大佬 (遊戲)

大佬（英文：Boss），又叫大嘢、大機、波士。係遊戲入面最勁比較難打嘅角色，有啲大隻。

一般嚟講大佬要打好多下先至可以打得低，不過都有例外，例如有啲超級孖寶兄弟系列嘅大佬可以直接跳過，然後開機關令佢哋跌落深坑或者熔岩。

大佬嘅屬性

• 多血，一般都係好多血（可能冇血睇），打極都打唔完，有時都唔知有冇傷到佢，總之就係消耗時間。
• 大隻，即係出現一隻好大隻嘅嘢（機器或生物），一般都有玩家角色5到10倍倒，幾乎佔咗半個屏幕，重有啲儬唔停咁跳出嚟。佢嘅子彈勁多，有時就直接用身體壓迫，最悶就係發難喳清屏，即係冇得擋，有時重冇得避，通常要喺死角打佢先至得。有啲飛機遊戲逼你放炸雞先至冇事。
• 勁傷，打人嗰陣比啲儬要傷好多，又或者有超多連招，打到你還唔到手，最犀利就係有一擊必殺。
• 勁快，佢一般避得好快，令你打佢唔到，或者好難打中，通常要喺死角先唔會俾佢打中。
• 特殊，開頭會當佢大佬，不過好多時知道點打之後就會當佢流嘢。

中嘢

中嘢（miniboss）：關卡入面間中會出現嘅強力敵人，戰鬥力一般會同普通玩家相當或者稍高過，有時打大佬前會打，主要係攞嚟俾玩家壓力。

隱藏大佬

• 隱藏大佬（bonus boss / super boss / superboss），即係一個就算唔打都爆到機嘅大佬，遊戲入面如果唔玩出隱藏關卡或者情節，隱藏大佬都唔會揾得到。隱藏大佬會勁過一般嘅大佬好多，好多時仲勁過遊戲嘅最終大佬，搵到佢哋嘅玩家有得自我挑戰，而且有陣時打低隱藏大佬可以得到一啲好有用嘅遊戲道具，所以會間接幫到玩家做主線任務。

出場

大佬一般喺每關／每個級（通常一級有幾關）最後先至出場，打完可以升呢，視乎制作人員嘅創意，大佬出場嗰陣都會特別華麗，有時會有啲搞笑劇情。最後嘅正式大佬一般都係霸嗮成關。

屈大佬

死角，通常係指大佬打唔到嘅位置，又或者大佬掂唔到嘅位置。

用大佬

大佬唔係個個可以用得，唔可以直接揀嘅叫做隱藏人物，一般喺選擇版面搵唔到，要用特殊密碼或者特殊按鍵方法。唔係個個遊戲都有大佬可以用，但係格鬥遊戲通常都可以偷大佬，重有一啲運動遊戲可以偷隱藏人物。可以偷大佬嘅遊戲重有好多，唔可以一一列舉。