麵酵嘅比喻

麵酵嘅比喻係耶穌講嘅一個比喻，記載喺《新約聖經》《馬太福音》第13章第33節、同埋《路加福音》第13章第20至21節。

聖經譯文

「	耶穌又對佢哋講另一個比喻：「天國好比麵酵，有個女人拎嚟放入三斗麵粉裏面，令到成個麵團都發起嚟。」	」
——《馬太福音》13章33節

「	耶穌又話：「我拎乜嘢嚟比較上帝嘅國呢？佢好比麵酵，有個女人拎嚟放落三斗麵粉裏面，直到成團都發起嚟。」	」
——《路加福音》13章20-21節

解釋

正面

麵酵好似芥菜種子噉樣，放一啲酵入去麵團裏面，成個麵團都會好快噉發起嚟，變成一大團。麵酵嘅比喻乃係講明上帝嘅國點樣擴大發展，正如耶穌傳道初期規模好細，不過佢嘅國度好似酵加入麵團度，迅速噉擴展。

反面

麵團係預表教會嘅食物，就係上帝嘅道，係人生命嘅靈糧，麵餅係為獻祭用嘅，係祭司可以食嘅，麵酵喺舊約聖經裏面，乃係指罪惡，例如除酵節，獻血祭，素祭等，都唔可以有酵，表示除罪潔淨，酵能夠污穢聖所嘅嘢；喺新約聖經裏面，乃係指做敗壞唔好嘅嘢，例如假冒為善，一切異端，疑心詭詐，自高自大，所有罪惡，酵嘅本性係唔好嘅。麵酵嘅比喻乃係講明教會當中有錯誤嘅教訓，罪惡影響信徒，令到人偏離真理。