主人同僕人嘅比喻

主人同僕人嘅比喻係耶穌講嘅一個比喻，記載喺《新約聖經》《路加福音》第17章第7至10節。

聖經譯文

「	你哋當中有邊個僕人耕田或者放羊，喺農場返來，就對佢話「你快啲坐低食飯」呢？當然唔會！你會對僕人話：「你同我預備晚飯，綁上圍裙服侍我，等我食完，你先可以食。」僕人照主人嘅吩咐去做，主人會多謝佢咩？你哋都係一樣，當你哋做完咗一切所吩咐嘅，要話：「我哋係無用嘅僕人，所做嘅係盡我哋嘅本分。」	」
——《路加福音》17章7至10節

解釋

當時社會上嘅奴隸制度係好普遍嘅。有啲僕人認為自己做得好，就要求主人立即畀額外嘅報酬。耶穌嘅勸告係：身為僕人無論幾咁辛苦，只係盡咗僕人嘅本分，唔可以因此而向主人要求額外嘅報酬。當一個奴隸喺農場做到好攰又好肚餓噉返到去，仍然要為主人預備食物，主人冇因為噉而多謝佢。因為僕人只係盡佢嘅責任，唔可以因為噉認為主人欠佢一份人情。同樣道理，基督徒最好嘅服事，唔應該覺得會畀上帝有咩好處，亦無權向上帝搵藉口。我哋無論做咗啲乜嘢善事，都唔可以要求上帝嘅報酬，因此喺律法之下嘅人，只算做咗律法所要求嘅事，盡咗自己嘅本分。