兩個仔嘅比喻

耶穌同施洗約翰（15世紀）

兩個仔嘅比喻係耶穌講嘅一個比喻，記載喺《新約聖經》《馬太福音》第21章第28至32節。

聖經譯文

「	耶穌又話：「有一件事，我想知道你哋嘅諗法。一個人有兩個仔。佢對大仔話：『仔，你今日去葡萄園度做工啦。』佢答話：『我唔去』，但係後嚟改變主意，就去。佢對細仔講同樣嘅嘢。佢答話：『阿爸，我去』，但係並冇去。呢兩個仔邊一個係照住阿爸嘅意思做呢？」佢哋答話：「大仔。」耶穌話：「我實在話你哋知，稅吏同娼妓反而比你哋先進入上帝嘅國。因為約翰來到你哋呢度指引你哋行正路，你哋唔信佢，但係稅吏同娼妓反而信佢。你哋睇見咗之後，重係冇改變心意去信佢。」	」
——《馬太福音》21章28-32節

解釋

大仔就係講到呢啲稅吏同娼妓，當佢哋聽咗約翰所傳悔改嘅信息，佢哋原本係聽咗上帝嘅要求，知道乜嘢係啱嘅，乜嘢係好嘅，不過佢哋冇去做。但係後嚟佢哋回心轉意，佢哋就悔改，就返到阿爸嘅心意去做。反而嗰啲文士、法賽利人，外表上睇起嚟好似好乖、好聽話噉，但係實際上佢哋由始至終都冇悔改，所以，佢哋其實冇入到上帝嘅國。