵文全名突然當姓都非常唔妥（除咗英國政客之外，加拿大政客都好嚴重）。有啲根本係亂譯，好多加拿大人嘅所謂全名應該冇加拿大人會知講緊邊個（可能大陸人知，我唔睇國語新聞，唔識評），講真我寧願唔譯。

至於加點嘅問題，我一向以來嘅感覺係加點係國文做法，加點根本唔係香港嘅慣常做法（ok, 我唔知，我冇住香港好耐）。唔問就加點根本係粵文維基國文化。 Al12si (傾偈) 2022年10月1號 (六) 02:25 (UTC)

多謝兩位意見，起碼可以引證到粵維社群確係有對「一律用全名」嘅行為有保留嘅聲音。呢個問題我早前已經指出過，勸喻未有共識之前應該維持現狀，不過「一律用全名」嘅支持者依然繼續對存在已久嘅文章直接搬版，而我覺得最可惜嘅係，一路都唔見有資深嘅事務員、管理員出手主持公道，而係選擇視而不見，我係覺得幾失望嘅。--Kowlooner (傾偈) 2022年10月2號 (日) 14:37 (UTC)

「一路都唔見有資深嘅事務員、管理員出手主持公道，而係選擇視而不見」

你依家先知d人扮盲咩？

而且嗰班所謂管理員仲有邊個公道？

你何嘗又唔係扮過盲。搞笑。 Roy17 (傾偈) 2022年10月4號 (二) 09:13 (UTC)

前半段我係大致同意嘅，粵維管理團隊對好多嘢都視而不見，我都已經一早習慣（或者叫「麻木」會貼切啲），之不過今次係影響粵維十幾年嚟嘅習慣，所以我先至期望有資深管理員可以出句聲，而家證明都係我一廂情願。不過你話我「扮盲」我就唔接受，我只係一個普通用戶而唔係管理人員，響粵維既無特殊權力亦無特殊責任，唔應該期望我行出嚟出句聲就可以改變到乜嘢。--Kowlooner (傾偈) 2022年10月16號 (日) 14:29 (UTC)

Roy閣下請唔好whataboutism，重點仲係要出聲針對返具體啲議題，有乜高見值得本地度再拓闊嘅即管可以留底，最緊要係傾得到有得展望嘅路數 Longway22 (傾偈) 2022年10月18號 (二) 02:51 (UTC)

@Longway22@Al12si：題外話就係Frédéric其實可以譯費特歷，呢個譯法有先例，就好似法國足球員費特歷·安東內蒂。我認為呢個名比較似法文原本嘅發音。 Akai 博士 (傾偈) 2022年10月2號 (日) 15:11 (UTC)

多謝各位討論。我搬咗蕭邦同列寧呢兩篇幾清晰有主流共識應該用返（淨係譯姓氏嘅）常用名嘅傳記。有其他文係類似情況嘅話，可以拎出嚟集中討論。（另外，我相信呢度冇人扮盲，只係維基百科咁多版，冇人顧得晒。） 翹仔 (傾偈) 2023年6月22號 (四) 22:32 (UTC)

非常多謝翹仔。好多世界名人，習慣上都只係叫佢個姓，已經係約定俗成，反而要嗌佢全名嘅場合先係特殊情況，所以非常贊同唔應該盲目變做全名。

另外，呢度係粵維，就算遇到要用全名嘅場合，亦都好應該盡力搵出所有通行譯名，喺當中細心噉揀個最貼合粵語嘅譯名，而唔係亂咁將啲跟普通話而唔理粵音嘅譯名搬過嚟。之前有啲人唔理三七二十一，抄咗一大堆「以普代粵」嘅名過嚟，夾硬搬版改啲文嘅標題，甚至明明篇文入面已經有符合粵音嘅全名，佢都要抄個普譯嚟搬版做篇文嘅標題，係不負責任嘅。

再加上，有好多英國政治人物，使用嘅係官方機構譯出嚟嘅「漢化譯名」，特登只係取三個字（有時係兩個或四個）嚟做嗰個人嘅專譯。即使呢三個字都只係取自本人姓氏個音，但就已經係嗰個人嘅成個專名，而唔係姓氏。有相同姓氏嘅人物，官方機構自然會頒佈有分別嘅漢化譯名。例如Ed Miliband係「文立彬」，David Miliband係「文禮彬」，絕對唔可以當Miliband呢個姓氏係「文立彬」或者「文禮彬」，然後擅自將佢哋改名做「愛德·文立彬」同「大衛·文禮彬」，噉係大錯特錯嘅。偏偏，喺之前盲目改成全名嘅歪風入面，就眞係有呢種荒謬嘅改法，例如將「貝理雅」錯誤噉當做只係Tony Blair嘅姓，然後夾硬幫佢改名做「東尼·貝理雅」。我唔知實際上有幾多篇文受影響，但係䁽過眼，喺嗰時嘅盲目風潮入面，被人亂改嘅文都唔少。可能有必要搵人全面檢査。Cangjie6 (傾偈) 2023年6月25號 (日) 22:09 (UTC)

例子有好多，超過一年前我已經質疑過「舒伯特」未經討論改用全名，之後出現好多唔討論直接改用全名嘅個案，到後期就連「約翰遜」呢個由英國官方採用嘅粵語正式譯名都畀人夾硬改用全名，結果要走去中文維基百科開返「香港繁體」嚟睇先至可以見到用「約翰遜」做標題，真係諷刺。而家睇返粵維最早期開嘅人物文「愛因斯坦」原來都唔能夠倖免，「愛因斯坦」個標題更被夾硬改成搞清楚，無視粵語日常溝通講到「愛因斯坦」四字有超過99.9%情況都係講緊嗰位發表相對論嘅科學家。--Jason6698 (傾偈) 2023年6月26號 (一) 15:19 (UTC)

如果講諷刺，我好耐之前因為需要，買咗一套大陸用嘅人名字典，所以知道上面點解譯名咁譯（佢哋基本上係逐個音節查表），但係連佢哋都寫明早期譯咗嘅歷史人名全部係例外（唔記得 cutoff 係幾時）。我平時根本唔用嗰套嘢，但係如果有需要，邊個名要查，我可以查下究竟係咪連普通話都唔會用全名。

PS: 普通話用表，亦係點解佢哋乜名都可以極速譯全名，根本係機械式抄表，唔似粵語要恁。 Al12si (傾偈) 2023年6月26號 (一) 15:40 (UTC)

感謝指出更多例子。我認為「舒伯特」、「約翰遜」、「愛因斯坦」等等都應該還原。「愛因斯坦」個「搞清楚」，除咗「歐拔·愛因斯坦」之外，另一個選項係連文都冇嘅「愛因斯坦家族」，根本只係「生人霸死地」。同嗰陣時爲咗將「貝理雅」改做錯誤的「東尼·貝理雅」，夾硬將「貝理雅」改做搞清楚頁，然後塞個粵維人至今都冇人理過嘅Bonnie Blair落去，係同一種手法。我認為應該視呢種手法做破壞。

尤其係「約翰遜」，係官方頒佈嘅，專指Boris Johnson呢個人。其他Johnson自然另有譯法，例如Alan Johnson係「莊漢生」、Garry Johnson係「莊俊彥」。老作出「鮑里斯·約翰遜」呢個嗌法，當「鮑里斯·約翰遜」係「全名」，都係大錯特錯嘅。好應該即刻更正番。而連番搞出呢啲錯誤嘅人，亦都應該視之為破壞，要罰佢負番責任，喺限期之內修復番晒所有佢搞出嚟嘅破壞先啱。——咪用實際上係錯別字嘅偽本字嚟扠禍粵文。Cangjie6 (傾偈) 2023年6月26號 (一) 17:31 (UTC)

@Z423x5c6：以前用落就係跟，哪怕係無道理都要跟？上面「貝理雅」、「約翰遜」，呢啲係英國對照香港人物翻譯，喺官方機構畀出嘅用名，之前已經喺「貝理雅」呢篇文已經退讓咗。冇理由依家冇全名都唔用全名，例如「祖·拜登」呢啲冇理由見到有啲香港報紙寫「拜登」，所以要用返「拜登」呢個寫法。如果跟返「愛因斯坦」呢個邏輯，係咪直接可以將「佳·施巴斯坦」改做「施巴斯坦」？特克斯特 (傾偈) 2023年7月22號 (六) 10:59 (UTC)

英國政治人物有官方名嘅話，用官方名無可非議，但係其他都夾硬老屈話咩常用講法係淨係叫姓，就講唔通啦。 ——Z423X5C6（傾偈） 2023年7月22號 (六) 11:54 (UTC)

