冒險故仔

冒險虛構故仔（英文：adventure fiction），簡稱冒險故仔（adventure story），係虛構故仔下嘅一個文類，指個故仔內容講主角去冒險，並且經歷各種嘅危險。

常見橋段

睇埋：奇幻橋段同英雄旅程

• 試煉：主角同佢嘅同伴要經歷一連串嘅危機；例如神話故事成日都會講英雄大戰怪獸，當中希臘神話喺呢方面零舍出名，好似係牛頭怪、多頭蛇同惡龍等嘅怪獸形象都係深入民心。

  過咗門檻後，英雄喺一笪似夢嘅地域行進，捱過一連串嘅試煉。呢個係神話同冒險裡邊一個廣受人鍾意嘅階段... 打前啟程前往試煉之地代表嘅，只係一個起始，及後會緊接住又長又充滿危難嘅道路同埋明事嘅時刻。英雄而家要屠龍同埋渡過令人驚訝嘅障礙—要一次、一次又一次噉做呢啲嘢。

• 誘惑：英雄會受到誘惑，誘惑嘅來源會答應英雄，話如果英雄偏離或者放棄自己嘅冒險就可以得到某啲令人愉悅嘅嘢；誘惑可以有好多種形式，常見嘅係一位男性英雄受女色引誘。
• 角色發展：經歷咗咁多嘢之後，英雄成個人好似成熟咗噉；有咗新知識同能力，英雄下定決心要完成呢場旅程。