寓言
(由寓意跳轉過嚟)
想搵香港歌手王菲出嘅大碟嘅話，請睇寓言 (專輯)。 「Fables」跳轉到呢度。想搵漫畫，請睇「Fables (漫畫)」。
寓言（粵拼：jyu6 jin4；英文：fable，粵拼：fei1 bou4）係一種文學體裁。言通常會涉及擬人化嘅動物、植物、死物、或者自然力量，並且有一啲寓意，即係會講一啲人生哲理。一般認為，世上最早嘅寓言係《伊索寓言》。
定義
[編輯]内文：擬人化
睇埋：比話
好多學者會做詳細嘅分野，主張用人做主角講道理嘅故仔，應該歸類做比話（parable），而寓言淨係涉及擬人化嘅動植物、死物或者自然力量。
歐美
[編輯]
内文：伊索寓言
《伊索寓言》有好多出名嘅寓言故事：
- 《狼來了》：講一個牧羊細路，佢多次因為貪得意而講大話呃啲村民話有狼出現，搞到村民唔再信佢，最後真係有狼出現就冇人救佢－呢個寓言教人唔好講大話[1]。
- 《龜兔賽跑》－教人唔好自滿；
- 《生金蛋嘅鵝》－教人唔好貪心；
《三隻豬仔》係一個源自 19 世紀英倫嘅寓言故事。故仔講三隻豬仔分別用唔同嘅物料起屋，當中大哥同二哥懶，貪方便用禾桿草同木棍等易整嘅物料起屋，而最後嗰隻細佬豬仔肯辛苦啲用磚頭起屋。跟住大野狼嚟到，輕易噉吹冧咗大哥同二哥嘅屋，但吹唔冧三弟嗰間。於是成個故仔嘅寓意就係想教訓人唔好偷懶[2]。
中國
[編輯]早喺秦漢時期前，中國已經有故事係用人做主角講道理嘅（雖然呢啲故仔嚴格學術上會被歸類做比話）。
- 《杞人憂天》－教人唔好有不必要擔憂。
- 《愚公移山》－出自戰國時期道家典籍《列子》嘅一個神話故事。個故事講一個年紀好大嘅阿伯（愚公）好努力噉掘土石，諗住掘走佢屋企附近嗰兩座山。佢嘅鄰居笑佢話佢傻，但愚公照樣繼續做，話佢啲仔同孫可以延續佢做嘅工作。上天嘅神靈見佢咁有恆心，就施法將兩座山移開咗。呢個故仔係教人要有恆心。
睇埋
[編輯]來源
[編輯]- ↑ The Boy Who Cried Wolf (PDF).
- ↑ 三隻豬仔，美國文學