淨系覺得幾位可以濫用支配地位做完大龍鳳又唔認數，真係非常值得載入粵維史冊。你地說服唔到粵維度唔同意你地做法嘅大家，就直頭自己開波搞唔話，仲可以大喇喇無視埋對粵維造成嘅傷害，唔直接公開檢討就真係過唔去。 Longway22 (傾偈) 2023年8月1號 (二) 01:45 (UTC)

非常驚詫同埋非常不能接受User:特克斯特話『之前已經喺「貝理雅」呢篇文已經退讓咗』。乜嘢叫做「退讓咗」？！「貝理雅」就係官方頒佈嘅Tony Blair唯一正式譯名，「東尼·貝理雅」係生安白造、無中生有嘅老作錯名。當時（2022年9月12號）User:特克斯特荒天下之大謬噉夾格生安白造出「東尼·貝理雅」，事實上、客觀上係破壞粵維、玩弄粵維，竄改粵譯，篡改自然粵文，將粵維變成佢嘅私人遊樂場。而且喺客觀說明呢個生安白造名嘅錯誤之後，User:特克斯特仲要大支嘢噉堅持唔肯改，堅持將佢對粵文嘅破壞利用粵維散播出去！到我喺2022年10月30號，忍唔住之下，喺冇權限嘅狀態，用人手土法去搬版，只係撥亂返正，改正番極度離譜嘅錯誤，做番任何一個粵維編輯都應該負嘅維護責任。本來維護完就算喇。但係User:特克斯特居然到咗今時今日，都仲要喺度，喺眾目睽睽嘅情況下，公然大大聲噉話冇再破壞我嘅撥亂返正只係「退讓咗」？！到底User:特克斯特「退讓」啲乜？！粵維係公器，喺𫒀維上寫嘅要係正確、自然、符合約定俗成嘅粵文。你呢個無恥之徒破壞粵維、傷害粵維，人哋改正你，你居然仲有面皮好意思話只係你「退讓」？！粵維幾時變咗你胡作非爲嘅私器？！而家你呢個無恥之徒有乜嘢特權，可以隨你鍾意就破壞粵維、傷害粵文嘅書寫？！——咪用實際上係錯別字嘅偽本字嚟扠禍粵文。Cangjie6 (傾偈) 2023年9月4號 (一) 09:35 (UTC)

你睇清楚我講緊啲咩再話「到底User:特克斯特「退讓」啲乜」先啦。我睇完你上面啲回應唔覺得你睇過我講緊啲咩。

仲有使唔使我寫嗮你呢句發言有幾多廢話都係唔對題，完全喺度人身攻擊+宣洩情感？

• 「事實上、客觀上係破壞粵維、玩弄粵維，竄改粵譯，篡改自然粵文，將粵維變成佢嘅私人遊樂場。」、「喺眾目睽睽嘅情況下，公然大大聲噉話冇再破壞我嘅撥亂返正只係「退讓咗」？！」、「你呢個無恥之徒破壞粵維、傷害粵維，人哋改正你，你居然仲有面皮好意思話只係你「退讓」？！粵維幾時變咗你胡作非爲嘅私器？！而家你呢個無恥之徒有乜嘢特權，可以隨你鍾意就破壞粵維、傷害粵文嘅書寫？！」。

以上。特克斯特 (傾偈) 2023年11月2號 (四) 17:21 (UTC)

我改咗Wikipedia:粵文拼音嘅標音方式

獨尊粵拼毋好；百家爭鳴好。——咪用「進行」污染中文，要言簡意賅。　捍匣趕粵以乙者精寫 2023年6月16號 (五) 16:07 (UTC)

有過萬篇文用緊Template:Jpingauto，而Template:Jpingauto入面「粵拼」兩字係連緊去Wikipedia:粵文拼音，所以唔應該輕率修改Wikipedia:粵文拼音嘅內容。 Alfakwan (傾偈) 2023年6月17號 (六) 06:01 (UTC)

我無改啲粵拼模，淨係改咗幾時標音同加咗其它標音方式。——咪用「進行」污染中文，要言簡意賅。　捍匣趕粵以乙者精寫 2023年6月17號 (六) 06:34 (UTC)

君似乎有啲主觀反對粵拼嘅意思，同君名頭係咪有出入？ Longway22 (傾偈) 2023年6月18號 (日) 10:32 (UTC)

捍衛粵語無話要同支持邊隻標音方式掛鈎喎，睇吓我用戶名頭頂用咩標音？——咪用「進行」污染中文，要言簡意賅。　捍匣趕粵以乙者精寫 2023年6月18號 (日) 11:42 (UTC)

本地班所謂支持「發展」粵維嘅新班子，經已消除咗版頭展示粵語輔助工具，若果連用慣開關粵文、粵拼都要一齊被正統「中文」指點，可能爭議更大。 Longway22 (傾偈) 2023年6月21號 (三) 09:36 (UTC)

開關粵文？——咪用「進行」污染中文，要言簡意賅。　捍匣趕粵以乙者精寫 2023年6月21號 (三) 13:58 (UTC)

政策頁應該反映粵維主流共識，唔係用嚟抒發個人意見。有大修改之前，應該喺到討論好先。 ——Z423X5C6（傾偈） 2023年6月22號 (四) 05:20 (UTC)

（*喺度／道）

明嘅，但嗰頁無寫話{{Policy}}，而係話{{舊聞}}。 ——咪用「進行」污染中文，要言簡意賅。　捍匣趕粵以乙者精寫 2023年6月22號 (四) 07:21 (UTC)

標音方法其實五花百門，作文人用邊個，其他人改咗佢，我都見過，多年嘅觀察就係，有幾位好推崇香港語言學學會粵語拼音方案，不過，如果有人應為用其他粵語拼音方案都可以，喺開新文時、唔去特登改以前寫落拼音嘅情況之下，用新嘅拼法亦唔係大問題。反切法、粵切幾有新意，幾趣致 :-) 劉錫祥拼音我比較鍾意。之前有人搞真人錄聲: {{Audio|Yue-aa4aa1zai2.ogg|讀}} 喺孲𤘅子一文之中，Wikipedia 畢竟都係一個電腦產物，純粹用寫嘅拼音有限，用讀音都係一個有得諗嘅方法。--WikiCantona (傾偈) 2023年6月28號 (三) 22:15 (UTC)

@Deryck Chan、WikiCantona、Shinjiman、Pokman817、Z423x5c6、Al12si、XRTIER： 如果我冇記錯，維基係唔准人用原創研究嘅，捍粵者係噉擅自將文入面嘅字改做佢嗰套「正字」（例如用毋唔用唔），又喺啲文入面加切字（我印象中極少人用），甚至剷走粵拼（已經有幾高普及度）。我覺得佢嘅行為唔係咁恰當。Dr. Greywolf (傾偈) 2023年6月22號 (四) 10:27 (UTC)

擅自將文入面嘅字改做佢嗰套「正字」（例如用毋唔用唔）

啲本字我全部都喺Wikipedia:粵語本字表搵嘅，無列到我毋會改；

又喺啲文入面加切字（我印象中極少人用）

我都係參考廣韻同分韻撮要啲字啫，啱音咪得，邊個話反切一定要跟古書（傳，住願切，https://www.savepropercantonese.com/files/save-proper-cantonese-book-3ed.pdf，第322、325頁）？

粵拼（已經有幾高普及度）

，順便改正：有幾高普及度－＞幾普及吓

，而且我都話，直音、反切（按粵音）一日仲喺度，都應該考慮復興作標準標音系統；普毋普及毋係正當理由。

題外話，你連音都錯（如孤立語你標立做蠟；標音應標保守音），既然係噉不如毋好標，費事誤人子弟。——咪用「進行」污染中文，要言簡意賅。　捍匣趕粵以乙者精寫 2023年6月22號 (四) 11:31 (UTC)

大原則係，預設要用香港或者廣州常用嘅寫法。但為咗鼓勵人寫多啲新嘅內容，有根據嘅其他正字法都可以接受，冇共識之下唔好亂咁改人哋嘅用字習慣。至於反切，粵語教育極少用來標音，唔建議喺維基百科文章入面用嚟做主要標音方式。 翹仔 (傾偈) 2023年6月22號 (四) 22:20 (UTC)

預設要用香港或者廣州常用嘅寫法。但為咗鼓勵人寫多啲新嘅內容，有根據嘅其他正字法都可以接受，冇共識之下唔好亂咁改人哋嘅用字習慣

無錯，其它正字係可以寫，但改做本字毋代表反對佢噉寫，而係話佢知，佢噉寫無錯，但本字係更好寫法，間接鼓勵佢寫本字。（百科全書係權威刊物，用嘅語句應該偏傳統、保守）

至於反切，粵語教育極少用來標音，唔建議喺維基百科文章入面用嚟做主要標音方式

噉粵拼就多？粵拼毋係教育局／香港中小學課程會教嘅標音系統，佢毋預你識，反而文言文課程就會係噉意講吓反切，佢預你起碼知原理；至於我話【主要】，意思係【優先用】，毋係毋俾用其它。 ——咪用「進行」污染中文，要言簡意賅。　捍匣趕粵以乙者精寫 2023年6月23號 (五) 18:14 (UTC)

