半夜朋友嘅比喻
閱讀設定
![](http://upload.wikimedia.org/wikipedia/commons/thumb/b/b5/Teachings_of_Jesus_17_of_40._ask_and_ye_shall_receive._Jan_Luyken_etching._Bowyer_Bible.gif/300px-Teachings_of_Jesus_17_of_40._ask_and_ye_shall_receive._Jan_Luyken_etching._Bowyer_Bible.gif)
半夜朋友嘅比喻係耶穌講嘅一個比喻,記載喺《新約聖經》《路加福音》第11章第5至13節。
聖經譯文
[編輯]「 | 耶穌又對佢哋話:「假如你哋中間有一個朋友半夜去到佢嗰度,對佢話:『朋友!唔該借三個餅畀我;因為我有一個朋友旅行來到我呢度,我冇嘢可以招呼佢。』嗰個人喺裏面答話:『唔好騷擾我,門已經閂咗,班細路同我都已經上咗床,我唔可以起身拎畀你。』我話你哋知,雖然冇因為佢係朋友而起身拎餅畀佢,但係因為佢嘅懇求,起身照佢嘅需要畀佢。我又話你哋知,祈求,就畀你哋;搵,就搵到;敲門,就開門畀你哋。因為凡祈求嘅,就得到;搵嘅,就搵到;敲門嘅,就開門畀佢。你哋當中做阿爸嘅,邊個會仔要魚,反而畀蛇佢?要雞蛋,反而畀蠍子佢呢?你哋雖然唔好,都會知道畀最好嘅嘢仔女,何況天父,佢豈唔係更將聖靈賜畀向佢祈求嘅人咩?」
|
」 |
——《路加福音》11章5至13節 |
解釋
[編輯]巴勒斯坦嘅猶太人如果要遠行探訪朋友,通常都會等到下晝冇咁熱嘅時候先至出發,到達目的地嘅時候自然已經係夜晚。有一個人因為朋友來探訪,自己已經冇多餘嘅食物,而向另一個已經瞓覺嘅朋友借三個餅,點知朋友卻唔肯幫佢,理由係點燈開門會嘈醒班細路。耶穌強調:喺噉嘅情況之下,如果佢唔理面子堅持繼續噉祈求,一定會得到朋友嘅答應得到需要嘅嘢。
「祈求,就畀你哋;搵,就搵到;敲門,就開門畀你哋」,呢三個重疊句加強耶穌強調「恆切祈禱」嘅重要性,抱住祈求必定會得到嘅信念,就一定能夠得到應允。因為人有愛心,都會將好嘅嘢畀仔女;噉樣天父,更會將好嘅嘢畀我哋呢啲求告佢嘅人,天父係將「聖靈」畀求佢嘅人,「聖靈」就係天父賞賜中最好嘅,亦包括一切屬靈嘅好處,係特別嘅應許[1]。