碎形
碎形（粵拼：seoi3 jing4）通常係指「一個粗糙或者零碎嘅幾何形狀，可以分成幾個部分，而且每個部分都（至少要類似）係整體縮細之後嘅形狀」，係有自相似（自我相似，即係話佢同佢本身一部分完全或者幾乎相似）嘅性質。
雖然碎形係一個數學構造，但佢哋同樣可以喺自然界入面搵到，因為咁，碎形屬於藝術作品嘅範疇。碎形喺醫學、土力學、地震學同技術分析入面都有用到。
喺維度上講，碎形入面嘅維度唔一定係整數，而可能會係一哋有理數或者無理數。
特徵
[編輯]
碎形一般有以下特質：
- 佢幾細都好，都有精細嘅結構；
- 太過不規則，無論係佢嘅整體或係局部都好難用傳統嘅歐氏幾何嚟描述；
- 係自相似嘅；
- 通常佢嘅「碎形維數」（通常係豪斯多夫維數）會大過拓撲維數（但係喺空間填充曲線，就好似希爾伯特曲線就例外）；
- 喺多數情況下有簡單嘅遞歸定義。
因為碎形放到幾大或者縮到幾細都好似，所以通常俾人覺得係無限複雜嘅。自然界入面某程度上似碎形嘅嘢有雲、山、閃電、海岸線、雪片、植物嘅根、蔬菜（好似椰菜花同西蘭花同埋動物毛皮嘅圖案等等。不過，並唔係所有自相似吼嘅嘢都係碎形，好似實直線雖然喺形式上係自相似嘅，但係唔符合碎形嘅其他特質，比如話佢可以俾傳統嘅歐氏幾何語言嚟描述。
碎形嘅圖像可以用碎形產生軟件整出嚟。雖然用呢啲軟件整出嚟嘅圖像冇上面碎形嘅特徵，比如話某哋地方放大之後冇上面所講嘅特徵，但係呢啲圖像通常都算係碎形。而且呢哋圖像可能會有計算或者顯示造成嘅人為偏差——一啲唔屬於碎形嘅特徵。
