懸疑

懸疑（粵拼：jyun4 ji4）係創意寫作上成日提到嘅一個概念，指讀者觀眾心入面一種不確定嘅感覺^[1]。

好多寫作界人士都認為，懸疑係創意寫作上嘅一種重要技巧：事實表明，喺有戲劇性嘅虛構故仔當中，作者要令讀者觀眾對情節有股「唔係好肯定跟住落嚟會發生咩事」嘅感覺，讀者觀眾先會有興趣睇落去；如果讀者觀眾覺得自己經已估到嗮跟住落嚟會發生咩事，佢哋往往會冇癮唔想再睇落去。因為噉，有唔少寫作工作者都有認真思考「點樣先可以寫到份作品有懸疑感」呢條問題^[2]。

做法

喺廿一世紀初嘅寫作上，製造懸疑最基本嘅做法係喺情節度留低一啲嘢，暗示有重要嘢會發生，但唔知幾時或者點解會發生，例如^[3]：

主角行入一間就噉望落空無一人嘅屋裏面，突然聽到身後有吓腳步聲（暗示有嘢發生），佢覺得有啲嘢跟蹤緊佢，但唔知對方係乜（不確定性，唔知對方係乜同埋幾時會有嘢發生）；
身為警察嘅主角知自己個朋友殺咗人，佢需要去捉呢個朋友返嚟（有嘢會發生），但佢覺得好迷茫，唔知佢個朋友嘅殺人動機係乜（不確定性，唔知點解會發生）；
主角要出發去打低黑暗魔王（有嘢會發生），佢呢場旅程會係一場大冒險，唔知幾時會遇到危險，亦都唔知會遇到咩危險（不確定性，唔知有乜危險同幾時會遇到危險）；

... 呀噉。

睇埋

文獻

Baroni, R. (2007), La tension narrative. Suspense, curiosité, surprise, Paris: Éditions du Seuil.

攷

↑ Carey, Gary; Snodgrass, Mary Ellen (1999), A Multicultural Dictionary of Literary Terms, Jefferson: McFarland & Company.
↑ Brewer, W. (1996). "The Nature of Narrative Suspense and the Problem of Rereading". In Vorderer, P.; H. J. Wulff; M. Friedrichsen (eds.). Suspense: Conceptualizations, theoretical analyses, and empirical explorations. Mahwah: Lawrence Erlbaum Associates.
↑ Henry, Laurie (1995), The Fiction Dictionary, Cincinnati: Story Press,

[1] Carey, Gary; Snodgrass, Mary Ellen (1999), A Multicultural Dictionary of Literary Terms, Jefferson: McFarland & Company.

[2] Brewer, W. (1996). "The Nature of Narrative Suspense and the Problem of Rereading". In Vorderer, P.; H. J. Wulff; M. Friedrichsen (eds.). Suspense: Conceptualizations, theoretical analyses, and empirical explorations. Mahwah: Lawrence Erlbaum Associates.

[3] Henry, Laurie (1995), The Fiction Dictionary, Cincinnati: Story Press,

[1]

[2]

[3]