香港已經唔用反切好耐，字典全部都係 IPA（唔係粵拼），不過亦有啲用粵拼嘅字典⸺我都有本係純用粵拼嘅字典⸺連雜誌都見過粵拼標音（ruby），我喺香港來嘅朋友要喺英文寫粵字亦係用粵拼（加拿大出世嘅有自己一套拼音方法，唔係任何正統方案，我識睇唔識寫），客觀上真係普及；要同香港人拗多人用反切好難，我感覺上，喺而今嘅普及書講反切淨係喺講正讀嘅書先會講。

我喺香港嗰陣有教反切，記憶中好似係小學教咗（少過）一堂（教查字典嗰陣教），之後冇再提，亦冇特別教文言文；我哋係讀好多文言文，然後預咗你識睇識寫，我仲記得中一考中文，試卷話寫文言文可以寫短啲，我當時真係唔知好嬲定好笑（根本冇教過點寫）。 Al12si (傾偈) 2023年6月23號 (五) 19:12 (UTC)

香港已經唔用反切好耐

可以話少，但毋係完全無；

字典全部都係 IPA

都好過粵拼啦，話晒IPA都係國際標準；為粵語整拉丁拼音方案不撚如直接用IPA毋使砌來砌去，又可學完用來學其它語言毋會好似專為粵語而設嘅拉丁拼音方案淨係啱粵語，外國人睇完都係𢲷（亞交切）晒頭。（參考）——咪用「進行」污染中文，要言簡意賅。　捍匣趕粵以乙者精寫 2023年6月24號 (六) 11:42 (UTC)

重有，

為咗鼓勵人寫多啲新嘅內容，有根據嘅其他正字法都可以接受

，吓，即係重量毋重質？咁粗製濫造嘅話只會令百科全書嘅質素每況愈下，恕本人毋可認同。 ——咪用「進行」污染中文，要言簡意賅。　捍匣趕粵以乙者精寫 2023年6月24號 (六) 12:47 (UTC)

@捍粵者： 聽到阿頭點講啦？Dr. Greywolf (傾偈) 2023年6月23號 (五) 01:27 (UTC)

佢噉寫無錯，但本字係更好寫法

@Deryck Chan、Al12si： 印象中我哋做嘅唔係規範語言學。Dr. Greywolf (傾偈) 2023年6月24號 (六) 02:06 (UTC)

本字有爭議，我喺度之前從來未聽過有人話 ｢咗｣ 嘅本字係 ｢徂｣ 或者 ｢唔｣ 嘅本字係 ｢毌｣（大家都知道 ｢毌｣ 字香港仲有用，之前我試過有國語人唔明點解我寫 ｢毌｣，而今明咗），淨見過話本字係 ｢着｣ 同 ｢無｣，淨係咁已經係某啲本字唔應該用嘅理由。

冇爭議嘅本字，例如 ｢來｣、｢無｣ 或者 ｢睏｣，我唔會反對用。

爾度有啲用本字寫嘅文我真係成篇都睇唔明，係睇好多次都唔知佢寫乜嗰隻；咁寫粵語把鬼？我而今寫 ｢爾｣ 只係因為喺日文字典查過，的確係咁解同係咁讀（日文讀 ｢に｣，即係 ni1）。 Al12si (傾偈) 2023年6月24號 (六) 02:43 (UTC)

我覺得｢毌｣同｢唔｣音意都近，極有可能就係本字。——咪用「進行」污染中文，要言簡意賅。　捍匣趕粵以乙者精寫 2023年6月24號 (六) 12:18 (UTC)

噉你（哋）話要統一用粵拼就毋係規範語言學？粵拼又毋係人人都同意。——咪用「進行」污染中文，要言簡意賅。　捍匣趕粵以乙者精寫 2023年6月24號 (六) 12:30 (UTC)

君最好唔好為拗數而拗數，粵維社羣嘅分歧即使唔似隔離咁款，之但係亦唔係話個個都同意君嘅睇法。本身唔好話有無得揀用邊個方案，「新班子」經已剔除埋粵維整體使用時有得快速參考粵拼輔助工具嘅空間，規範化呢個問題，再考究點講，都先要畀得社羣有多啲接觸返唔同粵拼方案嘅空間。若果君係要一入場，就推廣一個當下社羣（用返埋「新班子」剷除唐字講法時講過嘅「用法非主流」睇法）之前都唔多熟悉嘅概念，成數唔多可能。

君需要綜合考慮認受度、通用度同可辯度幾個方面，兼且重要一個因素係呢種情況，按照依家環境壓力同雷打不動嘅維基宗旨，一定要實體社羣度出返一定嘅綜合語文尺度共識，起碼引用返再討論嘅時候就唔至於太過主觀，兼採信起身亦唔會抵觸到維基機械準則。 Longway22 (傾偈) 2023年6月25號 (日) 01:38 (UTC)

另外君對語文使用嘅講法，有啲武斷嘅感覺，希望君避免好似元首規訓咁一竹篙。 Longway22 (傾偈) 2023年6月25號 (日) 01:41 (UTC)

Wikipedia:粵語本字表入面有好多根本唔係本字，而只係穿鑿附會出嚟嘅。況且，就算係本字，但係到咗後來有約定俗成嘅寫法，都應該尊重約定俗成，強行改做「本字」反而會引起種種誤會，污染語文。「唔」同「毋」已經約定俗成噉用嚟表示唔同嘅音，「呢度」個「呢」亦好可能係壯侗語底層，同「爾」字只係某啲層面偶合，全部都唔見得符合約定俗成。呢啲問題喺Wikipedia talk:粵語本字表都有講過。如果大家眞係捍粵，麻煩即刻停止呢種竄改。Cangjie6 (傾偈) 2023年6月25號 (日) 21:46 (UTC)

忙咗段長時間冇上嚟。一上翻嚟，見到上面嘅討論，我急忙一睇，首先見到User:捍粵者用一大堆實際上係錯別字嘅偽本字，嚟扠禍我keep住維護嘅粵語注音符號呢篇文。再check一check，我眞係想爆粗，好多好多篇文都畀你噉破壞法！如果佢眞係「捍粵」而唔係嚟破壞粵文，佢絕對有責任即刻抿番晒你屙嘅屎，還原番晒本來約定俗成嘅粵字！

「毋」同「無」係同源嘅，基本上由古至今音義都一樣，憑乜嘢用「毋」取代「唔」而用「無」取代「冇」？點解唔調轉嚟，用「毋」取代「冇」而用「無」取代「唔」？由此可見，啲所謂「本字」係幾咁雙重標準。唔理「毋/無、唔、冇」歷史上有幾同源，發展到今日，音、義已經唔同。我哋只會講「毋寧死」唔會講「唔寧死」，我哋要區分「無條件投降」同「冇條件投降」。偏偏User:捍粵者就走嚟撈亂晒。所謂嘅掛名「捍粵」，事實上係扠禍晒啲正常粵文！——咪用實際上係錯別字嘅偽本字嚟扠禍粵文。Cangjie6 (傾偈) 2023年6月25號 (日) 22:58 (UTC)

既然你覺得佢哋應該調轉取代，噉你不如答我，【毋】幾時有【沒有】嘅意思、【無】幾時有【不】嘅意思？【冇】同【唔】嘅意思邊個近啲【無】，邊個又近啲【毋】？ ——咪用「進行」污染中文，要言簡意賅。　捍匣趕粵以乙者精寫 2023年6月29號 (四) 16:21 (UTC)

到底閣下嘅閱讀理解能力有幾高？我冇主張「佢哋應該調轉取代」，唔好屈我，我只係指出你嗰種取代法有幾矛盾。我唔會答啲根本違反我主張嘅問題，相反，閣下主張要以「無」代「冇」，噉閣下係咪有責任解釋「無條件投降」同「冇條件投降」畀你扠禍完之後仲可以點樣區分？

又，我實實在在噉指出咗你啲修改造成嘅咁多問題，結果你咩都扮睇唔到，就淨係回我一個打稻草人嘅問題。選擇性失明好好玩咩？我叫你負番你自己嘅責任，即刻抿番晒你屙嘅屎，還原番晒本來約定俗成嘅粵字啊！咪扮睇唔到！——咪用實際上係錯別字嘅偽本字嚟扠禍粵文。Cangjie6 (傾偈) 2023年6月30號 (五) 02:25 (UTC)

