壞農夫嘅比喻

出自維基百科,自由嘅百科全書

壞農夫嘅比喻係耶穌講嘅一個比喻,記載喺《新約聖經》《馬太福音》第21章第33至45節、《馬可福音》第12章第1至12節、同埋《路加福音》第20章第9至19節。

聖經譯文[編輯]

你哋再聽一個比喻:有一個園主開墾一個葡萄園,周圍用籬笆圍住,裏面挖咗一個醡酒池,起咗一座守望樓,租畀農夫,就出外去遠行。到咗收葡萄嘅季節,佢打發僕人去向農夫收佢應得嘅葡萄。農夫捉住僕人,打咗一個,殺咗一個,用石頭打死咗一個。主人又打發第啲僕人去,人數比之前更多;農夫重係照樣噉對待佢哋。最後,園主打發佢自己嘅仔去,佢話:「佢哋會尊敬我嘅仔。」但係農夫睇見佢嘅仔,大家話:「呢個係園主嘅繼承人,來,我哋殺咗佢,就可以霸佔佢嘅產業!」於是佢哋捉住佢,將佢推出葡萄園之外,殺死佢。葡萄園嘅主人返來嘅時候,要點樣處置呢啲農夫呢?佢哋話:「佢一定會消滅呢啲壞人,將葡萄園轉租畀嗰啲按時候交租嘅農夫。」耶穌對佢哋話:「『匠人丟棄嘅石頭已經成為房角嘅頭一塊石頭。呢啲係主所做嘅,我哋睇係好奇妙嘅。』呢段經文你哋從來冇讀過咩?所以我話你哋知,上帝嘅國要喺你哋嗰度拎走,賜畀嗰啲可以結果子嘅人。邊個跌喺呢嚿石頭上面,一定會粉身碎骨;呢嚿石頭跌喺邊個嘅身上,亦都會將佢壓碎。」祭司長同法利賽人聽見佢嘅比喻,就知道耶穌係指住佢哋講嘅。就想捉住佢,但係佢哋怕群眾,因為群眾認為佢係先知。

——《馬太福音》21章33-45節

耶穌就用比喻對佢哋話:「有一個人開墾咗一個葡萄園,周圍用籬笆圍住,挖咗一個醡酒池,起咗一座守望樓,租畀農夫,就出外去遠行。到咗收葡萄嘅季節,佢打發一個僕人去農夫嗰度,要向佢哋收應得嘅葡萄。佢哋捉住佢,毆打佢,叫佢空手返去。園主再打發另一個僕人去佢哋嗰度。佢哋打傷佢嘅頭,並且侮辱佢。園主又打發一個僕人去,佢哋就殺咗佢。以後又打發一啲僕人去,有啲俾佢哋打,有的俾佢哋殺咗。園主重有一位佢最愛嘅仔,最後又打發他去,話:『佢哋會尊敬我嘅仔。』但係嗰啲農夫大家都話:『呢個係園主嘅繼承人。來,我哋殺咗佢,就可以霸佔佢嘅產業!』於是佢哋捉住佢,殺死佢,將佢推出葡萄園之外。噉樣,葡萄園主要點做呢?佢要消滅嗰啲農夫,將葡萄園轉畀其他人。『匠人丟棄嘅石頭已經成為房角嘅頭一塊石頭。呢啲係主所做嘅,我哋睇係好奇妙嘅。』呢段經文你哋冇讀過咩?」猶太人嘅領袖睇得出呢個比喻係指住佢哋講嘅,就想捉佢,但係佢哋怕群眾,於是佢哋就走咗。

——《馬可福音》12章1-12節

耶穌用呢個比喻對百姓話:「有一個人開墾咗一個葡萄園,租畀農夫,就出外遠行,去咗好耐。到咗收葡萄嘅季節,佢打發一個僕人去農夫嗰度,要向佢哋收應得嘅葡萄;農夫竟然打佢,叫佢空手返去。園主又打發另一個僕人去,佢哋照樣打佢,並且侮辱佢,叫佢空手返去。園主又打發第三個僕人去,佢哋又打傷咗佢,將佢推咗出去。葡萄園主話:『我要點樣做呢?我要打發我最愛錫嘅仔去,或者佢哋會尊敬佢。』但係農夫睇見佢,大家都話:『呢個係園主嘅繼承人,我哋殺咗佢,產業就屬於我哋喇!』於是佢哋將佢推出葡萄園外面,殺咗佢。噉樣,葡萄園主要點樣處置佢哋呢?佢要消滅嗰啲農夫,將葡萄園轉租畀其他人。聽見嘅人話:「絕對唔可以!」耶穌望住佢哋,話:「噉樣,聖經話:『匠人丟棄嘅石頭已經成為房角嘅頭一塊石頭。』係乜嘢意思呢? 邊個跌喺呢嚿石頭上面,一定會粉身碎骨;呢嚿石頭跌喺邊個嘅身上,亦都會將佢壓碎。」文士同祭司長睇得出呢個比喻係指住佢哋講嘅,嗰陣就想捉佢,但係佢哋怕群眾。

——《路加福音》20章9至19節

解釋[編輯]

上帝委託猶太人管理以色列國,甚至派先知同耶穌引導佢哋遵行上帝嘅誡命,歸向上帝。但係,猶太人領袖三番四次拒絕上帝,反而想將以色列國據為己有。最後,上帝會作公義嘅審判,令到猶太領袖得到應有嘅懲罰[1]

參考[編輯]

  1. (PDF). 原著 (PDF)喺2020年3月15號歸檔. 喺2018年3月19號搵到.