兩個債戶嘅比喻

出自維基百科,自由嘅百科全書
Jump to navigation Jump to search

兩個債戶嘅比喻係耶穌講嘅一個比喻,記載喺《新約聖經》《路加福音》第7章第41至47節。

聖經譯文[編輯]

耶穌話:「有兩個人欠咗某一個債主嘅錢,一個欠五百個銀幣,一個欠五十個銀幣。因為佢哋無能力償還,債主就開恩赦免咗佢哋兩個人嘅債。你哋認為,呢兩個人邊一個更加愛佢呢?」西門答話:「我認為係嗰個赦免得比較多嘅人。」耶穌對佢話:「你講得啱。」於是佢轉向嗰個女人,對西門話:「你睇見呢個女人嘛?我入到你屋企,你冇畀水我洗腳,但係呢個女人用眼淚滴濕咗我嘅腳,又用頭髮抹返乾。你冇用接吻歡迎我,但係呢個女人從我入來就不停用嘴親我嘅腳。所以我話你知,佢好多嘅罪都赦免咗,因為佢愛嘅多;而嗰個赦免得少嘅,表示嘅愛亦少。」

——《路加福音》7章41至47節

解釋[編輯]

耶穌以呢個比喻指出有兩種罪人虧欠咗上帝嘅罪債,欠五十兩銀子代表一啲犯罪較多虧欠上帝嘅人,欠五兩銀子代表一啲犯罪較少虧欠上帝嘅人,因為佢哋冇能力償還,債主就開恩赦免佢哋兩個人嘅債,比喻上帝發慈心,施恩白白赦免世人嘅罪債。因此犯罪比較少嘅人,冇必要因為犯罪比較多嘅人都得到上帝赦免而覺得唔甘心同唔公平,人若果曾經犯罪,無論犯嘅罪係多定少,只要真心來到上帝面前認罪悔改,上帝就必定會赦免[1]

參考[編輯]