「無條件投降」同「冇條件投降」意思毋（錯別字？邊撚度錯啊睇吓？）同？毋覺囉，淨係知前者係常見寫法噉囉；寫做後者都毋會毋同意思𠺝，所以，分來做咩？

你又成日話噉改係破壞要我還原，破咩壞還咩原吖，我初頭噉改嗰時你哋又毋出聲，改咗咁多你哋先來話毋得？你想還原咪自己還飽佢囉，一係咪叫返之前啲咩henryli啊來搞囉，話晒你覺得佢哋先係誤人子弟嘅始作俑者嘛！咁多篇，得閒同你逐隻字搵咩，我睬你都有味啊！ ——咪用「進行」污染中文，要言簡意賅。　捍匣趕粵以乙者精寫 2023年7月1號 (六) 15:26 (UTC)

連「無條件投降」同「冇條件投降」有咩分別都唔知，User:捍粵者你到底識唔識廣東話？！

連廣東話都唔識，User:捍粵者你憑乜嘢編輯粵維？

連「毋」同「唔」都唔識分，User:捍粵者你夠膽咪棟喺旺角商場門口，攞將紙將「唔係」寫做「毋係」，睇吓有幾多人認同你冇寫錯？

我自己有一排忙，嗰陣你未開始將正常粵文改成火星文錯別字，但我同好多人晨早已經喺相關討論度多次論證係錯別字，你未改就已經出咗聲喇！而家係你落手搞破壞，邊到你放肆周圍屙屎唔肯抹仲要話「睬你都有味」？！

如果各位管理員縱容User:捍粵者嘅破壞，粵維從今以後仲有邊一日可以安寧？！——咪用實際上係錯別字嘅偽本字嚟扠禍粵文。Cangjie6 (傾偈) 2023年7月1號 (六) 18:53 (UTC)

「無條件投降」同「冇條件投降」對我來講係同義而對你來講毋同又點？正如你嘅文筆同我都毋同啦！如果你覺得佢哋毋同不如你又講吓你覺得佢哋點毋同？！

我毋撚係好似你噉講毋識分「毋」同「唔」囉，而係覺得喺我用嘅語境無必要分囉，明毋明啊？！ ——咪用「進行」污染中文，要言簡意賅。　捍匣趕粵以乙者精寫 2023年7月2號 (日) 13:28 (UTC)

「無條件投降」同「冇條件投降」，唔係「對我嚟講」唔同義，而係對所有正常理解粵語嘅人嚟講都唔同義。你居然覺得同義，已經充分證明咗你唔識粵語同粵文。噉你有咩資格走嚟編輯（扠禍）粵維？！

仲要我敎識你有咩唔同？！任何一個正常識粵語嘅人都知道嘅嘢，仲要我講？！

「毋」同「唔」亦都係一樣，任何一個正常睇粵文、寫粵文嘅人，都一定會分。你居然覺得「無（錯別字，應該寫成『冇』）必要分囉」，已經充分證明咗你唔識粵語同粵文。噉你有咩資格走嚟編輯（扠禍）粵維？！——咪用實際上係錯別字嘅偽本字嚟扠禍粵文。Cangjie6 (傾偈)

至於粵拼有幾普及？官方小學識字標準預設用粵拼；香溯人最常用嘅查讀音網預設用粵拼；香港人發起嘅粵語詞典、「潮語咭」用粵拼；多間大學嘅通識課程、粵語課程同粵語自學網站都用粵拼，仲要講明粵拼多人用又多資源。居然有人噉都要選擇性失明，死拗粵拼唔普及？

直音、反切唔係一無是處，但係缺點亦係明顯。要顯淺簡單易明噉標寫聲韻調，直音做唔到，反切複雜麻煩亦唔統一，音標或拼音就水到渠成，噉都仲要捨近就遠？唔畀人用身邊嘅消防水龍頭，逼迫所有人都只准用遠水嚟救近火，User:捍粵者到底係捍粵，定係反串者，掛捍粵之名，其實係要殺死粵語書寫？

以前香港啲中小學冇教任何粵語拼音，搞到有唔少香港人講唔出甚至分唔到啲聲韻調嘅學理，淨係讀咗個字出嚟當識咗。直音、反切做唔到呢啲嘢，IPA對好多人嚟講又太深。而家難得粵拼比較普及喇，大學中學，甚至有小學，都教粵拼喇，User:捍粵者就走嚟不停刪走啲粵拼，夾硬用一般人唔識或者覺得深嘅標音方法，根本就係嚟扠禍粵語！

無論User:捍粵者再點死拗死撐，必須阻止佢嘅破壞，要即刻阻止！請各管理員畀個限期佢，要佢喺限期內改番走佢嘅所有破壞（包括刪走粵拼，將約定俗成嘅粵文改做偽本字等等），如果佢唔肯就封鎖佢。——咪用實際上係錯別字嘅偽本字嚟扠禍粵文。Cangjie6 (傾偈) 2023年6月27號 (二) 09:23 (UTC)

你使乜噉樣標我幾次來洗我板唧？標一次我就知啦！講到好似我啲字毋快啲打返回頭你就會急到瀨屎噉。

本字表咪話咗有啲字存疑囉，我都毋係逢本字表講嘅就改啦！毋通好似你噉盲反咩！如果你覺得本字表啲字有嫌疑，咪喺篇文度加入反對理據囉，又毋係毋俾你改～

你有無睇到我上面話：

普毋普及毋係正當理由

，同

任何註音系統都有基本符號（字形／字符）要學

？語會套系統簡稱粵拼，霸住【粵語拼音】嘅簡稱，令人以為粵語拼音就得佢嗰套！而且多數粵語拼音推廣者一推粵語拼音就係語會套系統，其它系統隻字毋提，連帶受眾都淨係知粵拼，可能連教院啊、IPA之類都未聽過，爾啲系統點會普及？對佢哋點會公平？如果真係想推廣粵語拼音就應該介紹埋其它系統，起碼俾人知吓揀吓！我肯定如果啲人知有其它系統，粵拼一定少好多人用！IPA對好多人嚟講太深？你又知人哋覺得深？IPA要學，反切要學，粵拼就毋使學呀？倉頡要學，手寫輸入就毋使學呀？

