會議

出自維基百科,自由嘅百科全書
(由跳轉過嚟)
現今會議形式一種

會議又叫開會,係指有組織、有領導、有目的嘅議事活動,係喺限定嘅時間同地點,按照一定嘅程序進行。會議一般包括議論、決定、行動三個要素。因此,必須做到有會又有議論、有議論又有決定、有決定又有行動,唔係嘅話就只係傾閒偈或者係討論,唔能夠成爲會議。會議係一種普遍嘅社會現象,差唔多有組織嘅地方都會有會議,會議嘅主要功能包括決策、控制、協調同教育等功能[1]

會議議程[編輯]

開會前需要先預備會議議程,係會議全部程序嘅安排,將成個會議進行嘅過程,包括報告事項、討論事項等各項內容順次序列出嚟,作為開會嘅依據。會議議程應該要簡潔同有條理,將會議中涉及嘅項目逐點列出嚟,務求令到會議可以有次序同高效率噉進行[2]

會議紀錄[編輯]

睇埋:速記

當會議進行嘅時候,由專人記錄低開會嘅資料,記錄會議嘅過程、參與者嘅發言同會議嘅討論結果等,將內容整理之後就成為會議紀錄,可以作為日後工作嘅根據或參考[3]

參考[編輯]

  1. 會議 網路解釋
  2. 用文寫作 會議議程. 原著喺2021年4月19號歸檔. 喺2021年4月19號搵到.
  3. 用文寫作 會議紀錄. 原著喺2021年4月21號歸檔. 喺2021年4月19號搵到.