唔見錢嘅比喻

出自維基百科,自由嘅百科全書
Jump to navigation Jump to search

唔見錢嘅比喻係耶穌講嘅一個比喻,記載喺《新約聖經》《路加福音》第15章第8-10節。呢個故事係《路加福音》第15章裏面耶穌嘅比喻「三部曲」嘅第一個,另外兩個比喻係迷羊嘅比喻浪子嘅比喻

聖經譯文[編輯]

假如有一個女人十個銀幣,唔見咗一個,噉點算呢?佢一定要點着盞燈,打掃間屋,細心去搵,直到搵到為止。搵到,就邀請朋友同鄰舍來,對佢哋話:「我好開心,我唔見咗嘅銀幣已經搵到,請來同我一齊慶祝啦!」同樣,我話你哋知,上帝嘅天使亦為一個罪人悔改而高興。

——《路加福音》15章第8-10節

解釋[編輯]

耶穌用一個婦人唔見錢嘅比喻,嚟強調失而復得嘅真理。十個銀幣可能代表一個婦人嘅所有積蓄,若果失落咗一個,都係一件嚴重嘅事。一個銀幣等於一個人喺葡萄園度做一日嘢嘅人工,對佢嚟講,係莫大嘅損失。因此佢要點着盞燈,打掃間屋,細心噉去搵。東方嘅房舍只有一佪窗口仔,可以透入屋嘅光極之有限,因此屋入面通常都係漆黑一片。婦人喺噉嘅情況之下搵銀幣,好比海底撈針。婦人以破釜沉舟嘅精神,終於搵到呢個失而復得嘅銀幣,將佢揸係手度嗰種莫名嘅喜樂實在難以形容。同樣,當一個罪人悔改,上帝同眾天使都喜樂,就好比呢個婦人重獲失去珍貴嘅物品一樣咁開心[1]

參考[編輯]