仲有你又話反切分唔到啲聲韻調嘅學理，你有無學過反切吖？知毋知咩叫陰陽平仄吖？咩叫聲韻調吖？

~~~~ ——咪用「進行」污染中文，要言簡意賅。　捍匣趕粵以乙者精寫 2023年6月29號 (四) 17:08 (UTC)

我標你純粹係行文需要，有必要喺內容度寫明破壞緊粵維嘅係閣下。我已經冇用ping。

凡係破壞，多一秒都嫌多。點解閣下大肆破壞完，仲居然有面皮去嫌人哋心急想快啲修復番？

你話你「毋（錯別字：應該用『唔』）係逢本字表講嘅就改」，問題係你改嘅都係好常用嘅字，好影響正常閱讀！你話我「盲反」？哈，我有冇反對過你啲正常修改吖？本來見你花時間執走啲歐化病句，我欣賞你㗎。點知搞搞吓，你走火入魔，變咗破壞粵維，將正常嘅文改做火星文。你咁扠禍法，我有乜可能唔反你？

文字又好，標音又好，要方便其他人閱讀，而唔係孤芳自賞，冇得唔講求約定俗成，大把大粒佬都係噉話嘅。普唔普及，絕對係堂而皇之嘅超極正當理由。抑或你家陣就係要做crank（民科），仲想將粵維變做你嘅民科樂園吖？係嘅就講明，唔好明明係噉做但係唔敢認。

各種「粵語拼音」，大家舊底就已經講開「粵語拼音」，四粒字好簡單，本來就冇咩簡稱可言。語言學會嗰隻簡稱做「粵拼」，閣下你好唔啹，但係慘就慘在成個社會受喎！你唔啹嘅，可以做客觀嘅統計調查㗎，睇吓邊隻標音方法最多人揀囉。香港人冇閣下咁豬，啲人用粵拼，往往唔係因為唔知有第二隻。你自己唔鍾意，唔代表可以噉樣屈人。

至於我識唔識反切、陰陽平仄、聲韻調等等，我使唔使話你聽，我係中維「重紐」篇文嘅主要內容貢獻者吖？（如果你唔識重紐係乜，呢抽問題係咪應該由你自己嚟答番？）當然唔只呢篇，要數可以有排數。但係噉又有乜嘢關係？要識呢啲嘢先可以指出你嘅問題咩？你喺度製造啲咩資格論啊？你覺得你自己咁識，係噉你又答唔答得出，點樣唔依靠任何音標或者拼音字母，淨係用反切或者直音，簡單、直接而且固定咁，表達出「二百年前，扇字讀sh聲母，線字讀s聲母」、「eon韻有eo元音同n輔音韻尾」呢兩句句子？——咪用實際上係錯別字嘅偽本字嚟扠禍粵文。Cangjie6 (傾偈) 2023年6月30號 (五) 02:25 (UTC)

我話你盲反嘅係本字表啲字，毋係我改嘅嘢；

民科（貶義）？民咩科啊？反切係成熟嘅標音系統，你就話人毋專業研究；

粵語拉（丁）拼普及度／喜好嘅調查，我搵都搵毋到，你就毋好鳩吹話多數人知粵語有咁多種拉拼系統；你之前重話有中小學教吖嘛，你咪舉例甚至擺佢哋啲教材上來畀我睇吓囉？

既然你識嗰啲音韻學術語就咪話反切分毋到聲韻調啦！我係話你明明識音韻學都仲要話反切分毋到聲韻調啊！你就調返轉話人製造資格論！

反切係愛來標聲韻調毋係愛來解釋現代語音學嘅音素概念！毋好越俎代庖！扇同線當年毋同聲母，前者照組審母後者精組心母，標明對立聲母係反切嘅用途！但拆開臻韻來表達佢韻腹同韻尾毋係反切嘅用途，係語音學術語或IPA嘅用途，例如話短靴韻腹同泥母韻尾，反切表達毋出好正常！ ——咪用「進行」污染中文，要言簡意賅。　捍匣趕粵以乙者精寫 2023年7月1號 (六) 20:25 (UTC)

你話我盲反所謂「本字表」啲字。我係咪個表上每一隻所謂「本字」都反對吖？你邊隻眼見我反對過個「啲」字？你邊隻眼見我反對過個「正」字？你邊隻眼見我反對過個「整」字？你邊隻眼見我反對過「鍾意」個「鍾」字？

我冇「盲反」嗰張所謂「本字表」，佢有啲字，的的確確眞係啱嘅，或者符合到約定俗成嘅，我有反咩？我只係反對嗰張表上面啲火星字，同埋反對稱佢哋做「本字」咋。偏偏張表上面絕大多數嘅字都係啲火星字，包括你呢條根本唔識粵文嘅破壞者，專揀埋晒啲火星字嚟改走人哋正常嘅𫒀文。我有乜可能唔反啊？！

至於反切，噉「審母」同「心母」具體即係乜嘢，佢哋有咩同有咩唔同？同樣係「審母」嘅字，切語上字又係咪次次都會標做「審」？「通、桶、痛、同、壟、洞」呢六個字嘅韻母，你用反切又會點寫？「東、司、因」、「懂、屎、忍」、「凍、試、印」、「同、時、人」、「壟、市、引」、「弄、事、刃」六組字，每組嘅聲調都一樣，你又點樣用反切表示出嚟？甚至你自己都話有啲嘢「反切表達毋（錯別字：應該用『唔』）出好正常」，而有另一隻工具，可以好簡單噉表達到晒呢啲反切表達唔到嘅嘢，同時又可以表達埋反切表達到嘅嘢，對唔少人嚟講又相當普及嘅，點解你唔畀人用？點解要改走人哋，變做反切？

我唔係話反切係民科，我係話你，連正常粵文都唔識嘅User:捍粵者閣下係民科！——咪用實際上係錯別字嘅偽本字嚟扠禍粵文。Cangjie6 (傾偈) 2023年7月2號 (日) 19:48 (UTC)

【至於反切，噉「審母」同「心母」具體即係乜嘢…切語上字又係咪次次都會標做「審」？】

咁想具體到畫出腸係⿰口毋係？！用語音學術語同IPA囉！！！明⿰口毋明咩叫正齒清音（清齦齶擦音）/ʃ～ɕ/同齒頭清音（清齒齦擦音）/s/？？古書愛來標音嘅反切字⿰口毋統一就代表現代嘅我哋標音嗰陣要跟佢⿰口毋統一？

【「通、桶、痛、同、壟、洞」呢六個字嘅韻母…你又點樣用反切表示出嚟？［原文如此］】

其它粵語反切標音嘅詳情自己睇https://zh.wikipedia.org/zh-hk/User:%E6%8D%8D%E7%B2%B5%E8%80%85/%E7%B2%B5%E5%88%87%E6%A8%99%E9%9F%B3，有問題集中喺佢討論頁問，我⿰口毋再喺度多講

【甚至你自己都話有啲嘢「反切表達毋（錯別字：應該用『唔』）出好正常」，而有另一隻工具，可以好簡單噉表達到晒呢啲反切表達唔到嘅嘢，同時又可以表達埋反切表達到嘅嘢［原文如此］】

我講多次，你想表達語音原理咪直接用語音學術語同IPA囉，粵拼邊向左走向右走度解釋到點解要分ｏｅ同ｅｏ？直接用⿰口毋同嘅ＩＰＡ符號咪得囉！使乜好似粵拼噉調來調去？！專登發明粵拼（或其它粵語拉丁拼音系統）出來都雙魚包！

【點解你唔畀人用？點解要改走人哋，變做反切？［原文如此］】

我改咗頂多兩三次，佢哋打咗返回頭！但你講到好似我改親文都會改走佢！hi auntie⿰口毋好再吹大啲？！

民科？咁多道理都叫民科，你就真係民科！

——咪用「進行」污染中文，要言簡意賅。　捍匣趕粵以乙者精寫 2023年7月7號 (五) 15:38 (UTC)

重有，你⿰口毋盲反WP:粵語本字表就⿰口毋會將引言成篇改走重要將一句講晒改到叫人⿰口毋好跟啦！ ——咪用「進行」污染中文，要言簡意賅。　捍匣趕粵以乙者精寫 2023年7月7號 (五) 16:01 (UTC)

我舉「通、桶、痛、同、壟、洞」呢六個字，目的係呈現用粵拼好簡單就標示到嘅同韻唔同調，用反切就會變成至少要用三個唔同嘅反切下字，而要表示陰陽仲另外要用反切上字。證明你改走人哋註好咗嘅粵拼，變做反切，係化簡單為複雜，捨近就遠。噉明顯係傷害、係破壞。

古書標音的反切字唔統一唔係罪，喺佢哋嗰個時空嚟講亦冇所謂。但係現代有簡單好多、統一好多、易用好多、易學好多、普及好多嘅拼音，點解你唔畀人用，要專登改做複雜好多嘅反切？

就算你退一步話用IPA，問題都係一樣。同反切比，IPA係簡單啲、統一啲、易學啲、普及啲。但係同粵拼比，優勢就喺粵拼度。

點解要分oe同eo，設計粵拼嘅學者已經解釋得好清楚。你分唔分到「裱起張soet1」個「soet1」同「體恤」個「seot1」「恤」吖？你分唔到嘅，仲有咩資格講你識粵語？

除咗你個人發神經，自己莫名其妙語鍾意粵拼，仲想迫全世界當你係皇帝聽你支笛之外，眞係完全冇改走𫒀拼嘅理由。

人哋將你嘅破壞打返轉頭，唔等於你冇破壞。正如你搶完嘢，畀人捉到你，將你搶走嘅嘢還返畀原來主人，唔等於你冇搶過嘢。你噉都仲可以大大聲講出嚟，真係人唔笑狗都吠。

