人造語言

人造語言jan4 zou6 jyu5 jin4（又叫：人工語言jan4 gong1 jyu5 jin4）係指刻意設計出來嘅語言，同其他經過長時間發展出嚟嘅語言唔一樣。創造一套人造語言通常都係想方便世界唔同地方嘅人溝通（好似世界話咁）。亦都可以只係作故仔或者拍戲用；如果只係拍戲需要可以只係求其作少少（例如超時空要塞嘅祖拿達文），亦都可以作到有完整嘅語法（例如星空奇遇記嘅克林崗文、阿凡達嘅納美話）。重有一啲係為咗實驗一下一啲哲學概念嘅語言（例如一切從簡嘅 toki pona 、目的為消除一切歧義嘅邏輯語）。

睇埋

• 自然語言，可以話係人造語言嘅相對。
• 世界創建，人造語言成日俾作家攞嚟做呢樣嘢。
• 電腦語言，唔入於人造語言。雖然一樣有意思有語法，而且係人造出嚟嘅，同埋個名有「語言」兩個字，但係唔會當佢做呢頁講嘅語言噉分類。電腦語言係為咗向電腦發出指令，叫啲電腦做嘢，相比起俾人同人溝通嘅嗰啲語言，本質上係有分別嘅。製作一份由電腦語言寫嘅文本（一般以 code 嘅形式存在）嗰陣，啲人會話「揼 codedap6 kuk1」而唔係「寫文章se2 man6 zoeng1」或者「作文zok3 man6*2」都可以見到佢哋本質上嘅分別。

出面網頁

• 人造語言資源分享