可擴縮度

一簇伺服器

可擴縮度（英文：scalability ）係一個系統可以有嘅特性，如果話某個系統高度可擴縮，即係話呢個系統齋靠俾多啲資源落去，就能夠應付到更多嘅工作。

基本概論

舉個具體例子，想像依家有某間企業（系統）要用貨車將啲貨送到客人嘅手上：

• 喺理想化嘅世界中，個系統完美可擴縮，就算啲客對貨嘅需求量突然升咗 n 倍，間企業都可以單靠增加貨車數量（俾多啲資源落去）就應付到晒客嘅需求；
• 喺現實（唔理想化）嘅世界，間企業要面對諸多限制，因此可擴縮度都會有上限，例如佢淨係得 m 咁多間貨倉可以用，而因為第啲企業都喺度爭貨倉用，間企業冇得話增加貨倉就增加到，如果啲客對貨嘅需求量突然升咗 n 倍，間企業就算增加貨車數量，都會因為想入貨倉攞貨嘅工人多得滯，工作效率反而跌咗，或者類似原因，搞到應付工作嘅能力並冇相應噉升。

喺經濟學同管理學等嘅商學領域以至實用嘅商業工作上，可擴縮度都頗受關注。

打戙打橫

要擴縮，可以分打戙同打橫兩種。

睇埋

• 報酬遞減
• 運算複雜度