唔係所謂「多道理」就唔係民科，絕大部份民科都一大抽口水講，弊在喺邏輯同證據上根本唔通。你啲所謂「道理」正正就係噉。

至於張九成火星字嘅表，叫人唔好跟有乜問題？唔通明知佢至少九成係錯都叫大家跟？討論頁話明跟咗張表係可以打回頭，我只係將呢點更新番，避免再有人好似你噉攞張表做藉口破壞粵維咋！——咪用實際上係錯別字嘅偽本字嚟扠禍粵文。Cangjie6 (傾偈) 2023年7月11號 (二) 01:55 (UTC)

我之前話提議現代標音統一啲反切字已經慳唨成半有多嘅字數，頂多都係多幾隻陽調字，噉就叫複雜？你連簡單嘅中文字都⿰口毋識嘅話有咩資格話你識重紐？

我上面亦講過，【傳統／文化：任何註音系統都有基本符號（字形／字符）要學，噉既然都係標自己語言嘅字音點解毋用我哋源遠流長、博大精深嘅漢／粵字（或基於漢／粵字嘅標音子系統）而要用蠻夷創製嘅文字？粵語必須用漢／粵字（或基於漢／粵字嘅標音子系統）標音，同官話爭奪華夏正統之名！用拉丁文字標漢語族語言字音簡直神化拉字、矮化漢字、崇洋媚外、摧毀傳統！】你睇⿰口毋到？定你想用拉丁拼音一步步毀滅漢字粵文，步越文後塵，【今日越文，聽日粵文】？

粵拼分oe、eo，萬國音標就⿰口毋分[œː]、[ø／ɵ]？你噉問係⿰毋系以為萬國音標都⿰口毋分？萬國音標分嘅話又特登整套粵拼出來係⿰毋系叫多此一舉？

就算張表畀夠你九成錯，噉你叫人⿰口毋好跟，咪即係叫人嗰一成都要反囉！噉⿰口毋係鳩反係咩？！——咪用「進行」污染中文，要言簡意賅。　捍匣趕粵以乙者精寫 2023年7月17號 (一) 01:18 (UTC)

覺得粵語標音係「老母係女人」，只係你呢件「禍粵者」嘅個人睇法。覺得粵拼係「蠻夷創製嘅文字」，亦係你呢件「禍粵者」嘅個人偏見（兼夾歧視）。

收手啦！維基唔係你一個人想點就點嘅遊樂場呀！你想乜都按你自己鍾意，可以自己開個fandom，而唔係破壞人哋維基上面嘅文呀！

仲有，如果用羅馬字母叫做「蠻夷文字」，噉主體係羅馬字母嘅國際音標亦都係。粵拼簡單過國標音標，日常應用上有優勢，粵拼只係標音嘅簡便工具，唔係取代漢字，唔會「步越文後塵」。你件「禍粵者」自己思覺失調亂咁腦補，就自己開個fandom玩飽佢，唔好走上嚟維基迫其他人同你一齊癲！——咪用實際上係錯別字嘅偽本字嚟扠禍粵文。Cangjie6 (傾偈) 2023年7月18號 (二) 00:05 (UTC)

百科嘅功用同職責根本就⿰口毋係愛來標常用音，字／辭典嘅職責先係標常用音，百科就頂多標僻音，做埋字／辭典嗰份即係越俎代庖；我引嗰段都講過，字都⿰口毋識多幾隻就睇百科？未學行先學走，傻乎乎？

【粵拼係「蠻夷創製嘅文字」】你意思係話語會嘅人係蠻夷，喇我無噉講啊，我係話【制訂粵拼迡啲拉丁拼音即係用「外族」創製嘅文字來標自己語言嘅字音，係有辱語體】啊。

我的確話要復興反切迡種偉大嘅標音法而想喺度用㗎，不過你又⿰口毋制，噉我咪提國際音標迡隻雖然係羅馬字母嘅延伸但又話晒通用嘅系統囉！

粵拼簡單過國際音標？如果你簡單嘅定義係粵拼用嘅符號少過國際音標，噉你用二進制吖笨！二進制夠少符號喇啩！

你今日⿰口毋用拉丁拼音取代漢字⿰口毋代表遞日正苦⿰口毋逼你嘛！

1.正苦將粵語定做香港官方語言

2.正苦將粵拼定做粵語官方標音系統

3.正苦將粵拼納入中小學必收課程，並有粵拼考試

4.正苦將粵拼定做粵語官方文字

5.正苦部門中文名全轉粵拼

6.正苦將香港路牌拉丁音全轉粵拼

7.正苦將粵拼定做港人外文名預設拼法

8.正苦立法廢除漢字

好喇，你答我，以正苦今下做嘢態度，你係⿰毋系想正苦一行行晒八步？ ——咪用「進行」污染中文，要言簡意賅。　捍匣趕粵以乙者精寫 2023年7月18號 (二) 10:25 (UTC)

@捍粵者：其實關於粵語本字/用字問題，之前都有用戶討論過，可以睇睇Special:diff/1280867。特克斯特 (傾偈) 2023年7月22號 (六) 11:13 (UTC)

既然我哋幾人當中就出到３種（最）鍾意嘅標音法，不如改Wikipedia:粵文拼音嘅標音政策

我最鍾意反切、@Al12si鍾意黃錫凌、@WikiCantona鍾意劉錫祥式

引49.176.167.107君喺我頁討論版留嘅言：

不如嘗試達成噉嘅模糊共識啦：新增某篇非空殼文嗰位有權自己揀套有名望嘅拼音方案嚟標注，不論過時與否；其他人見到之後唔好鏟走，頂多用「{{notetag|……}}」及「{{notefoot|……}}」加料……若果爭住制定標準，會搞到大家好冇癮，令原本唔多嘅活躍者變得更少。粵文版維基百科並無總編輯或大老世，亦唔係個語言類專家團體，應該包容各種冇錯嘅行文風格，正如現狀係語氣勁老套至頗新潮嘅作品都喺呢道並存。

@Dr. Greywolf，我爾今提出改標音政策，就係畀各套標音系統百花齊放，毋好統一做粵拼。

另外，我仲建議，標音毋好擺粗體標題頭頂，而應該擺頁面右邊嘅多系統粵音模（現有？整新？） ——咪用「進行」污染中文，要言簡意賅。　捍匣趕粵以乙者精寫 2023年7月1號 (六) 16:55 (UTC)

用粵拼係成個粵維晨早傾過晒，大家都認同嘅。而且而家提出呢堆嘢嘅人，係連日以嚟不斷破壞粵維嘅User:捍粵者。我強烈反對呢堆嘢，認為大家唔應該理呢堆嘢。——咪用實際上係錯別字嘅偽本字嚟扠禍粵文。Cangjie6 (傾偈) 2023年7月1號 (六) 18:56 (UTC)

而且而家提出呢堆嘢嘅人，係連日以嚟不斷破壞粵維嘅User:捍粵者。我強烈反對呢堆嘢，認為大家唔應該理呢堆嘢。

你又衝出來鳩反喇？除咗識鳩反我重識咩？晨早傾過即係幾時？你當政策死嘅毋更新得㗎？——咪用「進行」污染中文，要言簡意賅。　捍匣趕粵以乙者精寫 2023年7月2號 (日) 13:50 (UTC)

我有晒道理噉反，唔係「鳩反」，相反係你「鳩搞事」，先迫到我冇得唔反你。你唔搞事嘅話，你正正經經淨係執走啲歐化病句嘅話，我幾時反你？但係你搞事，仲要肆無忌憚，請問我有得揀咩？我有可能唔反你咩？！——咪用實際上係錯別字嘅偽本字嚟扠禍粵文。Cangjie6 (傾偈) 2023年7月2號 (日) 19:48 (UTC)

噉我夠有道理提出改政策咯，你有無反對嘅道理吖？！你噉反法擺明鳩反喎！ ——咪用「進行」污染中文，要言簡意賅。　捍匣趕粵以乙者精寫 2023年7月7號 (五) 14:07 (UTC)

你嗰啲所謂「道理」喺邏輯同證據上根本唔通，只係民科發泄，根本「鳩反」嗰個就係你。

我反對張表絕大部份嘅字，反對改走啲粵拼，原因亦已經講得清清楚楚，打咗咁多字，你唔係文盲嘅就自己睇返上面。你仲有一啲啲自知之明嘅，就停止破壞，同埋抹返走你周圍屙嘅屎，打返你自己啲破壞回頭！——咪用實際上係錯別字嘅偽本字嚟扠禍粵文。Cangjie6 (傾偈) 2023年7月11號 (二) 01:55 (UTC)

我口毋記得講，你反對我上面提出嘅改標音政策口毋單止係反緊我想用嘅標音系統，重反埋人亻地（@Al12si同@WikiCantona）想用嘅標音系統喎，噉你又何嘗口毋係鳩反？

你口毋明人啲道理邏輯就話人民科發泄，返屋企睏覺啦你～　——咪用「進行」污染中文，要言簡意賅。　捍匣趕粵以乙者精寫 2023年7月17號 (一) 05:49 (UTC)

Ji4-gwo2 1000 Nin4 cin4 Hoeng1-Gong2-Zai2 di1 Zu2-zung1 jau2 cat1-gwo3 10% Lik4 bi2 bau2-fu4 Mu2-ji2, Hoeng1-Gong2-Zai2 ji4-gam1 gong2 ga3 zau4 mau2-wui3 hai4 "Gwong2-dung1-waa4", ho2-nang4 hai4 壯話. 汩汩银泉 (傾偈) 2023年7月21號 (五) 07:31 (UTC)

