十個童女嘅比喻

出自維基百科,自由嘅百科全書
Jump to navigation Jump to search
William blake ten virgins.jpg
The Parable of the Ten Virgins (section) by Phoebe Traquair, Mansfield Traquair Church, Edinburgh.JPG

十個童女嘅比喻係耶穌講嘅一個比喻,記載喺《新約聖經》《馬太福音》第25章第11至13節。

聖經譯文[編輯]

嗰日,天國好比以下嘅故事:有十個童女手裏拎住油燈,出去迎接新郎。其中五個係愚蠢嘅,五個係聰明嘅。愚蠢嘅帶備燈,不過冇足夠嘅油;聰明嘅帶備燈,另外又帶油。新郎遲來,佢哋都眼瞓,瞓着咗。到半夜,有人呼叫話:「新郎到喇,你哋出去迎接佢啦!」十個童女就起身,整好佢哋嘅燈。嗰時,愚蠢嘅對聰明嘅話:「唔該分一啲油畀我哋, 因為我哋嘅燈就嚟熄喇。」聰明嘅答話:「對唔住,我哋嘅油實在唔夠分畀你哋,你哋自己去舖頭買啦。」愚蠢嘅童女去買油嘅時候,新郎就到。五個有準備嘅童女一齊入去,同赴婚宴,門就閂咗。其他嘅童女隨後亦到;佢哋叫話:「先生,先生,請開門畀我哋!」新郎答話:「我實在話你哋知,我唔識你哋。」耶穌話:「所以,你哋要警醒;因為你哋唔知嗰個日子,嗰個時間係幾時到。」

——《馬太福音》25章第11至13節

背景[編輯]

當時巴勒斯坦地嘅風俗習慣。喺大喜嘅日子,新郎由兄弟同朋友陪伴住行勻成條村嘅大街小巷,接受每一戶人家嘅祝賀。然後,佢重要去新娘屋企接新娘,所以返到村嘅時候可能已經係三更半夜。

內容[編輯]

十可以睇做整數,係指所有信徒,原文中「童女」係指未婚嘅童女或童男,原意係童身,十個童女手裏拎住油燈等候新郎,因為新郎遲來,十個童女都瞓着咗,聰明嘅童女都瞓咗,不過佢哋有預備足夠嘅油,所以半夜新郎來嘅時候,燈重係着嘅。呢個比喻話畀我哋知接近末日嘅時候,因為信徒肉體嘅軟弱,靈性會鬆懈,不過儆醒嘅信徒保持同上帝嘅靈交,讓聖靈充滿,有好行為嘅表現而發出亮光。愚蠢嘅童女雖然都拎住油燈,不過冇預備油,因此當佢哋醒過嚟嘅時候,發覺燈啲油就快用完,只好要求聰明嘅童女分一啲油畀佢哋。