平行

喺平面幾何裡面，平行指兩條直線唔相交；喺三維歐氏幾何裡面，平行係指兩條直線共面而且唔相交，亦可以指兩個平面唔相交。

平行亦經常用來描述線段之間嘅關係，爾個時候指嘅係爾兩條線段所在嘅直線平行。對於射線同理。

另外平行亦用來描述兩個自由向量之間嘅關係，如果有兩個向量 ${\vec {a}}$ 同 ${\vec {b}}$ ，有實數 $k$ 令到 ${\vec {a}}=k{\vec {b}}$ ，就可以話向量 ${\vec {a}}$ 同向量 ${\vec {b}}$ 平行，注意對於自由向量來講，平行亦可以叫做共線。