標音嘅事，過去呢個月已經喺唔同場合討論過。社群主流共識係繼續用粵拼， 同埋唔好將人哋寫嘅慣用粵字改做你心目中嘅「本字」。開多個討論唔代表多咗人支持提議。如果User:捍粵者你繼續喺度嗌交，其他編者俾你嘅提議繼續扮聽唔到，噉管理員惟有封鎖呢個帳戶，好似 Dr. Greywolf 警告咗你噉。翹仔 (傾偈) 2023年7月20號 (四) 10:01 (UTC)

【唔同場合】：乜粵維版務重可以喺遞度傾㗎咩？除唨迡度（城壇）重有咩場合？

【同埋唔好將人哋寫嘅慣用粵字改做你心目中嘅「本字」】：我已經無再改人啲【慣用粵字】。

【嗌（喝）交】：講道理叫喝交？你係⿰毋系誤會唨？用感嘆號毋一定係【大聲】，可以純粹係表達語氣囉…——咪用「進行」污染中文，要言簡意賅。　捍匣趕粵以乙者精寫 2023年7月20號 (四) 15:44 (UTC)

哦～！@Cangjie6雙重標準，話人改人亻地啲粵字做屎毋啱，轉個頭就自己改人啲粵字！

（原本喺普通話拼音嘅編輯歷史講唨迡句，但WP嘅軟件食唨我打過嘅字：【哦！又話叫人毋好改人亻地啲粵字，轉個頭就自己改人啲粵字，重毋俾我捉到你雙標？】）

雖然我都同意毋應該用【尐】，但引用先例，你噉改犯規。——咪用「進行」污染中文，要言簡意賅。　捍匣趕粵以乙者精寫 2023年7月22號 (六) 16:09 (UTC)

由呢個所謂「投訴」充份證明「禍粵者」死心不息噉破壞粵維

• 「殘陽孤俠」當年就係嗰一大餅僞本字火星文（即係錯別字）嘅發明者、量產者。佢嘅講法只係為咗keep低佢自己啲僞本字火星文（即係錯別字）而夾硬搵藉口，完全唔係任何規則，亦完全冇可能跟。一個正常嘅百科，冇任何理由唔用約定俗成嘅正常寫法，特登走去寫錯別字。見到百科上面有文寫錯別字，改正佢係天公地道。粵維嘅問題係太多呢種僞本字火星文錯別字，但係根本冇幾多人肯真正維護，改正番啲錯別字，仲要有啲癲佬係噉增加錯別字。「禍粵者」引用呢啲垃圾發言嚟當成十戒投訴我，證明佢根本存心破壞唔會心息。請唔好再姑息養奸，帶住私心去「sense」呢件「禍粵者」係咩「熱愛粵語」，佢破壞正常粵文書寫、破壞粵拼嘅事實擺在眼前，請即刻永久封禁呢件到而家呢刻都仲不停破壞緊粵維嘅「禍粵者」！——咪用實際上係錯別字嘅偽本字嚟扠禍粵文。Cangjie6 (傾偈) 2023年7月22號 (六) 16:58 (UTC)

  Bat1 gwo3 "di1" dang4 "dit1" daai4-koi3 hai4 jau2 Fan1-bit4 Ji2-faat3 hoi2 slak1-dit1 Dialekte, di1 di1 Hoeng1-Gong2-Zai2 mi4 bit1 teng1-gwo3 ga3. 汩汩银泉 (傾偈) 2023年7月23號 (日) 18:35 (UTC)

急切必須喺方針、政策上杜絕火星文錯別字

呢幾個禮拜，「禍粵者」搞咗唔少風風雨雨出嚟。而家雖然佢畀管理員暫時封咗，但係嗰啲風風雨雨其實冇停，甚至仲擴散緊。我講嘅係僞本字火星文（即係錯別字）嘅問題。

回顧粵維嘅歷史，由創立之初，有啲編輯已經好鍾意標奇立異，一幅「眾人皆醉我獨醒」嘅心態，覺得唔少人寫粵文都係錯嘅，佢哋喺粵維度寫啲別樹一幟嘅文先係典範，而九成火星文嘅Wikipedia:粵語本字表就係噉嘅產物，唔只叫「本字」，仲要冠以「Wikipedia:」開頭，可見張表係喺咩心態之下整出嚟嘅。當年粵維仲經常出咩「殘陽孤俠」呢種編輯，唔只大寫特寫僞本字火星文，甚至唔畀人寫正字，迫人跟佢啲僞本字火星文（即係錯別字）嚟寫，趕走晒啲正常人。

時至今日，「殘陽孤俠」好少蒲頭喇，張火星文表亦都屢屢畀人批評，不過創立呢張表嘅「HenryLi」依然唔肯廢咗張表，仲話佢有「價值」，甚至話寫正常粵文、反對火星文錯別字只係「一時風氣」，仲聲稱「無論乜嘢正字假借字俗字都可以寫，只不過睇邊個勤力寫」，只係話張表唔𠇼方針，但係依然keep住個「Wikipedia:」開頭。於是，就算「禍粵者」做得太過份、犯眾憎而暫時被ban，問題依然冇解決過，仲有其他編輯好主動咁量產用僞本字火星文（即係錯別字）寫成嘅文，污染粵維同時扠禍成個粵文生境。只係解決「禍粵者」一個編輯，絕對唔足以撥亂返正。

我對事不對人，唔係要「整」邊一個定邊幾個編輯，而係希望粵維上面唔好再有火星文出現，扠禍正常嘅粵文。呢個影響唔只係粵維內部，仲影響埋粵維以外大家點睇粵維（繼續出現咁多火星文，大家只會當粵維係怪胎。你覺得你寫火星文好過「癮」，但係其他人唔只冇癮仲睇到死吓死吓——包括我睇你上面呢段話，都唔係真係好明，有唔少位都係靠估），同埋擾亂學者硏究粵文嗰陣嘅數據。嗰張所謂粵語本字表，根本九成以上都穿鑿附會嘅，唔應該用佢嚟支持啲火星文。「和而不同」係指喺一啲共識上可以唔同觀點，但係編輯百科全書，要寫正常嘅用字，唔好寫錯別字同火星文，應該係最最基本嘅共識同埋必須共同遵守嘅編輯規則，而唔係用咩「和而不同」嚟做藉口，大寫特寫火星文、錯別字。縱容啲火星文、錯別字繼續量文產，先至係真真正正嘅弊多於利。

要治本而唔係治標，必須喺方針上、喺政策上杜絕火星文錯別字，講到明無論邊一個，只要喺粵維度寫文，都應該用正常粵文，唔可以故意用僞本字火星文、用錯別字嚟寫。以後再有人，故意用大量僞本字火星文、用錯別字嚟寫文，應該講到明會列為破壞，管理員有權要求佢改正，死都唔肯改嘅，管理員可以封禁佢。唯有噉樣，先至有可能杜絕到而家都冇停止過嘅火星文錯別字不斷噉出現。呢個問題到咗而家呢一刻都仲係擴散緊，有非常緊急、非常逼切嘅需求。希望所有管理員正視同支持，唔好再繼續令粵維成爲火星文錯別字嘅滋生溫牀，扠禍成個粵文書寫。——咪用實際上係錯別字嘅偽本字嚟扠禍粵文。Cangjie6 (傾偈) 2023年7月30號 (日) 19:00 (UTC)

立意雖好，之不過似乎可能加劇根本上管制採編同審查模式官影響力，需要考慮嘅應該係，喺警覺我地自己採用咁嘅相應語文因素本身受到著唔對等壓力影響嘅情形下，可以保持返社區入邊每一個遵守到相應禮儀同合作要求嘅發言，同埋所有可以考證嘅跨背景、跨時間嘅語文記錄素材，喺議案或一般論說時候提交，之間嘅關係唔會因為提及時所附帶嘅唔對等或其他唔啱牙嘅壓力而變相造成惡果，

若果學似中維大一統或本地近排照抄嘅同一類思路款，除咗原則上客觀需要應對返正統式大一統思維而秉持嘅政治文化保守傳統，亦應當確定書寫系統簡化通俗化、時興化嘅路線唔會製造出另一種唔對等或者有極限壓制異議嘅意識，譬如話呢排之前有所謂粵譯外籍人士名號採用全名形式統一、變相施加大一統嘅翻譯規則到本地，正式可話引以為鑑，需要警戒。

一旦子未有充分整合唔同基礎同合理推進討論改變，係按照某啲政權或壟斷思維嘅緊急法做箝制以一了百了，如果係就本提案所話到嘅字詞使用問題，亦關聯書寫系統背後隱含嘅既有素材再梳理、再認識等深層次問題，單論火星與否淨係按現代極化嘅一啲思維而定，如果缺乏適合嘅、通行而普及嘅衡常辯論同共同協商等背景基礎，好難唔話一下子又再似之前本地一啲情況咁、發出禁制使用字眼或統一改變記述，訴諸干預社區傳統習慣，係唔會造成仲嚴重對智識學術辨識同言論嘅限制。

關於用字整體嘅爭議，個人認為係值得保持一定嘅質疑，但係極度憂慮若果係被升格成採取規制嘅程度，可能對社羣同社區製造其他嘅寒蟬效應。

