無知財主嘅比喻

無知財主嘅比喻係耶穌講嘅一個比喻，記載喺《新約聖經》《路加福音》第12章第16至21節。

聖經譯文

「	然後耶穌用比喻對佢哋話：「有一個財主，田地出產豐富。佢自己心裏面諗：『我嘅出產冇地方儲藏，點算呢？』就話：『我要將原有嘅倉庫拆咗佢，另起一座更大嘅，喺嗰度用嚟儲藏我一切嘅糧食同財物，然後我要對自己話：幸運嘅人呀，你有好多財物積存，足夠享用好多年，慢慢享受，飲飲食食，過舒服嘅日子！』但係上帝對佢話：『你呢個無知嘅人！今晚，我要收返你嘅生命，你所預備嘅要歸畀邊個呢？』凡為自己積聚財富，喺上帝面前卻係唔富足嘅，都係噉樣。」	」
——《路加福音》12章16至21節

解釋

耶穌所關心嘅係，人嘅生命比財富重要得多。於是，耶穌講咗一個比喻，話：有個財主，田地出產豐富，冇足夠地方收藏。於是佢諗，要起一座更大嘅倉庫，用嚟收藏出產嘅穀物。呢個財主所有嘅計劃，都係以今世嘅生命做基礎。佢淨係顧自己，冇考慮到其他人，更加冇感謝上帝嘅心，所以上帝稱呼佢做無知嘅財主。結果，上帝對佢話：「你呢個無知嘅人！今晚，我要收返你嘅生命，你所預備嘅要歸畀邊個呢？」一生辛勞所積蓄嘅財富，就係噉樣因為死亡而變成對佢一啲好處都冇。