唔結果無花果樹嘅比喻

唔結果無花果樹嘅比喻係耶穌講嘅一個比喻，記載喺《新約聖經》《路加福音》第13章第6至9節。

聖經譯文

「	於是，耶穌用比喻話：「有一個人喺葡萄園度種咗一樖無花果樹。佢去嗰樖樹度搵果實，但係搵唔到，就對園丁話：『睇吓，我呢三年來到呢樖無花果樹搵果實，乜都搵唔到。斬咗佢啦，做乜要白佔土地呢？』園丁答話：『主人，留多一年先啦，等我喺樹嘅周圍掘鬆泥土，加上肥料，如果樖樹能夠結果實就算啦，唔係嘅話就斬咗佢啦。』」	」
——《路加福音》13章6至9節

解釋

呢個比喻係針對以色列人講嘅，因為無花果樹係象徵以色列國。耶穌教導猶太人要結出果實，同悔改嘅心相稱。一樖多結果實嘅樹象徵聖潔嘅生活。耶穌喺呢度指出另一種樹，佢哋白佔土地同時間，卻冇為嗰個耐心嘅園丁結出果實。耶穌要藉住呢個比喻警告提醒佢嘅聽眾，上帝唔會永遠容忍佢哋唔結出悔改嘅果實。