遵照返過往情況、傳統同慣例，認為呢個反污染中文朋友嘅個案處理，係應當繼續採用個案情況進行處理，針對返當事人對本地採編活動同專案嘅意圖同影響因素，做出判讀。 Longway22 (傾偈) 2023年7月31號 (一) 10:40 (UTC)

感謝回應，不過好多嘢扯到好遠，其實同我指出嘅問題以及提出嘅解決方法無關。要求正常噉寫粵文，其實只係最最最基本嘅編輯體例，正常粵文係點亦應該係編輯者必備嘅常識，根本唔應該係任何嘅「改變」。指出呢堆火星文錯別字，係火星文錯別字嘅事實，並唔係咩「現代極化嘅一啲思維」，而係實實在在嘅客觀結果。如果粵維嘅書寫本來就正常，根本唔使大費周章去做。而家粵維搞到咁畸型，係「殘陽孤俠」等火星文派禍害者多年嚟一直種落嘅禍根，導致個天秤已經好嚴重噉向火星文嗰邊傾斜，如果唔做返必須做嘅嘢（只係講必須做嘅嘢，完全唔係咩「壟斷思維」咩「箝制」）去平衡番個天秤，喺度懶大愛，慢慢同班存心用火星文嚟毒害正常粵文嘅禍害者「協商」，噉只不過係製造藉口畀啲禍害者，變成容許甚至助長啲禍害者繼續擴展佢哋嘅火星文禍害——呢個正正係而家呢刻粵維嘅情況！

而所謂「用個案情況進行處理」、只係「針對返當事人」，根本完全無效。就好似件「禍粵者」而家只係暫時封咗，唔單止限期到佢又可以繼續佢嘅毒害，而且佢啲同類已經等唔切，好似「202.68.172.246」就已經喺度咬緊人。我亦嘗試過同佢溝通，講明係對事不對人，只係希望粵維上面唔好再有火星文出現，結果「202.68.172.246」唔只堅持要用火星文嚟毒害粵維，仲連番人身攻擊本人。呢啲存心傷害粵文、扠禍粵文嘅人，一而再再而三噉出現喺眼前，正好證明我提出嘅問題堅係擴散緊！係極度逼切要即刻解決！希望各管理員盡快阻止呢個問題繼續擴散，拯救粵維於水深火熱之中。拜託！——咪用實際上係錯別字嘅偽本字嚟扠禍粵文。Cangjie6 (傾偈) 2023年7月31號 (一) 17:42 (UTC)

單獨需要嘅係討論參與同適當嘅本地管理指引參照，可以發揮作用，而且亦覺需要注意返依家一部分新晉嘅管理姿態係可以縱容到剷除異己人等或資訊智識、變相拖低粵文部分核心建制傳統價值同慣例，係真係會本身就唔在乎擴大撕裂，亦可以藉機擴大管制手段，閣下需要小心唔好因為有新友特登撩事鬥飛而正中下懷。

議案重點仲係應該關注返新晉粵維用家啲行事手法同意圖、影響呢幾part，可能兼且需要考慮係咪存在篡謀因素，個人可以好肯定嘅話依家自治環境嘅困局仲惡劣過之前，明擺著就出現咗不正當嘅干預本地獨立採編同傳統情況，呢個個案亦應當作為同一種情形嘅一環，

個人認為較為確切啲嘅觀感，呢度發生嘅係有啲新晉粵維參與者，依據返家下啲表面記錄粗略睇，可能係正有意圖咁濫用友好豁免原則、超出合理可商議嘅範圍，同中維一啲人士係有一致嘅訴諸騷擾採編嘅patterns，兼有可能達致破壞衡常爭議嘅商議過程、產生超出可承受比率嘅言論同採編限制效果。以上應該係問題嘅核心。 Longway22 (傾偈) 2023年8月1號 (二) 01:39 (UTC)

希望Longway22閣下唔好再無限離題。我講嘅係粵維上火星文錯別字嘅文不斷擴大嘅問題，同啲咩「一部分新晉嘅管理姿態」、咩「剷除異己人等或資訊智識」、咩「變相拖低粵文部分核心建制傳統價值同慣例」、咩「自治環境嘅困局」、咩「不正當嘅干預本地獨立採編同傳統情況」、甚至咩「係咪存在篡謀因素」等等等等，連豆零關係都冇！冇呀！閣下唔滿意呢啲事，可以去眞係相關嘅topic度討論，冇嘅可以開新討論，但絕對唔係走入嚟呢個咁嚴正又咁急切嘅問題下面大肆離題，甚至用呢啲大纜扯唔埋嘅嘢去反對爲呢個急須即刻阻止嘅重大問題做應做嘅事！呢啲嘢絕對絕對絕對絕對絕對絕對唔係我所指出個問題嘅核心，而且連邊皮都唔係！丁屎關係都冇呀！而閣下嘅離題反對，先至係眞眞正正嘅正中下懷——正中嗰啲想將粵維變做火星文錯別字溫牀嘅破壞者嘅下懷！

退一步嚟講，而家火星文錯別字就係喺粵維擴散緊，量產火星文錯別字文章嘅人，就係唔肯改之餘，仲再三再四噉攻擊指出問題嘅編輯。係噉Longway22閣下有咩高見去眞係有效噉阻止問題嘅擴散？請問可唔可以喺度詳述？講完之後，又能唔能夠出力執行，眞係可以即刻制止到啲火星文錯別字嘅擴散先？——咪用實際上係錯別字嘅偽本字嚟扠禍粵文。Cangjie6 (傾偈) 2023年8月4號 (五) 22:04 (UTC)

結果呢個明明係最最最最最影響粵維、最最最最最扠禍正常粵文書寫嘅問題，到而家都冇人肯理。而用火星文扠禍正常粵文嘅新例子到而家都不斷誕生緊，冇人試過用任何方法去阻止。到底大家當粵維係乜嘢？——咪用實際上係錯別字嘅偽本字嚟扠禍粵文。Cangjie6 (傾偈) 2023年9月10號 (日) 22:00 (UTC)

睇住粵文維基變成火星文嘅溫牀，我真係真係非常極度痛心疾道。而用火星文扠禍正常粵文嘅新例子到而家都不斷誕生緊，將正常粵文改成火星文嘅兇手——就好似本例子入面同「禍粵者」一模一樣作為嘅「202.68.172.246」，佢唔只逍遙法外，甚至仲喺User talk:Dr. Greywolf上面、喺User talk:Deryck Chan上面等多處地方反咬我。希望咁多位管理員可以真係真正噉去處理，包括喺政策上，包括針對「202.68.172.246」呢類慣犯嘅封禁上，真正杜絕粵文維基變成火星文溫牀嘅呢個極極極極極度嚴嘅問題！ ——咪用實際上係錯別字嘅偽本字嚟扠禍粵文。Cangjie6 (傾偈) 2023年9月11號 (一) 19:37 (UTC)

既然反破壞人手唔夠，就應該加強對非確認用戶編輯限制

見香港藝人明細模破壞者持續大規模進行Overlink同亂改藝人模破壞，但好多破壞都未有人還原，之前我見管理員留言板有相關討論，但一路都未有管理員正視。我覺得既然反破壞人手唔夠，就應該加強對非確認用戶編輯限制。而家「過濾器51」只係留紀錄，建議應該改為當非確認用戶觸動到呢個過濾器，就唔可以儲存有關改動。當然呢個安排有弊處，就係當有其他非確認用戶發現之前被破壞內容，就唔可以幫手清理，但權衡之下依然係利多過弊。另外，「過濾器51」只係針對改藝人模，Overlink問題要再諗諗點樣防範。 Yaukasin (傾偈) 2023年8月1號 (二) 15:35 (UTC)

@Yaukasin：開咗個新嘅過濾器，會針對部分嘅相關破壞行作出封鎖。另外亦封鎖咗呢個破壞者常用嘅幾個IP地址。 H78c67c·傾偈 2023年9月1號 (五) 10:43 (UTC)

多謝跟進。睇封鎖日誌，呢位破壞者近期仍然好活躍，有唔少次自動封鎖都同佢有關，希望終有一日佢會覺得無癮而走人。 Yaukasin (傾偈) 2023年9月17號 (日) 12:27 (UTC)

文章長度

唔係想有嘢傾緊扠開話題，但係驚唔寫低唔記得。

今日一半出席 North American Wikiconference（因為咁啱喺多倫多），有個講者（應該係職員）提到恁緊好唔好整啲短內容（佢意思係video），因為好似而今啲人係睇短嘢而唔係睇長文。

如果有留意，我一直都係反對合併，亦反對抄內容夾硬整長主文；除咗維基數據同DRY原則之外，我其實一直都有覺得文章太長其實唔係好事。而今有人提出英維嗰便啲文可能太長，呢個係我哋唔應該下下盲從英維嘅一個新理由。 Al12si (傾偈) 2023年11月12號 (日) 01:52 (UTC)

應該禁止IP用戶同新用戶開空頁

見到有IP用戶鍾意開分類空頁，等其他人執手尾，我認為應該要用Abuse Filter禁止呢種行為。 XRTIER (傾偈) 2023年11月25號 (六) 01:52 (UTC)